رواية روح يوسف الفصل الثالث بقلم الاء محمد
رواية روح يوسف الفصل الثالث
لبست وسرحت شعري اللي علطول لماه كحكه وقلعت النضاره اللي مداريه جمال عيني الخضره ونزلت اول ما شافني تنح ومشالش عينه من عليا لحد اما دخلت المطبخ لقيته دخل ورايا كنت لابسه هوت شورت وتيشرت قصير وطبعا ده عكس لبسي اللي دايما بيشوفوا
_انتي مين
=الملامين
_يخربيت ابو الدبش اللي طالع من بوقك ده فصلتيني
بصيت عليه ومردتش
_هو الشرط بتاع الاخوات ده مهم
كنت ماسكه السكينه ف ايدي قربتها منه ف حركه مفاجاه بالنسبه ليه
=ولا لو قربت مني هغزك فاهم ولا لا
ببعض من الخوف_استهدي بالله كده يا روح مش كده ياما ف واحده تقول لجوزها هغزك بردوا
=انا وغور من قدامي علشان احضر الطفح اللي هنطفحه
بهمس_لو كنت أعرف أن الجواز بيقل من الواحد كده مكنتش اتجوزت منك لله يا شيخه
=بتقول حاجه
_بقولك مستنيكي بره ياروحي
ضحكت علي كلامه اصلي سمعته
وقولت جوه نفسي*لذيذ يوسف بردوا
لذيذ ايه يخربيتك انتي عايزه تنتقمي منه تنتقمي منه علي الايام اللي نمتي وانتي دمعتك علي خدك وانتي مش قادره تبصي لنفسك ف المرايا ده ازاكي ازاي هتقدري تنسي كل ده اوعي تحبيه يا روح اوعي *رجعت لنفسي تاني وكشرت كالعاده وحضرت الاكل وحطيته علي السفرا وندهت عليه =الاكل اتحط
_جي اهو
جه واتعشينا واحنا بناكل راح قايلي_تسلم ايدك الاكل حلو اوي مكنتش اتصور انك بتعرفي تعملي اكل
=ليه يعني مش المفروض اني بنت والبنات دايما بيعرفوا يعملوا اكل
بضحك_انا لسه مكتشف من ساعه انك بنت اصلا
اتدايقت جدا مصمم يقلل مني حتي قدام نفسي
قومت من الاكل من غير مرد عليه =بعد ازنك
مسك ايدي وقال_انتي اتدايقتي
بعدت أيده من عليا =واتدايق ليه يعني
_لا والله شكلك اتقمصتي خلاص هسميكي روح القناصه
ضحكت غصب عني _ضحكت يعني قلبها مال
كشرت تاني اول أما قال كده
شاورت علي قلبي =بيميل بس للي بيحبه
_وانتي مبتحبنيش
=مبكرهش قدك
_للدرجادي
=واكتر بعد ازنك يا ابن عمي
سبته وطلعت اتوضيت ولبست الاسدال وصليت وفضلت اعيط انا مش كده قلبي مش بيكره حد مش عايزه ادخل ف دائره الانتقام دي واخسر نفسي مش عايزه اكره روح اكتر ما بكرهها انا مش كده يااااااارب انت اللي عالم بللي ف قلبي يااااارب ريح بالي وقلبي يااااارب مشيني ف الطريق الصح واجبر بخاطري يا جابر بخاطر جميع البشر نمت علي سجاده الصلاه صحيت علي خبط علي الباب
قولت بنوم=نعاااااااام
_اهلنا تحت ياجعفر
قولت بابتسامة=هلبس وجايه
_ليه متخليكي زي ما انتي الطقم بتاع امبارح هياكل منك حته
=غور يا قليل الادب انت
_انا تحت يما
لبست درس لونه اسود لحد بعد الركبه كده بشويه وسيبت شعري وحطيت ميكب رقيق كده
ونزلت اول أما شوفوني لقيتهم كلهم متنحين عزراهم اول مره يشوفوني كده
نزلت سلمت عليهم وقعدت جنب مالك وحضنته جامد
=وحشتني
-ده انتي سيبانا من كام ساعه بس
قلبي وجعني سيكا مش كتير بحبهم اكتر ما بيحبوني بكتييير
=انت قلبي يا مالك انا سايبه قلبي بقالوا كام ساعه لوحده
-يانهارد ابيض كلام حلو وفستان وميكب وشعر حته وحده قلبي هيقف يا خلق
بص ليوسف وقاله-انت عملت ف البت ايه
بصلي بهيام وترني الصراحه_والله معملت حاجه تخيل لو عملت بقي
كلهم بصولوا واللي هو انت بتقول ايه يا عم انت احنا قاعدين
بصتله وقولتله بصوت واطي تعالي ورايا=هروح اجيب حاجه نشربها بقي
-متتعبيش نفسك يا بنتي
=ولا تعب ولا حاجه بعد اذنكم
دخلت المطبخ ثواني ولقيته جه
_نعم يا قمر انت
=انت لو ملمتش نفسك هتشوف ايام زي الفستان اللي لبساه ده فاهم ولا لا
بتصنع البراءه_هو انا عملت ايه
=لا والله يابريئ لو مبطلتش كلامك اللي زي القرف ده هوريك يا يوسف انت متعرفنيش
قرب مني _ولا انتي تعرفيني كويس يابنت عمي
بعدته عني بقوه =اطلع بره جتك القرف
عملت العصير وانا مش طايقه نفسي وبشتم نفسي بلغات الدنيا اني وافقت اتجوز خنزير زي ده
طلعت حطيت العصير قعدوا شويه وبعد كده مشيوا لميت الحاجه وطلعت الاوضه لقيته بيخبط=نعم
_انا مفطرتش
=روح حضر لنفسك كل واحد يعمل لنفسه حاجته بعد كده
بصوت حزين سيكا كده_بس انا مبعرفش اعمل اكل
بجمود=مليش دعوه
غيرت هدومي ولبست لبسي المعتاد ومسحت الميكب ولميت شعري ولبست النضاره ونزلت
لقيته عمال يخبط ف الحلل ومش عارف يعمل حاجه
دخلت من غير كلام طلعت الاكل وبدأت اعمله لقيته بصلي وقال بصوت واطي_رجعنا لجعفر صحبي تاني
ابتسمت بهدوء وجهزت الفطار لقيته بيقولي_انتي طبعا عملالي معاكي صح
=مين قالك ده فطاري انا بس
_هتاكلي كل ده
=خمسه ف عينك ده قليل كمان
وطلعت وانا مبسوطه اني غظته وحرقت دمه زي ما بيعمل دايما
حطيت الاكل علي السفرا لقيته جه قعد جمبي _انتي مفكره انك غظتيني يعني ابدا علي فكره برنت تليفون اجيب احلي بيتزا وبرجر وبيبسي وكل اللي بتحبيه وهيبقي انا اللي غظتك مش انتي
بصتله وقولت ببرود=اعمل اللي يريحك
وبالفعل رن علي بتاع الدليفري وطلب اكل
مكملش خمس دقائق ولقينه الجرس بيرن
_لحق جه بصلي وقال شايفه سريع كمان شايفه ربنا
بصتله ومردتش بيفتح الباب لقيت بنت جميله الصراحه لابسه لبس استغفر الله العظيم وبتقوله -سوفااا حبيبي وحشتني وحضنته
قومت وقفت وقربت منهم ف نفس الوقت اللي هي بصتلي وقولنا ف نفس الوقت-مين دي
=مين دي
يتبع الفصل التالي اضغط هنا