رواية عذاب الحب الفصل الثالث عشر بقلم ندى محمود
رواية عذاب الحب الفصل الثالث عشر
=عايز احلي فستان عندكم
-نديم !!
€ ايه دا يا ندي انتي تعرفيه ؟
اما ندي فكانت مصدومه ومقدرتش ترد
¥ اتفضل اهو دا فستان حلو .. عايز مقاس ايه منه
= مقاس ندي
البنتين بصو لبعض وهما بيضحكو
-نديم امشي من هنا لو سمحت
= مش ماشي يا ندي الا لما تيجي برا المحل عشان نتكلم
-انا مش عايزه اتكلم و لا عايزه حتي اشوفك .. انا مرتاحه فحياتي من غيرك
= يعني مجتش علي بالك ولو ليوم ؟
-ولا حتي ثانيه واحده
= عارف انك عايزاني اكرهك عشان ابعد عنك بس دا مش هيحصل .. وخدي دبلتك نسيتيها معايا
-منستهاش يا نديم .. انا سبتهالك قصد بطل تستهبل بقا
= بس انا مش موافق نفسخ الخطوبه
-هتخليني مخطوبه ليك غصب يعني ؟!
= انا عارف انك بتحبيني ف عشان كدا اه هنفضل مخطوبين غصب عنك
مديرها فالشغل الي هو صاحب المحل اتدخل فالحوار
+ يا ندي الراجل دا مضايقك ؟ وبعدين حضرتك بتعمل ايه فالمحل و دا محل لبس بنات اصلا
= متتدخلش انت بس بيني وبين خطيبتي
+خطيبته !!
-مش خطيبتك ولا حاجه .. احنا كنا مخطوبين بس كدا
= طيب تعالي برا المحل عايز اتكلم بس معاكي و بعدها اعملي الي عايزاه
-لا يا نديم انا مش عايزه اتكلم معاك
+اهو سمعتها ياريت تتفضل برا
نديم خرج من المحل وهو متعصب
و فضل مراقبها طول اليوم وهي مش حاسه لغايه لما روحت بيتها و هو راح الفندق و صحي الصبح بدري و راح لبيتها و راقبها لغايه لما راحت المحل .. كان بيشوف نظرات صاحب المحل وهو بيكلمها و اد ايه هو بيخترع اي موضوع لمجرد انه يتكلم معاها و دا كان معصبه جدا
ف استراحه الغدا طلعت برا المحل عشان تشم هوا
نديم مسكها من ايدها وهي اتخضت
=دا انا متتخضيش ..
-نديم انا مش قولتلك امشي !
= صاحب المحل معجب بيكي صح
-ايه الي بتقوله دا !
= ينفع تسيبي الشغل دا وانا هشوفلك شغل احسن منه
-متتدخلش فحياتي يا نديم
= طيب خلاص انا هروح اضرب صاحب المحل وهو بعدها هيطردك
مسكته من دراعه
-نديم انت ليه بتتصرف كدا !! ليه مش قادر تتقبل اني خلاص مبقتش عايزه اشوفك و مش عايزاك تتدخل فحياتي تاني
= انا هفضل اراقبك كل يوم وامشي وراكي لغايه لما تزهقي مني وترجعيلي
-وانا مش هرجعلك يا نديم ! وبعدين انت عندك شغل ولازم تهتم بيه
= وايه فايده اني اهتم بالشغل وحياتي وانتي مش موجوده ! انتي مش متخيله عدد المرات الي بتيجي فيها علي بالي كل يوم .. ندي انا بقالي شهر مش عارف انام كويس ولا اكل ولا اهتم ب اي حاجه .. ارجعيلي و هنحل كل حاجه سوا
-نديم انت كدا بتصعب الامور عليا .. انا قولتلك بكره الرجاله كلهم حتي انت و مع ذلك انت لسا بتمشي ورايا و بتحاول اننا نرجع .. سبني اعرف اعيش يا نديم
وقتها مدير المحل خرج من المحل وشاف ندي ونديم بيتكلمو ف اتدخل فالحوار
+ هو انت متعمد تيجي تضايقها كل يوم !! متسبها فحالها سبق وقالتلك انها مش عايزاك
= والنبي بس انت متتدخلش ف الي ملكش فيه وخليك فحالك
+ انت بتتكلم بالاسلوب دا ازاي !! فاكر نفسك مين عشان تكلمني كدا
نديم كان بيتعصب اصلا اول لما يشوفه بسبب انه شايف نظراته لندي ومتأكد انه معجب بيها ف كان هيضربه بوكس ف وشه بس ندي شافت عروق ايده بانت اوي ف عرفت انه متعصب وانه ناوي يضرب الي قدامه
مسكت ايده قبل لما يضرب المدير
-نديم متعملش الي انت بتفكر فيه دلوقتي
+ علي فكره حرام تمسكي ايده كدا وانتو مش متجوزين ..
بعصبيه و زعيق = وانت مالك ها .. كنت ولي امرها مثلا !!!
-نديم اهدي .. لو سمحت يا استاذ نادر ينفع تدخل المحل وانا هخليه يمشي واجي اكمل شغلي ؟
+تمام
نادر دخل المحل وسابهم بس كان تركيزه كله عليهم
= ايوا ايه دا بقا .. عينتيه حارسك الشخصي ولا ايه !
-نديم انت فاهم كل حاجه غلط ..
= اه طبعا انا الي دايما بفهم غلط
-نديم انا لازم اروح اكمل شغلي .. امشي لو سمحت
بس نديم ممشيش وكان بيراقبها من برا المحل
ندي خلصت شغلها و حست بدوخه فجأه وكانت هتقع بس نادر مسكها وبعدها فقدت الوعي
طبعا نديم شاف الموقف دا فدخل بسرعه المحل و اخدها منه
نادر طبعا اتعصب من الي عمله نديم بس كان المهم عنده صحه ندي
اخدها نديم للبيت وكان نادر معاه لان مرضيش يسبها
ميساء فتحت الباب وشافت نديم شايل ندي وجمبهم نادر
*ايه الي حصل ل ندي !!
نديم دخلها جوا و نيمها عالسرير بتاعها وكان نادر وراه
بعدها طلع الصاله
*انت جيت امتي يا نديم !! وانت مين
+انا نادر مديرها فالشغل
= جيت من كام يوم ..
+انا عارف ان الوقت مش مناسب بس انا حابب اتقدم ل ندي .. ابوها فين عشان اكلمه
*ابوها متوفي ..
وميساء وقتها انفجرت فالعياط
*للاسف مش هينفع بنتي تتجوز حد ف ياريت حضرتك تبعد عنها و هي من بكرا هتسيب الشغل
= بالظبط كدا زي م امها قالت
+مش هينفع تتجوز حد ليه !!
= لانها مكتوب كتابها عليا
+ايه!! بس هي لما جت قدمت عالشغل قالتلي انها سنجل
= هي بس عشان زعلانه مني الفتره دي ف قالتلك كدا
بحزن +تمام عن اذنكم
ومشي من الشقه
*قولتله ليه انك كاتب كتابك عليها
= عشان يبعد عنها وبعدين الكلام الي قولته دا هيبقا حقيقه
*نديم انت كل لما بتتكلم فالموضوع دا بتضايقني انا وبتضايق ندي كمان ف انساه ارجوك .. بنتي خلاص اتعقدت من الرجاله ومش هترضي اصلا انك تلمسها لما تتجوزو
=وانا مش عايز منها حاجه غير انها تسمحلي بس اكون جمبها .. لما تصحي هقولها واقنعها وبكرا نكتب الكتاب
نديم نام عالكنبه و الصبح ندي كانت فاقت و لما طلعت الصاله وشافته اتضايقت
-نديم قوم
هزته جامد عشان يقوم
= الله اتخيلي كدا اصحي كل يوم علي وشك الجميل دا
-نديم روح لو سمحت
= ايه رأيك نكتب كتابنا النهارده
-يعني اقولك مش عايزاك و مش طايقاك وتيجي تقولي يلا نكتب كتابنا ؟
= ندي دي اخر فرصه بعدها هسيبك فحالك زي م انتي عايزه .. وافقي و خليني افضل جمبك علطول
-وانا مش عايزه يا نديم .. خلي عندك كرامه وامشي وسيبني فحالي
= دا اخر كلام عندك ؟!
-ايوه اخر كلام
=تمام
مشي من شقتهم و ميساء قالتلها ان نادر كان هيتقدملها امبارح ف مينفعش ترجع الشغل دا تاني
ندي شافت شغل تاني فمحل تاني
و مشافتش نديم من بعد اليوم الي هزقته فيه .. هي كانت زعلانه انه اتخلي عنها بالسرعه دي .. احنا البنات لما بنقول للشخص الي قدامنا ابعد بنكون من جوانا بنقوله اوعي تبعد ..
*بعد سنه*
كانت فالشغل و بتفتكر نديم الي مشافتهوش من سنه .. بتفتكر كلامها الي قالتهوله اخر مره وبتفكر يا تري هل نديم خطب او اتجوز ولا لسا مستنيها .. اسئله كتيير كانت بتفكر فيها كل يوم خمسين مره وابتسامتها اختفت من علي وشها لدرجه ان لو حد قال ان ندي كانت دايما بشوشه محدش من الي حواليها هيصدق الكلام دا
£لو سمحتي عايز احلي فستان عندكم
اول لما سمعت الجمله دي قلبها دق بسرعه وبصت للشخص الي قال الجمله .. بس مكنش نديم
جابتله احلي فستان واخده
وهي فبالها نديم الي قال نفس الكلام دا من سنه
خلصت يومها فالشغل و كانت فطريقها للبيت لما شافت رامي واقف فالشارع قدام بيتها ومستنيها
بعياط و زعيق -انت بتعمل ايه هنا !!
و قعدت تضربه كتيير اقلام و بوكسات
مسك ايدها بلطف
بندم ~ انا بجد اسف علي الي عملته فيكي .. انا بس من سعت م انتي افتكرتي الي عملته فيكي وانا مش عارف اعيش حياتي .. انا بقيت عايش زي الهربان دا غير ان ضميري مش سايبني فحالي
يتبع الفصل التالي اضغط هنا
- الفهرس يحتوي على جميع فصول الرواية كاملة :"رواية عذاب الحب" اضغط على اسم الرواية