رواية حبي الاول والاخير (كاملة جميع الفصول) حصريا عبر دليل الروايات بقلم روزالين
رواية حبي الاول والاخير الفصل التاسع عشر 19
بصوا عشان تعرفوا بس أن انتو غاليين عليا مع أن البارت اللي فات مجبش اللي عايزاه بس كله يهون في سبيل اللي عايزه يلا أقرأو البارت يارب يعجبكم 🥺✨
روايه ( حبي الاول والاخير):
البارت التاسع عشر :
وبعدين لقوا هليكوبتر فوق ونور طالع منها ومركب جاي من بعيد وصوت مايك عالي وكان صوت فارس طبعا بيقول : يا صلاه النبي احسن بتقضولي شهر عسل والدنيا هنا عسل واحنا متمرمطين وقلقانين عشان نعرف سيادتكو فين واتاري ياناس
يحيي خبي بسمله بسرعه وقال لها : تتدخل تلبس اي حاجه وتطلع بسرعه
المركب وصل وطلعوا منه البنات وعبدالرحمن طلع علي اليخت وسلم الهليكوبتر نزل ونزلوا منه فارس وسليم واحمد ومراد
مراد : انا قولتلكوا يا شويه بهايم بيقضوا شهر عسل كان لازم يعني
فارس : اه ما هو واضح
يحيي مسك فارس من ياقه القميص : بقا انت يا حته كلب بتبوظلي كل لحظاتي السعيده بوشك ده
ومسك مراد من قفاه وقاله : ماشي يا مراد يعني انا قافل موبايلي وموبايلها عشان اقعد اسبوعين ثلاثه شهر انا وهي تجبني برضوا يارب اموت نفسي
مراد بتفاخر : عشان تعرفوا بس إني ظابط كفاءه وبعدين يا عم منظري قدام المزز
البنات ضحكوا عليه
يحيي : طبعا يخويا
فارس بيكلم مراد وبيقوله : اتلم يا خويا اتلم بدل ما اقول روحنا شوفناك ازاي
مراد ماسكه من الياقه: شوفتني ازاي ياخويا
فارس بيعدل الياقه وبيقول : برستيجي يابني كدا عيب
رحمه بضيق : برضوا هيقول برستيجي ممكن يا استاذ مراد تهزقوا بقلب جامد
مراد وبيعدل نفسه : عيون مراد عنيا
فارس راح ماسكه من الياقه وهو متعصب : مراددد اتعدل وإلا اقسم بالله هنتف ريشك اللي فرحان بيه
مراد باستفزاز اكتر : هو فين الريش ده وقام يجري وفارس بيجري وراه
فارس بزعيق: واللهي مانا سايبك
سليم : ياربي علي شغل العيال ده
رحمه وأسماء بيضحكوا علي منظر فارس وهو بيجري ورا مراد وكانت اسماء صوتها عالي
احمد كان واقف جمب اسماء قرب عليها ونزل لمستواها وقالها بصوت أرعبها: لو سمعتك بتضحكي تاني هخرسسك
اسماء بزعيق : وانت مالك يا عم كنت جوزي وانا معرفش
احمد بعصبيه : اسماااء اتعدلي
اسماء : كدا انا خوفت يعني
احمد بضيق واستفزاز : بقولك ايه مبحبش امد ايدي بس عليكي معنديش مانع
اسماء بعصبية: نعم نعم جرب كدا وانا اقطعهالك
احمد وهو بيمسكها من قفاها : تيجي نشوف هتقطعيها ازاي
اسماء وهي متشعلقه في الهوا : نزل ايدك يالا بدل ما اقطعها
احمد بصدمه : انا الدكتور أحمد يتقالي يالا طب واللهي مانا سايبك
وهو بيجري ورا اسماء وأسماء شغاله جري وبتقوله : واللهي انا اسفه انا غلطانه وجزمه وستين جزمه
احمد وقف في جمب في اليخت: طب تعالي طيب
اسماء وهي واقفه بعيد عنه بمتر : لا انا خايفه يا باشا
احمد وهو بيضحك : لو مجتيش في حساب تاني
اسماء وكانت جايه لقت فارس بيجري خبطها اتقلبت في المايه
احمد وهو بيجري عليها وبيضحك علي منظرها
اسماء بغرق : يالهوي مبعرفششش
احمد بقلق: مبتعرفيش ايه
حبيبه بخوف: مبتعرفش تعوم الحقها
احمد بقلق اكبر وصدمه : هاار اسووود بتهزري
و راح نط في المايه ونزل يجيبها وطلعها كان أغمي عليها ورحمه جابت فوطه من بسمله اللي طلعت علي صوت حبيبه وهي بتقوله مبتعرفش تعوم وغطوها وقعدوا يفوقوا فيها لغايت ما فاقت وكانت بتترعش من البرد وبسمله خدتها الاوضه وادتلها لبس من عندها وقعدوا البنات معاها وبسمله عملت لها حاجه سخنه تشربها وشربتها ونامت
بسمله طلعت برا وقالت بزعيق : ارتحت يا بقف منك ليه
يحيي : واللهي ما عارف ايه اللي جبهم اديهم بوظوا اللي محضرله وغرقوا البت
فارس ومراد وراسهم في الارض بزعل : احنا اسفين مكنش قصدنا
احمد بضيق : انا اللي غلطان وهعتذرلها دلوقتي وكان داخل
بسمله بحده : نايمه بكرا اعتذرلها
احمد بحزن : تمام
عبدالرحمن بجديه: بص بقا احنا جاينلك عشان وحكاله موضوع صفا كله
يحيي : طب كويس انا مكنتش مرتاح للبت ديه اصلا
بسمله بحزن : كويس بس صعبت عليا
سليم : ميصعبش عليكي كافر
فارس : متخافيش عملنا لباباها حراسه عشان ميقربلوش حد من رجاله الديب
بسمله : تمام يحيي عايزاك في حاجه
يحيي قام راحلها: قولي في ايه
بسمله بهمس : بص يا حبيبي احنا هنقعد هنا لبكرا الصبح كلنا ونمشي برضوا كلنا
يحيي بصدمه : نععععم لا دول هيمشو دلوقتي
بسمله : لا يا يحيي مينفعش الوقت اتأخر واحنا بليل وكمان في نص البحر مش هينفع
يحيي : طيب وهنمشي بكرا إنشاءالله معاهم ليه
بسمله : عشان يا يحيي انا بقالي اسبوع مبروحش الجامعه ولازم اجتهد شويه عشان الامتحانات وبعدها اعمل اللي انت عايزه
يحيي بخبث : اللي انا عايزه
بسمله بخجل وتوتر: اه وبعدين مالك بتبص كدا ليه يا منحرف
يحيي ولسه هيتكلم
فارس بغمزه : كان بيقولك ايه انا عارفه هو والانحراف واحد
يحيي بيزقه : امشي يالا انت بتبوظلي كل اللحظات ليه انت لو ضريتي مش هيحصل كدا
بسمله بضحك: اسيبكوا بقا يا حبايبي وادخل نام وانت يحيي خدهم وناموا في الاوضه التانيه
يحيي شدها من أيدها وقال : نععم ياختي انام فين
بسمله : ما هما اوضتين في اليخت ده واكيد مش هنام انا وانت في اوضه وأحط البنات مع الولاد في اوضه امشي بقا وظبطوا نومتكوا
يحيي بيتك علي سنانه : ماشييي ماشييي حسابنا مش هنا
فارس باستفزاز : تعالي بقا يا حبي قولي هنام ازاي
يحيي بيزقه : يخربيتك عامل زي اللازقه
فارس بضحك : يلا يلا
بسمله دخلت وكلمت أمهاتهم وقالتلهم أنهم هيباتو عندها وبعد محاولات وافقوا وبعدين نامت مع البنات علي السرير
عند يحيي بقا :
كانو مقسمين نفسهم جزئيين جزء نايم علي السرير وكانو يحيي ومراد وفارس وجزء تاني فاردين مرتبه علي الارض ونايمين وكانوا احمد وسليم وعبدالرحمن
يحيي بليل الساعه 12 صحي لقي فارس نايم عليه ومراد رجله علي رأس يحيي
يحيي راح رميهم هما الاتنين وقال بضيق : استغفرالله العظيم لما أروح بس
بعدين الساعه كانت 3 الفجر كدا قام سليم علشان يشرب مايه وهو بيشرب بص كدا لقي فجأه
استتوووب البارت الجاي نكمل ✨
للكاتبه / روزالين
•تابع الفصل التالي "رواية حبي الاول والاخير" اضغط على اسم الرواية