رواية نور وجني الأحلام الفصل السادس بقلم نجلاء محمد عبدالله
رواية نور وجني الأحلام الفصل السادس
— صباح الفل على الناس ال آخر يوم امتحاناتها انهاردة
- صباحك عسل يا يعسل
— جاهزة لأخر مادة
- جاهزة يبني دي مادة مش بتضاف اساسا!
— أنا قلت بردو كدا ماهي لو مادة تانية كان زمانك بتصيحي
- بقولك ايه اتعدل عشان متزعلش انهاردة واخربها عليك
— وليه دا ! خلي اليوم يعدي أحسن
خرجت نور من غرفتها واتجهت للمطبخ
- ماما أنا نازلة وممكن اتأخر عشان اتفقنا إننا هنخرج شوية بعد الامتحان!
— ماشي خلي بالك من نفسك ومتتاخريش .
ذهبت نور لترتدي حذائها أمام الباب
- بص يا هندسة لو لمحت وشك انهاردة وانا برة هتزعل جامد جامد
— مش هخرج معاك !
- هو انا خلفتك ونسيتك! يلا يا بابا من هنا
رحلت نور وبعد إنهاء الامتحان خرجت مع صديقتها لتناول الطعام وتبادل الصور .
— مسا مسا يا صاحبي كل دا اكل وسيباني لوحدي في البيت بعد النجوم
- أنت أيه ال جابك يا حيوان !
— بطمن عليك
- متشكرين يلا مع السلامة
— طب متتاخريش عشان مامتك بتقلق
# نور أنت بتتكلمي مع مين!
- انا انا ....
نظرت لها صديقتها بقلق
# أنت لازم تشوفي دكتور يا نور لأن دي مش اول مرة تتكلمي مع الهوا
- لا انا بتكلم مع مع......
# مع فراغ يا نور احنا بنخاف منك ، السلوك دا مش طبيعي ، لازم تشوفي دكتور
- انا مش مجنونة! انا مش مجنونة يا منال !
# معرفش يا نور بس الوضع مبقاش مظبوط
اخذت نور حقيبتها وخرجت من المكان وهى تبكي وظلت تسير حتى وجدت نفسها بمنطقة ليس بها أحد فجلست ارضا وظلت تصرخ
— نور أنت كويسة !
- أنا مش مجنونة ، أنت قدامي شيفاك وبكلمك أنت حقيقة صح أنت موجود
— اه انا موجود
- طب أظهر قدامهم خليهم يعرفوا انك حقيقية واني مش مجنونة
—مقدرش!
- ليه !!
— نور أنت نستيني بصليلي كويس ، ملامحي مش بتفكرك بحاجة
- !!!!
— نور أنا مجرد وهم موجود في خيالك
- أنت!
— أنا قصة من قصص والدك ال كان بيحكيها قبل ما يموت ، أنا افضل قصة ليكِ !
- يعني انا فعلا مجنونة !
— لا أنت مش مجنونة انا فعلا موجود قدامك ، أنا ذكرى قديمة لوالدك انا هنا جمبك بصي لملامحي انا نفس ملامحه
انت اخترتي يكون والدك جني أحلامك، اخترتي اكون موجود معاك وهفضل
‐ أنت مجرد وهم ، وهم وظهر في حياتي فجأة ، وهم الكل بسببه فكرني مجنونة
— نور اهدي
- وهم فيوم هيختفي ومش هيكون موجود وهخسر تأني وهفضل لوحدي من جديد ؟
— أنا معاكي
- متمشيش، أنا خسرت أب مش عاوزة أخسر حلم ، خليك معايا ممكن!
يتبع الفصل السابع اضغط هنا
- الفهرس يحتوي على جميع فصول الرواية كاملة :"رواية نور وجني الأحلام" اضغط على اسم الرواية