رواية عذاب الحب الفصل الثاني عشر بقلم ندى محمود
رواية عذاب الحب الفصل الثاني عشر
خلاص يا نديم انا هكمل كلام ..
= لو شايفه الموضوع صعب انا ممكن اقوله يوقف
-لا انا هكمل .. بعد لما خطفني صحيت لقيت نفسي متكتفه فالسرير و هو كان واقف بيضحك عليا زي المجنون و يقولي ان كان قدامي فرصه ان كل الي هيحصل يبقا فالحلال بس انا الي سبتله شبكته ومرضيتش اكمل معاه فالخطوبه و ان هو كل لما بيعوز حاجه بيعملها سواء برضا الي قدامه او لا
بعدها بدأت تعيط
-عشت تلاتين يوم مربوطه زي الحيوان و هو كل يوم بيجي يغتصبني ولما بيزهق بيسيبني و يجي اليوم الي بعده .. حتي الاكل كان يرميلي بقايا اكل وخلاص وكان يسيب ايدي بس الي مش متكتفه عشان اعرف اكل .. تلاتين يوم وانا كل يوم بتمني انه يقتلني عشان اخلص وعشان العذاب دا ينتهي .. تلاتين يوم كاملين وقلبه مأشفقش عليا ولو للحظه وانا بترجاه انه يسبني فحالي
زادت فالعياط
-وعارف لما زهق وقال خلاص هيسيبني .. خلاني فالاوضه مربوطه زي م انا بس طفي الانوار كلها و خلاني فالضلمه يومين كاملين لغايه لما مبقتش فاكره حاجه من الشهر الي خطفني فيه ..
نديم حضنها وهي بتعيط جامد
بعياط -نديم انا مش هنفع ابقي معاك انت كنت صح من الاول يا نديم .. انت لو بقيت معايا ف دا هيكون شفقه مش عشان لسا بتحبني
= انا بحبك ومش هتخلي عنك و لا حتي هبقا معاكي شفقه .. انتي عارفه كويس اني بحبك
ندي زقته بعيد عنها
-نديم روح شوف واحده تاني حتي لو انت عايزني ف انا مش عايزاك .. انا مش عايزه حد خالص يا نديم انا هعيش وحدي يا نديم و انا راضيه بقدري
= وانا لا يمكن عيني تبص لحد غيرك ولا اتخيل نفسي مع حد غيرك
-لو سمحتو سيبوني وحدي انا عايزه افضل فتره وحدي
و ف اخر اليوم خرجت من المستشفي و راحت ليتها مع ميساء
لمده يومين ميساء كل لما تشوف بنتها قدامها بتقعد تعيط وندي تعيط معاها .. اما نديم فكان كل يوم يخبط علي بابهم و يرن عليها كتير بس ندي مطنشاه .. حتي ميساء كانت بتطنش صفيه ومش عايزه تشوف حد
وندي كانت تصحي تاكل وتصلي وتنام تاني .. حاولت تقرب من ربنا لان مش عايزه تخسر اخرتها زي م خسرت دنيتها
وصفيه ونديم كانو قلقانين علي ميساء وندي جدا .. هما عارفين ان الموضوع صعب عليهم بس كانو عايزين يقفو جمبهم . الانسان مش هيقدر يعدي موضوع زي دا وحده و حتي رامي اول لما عرف ان ندي افتكرت كل حاجه هرب خالص و الشرطه كلها بتدور عليه و مش لاقيينه .. نديم حاول يلاقيه بكذا طريقه بس معرفش كأنه فص ملح وداب حتي اهله مكنش ليهم اي اثر
و فاليوم التالت ندي نزلت من بيتها ونديم شافها من البلكونه ونزل بسرعه وراها
=ندي استني
بس هي كملت مشي وموقفتش
هو جري فالشارع عشان يلحقها وشدها من ايدها
-سيب ايدي يا نديم .. عايز ايه
= رايحه فين
-رايحه احجز تذكره
= تذكره ايه !!
-انا هسافر يا نديم انا وماما .. هنروح محافظه محدش يعرفنا فيها ومحدش يبصلنا فيها بشفقه ..
= هتسبيني وحدي !
-انت كل لما بتبص عليا يا نديم بيكون ف بالي انك بتبصلي بشفقه وانك حتي كلامك معايا دلوقتي فيه شفقه .. انا مش عايزه اعيش كدا يا نديم انا هبعد عن هنا و هبدأ حياه فمكان تاني .. حياه تانيه فمكان جديد ومتقلقش مش هعرف حد تاني ولا هتخطب ولا هتجوز فحياتي .. هعيش بس لغايه لما ربنا ياخدني عنده
=انا عمري م بصتلك بشفقه ولا حتي فكرت اني اكون معاكي لمجرد اني بشفق عليكي .. انا عايز اكون معاكي عشان بحبك يا ندي بحبك و عارف ان الي حصلك صعب بس احنا هنعديه مع بعض .. هنعديه وانا واقف جمبك وبساعدك لكن لوحدك مش هتقدري تتغلبي علي الموضوع
-سيب ايدي يا نديم عايزه اروح احجز التذكره بقولك !!
= عارفه اشتقت اوي لهزارنا مع بعض و انك لما تتضايقي مني تضربيني علي دراعي وانا كنت بقولك هتكسريلي دراعي فالاخر .. طيب فاكره لما كنت باخدك الجامعه كل يوم و لما تخلصي اي امتحان كنت باخدك افسحك ؟ فاكره ايام المدرسه لما كنتي بتحلي وحش كنتي بتلجأيلي انا اول واحد ؟ هتسيبي دا كله يا ندي وراكي وتبدأي حياه جديده ازاي .. متعمليش كدا يا ندي انتي عارفه كويس ان محدش فينا هيقدر يعيش بعيد عن التاني .. احنا مينفعش نتفرق ابدا
بعياط -الكلام دا كان زمان يا نديم قبل لما اكون قذره .. عارف انا باخد شاور كام مره فاليوم .. طيب عارف اني بقطع ف دراعي بالبرجل .. انا مش قادره اعيش فنفس المكان يا نديم .. ولا حتي قادره اعيش فالمكان الي انت موجود فيه .. انا اصلا مش هرضي انك تتظلم و تتجوز واحده زيي و لا حتي هقدر اشوفك مع حد تاني غيري ف ليه العذاب دا انا هبعد وخلاص .. انا هبعد عشاني وعشانك يا نديم .. عشان انت تقدر تشوف حياتك وتتجوز واحده غيري
بعياط = انا عارف اني بقيت عيوط اوي الفتره دي بس استحمليني .. انتي لو عايزه مصلحتي بجد مكنتيش هتسبيني وتمشي .. كنتي هتفضلي هنا و كنا هنتخطي الازمه دي مع بعض .. عارفه انا بقالي يومين بحاول اتكلم معاكي وانتي ومامتك مش بتفتحو الباب ولا حتي بتردي علي مكالماتي .. يومين وانا كل تفكيري اني اعمل خطه عشان افرحك واخرجك من الي انتي فيه وفالاخر لما اجي اتكلم معاكي تقوليلي انا هسافر !! طب دا انتي حتي بتثبتي لرامي انه انتصر عليكي و انه
كان لسا هيكمل كلامه بس ندي وقفته
بعياط -حرام عليك بقا ليه بتجيب سيرته ليه .. انا يا نديم كرهت كل الرجاله خلاص مبقتش عايزه اشوف اي راجل قدامي .. حتي انت مبقتش عايزه اشوفك يا نديم و انسي الايام الي فاتت ملها وانسي ذكرياتنا لانها خلاص بقت فالماضي .. انسي كل دا و امسحني خالص من ذاكرتك
بعياط = امسحك ازاي وانا كل حياتي كانت معاكي .. معني اني امسحك يعني بمسح حياتي … طب افضلي هنا و اوعدك مش هزعق فيكي تاني وهفسحك كل يوم و بصي كمان هعزمك كل يوم علي حسابي
بعياط-يا نديم انت بتخلي الموضوع اصعب .. لو عايز مصلحتي بجد سيبني امشي و خد اهي دبلتك .. حتي لو فضلنا مخطوبين ساعتين بس ف انا حبيت الشعور اوي وانا مخطوبه ليك
و ادتله الدبله ف ايده
و بعدها فلتت ايدها من دراعه وجريت فالشارع
هو مرضيش يمشي وراها و فضل باصص عالدبله بتاعتها وهو بيعيط و بعدها روح بيته
اما صفيه فحاولت تقنع ميساء بس ميساء مكانتش راضيه .. ميساء كانت حالتها زي حاله بنتها و كانت محترمه قرار بنتها انهم لازم يبعدو
و اليوم الي بعدو اخدو شنطهم و سافرو من غير م نديم او صفيه يشوفوهم او يودعوهم حتي
نديم اتصدم انهم مشيو لما لاحظ الانوار كلها مطفيه فالشقه طول اليوم و كمان عشان ميساء كلمت صفيه فالتليفون عشان تودعها
عدي شهر علي سفرهم و نديم مبقاش قادر يكمل حياته كأن مفيش حاجه حصلت .. اخد اجازه كبيره من الشغل وبقا بيروح بس مركز الشرطه عشان يسألهم لو فيه جديد او لا وهو بردو كان بيحاول يوصل لرامي بس كل محاولاته بتفشل .. شهر وهو مش عارف حتي راحو لانهي محافظه ولا حتي ساكنين فين ولا ايه احوالهم .. كان بس كل يوم لما يجي من مركز الشرطه يبص علي باب شقتهم ويقعد يعيط بالساعات وهو بيفتكر ذكرياتهم .. ذكريات ٢١ سنه مكنتش هتخلص فشهر ولو حتي سنين .. شكله بقا زي المدمنين من العياط وقله النوم
اما ندي فكانت طول الشهر دا بتحاول انها تعدي من الازمه دي .. بتنزل كل يوم تدور علي شغل عشان متفضلش فالبيت وتقعد تعيط و احيانا كتير الدموع هزمتها و كانت بتعيط وهي ماشيه فالشارع .. كانو بيرفضوها دايما فالشغل عشان هي لسا متخرجتش .. شهر بتدور علي شغل ومفيش اي شغل وفالاخر استقرت انها هتشتغل فمحل ملابس واتقبلت فيه .. كانت احيانا كتير لما تشوف طفل وطفله جايين من المدرسه كانت بتفتكر هي ونديم لما كانو بيخرجو من المدرسه ويروحو البيت و كانت كل لما تسمع صوت مديرها فالشغل بتفتكر نديم .. هي كرهت كل الرجاله الي فالحياه الا نديم لانها مش هتعرف تكرهه حتي لو فضلت الباقي من عمرها تحاول تعمل دا .. زميلاتها فالشغل لما كانو بيقولولها تعالي نخرج او ناكل ترفض وتقولهم عامله دايت بس هي فالحقيقه مش راضيه عشان دا بيفكرها بنديم .. هي ادركت ان كل حاجه حواليا بتفكرها بنديم حتي وهي بتحاول تنساه
و بعد الشهر دا نديم عرف يوصل لمكان ندي وميساء .. صفيه هي الي قالتله عالمكان لان هي كانت طول الشهر دا بتزن علي ميساء تقولها هما فين عشان بس تتطمن ف فالاخر ميساء قالتلها
نديم اخد اول قطر و راح للمحافظه الي هما فيها .. كانو عايشين فمحافظه قنا
راح عند بيتهم وكان الصبح بدري .. كان مستخبي عشان محدش يشوفه و فضل اسبوع هناك يراقب ندي من بعيد وهي رايحه الشغل وهي فالشغل وهي مروحه .. كان مستعد بس يراقبها لاخر حياته بس المهم يشوفها حتي لو متكلموش .. فالاخر قرر انه يروح يكلمها و يترجاها انها ترجع تاني او لو مرضيتش قرر انه هيعيش هو ومامته ف قنا معاهم
دخل المحل الي هي شغاله فيه وكانت ندي بتحط اللبس فالشماعه ومش منتبهه
€ فيه واد حليوه جاي علينا
¥ الله هو فيه رجاله بالحلاوه دي .. بصي يا ندي عليه
اول لما ندي بصت عليه اتصدمت
-نديم !!
=ايوه نديم .. عايز احلي فستان عندكم
€ ايه دا يا ندي انتي تعرفيه ؟
اما ندي فكانت مصدومه ومقدرتش ترد
¥ اتفضل اهو دا فستان حلو .. عايز مقاس ايه منه
= مقاس ندي
البنتين بصو لبعض وهما بيضحكو
يتبع الفصل التالي اضغط هنا
- الفهرس يحتوي على جميع فصول الرواية كاملة :"رواية عذاب الحب" اضغط على اسم الرواية