رواية عذاب الحب الفصل الحادي عشر بقلم ندى محمود
رواية عذاب الحب الفصل الحادي عشر
و بعد لما خلصت كلامها نطت من التل ( كان تل عالي جدا )
والتل كان تحته بحر ف نزلت فالبحر
نديم مفكرش للحظه واحده ونط وراها
نظرا ان ندي مش بتعرف تعوم ف نزلت تحت خالص فالبحر و كان صعب اصلا انقاذها بس نديم عشان نط وراها علطول قدر يلحقها قبل لما تغرق
بس لما طلع بيها من الميه كانت فاقده للوعي
شالها وهو قلقان جداا و حطها عالارض و اتصل بالاسعاف
اتحقق من النبض والتنفس بس مكنش فيه اي نبض .. كأن قلبها اتوقف عن النبض
حاول يعملها انعاش قلبي رئوي و هو ميت من الخوف
دي كانت فرصته الوحيده عشان تعيش .. ١٠ دقايق متواصلين من الانعاش القلبي الرئوي ومفيش اي فايده لدرجه انه بدأ يحس باليأس بس مع ذلك كمل
بعياط = ارجوكي عيشي يا ندي ارجوكي
بعد دقيقتين القلب رجع يشتغل تاني و نديم فرح جداا و بدأ يحاول يخرج الميه عن طريق التنفس الصناعي لان التنفس الصناعي بيخلي المعده تتضخم ف دا هيساعدها انها ترجع كل الي شربته
وفعلا دا الي حصل وخرجت الميه الي شربتها و بدأت تفوق شويه
بصوت ضعيف وعياط -ليه انقذتني …انا كنت عايزه اموت ليه عملت كدا ليه
=اهدي بس و متبذليش اي مجهود .. الاسعاف علي وصول
بصوت ضعيف وعياط - انا مش عايزه اسعاف يا نديم .. انت ليه عايزني اعيش بالعافيه
نديم طبعا كان بذل مجهود كبير بدايه من انه نط وراها و شالها وخرجها من البحر و الاسعافات الاوليه الي عملهالها لما خرجها من الميه ف كان بيتنفس بسرعه وكان تعبان جداا
= متقوليش اي حاجه دلوقتي .. هنتناقش ف الي عملتيه لما تيجي الاسعاف ونطمن عليكي
وقتها الاسعاف جت و اخدت ندي و نديم ركب معاها فالاسعاف
فالاسعاف كانو بيشوفو النبض و بيحاولو يرفعو درجه حرارتها لان البحر كان ساقع جدا ف هي حاسه بالبرد و كأنها بتتجمد
ونديم كمان كان زيها بس مكانش همه نفسه و حتي البرد مكنش ليه اي اهميه بالنسباله .. كان عايز يطمن علي ندي وبس واهمل نفسه
بصوت ضعيف وعياط -نديم قولهم يسيبوني اموت
نديم كان بيملس علي شعرها
=ششش قولتلك اهدي .. مش هينفع تموتي الا لما تحققي حلمك .. كمان انا مش هقدر اعيش لليوم الي هتموتي فيه وهفضل ادعي ربنا دايما اني اموت قبلك
ندي حست ب اطمئنان شويه من كلامه
وفخلال دقايق كانو وصلو المستشفي
والدكاتره لما اتفحصو نبض الجنين مكنش فيه اي نبض وهي طبعا تعبت جدا لان الطفل مات ف بطنها من حوالي نص ساعه
اخدوها بسرعه للعمليات عشان يلحقوها
ونديم كان مستنيها قدام اوضه العمليات و هو بيجاهد نفسه عشان يفضل ف وعيه ويطمن عليها
وحتي انه نسي يتصل ب ميساء و صفيه
*بعد ساعه*
€ للاسف فقدنا الجنين
=طيب وندي كويسه !!
€ اه الحمدلله .. لولا الاسعافات الاوليه الي اتعملت ليها كان زمانا خسرنا المريضه
بتعب =الحمدلله انا اتعلمتها لربما احتاجها .. اقدر اشوفها امتي يا دكتور !
€ حاليا هننقلها للاوضه العاديه و بعدها تقدر تشوفها بس هي مش ف وعيها حاليا .. لسا هتفوق لما يزول تأثير البنج
بتعب =تمام يا دكتور شكرا
€ باين عليك تعبان .. انا هبعتلك دلوقتي زميلي يهتم بيك
بتعب = لا لا انا مش تعبان ولا حاجه
ب استغراب € براحتك
ونقلوها للاوضه العاديه وكانت لسا مفاقتش من البنج
جاب كرسي و حطه جمب سريرها و قعد عليه
بتعب = تعرفي اني لو مكنتش عرفت انقذك انا كان ممكن انتحر وراكي .. غلطتي لما افتكرتي انك لما تنتحري هتفقدي حياتك بس .. لا كنت انا كمان هفقد حياتي وراكي
و بعدها اتصل ب ميساء وصفيه وقالهم علي عنوان المستشفي
بعد ساعه بدأت ندي تفوق و ميساء وصفيه وصلو المستشفي بس ميساء كانت مكسوفه تدخل لندي خصوصا ان صفيه كمان حكتلها الحقيقه بعد لما نديم نزل يدور علي ندي و فهمتها ان نديم مش ابو الطفل
> نديم متأكد انك كويس ؟! باين من شكلك انك تعبان اوي تعالا بس معايا خلي الدكاتره يفحصوك ويتأكدو انك كويس
بتعب = يماما انا كويس متقلقيش
> لو مقلقتش عليك يا نديم هقلق علي مين ..
بتعب = روحي مع ميساء واول لما ندي تفتح عينها هقولكم
و رجع قعد جمب ندي و مستني انها تفوق
وبعدها بنص ساعه بدأت تفتح عينها .. نديم فرح جداا اول لما ندي فتحت عينها
=فاقت يجماعه !!
بمجرد لما قال الجمله دي حس بوجع فصدره ومكنش عارف يتنفس كويس و كان دايخ وبعدها وقع عالارض و اخر حاجه شافها هي صفيه وهي بتجري عليه
صفيه كانت منهاره علي ابنها الي وقع قدامها
بعياط >طمني يا دكتور ابني ماله
€ درجه حرارته جسمه فضلت منخفضه لوقت طويل و دا اثر علي قلبه و اتعرض لازمه قلبيه بس الحمدلله لحقناها فالاول و عملنا اللازم و حاليا بقا احسن .. المهم بس يهتم بصحته اكتر من كدا لان مكنش المفروض يطنش تعبه
بعياط > شكرا يا دكتور … امتي اقدر اشوفه
€ احنا هننقله حاليا فالاوضه الي جمب اوضه ندي و ممكن ساعتين ويفوق
اما ندي ف من سعت م فاقت وهي مش بتتكلم
باصه بس حواليها بخوف ومش بتتكلم وميساء كانت فكراها مش بتتكلم عشان لسا زعلانه منها
بعياط *يبنتي قولي اي حاجه طيب .. عاتبيني او زعقي بس المهم اتكلمي ومتفضليش ساكته كدا !!
ندهت عالدكتور لانها شكت ان ممكن تكون مثلا مش قادره تتكلم مش حكايه انها مش عايزه تتكلم
€ لا متقلقيش هي كويسه .. هي الي مش عايزه تتكلم ب ارادتها و هي تقريبا حاليا فحاله صدمه .. انا مش هقدر افيدكم اوي فالموضوع دا لان انا مش دكتور نفسي بس الاعراض دي اعراض صدمه
فضلت عالحال دا لغايه لما نديم فاق
لما فاق قام وهو مخضوض
=ندي فين !!
> اهدي يا نديم انت لازم ترتاح شويه
= ندي فين يا ماما !!
> ميساء معاها متقلقش
حاول يقوم من عالسرير بس كان جسمه مكسر
> مينفعش تقوم دلوقتي استريح شويه عالاقل
= لا لازم اطمن عليها بنفسي
و قام من عالسرير رغم ان جسمه متكسر و راح للاوضه الي فيها ندي
اول لما شافها حضنها بس الغريب انها زقته بعيد عنها
بصلها بصدمه وهو مش لاقي اي تفسير لتصرفها
بعياط -ابعد عني !! وابعدو عني كلكم !
بصدمه = ندي مالك !
بعياط و زعيق -بقول ابعدو !!
وجالها انهيار عصبي والممرضه ادتلها مهدئ
نديم وميساء وصفيه استغربو تصرفاتها جدا و راحو يكلمو الدكتور
€انا بعتلكم زميلي الدكتور النفسي عشان يشوف مالها .. هي غالبا حاجه نفسيه
ولما الدكتور النفسي كلمهم حكوله عن فتره اختطافها و انها كانت فاقده الذاكره مؤقتا بعدها حاولت تنتحر
هو استناها طبعا لغايه لما تفوق عشان يتأكد من الي هيقوله
بعد ساعات فاقت وكانت مش بتتكلم و ضامه رجليها عند صدرها
وقف جمب سريرها عشان يسألها كام سؤال
بزعيق وعياط -انت مقرب اوي كدا ليه !! قلتلكم ابعدو عني بقا سيبوني فحالي حرام عليكم
£ اهدي انا الدكتور ومش جاي هنا عشان أاذيكي
صفيه وميساء ونديم كانو واقفين بعيد عنها لان دي كانت تعليمات الدكتور
£ قوليلي بقا ايه الي حصل لما اتخطفتي ومين الي خطفك
بمجرد لما الدكتور سأل السؤال دا نديم وصفيه وميساء استوعبو انها رجعتلها ذاكرتها و انها افتكرت كل الي حصل فالشهر الي اتخطفت فيه
بعياط شديد -لما نزلت عشان اودع نديم و صفيه قبل لما يسافرو مقدرتش الحقهم و اودعهم و لما رفعت راسي عن الارض شفت رامي و لما سألته عايز ايه يا رامي لاني كنت فركشت معاه قبلها و اديته الشبكه والدبله ف استغربت من انه جه تاني ..
و زادت فالعياط -حط قماشه علي بوقي و اخدني لمكان غريب
زادت اكتر فالعياط -وهناك لما فوقت لقيت نفسي مربوطه فالسرير و ..
مقدرتش تكمل و زادت فالعياط
نديم جري عليها وحضنها
= خلاص لو سمحت يا دكتور كفايه لغايه هنا النهارده .. حضرتك اكيد شايف حالتها
=ندي اهدي انا معاكي اهو ومش هسيبك لحظه واحده تاني .. انتي ف امان دلوقتي و رامي الكلب دا انا هعرف اجيبلك حقك منه .. اقسم بالله م هسيبه
بعياط - نديم انا خايفه يا نديم ..
و زقته بعيد عنها
بعياط - مش عايزه حد يقرب مني احسن تبقو قذرين زيي .. انا خلاص يا نديم انتهيت .. انت كان عندك حق لما مكنتش قادر تتقبل ان حد لمسني .. انا كمان مش قادره اتقبل دا وهاين عليا احرق جسمي بالنار
= انا متقبلك زي م انتي و دا مش ذنبك .. وانتي مش قذره . القذر هو رامي اما انتي لسا زي م كنتي قبل متتخطفي
بعياط - يا نديم انا عايزه انام ينفع تسيبوني وحدي . انا تعبانه وعايزه ارتاح
= انا حافظك وعارف انك مش بتقولي الجمله دي غير لما تكوني زعلانه .
الدكتور اول لنا عرف انها فاقت دخل اوضتها تاني
£انا عايز اعرف باقي الي حصلك .. كملي كلامك
بزعيق =مش شايف حالتها وكمان بتطلب منها تكمل كلام !!
£ لازم تحكي الي حصلها لان لو فضلت مراكماه جواها هتتعب اكتر
بزعيق=عالاقل استني يومين لغايه لما تهدي
-خلاص يا نديم انا هكمل كلام
يتبع الفصل التالي اضغط هنا
- الفهرس يحتوي على جميع فصول الرواية كاملة :"رواية عذاب الحب" اضغط على اسم الرواية