رواية السمرة الفصل الثامن 8 بقلم مريم اليوسف

الصفحة الرئيسية

      رواية السمرة الفصل الثامن بقلم مريم اليوسف 


رواية السمرة الفصل الثامن 

في شغلات واضحة وضوح الشمس ... متل هالشمس يلي اشرقت على ضيعتنا ... قد ماحاولت مافيك تخفي الشي عم تحسو جواتك لانو اراديا بينعكس على وجهك . 
طالع منار من غرفتو وتوجه على الغرفة يلي قاعدين فيها اهلو وعم يشربو قهوة الصبح 
قرب من الطاولة سكب لحالو فنجان وقعد معن ... وفي اخوه الصغير واقف على الشباك يلي بطل على الطريق 
منار :يسعد صباحكن 
امو وابوه :وصباحك 
الاخ الصغير : اجوو ... اجوو .. قلتلكن رح يجو 
منار :مين هدول 
الاخ :الشرطة مين يعني .. قرب من امو وقال :ماقلتلك رح يجو 
منار :شرطة ؟؟ شوفي 
طلع الاخ لبرا  يركض ويشوف سيارات الشرطة  ومنار التفت ع امو وابوه  يحكولو شو صاير 
ابوه :ماحسيت ع الصياح بهالليل 
منار :لا صياح شو 
ابوه :في حرامي بالضيعة 
منار :حراامي وبضيعتنا ؟؟؟
ابوه :اي .. وفايت عبيت عمار يلي بسوق  على كميون 
امو : وهو الزلمة مسافر والحرامي عرفان انو مافي زلمة بالبيت  وفايت ... عم يقولو ما مخلي شي الا وسارقو ... خطي قال بنتو يلي من مرتو الأولى  مخبية دهبات امها اخدهن كلن وما مخلي شي ..  وعم يقولو ساحب عليها سلاح .. والبنت حالتها حالة 
منار : بصدمة : المىىى؟؟؟
امو : اي والله هيك كانو يقولو اسمها 
حط الفنجان من ايدو وقام طلع من البيت فورا 
وهو ع الباب عم يركب سيارتو اجا لعندو اياس 
اياس :خبرت ؟؟
منار : اي هلق اهلي عم يخبروني ...  فهمني شو القصة 
اياس : اركب بنروح ع المعمل وبنحكي 
منار :  بدي روح شوف شو صاير 
اياس :شو جنيت .. شو ماخدك والشرطة بكل الضيعة 
منار :المى شو صاير معا 
اياس :عاساس كتير بهمك 
منار :اياس لا تبلش كلشي لحال 
ركب اياس جنبو وقال :مريم وديمة راحو يشوفو  وبيخبرونا 
دور منار ومشي ... وفجاة ضرب ايدو على الدركسيون بغضب 
اياس :شبك 
منار :اكيد سمرا الها يد .. او حدا من صحباتها 
اياس :وين راح فكرك 
منار :وحدة متل هي بايعة شرفها مو بعيد عنها شي 
اياس :اي سكر ع السيرة ومادخلنا 
_________________
دخلو مريم وديمة وغزل من بين الشرطة لعند رفيقتن .. البيت معجوق والشرطة طالعة فايتة وعم تاخد بصمات ..  غرفة المى مقلوبة قلب ..  قربو وقعدو معها بالصالون  كانت قاعدة وراسها على صدر خالها .. وسمرا وولادا قاعدين عجنب .. وفي شرطيين عم ياخد اقوالن 
دخلو بصمت وماعارفين شو يحكو بهيك موقف  وكمان ليخلص الشرطي اخد الاقوال 
سمرا  للشرطي : لا ماحسيت على شي .. بس حسيت على المى عم تصرخ  حراامي ... وشي انكسر .. لما قمت لقيت غرفتي مقلوبة قلب ... بس ماهمني  غرفتي كان بدي الحق مصدر الصوت واعرف شو صاير ... وصلت لقيت غرفة المى مقلوبة   وقزاز بلكونتها مكسور  والمى عم تصرخ برعب 
الشرطي : يعطيكي العافية .. والتفت لعند المى 
ادهم :خالو قدرانة تحكي 
كانت ساكتة ودمعتها عالقة على خدها 
ادهم :خلص انا ببقا باخد اقوالها مبين انو مو قدرانة 
حطت ايدها على ايدو ورفعت حالها وجلست قعدتها  ومسحت دمعتها :رح احكي 
الشرطي :تفضلي 
المى : حسيت على حركة  عندي بالغرفة .. تجلست ولقيت ٢ واحد واقف فوق راسي  والتاني عم يعبي بالكيس يلي معو 
بكت وقالت :اخدو كل دهبات ماما الله يرحمها .... وكمان كلشي الي اخدوه .. يلي كان واقف فوق راسي موجه مسدس على راسي .... وقلي هششش🤫 ... انا ما استرجيت احكي خفت يقتلوني لحتى وهنن عم يهربو ... صرخت حرااامي قام واحد منن فات بالقزاز وكسرو    قام فورا وهرب 
الشرطي :اذا شفتيهن بتعرفيهن 
المى :لا ملتمين 
الشرطي :طيب كيف طولن 
المى :ما انتبهت بس بظن عادي لا طوال ولا قصار 
الشرطي :حجمن ؟
المى :لا لا مو سمان ولا نحاف 
الشرطي :اصواتن 
المى :ما سمعتن حكو ولا كلمة 
الشرطي :يعطيكن العافية رح نشوف شغلنا وان شاء الله بنوصل للحرامي 
وقف الشرطي وراح .. والبنات اندفعوا لعند المى قعدو جنبا وضموها 
وهية صارت تبكي معن 
________________________
واقفة شهد على شباك المطبخ ببيتها  بعد مارجعتلو هية ومعاذ 
قرب معاذ منها وضمها من خصرا : صباح الخير  
التفتت عليه :صباح النور ... قلتلك سمعت اصوات بالليل ما تصدقني 
معاذ :ليش شو صاير 
شهد :مابعرف بس بتحس الناس معجوقة  وحتى كان في  شرطة 
معاذ : اف اف  التفت ليطلع وقال :رايح شوف شوفي.مسكتو من ايدو ووقفتو 
شهد :ممنوع 
معاذ :بس شوف وارجع 
شهد :ممنوع 
معاذ :حكم فرعون يعني 
شهد : واهم .. المهم مشي كلمتي بهالبيت 
معاذ : بحقلك 😅
____________________
بالمعمل 
مجتمعين الشباب ودخل اياس وهو عم يضب تلفونو بجيبتو 
منار : شوو 
اياس : اجو الصبايا من عندن .. متل ماسمعنا بالظبط .. قال كانو تنين  واحد واقف فوق راس المى  ومصوب المسدس والتاني عم يلم ويسرق ... اي ف البنت شبه منهارة 
منار ساكت وماعلق 
تحرك محمد ليرجع عشغلو وقال لمنار :لاتعمل حالك خايف ومهتم مالابقتلك هالحركات 
منار تجاهلو وحكا اياس : وين المى هلق 
اياس : قالو البنات راحت مع خالها 
منار : خالها ؟؟
اياس : اي  البنت امها ميتة بس اكيد الها بيت جد 
منار : شو رأيكن حكيها 
محمد :ما وقتا .. يلي فات مات يا صاحبي 
طلع محمد وترك منار بحيرتو 
__________________________
بعد مرور اسبوع ..  الاوضاع كانت طبيعية .. محدا عرف الحرامية او الشرطة وصلت لشي ..  والمى رجعت من بيت خالها بعد مارجع ابوها من السفر وخبر كلشي لما وصل ... منار علاقتو مع هلا متعمقة كتير  ويمكن صارو اكتر من اصدقاء .. وبالنسبة لشوكت  منار رضي يشغل الشب اخوها لحبيبتو مشان مايخسر رفيقو  وكمان لموافقة رفقاتو البقية على الموضوع 
_____________________
بضيعة الشقرا 
سهران كم شب مع بعضن بأحد البيوت 
= وهي يلي بدنا اياه صار وقدرنا ندخل حدا على قلب المعمل 
_وايمت  ناوي تضرب ضربتك 
=عمهل ليخلص توسيع المعمل  مشان تكون خسارتو اكبر  
_ههههههه 
=بس اما هالحنون شوكت  طلع مضحكة  هههههه 
_____________________
على السطح واقفة سمرا وعم تحكي على التلفون : خلص  هلال بكفي  مافيني 
هلال :طيب دبريها 
سمرا : كيف يعني .. وعمار والمى بالبيت 
هلال :لك مابدي شي بس بدي شوفك 
سمرا :من ايمت صاير متلهف لشوفتي 
هلال :  ليش مابتقولي حب 
سمرا :عنجد 
هلال : اي لا تصدقي لانو انا بدي اكذب عليكي 
سمرا :خلص فهمنا .. ليسافر عمار بظبطتها
هلال :لك بدي شوفك وانت بتقوليلي ليسافر عمار 
سمرا :طيب شو الحل 
هلال :انا جاي اسهر عندكن 
سمرا :لا ا مو ظابطة 
هلال :طيب  بدي طريقة فوت برياحة لعندكن 
سكتت سمرا وكأنها فهمت قصدو 
سمرا :اممم .. مابعرف انت شو رأيك 
هلال : شو رأيك اجي واطلب المى وهيك بفوت وبطلع  بدون مشاكل 
سمرا :يلي بدك اياه عملو 
هلال :زعلتي ؟؟
سمرا :لا 
هلال :والله كرمالك عم اعمل هالشي وبس 
سمرا :طيب .. طيب ... اعمل يلي بتشوفو منيح 
هلال :دخيلو يلي بيفهمني ... اي قوليلي كيف الوضع عندكن 
سمرا :من يوم الحرمية والوضع مكركب شوي 
هلال :ما انعرفو 
سمرا :لا  
هلال:سمور ممكن سؤال 
سمرا :شو 
هلال :ع الزمة انت مالك يد 
سمرا : انت جنيت ؟؟اكيد مادخلني  اصلا مسروق من عندي كمان 
هلال:قلت بركي طمعانة بدهبات ضرتك الله يرحمها 
سمرا :  ولا بحياتي فكرت فيهن وبعدين هدول لبنتها يسطفلو وانا ماناقصني ... وبعدين ليش ما تكون انت 
هلال :اناااا؟؟؟
سمرا :اي ليش لأ .. انت الوحيد يلي بتعرف انو عمار مسافر .
هلال :انت شو عم تخبصي انا بدي دني نفسي مشان كم قطعة صيغة 
سمرا : اي ليش لأ ... يمكن محتاج 
هلال :لا لا .. هلق انا بقلك ممكن اعمل كلشي الا السرقة ماجربتا بحياتي 
سمرا :اي طيب هلق بدك شي 
هلال :سلامتك ياحب .. رح شوف اذا بقدر اجي  اسهر عندكن 
سمرا :اعمل يلي بدك اياه انا مادخلني 
اخدت سمرا سلة الغسيل الفاضية ونزلت لقت المى وابوها قاعدين عم يشربو زهورات 
المى : خالتي تعي اشربي عملت زهورات  بتروق الاعصاب 
سمرا : اي والله بدها 
المى : رح جبلك كاسة 
قامت المى ع المطبخ وحكي عمار : كأنو المى متحسنة نفسيتها شوي 
سمرا : ايي ... احسن شو بدا تضل متوترة ومتشنجة  وكمان يمكن بوجودك معنا عم تحس بالامان 
عمار : بدي غير هالمصلحة احسن شي 
سمرا : طول عمرك بتشتغل هالشغلة ...هيك بدك تتركها 
عمار :مشانكن ومشان المى 
سمرا :الحرامي معد يرجع لانو ماخلى شي .. والمى بكرا بتروح ع الجامعة 
عمار :جامعة لاء
سمرا : ببرود: لكن زوجها 😏
سكت ومعد رد .. ليرن جرس البيت  والمى يلي طالعة من المطبخ  كملت وفتحت وكان هلال 
هلال :مسا الخير انسة المى 
المى :اهلا .
هلال :الوالد هون ؟
المى : اي تفضل 
دخلتو وهية رجعت على غرفتها 
___________________
تاني يوم داخل منار على المعمل  وطلع بوجهو فريد  الشب يلي شغلو شوكت 
فريد :يسعدلي صباحك معلم منار 
منار ببرود :اهلين 
تركو وكمل لعند اياس كان واقف قدام مكنات جديدة 
منار :شو اياس كلو تمام 
اياس  وهو عم يحط القلم فوق ادنو  والدفتر الصغير بجيبتو :اي كلو تمام بس ناقصنا عمال 
منار :شغلتن فاضية .. يومين بالكتير  وبكونو مبلشين شغل 
فريد من وراهن :اذا بدكن انا عندي كم واحد بحاجة شغل 
منار :انت تحديدا خليك عجنب 
تركن وراح ع المكتب ولحقو اياس 
اياس :شبك ليش هيك نترت بوجه الشب 
منار :مابعرف ماني طايقو 
اياس :خلصنا ولوو ما سألنا عنو والشب منيح .. ومشان شوكت 
منار :اصلا ماكاسر ضهري غير شوكت  وحبو ... هالزلمة من يوم يومو مافي من وراه غير المصايب 
اياس :خلص روق .. انت اكيد في شي زاعجك 
منار : لا مافي شي شوبدو يكون فيني 
اياس : طيب عراحتك 
قعد منار على كرسيه .. وفتح على اسم هلا .. وظهر على الشاشة شو اخر حكوه 
                          أمس 
هلا :خلص منار لعد تجبلي سيرتها 
منار :شو صاير .. ما عأساس نحنا رفقات وانا عن فضفضلك 
هلا :اي صح .. بس طقت خلاقي منها ... صرت شوفها بالمنام ... مزال لساك بتحبها ليش تركتها 
منار :لا مابحبها 
هلا :لكن بتسكر على سيرتها نهائياً
منار :طيب ليش انفعلتي 
هلا :لانو 
منار :اي 
هلا : خلص مافي شي 
منار :لا احكي بدي اعرف 
هلا :لانو بحبكك
منار :شوو ... ايمت ...
منار :هلا 
منار :ليكي .. 
منار :طيب ردي 
                             اليوم 
منار : صباحو 
هلا :صباح النور 
منار :وين رحتي مبارح 
‌هلا :اسفة على يلي حكيتو اعتبر انو ما قلتلك شي 
منار :من ايمت 
هلا :اول الشي كان اعجاب .. وبلشت حبك .. صح فترة قصيرة بس  انت مليت كل وقتي وطول الوقت فاتحة ع اسمك وناطرة تبعتلي ... شوبتسميه هاد 
منار :مابظن حب 
هلا :لكن شو 
منار :والله مابعرف ... بس 
هلا :خلص فهمت عليك .. لساك بتحبها 
منار :موهيك
منار :ليكي 
هلا :شو 
منار :خلينا نعطي حالنا فرصة لانو انا والله بحاجتك 
هلا :عنجد 😍😍
منار :والله 
هلا :بتعرف شو جاي عبالي 
منار :شو 
هلا :شوفك 
منار :اي بتشوفيني ليش لأ 
هلا :عم تحكي جد 
منار :والله .. ايمت فاضية انا جاهز اجي لعندك بأي وقت 
خلا :ليك بس شي يومين .
منار :ليش 
هلا : بيت خالي عنا 
منار : وعندن ولاد شباب 
هلا : ههههههههههههه
____________________ 
عم تجلي بالمطبخ  وعم اتمتم 
سمرا : كلو علي  ... وهديك مابتشتغل شغلة بس حطها ع غنج ودلال 
دخلت المى وحاملة تلفون سمرا 
المى :خالتي تلفونك كان عم يرن كتير 
سمرا :مين 
المى :مابعرف  رقم 
استغربت سمرا .. نشفت اديها واخدت التلفون 
المى :خالتي بعدي انا بجلي عنك 
ماردت عليها وراحت قعدت على الكرسي وفتحت الواتساب لانو جاييها مسجات كتير  من نفس هالرقم 
=كيفك يا حلو .. يا حلوة الحلوات ..  يا سمورة الامورة 
لك ليش ماعم تردي ..
طيب شوفيلي هالفيديو  
فتحت الفيديو  واول ماظهرت الصورة شهقت ووقفتو  يعني ماطلع صوت والمى ماسمعت شي 
التفتت المى :شوفي خالتو
ماردت عليها وفورا ع غرفتها ...  كبست على تشغيل  وايدها عم يرجفو ... الفيديو وهية وهلال بغرفة نومها وعلى التخت .. كانت نايمة على صدرو وشاردة وهو عم يدخن 
سمرا : ياريت هالحرامي اجا من زمان ليفضالنا البيت  لحالنا 
هلال :ههههه يعني مانك زعلانة ع الدهب يلي انسرق 
سمرا :ليش شو الي .. ينحرق هو وصحابو 
هلال :ايمت جاي بعلك 
سمرا :الله لا يجيبو 
رمت التلفون ... على التخت  ومسكت راسها بتوتر وخوف .. ورجعت حملتو بسرعة .. اتطلعت فيه .. ورجعت اتطلعت عزاوية بالغرفة ... قامت بسرعة  وحطت كرسي فوق الخزانة واذا بتتفاجئ بكاميرا مراقبة  صغيرة اخدتها ورمتها بالارض لتنكسر ...
دقت المى على الباب :خالتي انت منيحة 
سمرا :انقبري حلي عني انت التانية 
قربت من الباب وقفلتو .. سمعت صوت تلفونها اجا بمسج ..ركضت عليه وهية مو بوعيها .. كان جايها فويس فتحتو ويصدر منو صوت رجولي  غميق : شو يا قمر ... اكيد في اسألة عم تدور براسك مين انا وكيف حطيت الكاميرا يلي بظن لقيتيها .. وشوبدي  ... بس هلق مارح جاوبك ... عمهل شوي بااي و اتشااو 
صارت تدق بس الخط خارج التغطية والواتس ماعد وصلو شي 
.. صارت تكتب  بسرعة : مين انت ... شوووبددككك ... لك ردد ...شوبدك منيي 
_______________________
اياس دخل على غرفة الشباب يلي بالمعمل  وهو مبسوط 
اياس :شباب باروكولي  
منار :مبروك  بس على شو ..
اياس :هلق حكتني امي وقال اهل البنت عطو الموافقة وتحدد موعد الخطبة 
محمد :مبروك ... حكيت مع ديمة 
اياس :لا لسه 
محمد :اي دقلها وباركلها 
اياس : اي بعدين 
محمد :بشرفك دقلها 
اياس :انت شو عم يصير معك 
محمد :لك اكذب عليها  وقلا  انو اهلا رفضوك 
اياس :عم تتخوت ولوو .. كيف يعني هيك 
محمد : لك دقلها  شو خسران ومنو بنكسب شوية دراما 
اياس :انت بدك تجيب اخرتي 
محمد :هههه
منار :اي بلله دقلها 
اتصل اياس  بديمة 
اياس :صباح الخير  ديمة 
ديمة حست انو في شي :اهلين 
اياس :اهلك خبروكي شي 
ديمة :بخصوص شو 
اياس :بخصوصي بخصوص شو يعني
ديمة :اي مبارح بابا قلي شو رأيك بالشب 
اياس :وانت شو قلتيلو 
ديمة :قلتلو متل مابدك 
اياس : متل مابدو قلتيلي 
ديمة :لكن شو بدي قلوو .. شو صاير اياس 
اياس : بس ابوكي طلع مابدو ... وانت مالك كلمة 
ديمة :لا مستحيل ...  انت كتير عاجبن 
اياس :وشوعرفني شو غيرن ... ليش ماقلتي بدي اياه 
ديمة : اياس  عنجد شو صاير . عنجد رفضوك 
اياس :شوبدو الواحد يحكي بس ... يلا جهزي حالك 
ديمة :على شو 
اياس : عالخطبة انهار الخميس 
ديمة :لك ايااااااااس 
اياس :ههههههه مبروك علينا 
ديمة :لك بكرهك 
اياس :ههه كذابة 
__________________________
سمرا منعزلة بغرفتها ... بعد يلي صار معها  ...رن تلفونا بمسج 
=معك ٣ اسئلة لجاوبك  على واحد منهن  ... ١-مين انا  -٢- شوبدي -٣-  وليش انت 
ردت سمرا: مين انت وشوبدك 
=اتفقنا على سؤال واحد 
سمرا :مين انت 
= انا الحرامي يلي فات لعندكن 
سمرا :طيب شوبدك 
= يتبع .... 
سمرا :كلب ... حقيير 
اندق الباب :خالتي  الغدا جاهز  تعي كلي معنا 
سمرا :ابوكي وينو 
المى : مابعرف بدي أسألك نفس السؤال 
سمرا:كلو انتو انا باكل مع ابوكي 
بعدين تذكرت سمرا انو هية ماطبخت ..  قامت وفتحت الباب 
سمرا :شوبدكن تاكلو ... انا ماطبخت 
المى :انا طبخت معكرونة ... تاكلي 
رجعت وطبشت الباب بوجه المى وماردت 
رفعت المى بكتافها وراحت تاكل مع اخواتها 
_______________________ 
عتلة صغير محايدة عن الضيعة  كان قاعد شوكت  ومعو عصاية عم يكسرها بأيدو لحتى اجا من وراه صوت انوثي .. والتفت فورا ليشوف حبيبتو يلي ناطرها .. وقف بسرعة  وهية قربت منو مترددة ... مدت ايدها بخجل  .. صافحها  وشدها ليضمها بس هية فورا انسحبت لورا 
نور :انت شو عم تعمل 
شوكت :اسف حبيبتي .. بس ماقدرت اتمالك 
نور :اصحك شوكت تعيدها .. والا مابتعرف شو بعمل 
شوكت :خلص اسف 
قرب وقعد على حرف التلة واشرلها تجي تقعد جنبو 
قربت وقعدت بس في بيناتن مسافة كبيرة 
شوكت : هلق هيك 
نور: اي هيك انت مالك امان 
شوكت :طيب انا بدي  اجي اطلبك ايمت 
نور:كل ماتقربت من اخي فريد  اكتر كل ماكانت خطتنا انجح 
شوكت :والله صايرين صحبة انا واياه 
نور:مابكفي 
شوكت :شوبدك اعملو .. اعزمو ع الغدا والعشا  ونيمو عندي 
نور: اي ليش لأ 
شوكت :عم تحكي جد 
نور :والله ... بدي  انو اخي فريد هو يلي يجيبك عريس الي فهمت علي كيف 
شوكت :اي خلص فهمت ... بس قربي شوي يا حنونتي 
وقفت وقالت :انتهت المقابلة باااي 
شوكت :لك شو جاي شوف مسجون  انا 
نور: واكتر  باااي 
______________________
المسا 
سهرانة سمرا وشاردة وكل شوي  يرن تلفون وتشوف مين بلهفة وترميه بملل.. يمكن مو الشخص يلي ناطرتو عم يبعتلا 
اجا  عمار وسلم وانضم لقعدتن 
المى : بابا اعملك شي تشربو 
عمار :لا حبيبتي ... تعي بدي احكي معك بموضوع 
المى :الي 
عمار :اي الك 
قربت وقعدت جنبو وقالت :قلي بابا 
عمار :والله مو عارف شو قلك يابنتي ... اول مرة بنحط بهالموقف .. وماتوقعت يجي هاليوم بهالسرعة 
انتبهت سمرا لحديثن وعطت ادنها الن 
عمار : بصراحة يابنتي جايكي عريس 
حست نار بصدرا .. يمكن تخيلت انو يكون منار 
المى :عريس .. والي ؟؟
عمار :اي بابا .. بس اذا مابدك مارح اجبرك 
سمرا اتدخلت بالحديث وقالت :مين العريس 
عمار :هلال ابن شريكي 
المى ضلت ساكتة وماعلقت 
سمرا :والله هلال شب كامل ومو ناقصو شي 
عمار :بس القرار الاول والاخير لألمى 
المى :بدي فكر 
تركتن وقامت دخلت 
سمرا :اي بس لتاخد رأي خوالها وستها .. مابتقدر ترفضلن طلب 
عمار :مو غلط  .. تسأل يلي بدا اياه 
سمرا : عفكرة انت ابوها مو هنن 
عمار :وهنن بيت جدها ..  مو غلط .. اي خبريني شو عاملة عشا 
سمرا :المى يلي طبخت 
عمار :عم تكبر هالبنت بسرعة
سمرا :😏😏 رح قوم حطلك عشا 
دخلت ع المطبخ  ورن تلفونها بمسج 
=قررت جاوبك على سؤال تاني  .. وهو ليش انت ؟  والجواب لانو حبيتك 
مدري ليش هالرسالة نزلت شوية برودة على قلب سمرا وبعتت .. مين انت بترجاك تحكي .. وانا جاهزة لكلشي بدك اياه 
رد وماتوقعت يرد : جاهزة لكلشي ... لكلشي 
سمرا :بدي اعرفك بالاول 
= لا تستعجلي على آخرتك ... يتبع ...
وفورا صار اوف  لاين ... 
عمار  من برا :شو ياسمرا شو صار بالعشا 
سمرا :يلا ثواني 
قبضت على كف ايدها وصارت تضرب المجلى بغضب مكبوت 
____________________
ماشي منار بالضيعة ومتجه من بيت اهلو لبيتو ... وهو عم يحكي على الموبايل 
هلا : مابدك تقولا 
منار :شو هية 
هلا :انك بتحبني 
منار :قلتلك مهليني 
هلا :لأيمت 
منار :مابعرف ...
هلا :انت بتكرهني 
منار : لا والله .. انت قريبة مني  كتير 
هلا :لكن ليش ماعم تقولا ... عجب لهديك  قلتلا فورا 
منار :حب من اول نظرة 
هلا :عفكرة الحب  من اول نظرة اغلب الاوقات فاشل 
منار :بدك اكتر من الفشل يلي انا فيه 
هلا : ليك اذا مو قدران  تكمل معي بنسحب 
منار :لا لا طبعا مافي تنسحبي 
هلا :ليش 
منار :والله انك غالية علي كتير .. بعدين انا لهلق ماشفتك .. ماشفت منك الا صورتك  وكتاباتك وصوتك 
هلا :وهدول مابكفو 
منار : يمكن هاد الشي يلي ناقصني لحس بكل الاحساسيس معك 
هلا  : خلص بس لظبطها 
منار :ليش عم تماطلي 
هلا :ليش ماكون بدي اعملك اياها مفاجأة 
منار :اممم 
هلا :خليتني احكي 
منار :خلص أسف اعتبريني ما سمعت شي 
هلا :مشي الحال 
منار :اي صح نسيت خبرك 
هلا :قلي 
منار : المعمل اتوسع ... والعمال بكرا رح يبلشو شغل 
هلا :يعني خبر اخي يجي يتفق معك 
منار :بصراحة هو الكمية يلي رح تزيد عليها طلب .. بس تكرم عيونك رح ظبط الوضع لاخوكي .. وكرمال عين تكرم مرج عيون
هلا :الله يخليلي  اياك ... منار انا بحبك كتيييير 
ابتسم ومارد كان واصل على بيتو  فتح وكانو الشباب متجمعين وانصدم لما شاف معن فريد 
منار :فريد؟؟؟؟؟
وقف شوكت وسحبو لبرا 
منار وهو لساتو مصدوم :مفوتو على بيتي ؟؟
شوكت :مشان الله روقنا يا حنون 
منار :مدخلوو على بيتي يا شوكت 
شوكت :مو بايدي 
منار :هلق وبهالثانية بتفوت وبتطالعو احسن ما اطلع بروحك وبروحو 
شوكت : طيب مشاني 
منار :بدو ينخرب بيتنا من وراك وبكرا قول منار قال 
شوكت :ليش انت هيك 
طلع معاذ وقال :شبكن 
منار :هاد البني ادم يلي جوا مابفوت عبيتي
معاذ :لك شوفيها مافوتو على المعمل 
منار  والله لو المعمل الي لحالي  لايحلم يلمحو لمح ..بس انتو كاسرين ضهري ..بس هاد بيتي وبفوت عليه يلي بدي اياه وبقلع يلي بدي اياه 
شوكت: لكن  انا رح روح انا واياه 
منار :الله والنبي معك ومعو 
شوكت :هيك  صارت 
منار :هيك ونص 
دخل شوكت  اخد فريد وطلع هو واياه  والسم عم ينقط من وجهو  .. وفريد عوجهو ابتسامة نصر خبيثة انو قدرو يفرطو الصداقة 
معاذ :عفكرة عيب عليك 
منار :انقهرت عليه ؟
معاذ :اي  مابصير هيك تحكيه .. ونحنا رفقة عشرة عمر 
منار: الحقووو 
معاذ :عم تقلعني  يا منار 
منار :اي عم قلعك ..  روح انقلع والحقو لصاحبك 
معاذ :عم تغلط كتير يامنار 
منار :بصير خير 
معاذ بأرضو ضل مكمل ورا شوكت 
طلع اياس ومحمد على صواتن 
محمد :شوفي 
منار :كيف بتسمحو لهداك يدخل على بيتي 
محمد :هههه وشو دخل على البيت الابيض 
منار :لا بيتي اهم ... وهيك شكيلات مابتفوتو 
محمد :لا تحكم على الشب بس لانو من هديك الضيعة 
منار :محمد لا تخليني لحقك فيهن 
محمد :هههه ليش اتقلعو 
بعدو منار من وجهو ودخل 
اياس :شبو هاد جانن ... تعا لنشوف شبو 
محمد : وبركي قلعنا ههههه
اياس :فشرت عينو تعال 
________________________
تاني يوم الصبح طلعت المى  من غرفتها  ومشت ببطء عغرفة القعدة محل مو قاعد ابوها عم يحضر نشرة اخبار الصبح 
قربت وقعدت جنبو :المى: صباح الخير بابا 
ابوها :صباح النور حبيبتي 
المى :بابا انا جيت خبرك بقراري 
عمار :فكرتي 
المى :اي 
عمار :قوليلي 
المى :اي موافقة ... بس حاليا بدون شي بس يجو يلبس المحبس والخطبة الاساسية عمهل لندرس بعض
________________________
طالع اياس من غرفتو بتياب الشغل وهو عم يرفع كم القميص لفوق  وسمع مريم  عم تحكي على التلفون 
مريم :عنجد ... ايمت وكيف .... لا طبعا فرحتلك الف مبروك حبيبتي بتستاهلي كل خير ... ايمت الخطبة  ...الله يتمملك يارب  ... اوك خبري الصبايا لنجتمع 
سكرت وقالت :الله لا يسامحك يا منار 
اياس :شبو منار 
شهقت والتفتت لورها بفزع 
مريم :اتنحنح .. دق .. واقف متل اللصوص 
اياس :يعني مو متل الحرمية 
مريم :هاد يلي طلع معي 
اياس :المهم مين هي يلي انخطبت 
مريم :المى 
اياس :بالله جد 
مريم :والله .. خليه ينبسط ابن خالتك روح على حالو بنت متل القمر 
اياس :الدنيا قسمة ونصيب .. مادخلنا 
مشي خطوتين ووقف وقال :ااه صح مين خطبت 
مريم :اسمو هلال ابن شريك ابوها 
اياس :هلال !!
مريم :بتعرفو 
اياس :مابعرف اذا بعرفو .. عكل حال الله يهنيها 
طلع اياس وركب متورو وراح على المعمل  .. وهو بطريقو شاف شوكت بسيارة الحليب ووقف جنبو 
شوكت :صباحو حنوني 
اياس :اهلين .. ليش ما كنت ترد علي مبارح 
شوكت :ماشفت شو عمل ابن خالتك 
اياس :شفت وكان بدنا نصالحكن 
شوكت :لا معد  حكيه كل واحد بحالو ويلي بيجمعنا هو هالشغل وبس 
اياس :وفريد ؟؟
شوكت:  عم يشتغل بحصتي ومحدا دخلو 
اياس : سبحان الله  ما الطفك بس تعند عفكرة منار مانو زعلان واتندم ليش قلعكن 
شوكت :مالو حق .. وبعدين اذا هو مو زعلان انا زعلان 
اياس :ومعاذ 
شوكت : مافي شي بينو وبين منار هلق بيتصالحو
اياس : الله يكبرلكن هالعقل بس 
شوكت:قول هالحكي لابن خالتك 
دور متورو اياس وراح على المعمل ...  لقى سيارة منار واقفة والعمال عم يحملو فيها طلبية ومنار واقف عند باب البراد وعم يراقب التحميل 
اياس :صباح الخير 
منار : صباح النور 
القى نظرة لداخل المعمل  وقال : اجا معاذ ؟
منار : اي ليكو جوا وضارب بوز 
اياس :وشوكت شفتو على الطريق  كمان  ماخد موقف
منار :شوبدي اعملو ... مشان الله شوف فريد مكيف ع الشغل ونحنا عم نتقاتل بسببو .
اياس :والله انت مكبرها 
منار :لا تصدقوني ليوقع الفاس بالراس 
اياس : طيب روق 
منار :حل عنا يااه 
اياس :طيب مزالك مأفعة معك اسمع هالخبر 
منار :هات لشوف 
اياس :المى انخطبت 
منار :شوو 
اياس :ماتوقعت تتفاجئ 
اتدارك الامر وقال :لا  بس مين 
اياس :قال اسمو هلال بس ماعرفتو 
منار :هلال ؟؟؟؟؟
اياس :بتعرفو 
منار :ومالقت غير هالفلتان 
اياس :....
منار :ليك  اتصل اتصل بمريم ... خليها تخبرا انو هاد مانو منيح ابدا ...ومن وحدة لوحدة ومانو خرج جازة .. واحد وسخ
اياس :ماني مخبر حدا  وانا واختي مادخلنا وحتى انت مادخلك 
منار سكت ومعد عرف شو يرد 
_______________________
عم تحكي مع خالها ادهم على الموبايل 
ادهم بصوت عالي :كيف بتقولي مواافقة كييف 
المى :خالو  اتركني على راحتي 
ادهم :ايو راحة هي ...  انت شو بتعرفي عنو لهاد هلال البطيخ .. واصلا انا ماطقتو 
المى :خالو انا مصرة على قراري
ادهم: بس لخلص مهمتي نازل  وبعرف كيف اتفاهم معك 
المى :ماشي بس قراري مارح غيرو 
ادهم :بصير خير .. بس ليكي 
المى :اي قلي 
ادهم :اصحكن تكتبو الكتاب  هلق 
المى :اكيد  
ادهم :سلام 
المى :الله معك ...
سكر ادهم  والمى رمت الموبايل جنبها واتنهدت رجع رن .. اخدت الموبايل وردت 
المى :اي خالو  قلي 
منار : المى انا منار 
بعدت التلفون فورا عن ادنها واتطلعت بالشاشة بصدمة ..  اخدت شهيق وزفير ورجعت التلفون على ادنها 
المى :اي تفضل 
منار :خبرت بدك تنخطبي
المى :وعندك مانع
منار : لا تنخطبي لهاد الشب مانو منيح 
المى : ليش انت منيح ؟؟
منار :  انا غير هو 
المى :وانت شو دخلك 
منار :حبيت انصحك 
المى :نصايحك ردن عحالك ماني بحاجتن 
سكرت التلفون  ورمت حالها على تختها وصارت تبكي 
_____________________
الخميس بخطبة  ديمة واياس 
كانت حفلة صغيرة وفيها بس المقربين والاصدقاء 
لبسها اياس المحبس وباسها من جبينها وقامو يرقصو .. مع بعض 
اياس :طالعة بتجنني 
ديمة : وانت كمان 
اياس :الله لا يحرمني منك .. سند راسو على راسها وكملو رقصة السلو
الشباب ماخدين زاوية والبنات نفس الشي 
الا المى ... 
شهد : عقبالكن صبايا 
مريم :شكرا .. 
شهد :كان في صبية  تانية وينها 
غزل :يمكن ابوها ما خلاها تعودنا عليها هيك اغلب المناسبات مابتحضر 
شهد :شو حسيتها بريئة 
مريم : هية فعلا هيك 
غزل :وهلق كمان انخطبت بكون طلع خطيبها اضرب من ابوها 
الاء : صحي شو صار معن بقصة الحرامي 
مريم :ماعرفو شي 
شهد :اااه نفسن يلي انسرق بيتن 
مريم : اي صح 
خلصت الموسيقى ورجعو العرسان عمحلن .. وبهالاثناء والجو هدوء دخلت المى  وهية لابسة فستان سهرة مغري شوي بعكس لبسها القديم يلي ببين برائتها .. هالمرة مبينة انثى بالغة وحلوة .. كان مكشوف شوي عند الصدر والضهر .. كانت طلتها مختلفة وخلت كل الانظار عليها ... دخلت بكل ثقة لعند العرسان  سلمت على ديمة بالحضن وعلى اياس مصافحة وراحت قعدت مع البنات 
معاذ صفر وقال :شو هالصاروخ 
منار انقهر واضايق بس ماعلق وكأنو لسانو ماعطاه الحق 
محمد :ههههه بتحب خبر مرتك 
معاذ :لا لا دخيلك ... بس عنجد مين هي 
شوكت بضحكة جنابية :بنت زوجها لسمرا  حبيبة منار القديمة 😏
تركن منار وقام لبرا لانو لسه متحسسين من بعض وماعم يحكو بعض وشوكت قصد حكي ليغيظو 
محمد :تضرب منك الو شو غلاظ 
شوكت :ليش شو حكينا بس عم ذكرو مين حب قبل مايحاسبني  مين حبيت 
معاذ :انا قايم ارقص مع مرتي 
قام معاذ وسحب مرتو يرقصو وانضمت الهن الاء ..  وكم حدا من الاهل والاقرباء لحتى الساحة تعبت 
غزل كان نظرها على شوكت .. يمكن في شي لسه بقلبها تجاهو .. بس هو كان ملتهي بتلفونو والابتسامة على وجهو وعرفت انو عم يحكي مع وحدة وهيا ابدا مانها موجودة بالنسبة الو .. ومحمد عم يطلع على مريم .. لحتى مريم لاحظت انو عم يتطلع فيها بس تجاهلت هالنظرات 
المى : مريم غزل قومو نرقص 
غزل : بيحكي شي خطيبك 
المى :مادخلو فيني .. تقومو 
مريم :متطورة امورك الموش 
المى :لسه ماشفتو شي 
قامت المى تتمايل  بالرقصة والمحبس عم يلمع بايدها وغزل عم ترقص قبالها ... فجأة لقت حالها عم ترقص قدام منار  وهو فتح ايديه وصار يرقص .. كل ما تفتل لتبرم تلاقيه صار قداما لحتى  تركت وراحت قعدت مقهورة  منو 
فجأة انقطعت الكهربا وحدا سحبها من ايدها وقفها وحط ايدو على تمها وطلعها لبرا قبل ما تشتغل اضوية التلفونات  او تجي الكهربا .. طلعو لبرات البيت  واجت الكهربا بس كانو بعاد عن العالم وتركها 
المى :انت شو مفكر حالك 
منار :مانك خجلانة من حالك بهاد اللبس 
المى : وانت شو دخلك 
منار : ولا خطيبك يلي بلا شرف سامحلك 
المى : مابسمحلك وانت اخر واحد ممكن تتدخل بحياتي ..وعخطيبي مابسمحلك تحكي عنو ولا كلمة صغير على القليلة طلع رجال وقد كلمتو 
ساكت 
اشرت عراسو وقالت :انت عندك هون شو عم يدورلك باي حق بتسحبني هيك .. شو مفكر حالك .. فهمني .. وجاي عم يحاسبني على لبسي .. انت شووو دخلك 
منار :صح مادخلني بعتذر ... بس انت بنت ضيعتي ومتل اختي وحبيت انصحك 
المى :ههههه وشوبدك تنصحني يا اخييي
منار :هاد هلال واحد مانو منيح وواحد وسخ 
المى :بدك اياني اتركو 
منار : عم انصحك بس بالنهاية هي حياتك وانت حرة 
المى :منار 
حست ببرقت عيونو يلي عكسو ضو القمر لما سمع اسمو 
المى :ممكن سؤال 
منار :السؤال يلي بدك تسأليه مافيني جاوب عليه 
المى : قصدك ليش تركتني ؟؟
منار :ايي؟
المى :لا ماهو ... اصلا ولا قلك انسى بس ماهاد هو السؤال 
منار :لكن 
المى : اذا تركت هلال بتتزوجني
سكت ونزل راسو وماحكي 
المى :منار 
رفع راسو واتطلع فيها ... ومع رفعت راسو  حس بكفها عم يصفعو على خدو  رفعت فستانها ودخلت 
وهو هرب ومشي وبعد عم البيت وقلبو شاعل بنار 
منار :غبي ... غبي...
طلع موبايلو  ورن على هلا بس ماردت .. وردت كتابة 
هلا :اي حبيبي 
منار :انا بدي شوفك معد اتحمل اكتر من هيك 
هلا :😭😭😭
وقف بعد ماشاف شو بعتت 
منار :شوفي 
هلا :اخي عامل حادث  ووضعو خطر 
منار :شو عم تحكي
هلا : منار خايفة على اخي 
منار :رح دقلك  
هلا :مافيني انا هلق بالمشفى 
منار :طيب طمنيني
هلا :منار انا بحاجتك 
منار :قوليلي انت باي مشفى 
هلا :لا مافيك تجي شوبدي قول لاهلي 
منار :كيف فيني كون جنبك 
هلا :ولا شي بس حسسني انك جنبي وهاد بكفيني .. حسسني انك بتحبني 
منار :هلا  انا بحبك 
هلا :تقبرني ما احلاها ..  ليك بحكيك بعدين 
منار :طمنيني عن اخوكي 
هلا :اي ماشي حبيبي 
_______________________
الباب عم يندق على بيت عمار ... فتحت سمرا ووقفت بالباب وكان هلال 
سمرا :اهلين 
هلال :كيفك 
سمرا :منيحة 
هلال :  طيب ممكن ادخل 
سمرا : بس خطيبتك مو هون 
هلال : ااه عنجد .. وينا 
سمرا :بخطبة رفيقتها اخدت اذنك شي ؟؟
هلال :  لا .. انا رايح شوفها وين بيت رفيقتها 
سمرا :قاعدين 
هلال : هو كان لازم استغل الفرصة انو مافي حدا  .. بس بالاول لشوف المى وكيف بتروح بدون ماتخبرني .
سمرا : اي بسرعة 😏😏
دخلت وطبشت الباب
التفت ليمشي بوصلة المى 
المى : مسالخير 
هلال : جيتي ؟
المى :شو شايف 
قربت من الباب ورنت الجرس
هلال :كيف بتروحي بدون ماتخبريني 
المى : خبرت بابا 
هلال : وانا 
المى : لما بصير عندك ببقا باخد اذنك 
فتحت سمرا 
سمرا لهلال :لحقت تجيبا 
المى :لا جيت لحالي 
دخلت المى  خطوتين جوات الباب وحكت: بنعتذر مافينا نستقبلك  بدون زلمة باي 
ابتسمت سمرا وطبشت الباب  بوجهو 
هلال : هي الفصعونة يطلع منا هالشغل .. انا بفرجيكي 
___________________
الكل أوى ل فراشو  وسرح بفكرو بالشي يلي شاغل بالو 
قعدت سمرا  بتختها وعمار مو جنبها كالعادة مسافر .. حكاها هلال : هي المى من ايمت هيك متنمردة .. كنت مفكرها قطة مغمضة 
ماردت عليه  لانو مارايقتلو 
هلال : عم حكيكي وينك 
سمرا : عم اسمعك 
هلال  بس يجي ابوها من السفر الي حكي معو 
سمرا :اي 
هلال :شو اي 
سمرا :خلصت 
هلال :وانت شبك 
سمرا : منيح فطنت 
هلال : عشو 
سمرا :ليك روح نعسانة باي 
سكرت مع هلال واجتها الرسالة يلي منتظرتها 
=كيفا السمورة اليوم 
سمرا :نشفتلي دمي خلصني وقلي مين انت وشوبدك 
=اصلا انا مليت من المماطلة .. رح احكي بالمشرمحي 
سمرا :ياريت 
= قدامك خيارين يا اما هي الصور والفيديوهات بيوصلو لعند زوجك  وبهي الطريقة  يمكن يقتلك او يقلعك هو وشهامتو وشو بيطلع منو 
سمرا :يا اما ؟؟
=بتطلقي  ...

يتبع الفصل التاسع اضغط هنا 
  • الفهرس يحتوي على جميع فصول الرواية كاملة :"رواية السمرة" اضغط على اسم الرواية 
google-playkhamsatmostaqltradent