رواية عذاب الحب الفصل العاشر بقلم ندى محمود
رواية عذاب الحب الفصل العاشر
*اخرسي مش عايزه اسمع صوتك !! وانت ياللي عاملي فيها الراجل الي بتدافع عنها .. انت لازم تصلح غلطتك وتكتب عليها دلوقتي !!
=مش هينفع اكتب عليها ..
ميساء مسكته من ياقه قميصه
*عايز تعمل المصيبه وتهرب !! بقول هتكتب عليها دلوقتي يعني هتكتب !
= مش هينفع ..
بغض و زعيق *بتقولي تاني مش هينفع !!
و ضربته اقلام كتيير لدرجه انهم علمو ف وشه
صفيه مسكت ايد ميساء
>اهدي يا ميساء الموضوع مش هيتحل لو ضربتي نديم .. هو اكيد عنده سبب عشان ميوافقش يكتب عليها
اما نديم ف مسك ندي من ايدها وخرجو من الشقه
و دا استفز ميساء اكتر بس صفيه كانت بتحاول تهديها
*فالشارع*
-انت عملت ليه كدا يا نديم !! انا مفيش حد لمسني والله
=فاكره لما قولنالك انك كنتي مخطوفه شهر كامل و ان حصلك فقدان ذاكره مؤقت للفتره الي اتخطفتي فيها ؟
-ايوه فاكره
=اكيد وقتها الي خطفك هو ابو الطفل .. حاولي تفتكري
بعياط -انت هتسبني يا نديم صح .. هتسبني وهتفسخ الخطوبه
= انا مستعد اتجوزك عشان استر عليكي بس الفكره ان مينفعش اتجوزك وانتي حامل من غيري عشان كدا رفضت اكتب عليكي .. دا حرام شرعا
بعياط -يعني مبقتش عايزني صح ..
= خلينا بس الاول نخلص من المشكله دي الاول
بعياط -لا يا نديم احنا هناقش الموضوع دا دلوقتي
= انا مش قادر اتقبل فكره ان حد لمسك غيري وكمان حامل .. مش قادر اتقبلها ف حتي لو اتجوزنا انا مش هاجي جمبك
بعياط -بس احنا بنحب بعض يا نديم و دا مش ذنبي
=الموضوع يمكن محتاج وقت بس معرفش هل هقدر اتقبله ولا مش هعرف
بعياط -بس انا مليش ذنب ف كل الي بيحصل دا !
= عارف ان ملكيش ذنب .. المهم فكك من الموضوع دا دلوقتي وحاولي تفتكري الي حصل فالشهر دا
بعياط -مش فاكره حاجه يا نديم و مش عايزه افتكر ولا عايزه اعيش اصلا
= لما تفتكري اي حاجه قوليلي . تعالي نرجع للبيت دلوقتي اكيد ماما هدت مامتك شويه
و طلعو البيت و كانت ميساء نايمه عشان اخدت مهدئ ونامت
> احكولي بقا الحقيقه
=يا ماما اكيد الحمل دا حصل وهي مخطوفه وميساء مكنتش فحاله تخليها تصدق دا ف اضطريت اقولها اني انا ابو الطفل
صفيه اتنهدت بفرح
>الحمدلله كنت عارفه انك معملتش كدا
بعياط - نديم هيسبني يا صفيه .. هيتجوزني بس عشان يستر عليا وبعدها هيطلقني
صفيه مرضيتش تتكلم لان دا قرار نديم واكيد مش سهل عليه يتقبل الموضوع دا
بعياط -طالما انتي ساكته يا صفيه يبقا انتي معاه فالموضوع دا
> لا انا سكت عشان الموضوع دا بينكم انا مليش دعوه بيه
بعياط -تمام انا عايزه انام ينفع تسيبوني انام ؟
>انا هنام معاكم النهارده عشان لو ميساء صحيت اقدر اسيطر عليها
-تمام تصبحو علي خير
*بعد لما ندي راحت اوضتها عشان تنام *
=انا كمان هروح انام يا ماما .. هنام ف شقتنا اكيد
> استني يا نديم
=نعم
>انت هتتجوزها بعد لما الطفل يتولد وتسجله ب اسمك وبعدها تطلقها بجد !!
= ماما انا مش قادر اتقبل الموضوع .. انا اه بحبها و عمري م هحب غيرها بس انا مش قادر اتقبل الموضوع .. دا مش ب ارادتي والله
> طيب وبعد متطلقها هتعمل ايه
= عادي هنرجع نتعامل اصحاب واخوات زي الاول .. انا اصلا مش هاجي جمبها ففتره جوازنا
> ومفكرتش هي هتعمل ايه لما تطلقها بسبب حاجه ملهاش ذنب فيها ؟
= ماما انا هروح انام .. تصبحي علي خير
>وانت من اهله
*اليوم الي بعدو *
ميساء صحيت وهي مخضوضه وكانت فاكره دا حلم و لما طلعت من اوضتها شافت صفيه وهي نايمه عالكنبه ف اتأكدت وقتها انه مش حلم
دخلت اوضه ندي عشان تفش غضبها فيها بس ملقتهاش
دورت فكل الشقه بس ملقتهاش
خرجت من الشقه وصفيه صحيت علي صوت فتح الباب
خبطت علي شقه نديم جامد
*افتح يا نديم افتح !!
>اهدي يا ميساء .. بصي احنا هنقعد كلنا قعده هاديه و هنفكر وهنشوف حل بس اهدي المهم
بس بردو ميساء كانت بتخبط عالباب
*افتح بقولك !!!
نديم فتح الباب و ميساء مسكته من ياقه قميصه
*الزفته الي كانت بنتي راحت فين !!
= مش عارف انا لسا صاحي
زقته بعيد ودخلت الشقه ودورت عليها فكل الاوض بس مكنتش موجوده
*انطق راحت فين !!
=هي مش عندك فالشقه !!
نديم دخل بسرعه شقه ميساء وندي و دور عليها بس مكنتش موجوده
بعدها جه ف باله كلامها لما قالت انها مش عايزه تعيش
نزل الشارع بسرعه وهو قلقان
كان بيدور عليها فالشوارع زي المجنون و بعدها حاول يهدي نفسه ويفكر يا تري هي هتكون راحت فين لو عايزه تنتحر
خطر علي باله تله عاليه و تحتها البحر كانو بيروحو المكان دا لما يكونو متضايقين لما كانو فالمدرسه
ركب عربيته و راح بسرعه للمكان دا و كانت فعلا هناك
واقفه عالتل عالحافه
=ندي استني انتي هتعملي ايه !!
ببرود -مش هعمل حاجه
حاول يقرب عشان يمسك ايدها و ينزلها من عالحافه
بزعيق -اوعي تقرب !!!
= ندي انتي مش هينفع تعملي كدا .. انتي كدا هتخسري اخرتك
ببرود -اكيد ربنا شايف حالي و هيغفرلي
=مفيش حاجه اسمها كدا .. انزلي بس و احنا هنتكلم ونحل الموضوع
ببرود - هتحل ايه .. بقولك ايه سبني فحالي انا حره اعمل الي عايزاه وانا الي هتحاسب مش انت
=ندي بالله عليكي متعمليش كدا .. طب انا هعمل ايه من غيرك !
ببرود -انت كدا كدا كنت هتتجوزني عشان تستر عليا بعدها هتطلقني ف عادي كدا اهو ريحتك ومش مضطر تتجوز حد شفقه
= انا بحبك !!
ببرود -متشفقش علي حالي و تيجي تقولي انك لسا بتحبني لان انت كدا بتأذيني اكتر
= انا مش بشفق عليكي .. انتي عارفه كويس اني بحبك
ببرود -الكلام دا قبل لما تكتشف ان الخاطف اغتصبني وبقيت حامل .. روح شوف واحده محدش لمسها يا نديم ولعلمك مكناش هنرجع اصحاب او اخوات لما نتطلق .. انا اصلا مقدرش اعيش لليوم الي اشوفك بتتجوزني فيه شفقه وكمان بتطلقني وتتجوز غيري و انا يعيني مضطره اعاملك زي الاخوات
=انتي سمعتي كلامنا انا وماما امبارح !!
ببرود -نديم متتعبش نفسك انا خلاص اتخذت قراري ..
=يعني شايفه ان كل حاجه هتتحل بالطريقه دي ! انك تنتحري و تسيبي ميساء وحدها !
ببرود - ماما مش عايزه ابنه تجبلها العار
=بس انتي ملكيش ذنب !!
ببرود -اه دا بالظبط الي قولتهولك لما قولتلي انك مش قادر تتقبل الموضوع
= طب امسكي ايدي بس و اوعدك هنحل الموضوع
بزعيق -مش عايزه بقول !!!
قربت من الحافه اكتر
= طب قوليلي بس اعمل ايه وانا هعمله بس ارجوكي متنطيش ..
ببرود -روح البيت و فكك مني
قربت اكتر
نديم بدأ يعيط من يأسه
بعياط = يا ندي انزلي يا ندي .. انتي مش عارفه انا ممكن يحصلي ايه لو موتي
ببرود -عادي مفيش حد بيموت من الوجع
بعياط = طب امسكي ايدي و هنحل كل حاجه براحه
بعياط -عارف كان نفسي اعمل ايه قبل لما اموت ؟ عارف كان ايه موجود من ضمن احلامي المستقبليه ؟ كان نفسي نتجوز و يكون عندنا ولد شبهك و بنت شبهك بردو و كنا هنبقي عيله صغيره سعيده مفيش اي حاجه ممكن تفرقها .. تعرف انك مهما عملت انا كنت هتقبلك و هسامحك لاني بحبك !! اما انتي مش بتحبني و مش قادر تتقبل الحاجه الي مليش ذنب فيها اصلا .. روح يا نديم اتجوز واحده محدش لمسها قبل كدا و خلف منها بس اوعي تسمي بنتكم علي اسمي ولا حتي تفتكرني .. اوعي تفتكر انك كنت تعرف واحده اسمها ندي قبل كدا
بعياط - انا اصلا مقدرش اتجوز غيرك ولا قادر اتخيل نفسي غير معاكي .. امسكي بس ايدي وانا هحل الموضوع .. انتي صح انا المفروض كنت اتقبل الموضوع خصوصا اني عارف انك ملكيش ذنب بس دا مكنش ب ارادتي !! بس اوعدك اني هتقبل الموضوع المهم بس تمسكي ايدي
بعياط -خليك عارف دايما انك كنت احسن حد فحياتي و اكتر حد خلاني اضحك فالدنيا دي و كل لما افتكر اي ذكريات من الماضي بتكون ذكري ليا معاك .. شكرا انك منحتني الذكريات الحلوه دي و كنت دايما سند ليا
و بعد لما خلصت كلامها نطت من التل ( كان تل عالي جدا )
والتل كان تحته بحر ف نزلت فالبحر
يتبع الفصل التالي اضغط هنا
- الفهرس يحتوي على جميع فصول الرواية كاملة :"رواية عذاب الحب" اضغط على اسم الرواية