رواية حبي الاول والاخير (كاملة جميع الفصول) حصريا عبر دليل الروايات بقلم روزالين
رواية حبي الاول والاخير الفصل الثلاثون والاخير 30
جماعه انا مسافره بكرا وهرجع كمان اسبوع فامش هيكون عندي نت فامش هقدر ابعت الروايه لما ارجع هكمل الروايه إنشاءالله.
________________________________________________
روايه (حبي الاول والاخير ):
البارت الثلاثين والأخير :
الأم بعياط: بنتييي بنتيييي انت عملت فيها إيه
يحيي بهدوء شال بسمله وطلعها فوق في الأوضه اللي كانت فيها في الأول وطلب دكتوره
سليم : متقلقوش يا جماعه كملوا يلا واشتغلت الأغاني تاني وكلهم طلعوا يشوفوها
جات الدكتوره وكشفت وبعدها خرجت
يحيي بقلق : ها يا دكتوره طمنيني
الدكتوره بجديه : متقلقش ألف مبروك المدام حامل من اسبوعين وياريت الراحه التامه وتأكل كويس لأن شكلها مكليتش عشان كدا أغمي عليها
يحيي : الحمدالله حاضر
والام زغرطت والكل كان فرحان يحيي دخل لبسمله
يحيي بفرحه : ألف مبروك يا حبيبتي
بسمله بحب : الله يبارك فيك يا حبيبي انا مبسوطه اني هبقي ام وانت هتبقي أب
يحيي بفرحه : انا مبسوطه إنك جواكي حته مني
بسمله : وانا كمان ويلا بقا ننزل
يحيي بتحذير : الدكتوره قالت لازم ترتاحي وتأكلي
بسمله : لأ طبعا النهارده ليله العمر وسعلي كدا وقامت وقفت
يحيي : بلاش جنان جنانك ده هيودينا في داهيه
بسمله بإصرار: لا يا يحيي ديه ليله متتعوضش وبالنسبه للأكل لما أنزل هبقي أكل
يحيي بقله حيله : ماشي بس بلاش رقص كتير والجنان اللي حصل من شويه
بسمله بطاعه : حاضر يلا بقا
نزلوا تحت والبنات حضنوها وباركولها وابتدوا تاني الفرح ورقصوا
البنات مسكوا المايكات وقالوا : احنا عايزين نغني اغنيه ليكوا بتوصفنا شويه
وبدأ الكاريوكي وابتدوا يغنوا وكل واحده كانت بتغني لحبيبها في صوت واحد
البنات :" يوم ما جت عيونو في عنيا "
"وشفت ضحكتو الجميله ديا "
"بحلم بيوم ما يبقي ليا وابقي ليه "
"واصحي الاقي حبيبي حواليا "
"وهواتي اللي في خيالي بيحصل قصادي "
"حبيبي جنبي في حضني اليللادي "
"والله وبقيت معاه "
"الفرح جمعنا بالحب تاني"
"انا وحبيبي وتالتنا السعاده"
"والحلم فسرنا"
الشباب خدوا المايكات وابتدوا هما يغنوا :
"عارفه احلي حاجه فيكي ايه"
"بتحلي اي شيء عنيكي تيجي فيه"
"قمرنا اللي تنساني فيه"
"الليالي ياله"
"إنشاءالله اموت في هواكي إنشاءالله"
"ده كتير عليا الحب ده والله"
"هتمني اكتر من كدا ايه"
كانوا بيرقصوا سولو مع بعض بعدها البنات خدوا المايكات
...........................
البنات
:"ياللي زعلان مني ومخصمني"
"ومش عايز تاني تكلمني "
"واخد علي خطرك اوي مني"
"يا حبيبي انا اسف"
"ده انت عمري وعمري مفيش بعده"
"ومسهر عيني كدا في بعده"
"ومطول ليلي ولا موعدك واعمل مش عارف"
"طب واحده واحده"
"وبلاش كل ده يجي مره واحده"
"لاتجنن كدا لو ده النظام معاك "
"بشكل ده مقدرش عليه"
"طب واحده واحده"
...........
"يجي مره واحده "
..........
"لو ده النظام معاك بشكل ده مقدرش عليه"
ورقصوا تاني سولو بعدها رجعوا تاني يكملوا
...............................
البنات بدأو يغنوا وبيرقصوا مع الشباب رقصه معينه في الحته ديه
"انت اللي بين ايديك بدأت اعيش"
"حبيت سنيني بيك عشان بحبك"
"خليت حياتي جنه من مفيش"
"خليتني انام وأقوم اقولللل"
"بحبببببببببببببببك "
بعدها الكل سقفلهم ورجعوا تاني يرقصوا
بعد وقت الساعه كانت 10 بليل بعدها بقا الناس كلها بدأت تمشي بعد ما باركولهم بعدها بقا كل واحد شال عروسته وطلع بيها
*********
عند بسمله ويحيي :
يحيي كان شايل بسمله بحذر وطلعها فوق ودخلت غيرت وهو غير هدومه وبعدها قالها : ترتاح عشان البيبي كفايه الرقص اللي حصل النهارده وخدها في حضنه وناموا
********
عند احمد وأسماء :
احمد طلع ونزل أسماء وقالها : تدخل تغير ويتوضوا علشان يصلوا
أسماء بكسوف: تمام ودخلت غيرت وأتوضت ولبست إسدال واحمد اتوضي وبدأو يصلوا وبعدها قرأو الدعاء وبعدين أحمد شال أسماء ونسيبهم بقا
**********
عند حبيبه وعبدالرحمن:
عبدالرحمن كان شايل حبيبه ودخل بيها وحطها علي السرير
حبيبه كانت مكسوفه ومتوتره وبتفرك إيدها في بعض
عبدالرحمن بحب: غيري وأتوضي علشان نصلي
حبيبه بكسوف : تمام بس ممكن تفكلي السوسته
عبدالرحمن: تمام وراح فك السوسته وطبعا أيده لمست ضهرها حبيبه اتوترت واتكسفت وبعدين عبدالرحمن فاق وطلع برا وقبل ما يخرج قال : غيري هنا وانا هغير برا
حبيبه : تمام وأول ماخرج اتنهدت براحه وغيرت وأتوضت ونادت عبدالرحمن وجيه وصلوا سوا وبعدين قالوا الدعاء وبعدها بقا مفيش داعي نوضح كلنا عرفنا ايه اللي حصل
*********
عند رنيم وسليم :
سليم كان شايل رنيم ومشي بيها للأوضه
رنيم بفرحه : سليم
سليم : اممم
رنيم بطفوله : ممكن تلف بيا واحنا علي الوضع ده
سليم بحب : عنيا ولف بيها ووقعوا هما الأتنين علي سرير
ورنيم كانت بتضحك ومبسوطه بعدها سليم قالها : عجبك ادينا وقعنا
رنيم لسه بتضحك وقالت : عادي فدايا
سليم بحب : فداكي عيوني نفسها
رنيم اتكسفت وبعدها قالها : قومي غيري يلا عشان نصلي
رنيم بخجل : تمام
وقامت غيرت وأتوضت ونادت علي سليم وبدأو يصلوا وقرأو الدعاء وبعدين شالها
رنيم بتوتر : سليم
سليم بعد عنها وقالها بحزن : انتي مش جاهزه لسه
رنيم بحب : مين قال كدا
سليم لف ليها تاني وقالها : بجد امال كنتي عايزه ايه
رنيم بخجل وحب: انا جعانه مكلتش من الصبح ايه رأيك نعمل أكل وبعدين نشوف هنعمل ايه
سليم بحب : تمام تعالي يلا
وعملوا أكل ونسيبهم بقا
*********
عند فارس ورحمه :
فارس شال رحمه ونزلها أول ما فتح الباب
بعد مده
كانت رحمه واقفه ورا السفره وفارس قدام السفره
رحمه بزعيق : امشي يالا من هنا
فارس بجنان : يارب هو الجنان جيه يطلع دلوقتي
رحمه : اه ويلا بقا شوفلك حته تنام فيها
فارس بضيق : لأ كدا كتير
فارس بيجري وراها وهي بتجري
فارس : بقولك ايه اتهدي كدا
رحمه : اتهد ياه ده في الأحلام
فارس بعصبيه : بصي انا سيبك لحد دلوقتي لاكن شويه وهمسكك وساعتها ابقي قابليني لو حد عرفلك طريق
رحمه : ليه هتخطفني ولا هتغتصبني
فارس كان وراها وقالها : قولتلك مصيرك همسكك وبالنسبه لأخطفك ولا اغتصبك لأ هو ولا ده ولا ده أنا هعمل أحسن من كدا وشالها علي كتفه وسط صويتها وهي بتقوله : سيبني يا حمار واللهي اصوت وألم الناس عليك فارس بهدوء وبرود: واللهي انا جوزك وبراحتي عايزك تصوتي من هنا لبكرا محدش هيسمعك
ونسيبهم مع بعض المجانين دول
**********
الساعه 4 الفجر :
الكل صحي وصلوا وجهزوا شنطهم عشان مسافرين شهر العسل
بسمله : يحيي هو احنا رايحين فين
يحيي : مفاجأه
بسمله ابتسمت بحب وقالت له: طيب
*********
عند أسماء وأحمد :
أحمد بحب: سمسم سماسم مش هتصحي ولا إيه
أسماء بنوم : سيبني عايزه أنام شويه
أحمد : طب وبالنسبه للطياره اللي بعد نص ساعه
أسماء بحماس : بجد رايحين فين
أحمد بحب : رايحين نقضي شهر العسل مش ناويه تقومي برضوا
أسماء بحماس وفرحه : انا داخله الحمام أصلا وقامت تجري علي الحمام
واحمد قعد يضحك عليها ونروح بقا
**********
عند فارس ورحمه :
فارس بزهق : يا رحمه رحممممه ديه عاشر مره أحاول اصحيكي فيها .....ده أخر كلام عندك مش هتصحي ...طيببب وقام شايلها وحطيتها تحت الدوش وفتحه
رحمه بصويت: اععععععا بغرق بغرق يالهوووووي
فارس بيضحك عليها جامد وقالها : أحسن عشان محدش بيلعب مع فارس الألفي أبدا
رحمه بتوعد : كدا يا فارس ماشي واللهي ماشي
فارس ببرود : طيب أعلي مافي خيلك أركبيه ويلا خدي دوش وغيري عشان مسافرين
رحمه بحماس بتداريه بالبرود : مسافرين فين
فارس بحماس : شهر العسل ويلا بسرعه
********
عند حبيبه وعبدالرحمن:
عبدالرحمن بحب : بيبا مش ناويه تصحي النهارده
حبيبه بحب : انا صحيت أهو هنروح فين بقا
عبدالرحمن: هنقضي شهر العسل فين مش هقولك ويلا البسي بسرعه
حبيبه باستنكار : مفاجأه يعني
عبدالرحمن : بالظبط
***********
عند رنيم وسليم :
رنيم صحيت بدري وقامت دخلت تاخد شاور
سليم صحي لقاها خارجه
سليم بحب : الجميل رايح فين
رنيم كانت طالعه بتنشف شعرها في الفوطه: الجميل كان بياخد شاور
سليم بجديه: طيب غيري بقا عشان مسافرين
رنيم بتساؤل: مسافرين فين
سليم : هيكون فين يعني شهر العسل
رنيم بتساؤل : طب رايحين فين
سليم بحماس : مفاجأه يلا اجهزي بسرعه عقبال ماخد شاور
رنيم : اوك
**********
بسمله قابلت البنات وركبوا الطياره ( طياره خاصه لعيله الألفي ) ورغوا شويه وكل واحده نامت ووصلوا
يحيي : بسمله فوقي
بسمله بخضه : ايه وصلنا
يحيي : اه يلا
والكل صحي ونزلوا
بسمله بفرحه وصدمه : بتهزر صح ده المالديف
يحيي بيهز رأسه بأه
اسماء قعدت تدور : الله انا كان نفسي أجي من زمان
حبيبه بفرحه: وانا كمان
رحمه ورنيم قعدوا يجروا وهما مبسوطين
وبعدين البنات راحوا ناحيه البحر وكانوا بيجروا فيه باستمتاع والكل كان فرحان وقضوا شهر عسل ولا في الأحلام وبعد شهر رجعوا القاهره تاني
وعدت 6 شهور جميله بالنسبه للبنات وعذاب بالنسبه للشباب بسبب طلباتهم
كانت بسمله في السابع وأسماء حامل في الشهر التالت ورنيم حامل في 4 شهور وحبيبه ورحمه في الشهر التاني
في يوم من الأيام :
بسمله كانت خارجه هي ويحيي في النيل وكانوا بليل
بسمله بطفوله : يحيي انا عايزه ايسكريم بالبطيخ وعليه شيكولاته
يحيي بقله حيله : يارب العك ده هيخلص امتي
بسمله : بتقول حاجه يا حبيبي وبعدين انا لسه مخلصتش طلبي
يحيي بقله حيله : ها يا حبيبتي كملي
بسمله : وجيبلي معاك بيرجر تشيز
يحيي بحيره : امال مين اللي لسه متغدي من شويه
بسمله : ده مش انا اللي عايزه ده ابنك انا مالي
يحيي بيكلم البيبي : اهو ده كله عشانك ياخويا لما اشوفك بس
بسمله بحب : اكيد
يحيي : طب انتي ليه مصممه متعرفيش نوع البيبي
بسمله بحماس : كدا عايزاها تبقي مفاجأه ليا وليكم
يحيي : طب منين انتي بتقولي انه أبنك
بسمله : ياعم احساسي مش هو جوايا
يحيي : طيب حاجه تانيه
بسمله : اه خلي بقا الراجل بعد ما يخلص الأيسكريم يحط شويه ملح كدا نص معلقه ولا حاجه
يحيي بقله حيله : والراجل بتاع الأيسكريم هيبقي عندوا ملح منين
بسمله : عادي عادي هتلاقي وبعدين أبنك يا عم هو انا اللي عايزه وبعدين ده عشان نظبط الأكل
يحيي بحب : أهو ده كله علشان الفلحوص اللي هينور كمان شهرين
بسمله بحب : ينور بسلامه
يحيي : إنشاءالله طيب انا هروح
بسمله : طيب متتأخرش
يحيي : حاضر
راح يحيي يجيب الأيسكريم وبعدين بسمله قامت تبص علي النيل و فجأه حد جه من وراها فكانت بتحسبه يحيي جت تلف لقت راجل غريب وحاطط مسدس في ضهرها
بسمله بخوف : انت مين
الراجل بهدوء مخيف يشبه الأفعي: تتحركي معايا براحه كدا لتموتي انتي وابنك
بسمله بخوف : حاضر حاضر ومشيت معاه
يحيي كان بيبص لبسمله ملقهاش اتخض وقام يدور عليها وبعد جري لقاها ماشيه وفي حد وراها وفي أيده مسدس في مكان فاضي
يحيي بصوت عالي : انت مين
لف الراجل ومسك بسمله وحط المسدس علي رأسها وقال : حركه واحده المدام وابنك هيكونوا في عداد الموت
يحيي بخوف ولهفه : طب انت عايز إيه
الراجل بهدوء : هتعرف دلوقتي
وفجأه ظهر حد وقال : يحيي الألفي بنفسه ياه ايه اللهفه اللي في عينك ديه اول مره اشوفها اول مره اشوف انك ضعيف بالشكل ده وبدأ يضحك ضحكه عاليه وشريره في نفس الوقت
بسمله بخوف : يحيي الحقني
يحيي بتوتر : متخافيش
الديب : بص انت عارف انا هعمل ايه دلوقتي مش كدا
يحيي برعب حقيقي : هتعمل ايه
وفجأه الديب قال للراجل : موتها
بسمله دموعها ابتدت تنزل وبتقول بهمس: متسيبنيش يا يحيي
يحيي بخوف وتحذير: اوعي تعمل حاجه او تمس شعره منها ساعتها مهرحمك يا ديب
الديب بيكرر كلامه: أقتلها وفجأه الزناد اشتغل ويحيي بيجري وهوب طلقه خرجت ... والدنيا اسودت... ود.م كتير ..إسعاف ..وبوليس..فجأه ووو...
انتهي البارت وانتهي الجزء الاول يارب يعجبكم ✨
وياتري ايه اللي هيحصل ده اللي هنعرفه بس مش دلوقتي
في الجزء التاني انشاء الله😊✨
للكاتبه / روزالين
•تابع الفصل التالي "رواية حبي الاول والاخير" اضغط على اسم الرواية