رواية حبي الاول والاخير (كاملة جميع الفصول) حصريا عبر دليل الروايات بقلم روزالين
رواية حبي الاول والاخير الفصل الثامن والعشرون 28
يارب يعجبكم البارت ❤️✨
روايه (حبي الاول والاخير):
البارت الثامن والعشرين:
نروح بقا لقبل الفرح بثلاث أيام :
كانوا البنات بيتكلموا في تليفون :
بسمله : طب بصوا يا جماعه بما أن لسه مشترناش الفساتين يبقي ننزل نشتري الفساتين سوا
حبيبه بفرحه : فكره حلوه جدا يلا ننزل
رنيم بتوتر : دلوقتي
اسماء : اه يلا
رنيم : طيب استنوا هقول لسليم
رحمه بتريقه : ايه الأحترام اللي نزل عليكي من السما ده
رنيم بضيق : بس بقا لازم أقوله
بعدها بخمس دقائق
رنيم : وافق يا جماعه
بسمله : طيب يلا هنتقابل في شارع المنتزه
اسماء بفرحه : اوعي تقولي أننا هنروح اتيليه هاي كلاس
بسمله بفرحه : بالظبط كدا
حبيبه : بس ده غالي اووي
بسمله : ولا يهمنا يا حبيبتي وبعدين هما هيدوكوا الفيزا بتاعتهم ومش هنخليهم ينزلوا معانا عشان يتفاجأوا بالفساتين وبعدين يا جماعه احنا هنطقم مع بعض النهارده
الكل : تمام هنلبس ايه
بسمله :******
رحمه : طيب انا هكلم فارس أقوله
حبيبه بفخر : انا مش محتاجه أكلم عبدالرحمن هو اداني الفيزا بتاعته امبارح اصلا
اسماء بضحك: يعيني يعيني علي الحب وانا هكلم احمد
رنيم : احلي حاجه اني مع سليم اساسا
سليم من وراها : انتي مبسوطه
**********
رنيم قفلت علطول
رنيم بتوتر : اه مبسوطه وبعدين أيدك علي الفيزا يلا
سليم بضحك : طيب يا ستي هتلاقيها في الدرج جمبك
رنيم راحت جبتها وقالتله : شكرا
سليم : حاف كدا
رنيم بتوتر: قصدك ايه يعني
سليم بحزن : مقصديش
رنيم : انت زعلت طب خلاص متزعلش وراحت باسته في خده
سليم : بتبوسي بنت اختك وبعدها خطف منها بوسه علي السريع وجري
رنيم كانت لسه في صدمتها بعديها فاقت ووشها احمر وقامت لبست دريس ازرق غامق وطرحه بيضاء وهيلز ابيض وخرجت
رنيم : سليم انا هنزل
سليم بهدوء : طيب يلا عشان اوصلك
رنيم : مفيش داعي
سليم بتحذير : انا قولت هوصلك
رنيم بقله حيله : طيب يلا
**********
عند بسمله :
بسمله بتكلمه في تليفون: الو يا يحيي
يحيي بتعب : الو في حاجه
بسمله : لا مفيش كنت عايزه انزل عشان اجيب الفستان مع البنات
يحيي بتعب : تمام خدي الفيزا هتلاقيها برا علي السفره وخلي بالك من نفسك هبعتلك عربيه تيجي تاخدك
بسمله بقلق : مال صوتك يا يحيي
يحيي بتعب: متخافيش انا كويس ده إرهاق من الشغل
بسمله بخوف : طب خلي بالك علي نفسك وكل كويس
يحيي : طيب متقلقيش
بسمله : طيب سلام
يحيي : سلام
دخلت لبست دريس ازرق غامق وطرحه بيضاء وهيلز ابيض وخدت الفيزا ونزلت ركبت مع السواق اللي بعته يحيي ومشيت
***********
رحمه : الو يا فارس
فارس بحب: عيون فارس عايزه حاجه
رحمه بخجل : عايزه الفيزا عشان هجيب الفستان النهارده
فارس : طيب انا جاي اديهالك وأجي معاكي
رحمه بتسرع : لأ لأ متجيش
فارس باستغراب : مجيش ليه
رحمه : اصل انا والبنات هننزل كلنا نشتري مع بعض وانتو مش هتشوفوا الفساتين غير يوم الفرح
فارس رفع حاجبه : بقا كدا اكيد ديه فكره بسمله مش كدا
رحمه بتوتر: اه
فارس بيتوعد لبسمله : طيب ماشي
رحمه : ابعتلي حد معاه الفيزا وبالمره يوصلني
فارس : تمام 10 دقائق ويوصل
رحمه : بالسرعه ديه طب مع سلامه بقا الحق البس
فارس بضحك : طب براحه يا مجنونه لتقعي
وبعدها قفلت معاه ولبست دريس ازرق غامق وطرحه بيضاء وهيلز ابيض ونزلت هي وحبيبه اللي كانت لابسه نفس اللبس وركبوا ومشيوا
************
اسماء : احمد
احمد بنوم : امممم
اسماء بتصوت: انت لسه نايم ده كله
احمد بانزعاج : اه يا ودني اطرشت ايه سرينه واتفتحت علينا
اسماء بزعل : ماشي يعني انا سرينه
احمد بحب: مش قصدي واللهي ده انتي سردينه طب قوليلي عايزه ايه
اسماء بزعل : مش لازم بقا
احمد بحب : لأ لازم قولي يلا
اسماء : عايزه الفيزا عشان هشتري فستان الفرح
احمد : طيب انا جايلك اوصلك واديهالك
اسماء : استني لأ مكملتش كلامها لأنه قفل
اسماء بتوعد : بقا كدا ماشي يا أحمد
وقامت لبست دريس ازرق غامق وطرحه بيضاء وهيلز
ابيض
اسماء : ماما انا نازله
الأم نجمه: طيب يا حبيبتي خلي بالك من نفسك
اسماء : حاضر
نزلت اسماء واستنت احمد بعدها بخمس دقائق كان وصل
اسماء : ده كله
احمد ده هما خمس دقائق
اسماء : ماشي يلا بسرعه عشان اكيد مستنيني
احمد : هما مين
اسماء : مانت لو مكنتش قفلت في وشي كنت سمعت بقيت الكلام
احمد : خلاص انا أسف إيه بقيت الكلام
اسماء : انا نازله انا والبنات عشان نشتري فساتين بتاعتنا والمفروض انك متجيش انت هتوصلني وتديني الفيزا وتتكل علي الله
احمد : اتكل علي الله
اسماء : اه
احمد رافع ايده : طيب يارب الحمدالله ابتلتني ببلوه وانا مبسوط واللهي بس تتكل علي الله ديه كتير واللهي في واحده تقول لجوزها اللي هيتجوزها بعد ثلاث ايام اتكل علي الله
اسماء : وفيها ايه اطلع بس عشان انا متأخره
احمد بتريقه : كنت سواق الهانم وانا معرفش
اسماء بضحك: حاجه شبه كدا
بعدها وصلوا
بسمله بزعيق : ايه يا هانم كل ده تأخير الشمس ضربت نفوخي يا شيخه
أسماء بضحك علي منظرها : هو الواد اللي جمبي ده السبب موتيه بقا
بسمله بتوعد : ماشي يا أحمد اتفضل بقا مع سلامه
احمد بصرامة : انا جاي اشوف الفستان يا ماما
بسمله بتزقه : بس يلا امشي من هنا
احمد بعصبية طفيفة : انتي اتجننتي يا بت ولا إيه
بسمله بحزن كاذب : زعقلي يا أحمد وهقول ليحيي ياخدلي حقي وهخلي اسماء تفركش معاك وعايزاك تعمل الفرح مع نفسك بقا
احمد بتراجع: انا قولت حاجه يا ست الكل اقسم بالله ابدا وقام باس رأسها وقال إلا يحيي وأسماء
بسمله بانتصار: ايوا كدا اعدل وامشي بقا ورينا عرض كتافك
احمد بغمزه : عنيا ياست الكل
********
وبعدها مشي وهما دخلوا الأتيليه وقعدوا يدوروا
المصممه ١: ايه رأيك في ده
حبيبه برفض : لأ لأ ده مفتوح خالص
المصممه ٢ : انتي ايه رأيك في ده
رحمه برفض: يالهوي الكتاف كلها باينه
بسمله : معلش احنا عايزين حاجه محتشمه اكتر من دول
مصممه : حاضر
اسماء : ده تحفه انا هدخل أقيسه
بعد ما قاست وطلعت
اسماء : ايه رأيكم
بسمله بفرحه : قمر قمر يا حبيبتي ها عجبك هتخديه خلاص
اسماء بفرحه : اه اه عجبني
حبيبه : مبروك عليكي جيتي بعدينا وخلصتي قبلينا
اسماء بفخر : عيب عليكي يا ماما انا أسماء بردوا
رحمه : انتي هتقوليلي بس شكلك مزه يا أسماء
اسماء : بجد
رنيم : ايوا طبعا هي فيها كلام
وبعدين مشيت تدور
رنيم : الله الفستان ده حلو اووي بعدها دخلت تقيسه
رنيم : جماعه ايه رأيكم
حبيبه بفرحه : جامد يا نيمو
بسمله بفرحه: تحفه تحفه مظبوط عليكي بالظبط
اسماء بفرحه: ايوا قمر بجد
رنيم : خلاص انا هخده
رحمه قعدت تدور وتدور مش لاقيه وقعدت تعيط
بسمله راحت لها وقالت بقلق : مالك يا رحمه في ايه
رحمه بيأس : مش لاقيه فستان
بسمله بصت حواليها لمحت فستان جميل ورقيق : رحمه خدي قيسي ده كدا
رحمه مسحت دموعها وخدته ودخلت
رحمه : ها حلو
اسماء بفرحه : ديه محتاجه تحفه
بسمله بفرحه : قمر اربعتاشر ربنا يسعدك
رحمه راحت حضنتها: ربنا يديمك في حياتي يا بوسي
بسمله : ويديمك ليا
اسماء بحزن : طب وانا مليش في الحضن ده
بسمله بضحك: تعالي في حضن اخوك يا فواز
حبيبه بقمصه : كنت بنت البطه السودا انا يعني
رحمه بضحك: فشر
رنيم : طب وانا يا كلاب مليش من الحب جانب
اسماء بضحك : تعالي اتحشري يا حبيبتي معانا
وكلهم كانوا حضنين بعض ومبسوطين
بسمله : ايه يا جماعه اقعدوا بقا علشان الفساتين متتبهدلش ويلا يا حبيبه دوري علي فستان ليكي
حبيبه : انا محتاره مش عارفه أخد إيه
بسمله : تعالي ورايا ندور سوا
قعدوا يدوروا وفي الأخر لقوا فستان أقل ما يقال عليه قمه في الروعه والجمال
حبيبه بفرحه : انا هدخل أقيس
بسمله بفرحه : يلا انطلقي
حبيبه طلعت بعد شويه وقالت بتوتر : ها ايه رأيك
بسمله بانبهار : جامد يعجز لساني عن الكلام تحفه بجد
حبيبه : بجد
بسمله : اه واللهي وبعدها قالت بحزن اتفضل انا
الكل قام وقال : واحنا هنساعدك زي ما ساعدتينا
بسمله كانت ستتكلم لولا أن مصممه الأزياء جاءت وفي يدها هاتف
المصممه : اتفضلي يا هانم يحيي باشا عايز يتكلم معاكي
بسمله بصدمه : يحيي جوزي انا
المصممه : اه اتفضلي
يحيي : الو بصي انا عارف الصدمه اللي هتتصدميها دلوقتي بس انتي مش هتلبسي فستان عادي انا في فستان كنت طالب يتصمملك من اسبوع والحمدلله خلص النهارده ويارب يعجبك
بسمله بصدمه : فستان وايه ايه بتهزر
يحيي بضحك: لأ لأ مش بهزر روحي بقا عشان تقيسي وانا متأكد انك هتتطلعي قمر فيه
بسمله بثقه : وانا واثقه في ذوقك
بعدها قفلت معاه وخدت الفستان ودخلت
بسمله قدام المرايا : جميل اووي بجد ده نفس الحاجات اللي كنت بتمناها في فستان فرحي يا تري عرف منين
لقت موبايلها بيرن وكان يحيي
بسمله بضحك : انت بتيجي في الوقت اللي بكون عايزاك فيه
يحيي بفخر : عشان تعرفي بس إني بحس بيكي
بسمله : طبعا إلا قولي انت عرفت منين إني عايزه الحاجات ديه في فستان فرحي
يحيي بحب : انا مفيش كبيره او صغيره معرفهاش عنك
بسمله بضحك : اه يا واد يا حبيب
يحيي : ها الفستان عامل ايه عليكي
بسمله : كويس وبيسلم عليك يلا مع سلامه وقفلت معاه
يحيي : هي مجنونه ولا إيه بس انا عارف هي بتفكر في إيه دلوقتي
اسماء بزعيق : ايه ده كله تأخير بعدها فتحت بوقها
لأن بسمله طلعت بفستانها الجميل اللي مكنش زيه مثيل وكانت بتلف
بسمله : ايه رأيكو
حبيبه بفرحه: تحفه تحفه تحفه
اسماء بفرحه: جامد جامد جدا
رحمه بفرحه: جامد فششششششخ
رنيم بفرحه : يحيي علطول بيفهم واللهي
بسمله بفخر : طبعا
بسمله : يلا نتصور صوره حلوه
الكل : يلا
بسمله بتقول للمصممه : ممكن تصورينا
المصممه : طبعا طبعا وخدت شويه صور ليهم
وبعدها دخلوا غيروا هدومهم ودفعوا فلوس الفساتين وبعدين كل واحده روحت بيتها
يتبع ....
نكمل البارت الجاي
دمتم سالمين وبخير 💗
للكاتبه /روزالين
•تابع الفصل التالي "رواية حبي الاول والاخير" اضغط على اسم الرواية