رواية نور وجني الأحلام الفصل الخامس بقلم نجلاء محمد عبدالله
رواية نور وجني الأحلام الفصل الخامس
— اثبت مكانك لتولع وانت واقف !
بمجرد أن سمعت نور الصوت اوقعت ما بيدها ورفعت يداها فوق راسها ولكن عندما علمت أنه تميم انزلتهم بغضب والتقطت ما وقع منها .
- أنت أيه ال جابك هنا يا حيوان ؟!
— رايحة فين واي ال في ايدك دا ؟
- رايحة المطبخ اشرب وبعدين وانت مالك ، يلا اتفضل امشي كفايا ال عملته آخر مرة
حاول تميم معرفة ما بيدها لكنها اخفته خلف ظهرها
— أنت بتحاول تخبي ايه وريني ال فأيدك !
دار تميم حولها وهى تحاول إخفاء ما بيدها حتى استطاع معرفة ما معها
— تاني أنت عارفة لو ولدتك عرفت هتعمل فيك إيه !
- يخرابي عليك كان يوم أسود يوم ما ظهرتلي ما تتنيل أبعد خليني اعمله قبل ما تيجي وتشوفه
— يا ماما الاندومي مش كويس لصحتك وبيجيب أمراض
نظرت له نور بزاوية عيناها
- شكلك بتقعد مع ماما كتير ؟
— أه فعلا و.........دا مش موضوعنا يلا ارمي البتاع دا وارجعي عشان تذاكري !
- لا وابعد بقا أنا جعانة دا أنت ممل ؟
— أنا ! ماشي براحتك اعملي ال أنت عوزاه
دخلت نور على مهل للمطبخ لتحضر وجبتها وبعد تجهيزها حملتها لتعود لغرفتها
— ينهارك مش فايت تاني يا نور اندومي تاني!
- ماما! أنت مش كنتِ نايمة ! عرفتي إذاي أني بعمله
— العصفورة ال قالتلي !
- ماشي يا تميم ماشي استقبل بقا كابوس لمدة سنتين وفلم رعب يموتك عشان تصحيها
— أنت بتقولي أيه يا زفته؟
- ولا حاجة بقول أخر مرة اعمله خلاص مش هجيب تأني؟!
— كل مرة بتقولي كدا فخلاص بقا هاتي الصنية دي وادخلي متطلعيش من الاوضة لحد ما امتحاناتك تخلص .
‐ يا ماما بقا آخر مرة
— لا ويلا على أوضتك
دخلت نور غرفتها بعدما اعطت الصنية لوالدتها لتجد تميم جالس على المكتب يغني بفرحة
- طبعاً أنت مبسوط منك لله
— طب اقعدي ذاكري بدل ما تقعدي تصيحي ليلة الامتحان ؟
- ياربي انا عملت أيه في حياتي عشان يطلعلي الكائن دا ؟
تميم لو سمحت لم اشيائك وامشي من هنا
— ماشي بس هرجع تأني !سلام
رحل تميم وبدأت نور المراجعة
وبعد قليل من الوقت
— تعرفي لو الوردة أكبر شوي هتكون أجمل! اقلبي الصفحة وارسمي غيرها بس تكون كبيرة!
- تصدق عندك حق أنت صح بس......أنت بتقول ايه واي رجعك
— أنا بشجعك وبشجع رسمك طلعتي بتعرفي ترسمى
- عشان تعرف اني موهبة مدفونة ومحتاجة ال يكتشفني
—طبعا يا بنتي وفي لجنة الامتحان ابقي ارسميلهم ورد بدل الأجابة هينجحوك على طول !
- أنت جني مش جدع جاي تفكرني بالامتحان وانا بستريح شوية وهبدأ
— تستريحي من أيه من الراحة يبنتي أنت لسة متعرفيش حاجة من المواد هتسقطي وهنتشلوح كلنا
- يووه بقا مذاكرة مذاكرة مذاكرة انا نازلة اشم هوا ولم ارجع ابقا اذاكر جامد جدا جدا .
— ومامتك!
- وطي صوتك هنزل من غير ما تحس عليا
— يا دي النيلة طب افرض نزلتي ممكن تزعل منك واما تزعل ممكن تعملي حادثة وتموتي أو مثلا تتخطفي ويعذبك وياخد اعضائك ويبيعها، وكل واحد ياخد عضو ومنعرفش نلم اعضائك، وكل عضو يسافر مكان مختلف هيكون شكلك وخش اوي او ممكن بردو يضرب عليك نار أو...
- بس هو في تاني بعد الرصة دي مش هنزل لسنتين قدام هروح بقا اتفرج على التلفزيون!
— التلفزيون بايظ من يومين اقعدي ذاكري
- طب ايه اروح اكل ولا اعمل ماسك عشان حساني مرهقة شوية
— لا انا حاسك تخنتي شوية
- احلف انا تخنت كتير ! طب شكلي بقا وحش ، طب ياجي كم كيلو ، تخنت اوي رد عليا
— أنا بخوفك عشان تقعدي تذاكري بس !
- لا انا تخنت أنت بتكدب والله كنت حاسة مش مهم هقول لماما انزل اشترك في جيم.
خرجت نور وبقا تميم يضرب كف على آخر
— اللهم لا أسألك رد القضاء ولكني أسألك اللطف فيه !
طب والمذاكرة طب وامتحان بعد بكرة، طب والمادة ال متفتحتش، طب امشي انا واحضر للكابوس الجاي !
يتبع الفصل السادس اضغط هنا
- الفهرس يحتوي على جميع فصول الرواية كاملة :"رواية نور وجني الأحلام" اضغط على اسم الرواية