رواية روح يوسف الفصل الرابع 4 بقلم الاء محمد

الصفحة الرئيسية

   رواية روح يوسف الفصل الرابع بقلم الاء محمد

 رواية روح يوسف الفصل الرابع 

وقولنا ف نفس الوقت-مين دي
=مين دي
-انا خطيبته والسكرتيره بتاعته انتي اللي مين 
=انا مراته يا حبيبتي 
صدمه احتلت قلبي كنت هموت واصوت مين دي اللي خطيبته الرقاصه دي 
بصينا احنا الاتنين ليه مستنينه يرد علينا 
_بعد اذنكم انا هدخل اجيب حاجه من جوه وجي 
مسكت أيده وهو ماشي =خليك يا حبيبي انا اللي داخله 
سبتهم مع بعض وهي دخلت قعدت 
دخلت علي المطبخ جبت سكينه كبيره وحاميه ودخلت عليهم قربت منها ورفعت عليها السكينه ف حركه مفاجاه وبصوت عالي ونبره مخيفه=اسمعي ياروح امك لو شوفتك ف مكان هو فيه علي بعد ١٠متر بس هغزك فاهمه ولا لا انا مجنونه واعملها
قعدت تصوت وتعيط وهو يحاول يشدني من عليها وفعلا قدر جريت خرجت اول ما بعدت عنها وهو فك أيده من عليا روحت مسكاه ومقربه السكينه من رقبته =عايز تتجوز عليا انا يا يوسف ده انت هتشوف مني ايام سوده
ببعض من الخوف_والله ابدا ده قبل ما اتجوزك ياروح اهدي بالله عليكي يا مجنونه
=طول ما انت متجوزني تحترمني يا يوسف والا قسما بالله اولع فيكم انت واللي هتتجوزها فاهم ولا لا 
_فاهم يا حبيبتي والله اهدي بس كده هو انا أقدر اتجوز واحده غيرك اصلا دا انتي قلبي ياروح اهدي يما كده 
هديت الصراحه هما اللي مصممين يطلعوا الراجل اللي جوايا ما انا كنت ساكته وف حالي هما اللي بيجروا شكلي 
عدت الايام بنا انا ويوسف الصراحه بيعملي الف حساب وبيحاول يجر ناعم معايا بس انا ولا بتاثر بكلامه بضحك عليكوا انا بعمل اني متاثرتش
شويه البس لبس بناتي علشان اشوف نظره الانبهار اللي بتبقي ف عينه وشويه البس لبسي العادي علشان يعرف اني بعرف اعمل الاتنين كويس وان انا لو عايزه ابقي راجل ببقي راجل بجد ووقت ما ببقي عايزه ابقي بنت ببقي ست البنات والف واحد يتمناني
***********
كنت ف المطبخ بعمل الاكل لقيته بينادي عليا
_روح ياروووووح
=نعم 
_فين القميص الابيض بتاعي 
=ف الغساله 
_مش انا قولتلك امبارح اني هلبسه علشان تجهزيه
=صوتك ميعلاش يا يوسف انا من امبارح بظبط البيت وبعمل الاكل وبغسل وبزاكر انا طهقت خلاص انا تعبت انا عايزه اتطلق خلاااااص
طلعت علي اوضتي فضلت اعيط شهرين من الضغط ما انا كنت عايشه ولا علي بالي انا اللي الانتقام دخل جوه قلبي وعماني دلوقتي بتمني اني لا كنت اتجوزت ولا عيشت العيشه اللي عيشاها دي
مر يجي نص ساعه كده لقيت الباب بيخبط
_ممكن ادخل 
=اتفضل 
جه قعد جنبي علي السرير 
_حقك عليا مكنش قصدي اضغط عليكي حقك عليا
=مفيش مشكله موضوع وعدي 
_لا والله خلاص انا عارف ان اسمك روح القماصه اصلا 
=ضحكت 
بيعرف يدخل من ثغراتي الولا يوسف ده 
_اه صحيح اعلان الوراثه خلص خلاص والفلوس هتبقي معانا بكره أن شاء الله
وبمناسبه انك مخنوقه وتعبانه هنروح اسبوع عشر ايام دهب نغير جو ايه رأيك 
قعدت اتنطط من الفرحه اخيرا هخرج واتفسح قام وقف واخدني ف حضنه _انا اعمل اي حاجه علشان تبقي مبسوطه يا روح اي حاجه
قلبه دقاته عليت انا بايني هحبك ولا ايه انا مش عايزه احبك 
قولت ببرود بس انا من جوايا كميه احاسيس رهيبه=هنتطلق امته يايوسف
بعدني عنه _انتي لسه عايزه نطلق 
=وايه اللي اتغير يعني 
بصلي وبان أنه اتدايق
_كلها شهر ياروح وكل واحد يروح ف حاله 
=تمام 
_جهزي شنتطك علشان هنسافر بكره بليل 
=احجز لماما ولمالك ولطنط معانا 
والفلوس بتاعتهم انا هديهالك
بصلي ومردش وسبني وخرج 
اتدايقت من نفسي اوي انا حاسه ان مشاعره ابتدت تتغير من ناحيتي هو ده فعلا اللي كنت عايزاه بس دلوقتي ف حاجه جوايا متدايقه من الموضوع ده 
مر اليومين مفيش اي حاجه حصلت فيهم 
جهزت الشنطه وركبنا روحنا جبنا ماما ومالك وطنط وروحنا المطار قعدنا انا ومالك جنب بعض وماما وطنط جنب بعض وهو لوحده قعدت ابص عليه لحسن بنت تقعد جنبه ولا حاجه بس الحمدلله ولد اللي قعد جنبه 
انا مش غيرانه لا لسمح الله انا بس بخاف علي منظري مش اكتر 
_حبتيه 
بصيت لمالك ومن جوايا عايزه أقوله اه=لا انا بس اتعودت علي وجوده 
_ف عينك نفس اللمعه اللي كنت بشوفها زمان ايام ما كنتي بتحبيه
=كنت صغيره دلوقتي انا بقيت عاقله وعارفه أن اللي زي يوسف ده عمره ما هيتغير لو خلفت أو شكلي اتغير هيبعد عني ويشوف واحده تانيه حلوه اللي زي ده عمره ما بيحب 
_اهم حاجه انك تبقي قويه وعادي يعني لو بعدتي عنه ف مليون واحد يتمناكي ف مليون واحد يتمني قلب زي قلبك يا روح انتي مفيش منك صدقيني 
بعياط=مكنتش هيهمني المليون دول لو هو كان بيحبني يامالك فضلت اعيط جامد اخدني ف حضنه وفضل يطبطب عليا لحد اما هديت =بحبك اوي يا مالك بحبك يا توأم الروح ياحبيب الروح 
_بحبك اكتر يا حبيبت مالك وروحه وعقله 
اخيرا وصلنا الفندق وطبعا لان انا وي يوسف متجوزين ادونا اوضه واحده قعدت أقوله خليهم بسريرين قعد يقولي لا منظري قدام الناس وبتاع حاجه اخر قرف يعني
طنط وماما اوضه دبل ومالك اوضه سنجل 
طلعنا الاوض علشان نستريح شويه والصبح ننزل نتمشي ونقضي اليوم علي البحر 
دخلنا الأوضاع حطينا الشنط غيرنا هدومنا وجه وقت النوم 
=هنام ازاي بقي أن شاء الله
_عادي هنام احنا الاتنين علي السرير
=لا والله لا ياحبيبي حد فينا ينام علي الكنبه
_انا مش هنام ف حته غير علي السرير 
=تمام خلاص انا هنام 
_ورحمه ستي محد هينام علي الكنبه خلصانه
=اي خلصانه دي سرسجي اوي يعني 
_هغزك بتتكلم نامي يا وليه يلا 
=خلاص يا سيدي شكرا كفايه 
نمنا صحيت الصبح وانا مش قادره اتنفس حاسه ف حاجه طابقه علي نفسي بفتح عيني لقيت الهضبه نايم عليا 
ايه القرف ده حد يحرج حد كده تراني ولا اتكسفت 
قعدت احاول أبعده عني مش قادره عينه جت علي وشه 
ايه الحلاوه دي كلها يا عم ما انت حلو اهو امال لما بتصحي بتبقي تقرف ليه 
_شكرا 
يالهووووي على الكسفه اللي انت فيها ياحازم
=انا مقولتش حاجه علي فكره 
_بطلي تفكري بصوت عالي بعد كده
=اوعي طيب نفسي وجعني 
_لا خليني شويه 
=قوم يلا بدل مديك بالفاظه اللي جنبي دي ف دماغك 
_متوحشه اوي 
بعد عني قومت استحميت وغيرت ودخل هو كمان بعدي غير واستخدمي ونزلنا كلنا علشان نفطر فطرنا وروحنا البحر قد ايه كان واحشني 
قعدت العب انا ومالك وكل شويه يوسف يحاول يجر ناعم بس انا مبديش ليه ريق خالص 
طلعنا من البحر بعد وقت كتير روحنا الفندق طلعنا استحمينا وغيرنا ونزلنا علشان نتغدي وبالفعل ده حصل وبعدين فضلنا نتمشي ونعمل شوبنج وهو الصراحه فضل يجبلي حاجات كتير ويتصور معايا ف حاجه جوه قلبي بدأت تميل ليوسف حساه فعلا بدأ يتغير حاسه اني رجعت احبه تاني رجعنا للفندق طلعنا الاوض علشان ننام دخلت الحمام سمعت صوته بيكلم بنت بيقولها جايلك يا روحي حاضر 
خرجت من الحمام وانا ولا كان فيه حاجه حصلت 
_ف مشوار شغل هعمله واجي
=مشوار الساعه ١١ونص
_اه ياروح 
=تمام 
خرج مش عارفه ايه القوه اللي نزلت عليا فجاه دي نزلت وراه وفضلت ماشيه وراه لحد اما دخل فندق دخلت وراه وفضلت استخبي علشان ميشوفنيش لحد اما دخل اوضه استني شويه علشان امسكهم متلبسين واتشجعت وخبط علي الباب 
لقيت بنت لبسه لبس فاضح اكتر ما ساتر بتقول -ثانيه يا حبيبي اشوف مين 
اول أما فتحت لقيته وراها و ......

يتبع الفصل التالي اضغط هنا
رواية روح يوسف الفصل الرابع 4 بقلم الاء محمد
ranosha

تعليقات

ليست هناك تعليقات
إرسال تعليق
    google-playkhamsatmostaqltradent