رواية الحب المميت كاملة بقلم امينة إبراهيم عبر مدونة دليل الروايات
رواية الحب المميت الفصل السادس و الأخير 6
لارا "فات ٨ شهور معرفش عنه حاجه ٨ شهور بموت فيهم من بعده ي ريته سمعني يلا الحمد لله فوقت علي صوت مرات عمي"
=يلا ي بنتي متابعه الدكتوره علشان نطمن علي العيال
-حاضر ي ماما
وقومت البس صحيح نسيت اقولكم اني حامل عرفت دا بعد ما سابني بأسبوع كانو عاوزيني انزلهم لأنهم خطر عليا اصلي اكتشفت اني عندي ثقب في القلب والولاده والحمل غلط عليا بس ازاي عاوزني اموت حته مني ازاي اموت عيالنا دي الحاجه الوحيده الا سابهالي دا الا هيفضل معايا بعد ما سابني وكسرني مينفعش حتي لو هموت وهما يعيشوا علي الاقل هسيب ليه حاجه تفكره بيا 😔😔لبست ولسه خارجه من الاوضه لقيته واقف قدامي بيحضن مامته يااااه شوفته قبل ما اموت بقي احلي بدقنه الا كبرت هو اساسا حلو في كل حلالته الدموع اتجمعت في عيوني وقولت لنفسي فوقي خلاص دا طلقتك وسابك حتي مهنش عليه يسمعك "
ادهم=وحشاني اووي ي ماما وفين بابا وحشيني كلكم
ببص لقيت عمو داخل اتعصب راح نحيه وضربه بالقلم وبعصبيه
=انت اي جابك هنا ليك عين
-اسف والله اسف ي بابا عرفا غلطي دي كانت لعبه عملاها سيلين علشان اطلقها
=وطلقتها استريحت بقي
لارا " ياااه عرف اني مظلومه بعد دا كله والله كتر خيره "
ادهم" عيوني بتدرو عليها لقيتها واقفه زي الورده الدبلانه معقوله هتسامحني بصيتها ليا بتقتلني ثواني ايه دا هيا حامل معقول اتجوزت وكمان حامل منه قربت منها
=انتي اتجوزتي وحامل كمان
- انت مالك حاجه متخصكش
=لا يخصيني ي هانم
-انت ايه ي أخي ارحمني بقي توجعني وتكسرني وارجع اسامحك اييييه ارحميني
لقيتها فجأه صرخت واغمي عليها بابا وماما جريوا عليها ومش بتفوق شيلتها وروحنا المستشفي..بقلمي_أمينه إبراهيم
صلوا علي النبي ❤️❤️
وصلنا المستشفي والدكتوره دخلت تشوفها قعدت متوتر خايف عليها
بابا= ايه الا رجعك تاني
-اسف والله اسف ندمان
=بعد ايه تصدق انو انا معرفتش اربيك مراتك رغم أنها عرفه انو الحمل خطر عليها فضلت محتفظه بيه وانت بسهوله طلقتها
بصدمه -هما ولادي
=ايوه ي اخويا والله لو حصل فيها حاجه مش هرحمك
بتردد- ه.....هو فيها ايه
ماما بعياط= يقلب امها عندها ثقب في القلب ربنا يسامحك ي ابني علي الا عملته فيها
"نعم هما بيهزروا صح هيا اكيد كويسه ولا مقلب فيا علشان يعاقبوني لقينا الدكتوره خارجه جريت عليها
-هيا عامله ايه
=مش قولتكم كذا مره ي جماعه ابعدوها عن أي توتر او زعل علشان الحمل خطر عليها لوحده للأسف هيا هتفضل هنا في المستشفي لحد ما تولد
وسابتنا ومشيت دخلت اشوفها لقيتها نايمه وشها باهت معقوله استحملت دا كله انا غبي واستاهل الا يحصلي وبعياط يارب احميها مليش غيرها
لقيتها بتفوق
لارا" فوقت لقيته جنبي ماسك ايدي ايه دا معقوله ادهم بيعيط وعلشان مين علشاني
= انا اسف ي حبيبتي اسف سامحني وحيات عيالنا اسف
ضحكت بغلب- اسامحك اسامحك علي ايه بالضبط اسامحك علي انك طلقتني من غير ما تسمعني ولا اسامحك علي اني كنت محتاجك جنبي وانا تعبانه في الحمل اسامحك علي اهانتك ليا اسامحك علي اني كنت محتاجك زي اي واحده ولا علي كسرتي واني مكنتش عارفه افرح اني حامل قولي علي ايه بالضبط
نزل راسه لقيته بيعيط مقدرتش استحمل مسكت ايديه وقولتله مسامحاك ايوه هبله وسامحته علشان بحبه لانو اول طفل ليا دا ابني الا مخلفتوش مينفعش مسامحوش مينفعش الام تزعل من ابنها مهما عمل....بقلمي_أمينه إبراهيم
صلوا علي النبي ❤️❤️
عدي اسبوعين وهو جنبي اكتر بيخاف عليا طلعت عينه الصراحه😂😂 كان مستحمل عصبيتي وتعبي الجامد قرب معاد الولاده الصراحه هو كان متوتر وخايف اكتر مني
=ادهم
-عيونه
=خايفه
-متخفيش ي قلبي انا جنبك دايما
بابتسامه=ربنا يديمك ليا
-ويديمك ويحميكي ليا يا رب
=ادهم عاوزه اقولك حاجه
-مالك ي روحي
=ادهم لو مخرجتش خلي بالك من عيالنا وقولهم اني بحبهم اوووي وربيهم كويس وصاحبهم وحبهم خليك معاهم دايما ولو اتجوزت من بعدي متحبهاش اكتر مني علشان بغير عليك انت فاهم حبها شويه صغيرين وخليني في قلبك دايما متنسنيش وادعيلي ولو نسيتني هاجي في الحلم اعضك انا بقولك اهو متنسنيش ي ادهم وخلي بالك من عيالنا واعرف اني حبيتك اووي لو طلعت ولد سميه انس ولو بنت سميها علي اسمي لو مخرجتش واوعي تنساني وادعيلي دايما وخليني في قلبك
رد بعياط=هتخرجي وهنربيهم سوا بطلي هبل انتي قدها
لقيت الدكتوره داخله تقولي اجهز علشان اولد مش مصدقه اني هولد خلاص فرحانه انو ادهم جنبي حتي لو جرحني مش مهم المهم انو جنبي دلوقتي...بقلمي_أمينه إبراهيم
صلوا علي النبي ❤️❤️
ادهم" دخلت اوضه العمليات عدي ساعتين ومحدش خرج انا خايف لا انا مرعوب يا رب قومها بالسلامه انا مليش غيرها يااا رب
لقيت الممرضه خرجت جريت لقيتها بتقولي
= الف مبروك جابت بنت وولد يتربي في عزك
-مراتي عامله ايه هيا كويسه
=الولاده صعبه عليها ادعيلها
بعد شويه لقيت الدكتوره خارجه جريت بلهفه
-مراتي عامله ايه ي دكتوره
بصتلي وقالت= البقاء لله شد حيلك
بعياط وعصبيه- انتي عبيطه* بتقولي ايه
جريت علي الاوضه لقيتهم مغطين وشها صرخت
-انتو اغبيه هيا عايشه بس بتحب تهزر معايا بس قومي بالله عليكي متسبنيش لوحدي اسف علي كل حاجه اسف علي كل مره زعلتك فيها اسفه علي كل مره نمتي فيها بتعدي بسببي قومي يلا علشان نربي عيالنا ااااااااااااااااااااه متسبنيش لوحدي محتاجك جنبي انتي الملاك الا نور حياتي قومي بالله عليكي مليش غيرك
" وقتها افتكرت كلمتها هتندم وتيجي تدور عليا مش هتلاقيني ي ادهم وهتندم جامد اووي وندمك مش هيفيد ي ريتني سمعتها 😭😭"
" عاوزه اقول محدش يسيب حد بيحبه لانو اوقات ممكن نمشي نيجي نرجعله منلقهوش حافظ علي الا معاك مهما كان مين مش قصدي كحب لا صحابتك بتحبيها مامتك باباكي اي حد علشان منرجعش نندم ومش هيفيد الندم بحاجه وقتها حافظ علي الا في ايدك علشان مش بيتعوض مش مجرد خناق او سوء تفاهم يخسرك شخص هتندم طول عمرك انك مش هتشوفه تاني ودا كان هدفي من الروايه اتمني تكون عجبتكم واتعلمتوا حاجه منها.....بقلمي_أمينه إبراهيم 🌚🌚❤️❤️"
..........._تمت بحمد الله❤️❤️ _..........
- يتبع الفصل التالي اضغط على (رواية الحب المميت) اسم الرواية