رواية السمرة الفصل التاسع بقلم مريم اليوسف
رواية السمرة الفصل التاسع
= قدامك خيارين يا اما هي الصور والفيديوهات بيوصلو لعند زوجك وبهي الطريقة يمكن يقتلك او يقلعك هو وشهامتو وشو بيطلع منو
سمرا :يا اما ؟؟
=بتطلقي وبتجي لعندي
سمرا : شووو .. شو هالطلب
=هاد يلي عندي
سمرا:بترجاك مستعدة اعمل كلشي الا الطلاق
=ليش كل هالقد بتحبيه لجوزك
سمرا :ماقصة حب ... بس هاد بيتي وعندي ولاد
=ليش مافكرتي فيهن قبل ماتمشي بطريقك الوسخ
سمرا :ومين انت لحتى عم تحاسبني
=له له مابدنا نغلط
سمرا :هلق بدك تحكي وتقول مين مسطلك علي
=انا سلطت حالي بحالي ... المهم شو رح تنفذي المطلوب
سمرا :طبعا لأ
= عفكرة انا ماني عم امزح ... مافي قدامك غير هالخيار يا اما بتطلقي وبتاخدي قرشين ... يا اما بفضحك ولزيدك من الشعر بيت بروح بسلم حالي وبقول انك بعتيني اسرق البيت والدهبات ... يعني فوق الفضيحة وتشتيت ولادك وقضية دعارة قضية سرقة
سمرا ....
=رح اعطيكي مهلة اسبوع بدك تكوني متطلقة
سمرا :شو مصلحتك .. اكيد انت حدا بتقربنا
=لا مابقربكن لا من قريب ولا بعيد ... بس عايزك بعد الطلاق بشغل
سمرا :وشو هو
=مافيني احكي .. بعدين بخبرك ... يلا ياحلوة عقارب الساعة بلشو يمشو تك تك .. اعملي شي مشكلة واتطلقي كرمالك
ويتبع....
_____________________
فاق الصبح واول شي عملو اخد تلفونو ودق لهلا يتطمن عليها وعلى اخوها
بس سكرت بوجهو وسرعان ما اتصلت فيه
منار :ليش كل مابتصل فيكي بتسكري وبرتجعي بتدقي
هلا :مابكون الوضع بيسمح لهيك بسكر
منار :المهم طمنيني عنك وعن اخوكي
هلا :الحمد لله احسن بكتير ... حادث بسيط .. يعني بدو يقعد بالبيت شي شهر
منار :اي تمام .. وانت
هلا :مشتاقتلك
منار :وانا كمان .. طيب اذا مافيني شوفك خليني حكيكي فيديو.
هلا :لا مابحب الفيديو وبعدين بتلبك خليني شوفك شخصيا وبعدا بتنفك العقدة وبصير بقدر حكيك فيديو
منار :ماشي رح اجي معك لشوف شو اخرتها
هلا :مسك وحياتك ... خلص وعد يومين ورح تشوفني
منار :تمام
هلا :احكيلي كيف كانت خطبة رفيقك
منار اتذكر المى بس ماقلها شي : كانت غير شكل
هلا :والمى كانت موجودة
منار :كانت
هلا : اييي
منار :ماصار شي.. اصلا البنت انخطبت
هلا :جد ... ماخبرتني
منار :ماقلتي لاتجبلي سيرتها وانا معد قلتلك شي عنها
هلا :بس هيك خبر بفرحني
منار :ماخطر عبالي .. ماعد تهمني لاهية ولا اخبارها
هلا :وشوكت ومعاذ شو اخبارن
منار :والله مابعرف
_______________________
عم يندق الباب ومحدا عم يرد
فاقت المى على صوت الباب يلي ازعجها .. قامت بملل وفتحت وكان ابوها
عمار :كيفك حبيبتي
المى :اهلين بابا .. الحمد لله عسلامتك
عمار :ليش ماعم تفتحو
المى :وين مفتاحك
عمار :شو نسيتي انو ركبنا ساقط ومابينفتح الا من جوى
المى : ايي نسيت
دخلو وكملو مع بعض لجوا
عمار :وينا خالتك
المى :اكيد نايمة .. صحي بابا مافي شي خبر عن الحرامي
عمار :ما الاخبار لازم تكون عند خالك
المى :معقول دهبات ماما راحو
عمار : خلص حبيبتي ولا يهمك بكرا بعوضك
المى :مو عشان الدهب بس لأنن من ريحة الماما
عمار :الله يرحمها .. ان شاء الله بيرجعو
المى : آمين
كمل عمار على غرفتو وفتح ... لقى سمرا متسطحة ووجها اصفر
عمار :مرحبا ... خير سمرا شبك
سمرا :مريضة .. مدري شبني
عمار :سلامتك .. تروحي ع الدكتور
سمرا :لا لا شوية كريب .. هلق بشوية زهورات بيمشي حالي
عمار :المى بابا ... اعملي زهورات وجيبهن لخالتك
_______________________
المسا
من هداك اليوم وكل حدا عم يضل ببيتو ومعد اجتمعو .. معاذ عند مرتو وشوكت ببيتو .. واياس اليوم عند خطيبتو ومنار عم يحكي مع هلا
واتساب
هلا :منار شيلنا من هالسيرة وقلي
منار :شو
هلا :شقد بتحبني
منار :هلا انت شي صار جزء من حياتي ... بس لسه ناقص بدي شوفك
هلا :جزء لأيو حد
منار :كيف يعني جزء لأيو حد .. مابكفي انو انت الشي الوحيد يلي بضل عم احكي معو ووقتي كلو معك .. لك اذا مابحبك تعودت عليكي
هلا :لنفترض انو ما اتفقنا او انت ماحبتني
منار :لا رح حبك
هلا : طيب اجى شي وخلانا نترك
منار :لا تحكي هيك مابقدر ... بكفي فراق بكره الفراق
هلا :لساك متأزم من المى
منار :لا ... بس شو ماكان بكره حدا يحاربني او يزعل مني .. انا عشوكت ومعاذ رح جن كيف عليكي
هلا: اي هدوك رفقاتك
منار :وانت روحي ... خلص شيلي هالسيرة ماحبيتها
هلا :شوو قلت 😳
منار :شيلنا من هالسيرة
هلا :لا قلت روحي
منار :لسه عندك شك
هلا :بحبك .. بحبك ... بموت فيك
______________
راجع اياس مشي من عند ديمة بعد ماخلص سهرتو .. وهو على الطريق التقى بمحمد
اياس :ابو حميد ع وين
محمد : والله ضايج قلت لاتمشى شوي
اياس :تعا نفوت لعنا نشرب شي
محمد :لا لا الوقت اتأخر
اياس :لسه ماصارت عشرة تعال ولوو اصلا انا عم ضوج .. يضربو بشكلن نزعو هالشلة
محمد :اي والله
اياس : تعال وهلق بنبعت لمنار يجي
دخلو واياس دخلو على غرفة الضيوف ونده على مريم من الباب .. قربت مريم منو.
اياس :اعملي شاي
مريم :ليش مين عندك
اياس : محمد
مريم :هاد الغليظ
اياس :لك هسس عيب عليكي هلق بيسمعك
شهقت وحطت ايدا على تما وراحت بسرعة واياس خاف لايكون محمد سمعها وهو بالحقيقة عنجد سمعها .. وهالشي جرحو كتير .. هية البنت يلي عم يحلم يكمل معها ويحبها ... وطلع بنظرها واحد غليظ
دخل اياس بخجل وقعد جنبو وقال : اهلا بمحمد والله
محمد : اهلين فيك
اياس :فيك شي
اخد نفس محمد لبين على طبيعتو وقال : لا مافي شي .. حكيت منار
اياس : لا والله رح حكيه
......
مريم بالمطبخ عم تعمل شاي وخايفة محمد يكون سمعها .. هية ماقصدها .. بس حكت هيك مشان اياس مايشك انو هية معجبة بمحمد .. هية ملاحظة عليه من زمان ويلي زاد شكوكها مبارح بخطبة اياس وديمة ماشال عيونو عنها وضلت طول الليل عم تفكر فيه
مريم :اووف شو اعمل هلق ... مريم انت طول عمرك بتتصرفي بحكمة... احسن الشي حكيه واعتذر منو وحاول استدرجو بركي عنجد معجب فيني بركي بيحكي ... هي رفقاتي انخطبو ولسه انا ... صح لسه غزل 😅😅
فار ابريق الشاي وهية عم تحكي حالها
____________________
داخلة المى بصينية القهوة وضيفت هلال وابوها وقعدت جنب هلال
المى بهمس :ليك هلال
هلال :اي حبيبتي
المى :بدي اسألك بخصوص الجامعة رح تخليني كمل دراسة وسجل جامعة
اتطلع بأبوها ورجع اتطلع عليها وقال :مابعرف انت بدك
المى :ياريت
هلال :اي تكرمي
المى :لكن قولي لبابا انت
ووقفت
هلال :ع وين
المى :جيب كيك
دخلت المى جابت الكيك ورجعت
عمار : شو المى .. قال هلال بدو يسجلك بالجامعة
المى :ياريت
عمار :طيب مزال انتو متفقين ماعندي مانع
هلال :لكن بكرا ..
سبقت المى عليه وحكت : لكن بكرا واياك بابا بننزل وبنسجل
عمار :ماشي .. ليش طلعت المفاضلة
المى :اي
عمار :وشو حابة تسجلي
المى :حقوق
عمار :الله يوفقك حبيبتي ... رح خليكن لحالكن انا رح شوف سمرا كانت تعبانة
قام عمار دخل والمى قعدت مكان ابوها واخدت الريموت وقالت هلق ببلش مسلسلي شو رأيك تحضرو معي
هلال : هلق وقت مسلسلات
المى :خلص اسكوت بلش
هلال :خير شبها خالتك
المى وهية منسجمة بالتلفزيون :كريب عادي
لوى تمو عجنب وماعد حكي
_________________________
طالعة مريم عالسكت .. قربت من الحمام دقت. الباب
اياس :مين
مريم :مطول
اياس :اي مطول .. الواحد مابيقدر يفوت خمس دقايق ع الحمام
مريم :خلص خلص بطلنا لا تعصب
وكملت على غرفتو بسرعة واخدت موبايلو وصارت تنقل رقم محمد
وبيطلع اياس وبشوفا
اياس :ورقم مين عم تاخدي بالله
اتلبكت وخبت الموبايل بسرعة ورا ضهرا
اياس :علي يا مريم
نفخت وقعدت على تختو وشبكت ايدها مع الموبايل
قرب وقعد جنبها وقال : مارح اخد التلفون وشوف رقم مين اخدتي احكي
مريم :محمد
اياس :شوبدك برقمو
مريم :بدي اعتذر منو
اياس :هااااا
مريم : اكيد سمعني
اياس :وشو عرفك
مريم :لما دخلت ضيفت الشاي مارفع راسو واتجاهلني
مسكها من ادنها وقال شوفي بينك وبينو وليه
مريم :اااه .. والله مافي شي
اياس :لكن
مريم : بحسو معجب فيني بس ولا مرة حكي او لمحلي .. بس نظراتو بتحكي ... من اول ما وعيت وانا ملاحظة عليه بالاول قلت عادي .. وبعدين ماكان يعجبني لانو بيمزح وبيضحك كتير .. وهيك هيك لحتى حسيت انو مهتم فيني .. بس ماحكيي
اياس :امم واخدة رقمو تعتذر وتفتحي معو حديث
مريم :بركي بيحكي يعني انا لأيمت بدي ضل ناطرة هي رفقاتي انخطبو لسه انا
اياس :ههههههههه مو مصدق هي انت يلي عم تحكي هيك
مريم :مابعرف بس انا بنت وبغار حتى لو كنت عاقلة .. بس تركيبتي تركيبة بنت .. وبكرا بيجي شي حدا ورفيقك ماعم يتلحلح
اياس :ههههههه
مريم : طيب سؤال انت شو رأيك فيه
اياس : والله مافي منو
مريم : لكن حكيه
اياس : ماعم صدق ..بس خلص عندي الك عندي اعمل فيه أحلى مقلب شو قليل شو عامل فينا
مريم :مقلب شو
اياس :ماعليكي خلص بكرا بفرجيه
قربت باستو على خدو :تقبر قلبي الهي
________________________
تاني يوم بالمعمل
كان محمد ومنار قاعدين بالمكتب
منار :شو اخبارن هدوك الجوز
محمد :مناح ..بس مو محرزة هالقطيعة بينكن
منار :يعني اذا حكيتن بيرضو
محمد :اي .. بحياتنا ماكان قلبنا اسود على بعض
منار :وانت قلتا
دخل اياس وغمز منار شكلو خبرو بالقصة
منار :اي اياس شو صار معكن
اياس :بشو
منار :بهدول الجماعة يلي جايين يخطبو مريم
محمد فورا نقل نظرو لأياس بصدمة
اياس :اي وافقنا .. والخميس الجاي الخطبة
محمد : عنجد .. قصدي ايمت ... قصدي انو مبارح كنت عندك .. مين خطب
اياس :شبك ولوو رتب حكيك ليش هيك تخربطت
محمد ضحك بخجل وتوتر :عم قول ... انو ... ولا شي مبروك
وقف ليطلع بس اياس وقف بوجهو : شبك محمد .. شو صاير معك
محمد :ولا شي .. بدي روح شوف الشغيلة الجديدة
اياس :اي بتروح .. بس ليش هيك انزعجت انت .. شو زعلك
محمد :انا .. لا .. لا .. مافي شي
منار : بعد هيك لشوف
قرب جنب اياس وقال :اي والله شبك ولو محمد
محمد بعصبية :عم قلكننن مافي شي بعدو عن طريقي
منار :محمد ومعصب لااااا... اكيد عم احلم
اياس :ههههههههههه وانا كمان
محمد :شو عم يضحكن
مسكوه ورجعوه لجوا وقعدوه
حط اياس ايدو على رجلو وقال : ليش هيك انت كتوم ... بدك البنت تعا قلي ... او قلها .. لايمت ساكت
محمد :ش..شش..شوو عم تحكي
اياس :اي غشم حالك ... عأساس مانك حاببها لمريم
محمد : اناا ؟؟ ... مين قلك
منار : هلق يمكن نحنا مو حاسين بس هية اجباري بدا تحس
محمد : مريم قالتلكن
اياس : ايي .. وقال لايمت بدا تضل تستنى حضرتك
محمد : هية حكت هيك
اياس : اي والله ... الا اذا هية فهمانة غلط
منار :لك صحي لتكون فهمانة غلط
اياس :معقول
منار :كيف هيك حكيناه .. بركي مابدو اياها
محمد :لا لا بدي اياها
منار واياس :هههههههههههههههه
محمد :الله لايسامحكن عم تشتغلو فيني
منار :قليل شو كنت تشتغل فينا
انفتح الباب ودخل شوكت ومعاذ والشباب كتمو ضحكن بصعوبة
اتطلع شوكت ومعاذ ببعض ورجعوا اتطلعو فيهن .. وهدوك التلاتة معد قدرو يكتمو ضحكتن وانفجرو ضحك وشوكت ومعاذ صارو يضحكو عضحكتن ... والكل دخل بنوبة ضحك
______________________
قاعد عمار جنب سمرا على تختها
عمار : شو كيف صرتي
تجلست سمرا وركزت قعدتها
سمرا :عمار بدي احكي معك بموضوع
عمار :شو هو
سمرا :بدي اتطلق
عمار :شوووو
سمرا : متل ماسمعت
عمار :ههه عم تمزحي مو هيك .. اليوم كذبة نيسان .. لا نيسان مرق من زمان ... (حط ايدو على راسها ) كمان مو سخنانة
رفعت ايدها نزلت ايدو وقالت :لا ماني سخنانة .. عم احكي من كل ارادتي
عمار :ليش... وولادك
سمرا :انا مليت من هالعيشة معك ... على طول مسافر على طول وحتى اذا كنا ياريت معبرني ... اشتهيت شي مرة تغار علي .. كل اهتمامك بألمى ... بعرف انو المرحومة لساتها بقلبك واتزوجتني متلك متل اي زلمة بحاجة مرة
وقف وقال :شو هالتخبيص
سمرا :مو تخبيص .. انا بدي اتطلق
عمار :وولادك
سمرا : يلي بدك اياه بدك تخليهن .. بدك تعطيني اياهن انت حر
عمار :لا انت جانة ع الاخير
توجه لعند الباب وقال : لتخلصي جنان قوليلي
سمرا :عمااار هاد قراري ومارح اتراجع عنو
طلع عمار وشاف المى بوجهو
المى :خير بابا شوفي
عمار : مافي شي
المى :طيب مشان الجامعة
عمار :بعدين .. بعدين ... كمل لبرا وهو عم يتمتم .. بدا تطلق قال
___________________
المسا
المى عم تدق لأبوها انشغل بالا عليه مافي رد
راحت ودقت الباب على سمرا
سمرا :نعم
المى :خالتي بابا لهلق ما اجا بتعرفي وينو
سمرا :سافر علبنان يومين وبيرجع
المى :اووف على قصة هالسفر
سمرا :هالمرة مو بشغل ... هالمرة طفش مني
المى :خير
سمرا :بدي اتطلق وريحكن مني
المى :شووو ... ليش
سمرا :ماناقصتك انت كمان اطلعي وسكري وراكي
المى :خالتي انا بس
سمرا : بلا بس ولا نس .. اطلعي لبرا ...
اتراجعت المى وسكرت الباب وابتسامة النصر على وجها 🙂
____________________
رجعو الشباب يسهرو ببيت منار .. وعامرة بالاركيلة .. ومابتخلى من المزح والضحك
اجتو رسالة لمنار
المرسل : انت واحد حقير وندل .. ماتوقعتك هيك
انصدم من الرسالة واتجلس وصار يتصل لقى حالو محظور .. بعت رسالة :هلا شوووفي
كمان ماوصلت برضو محظور
___________________
رايحة جاي سمرا بغرفتها .. فجأة خطرة على بالها فكرة ..راحت بسرعة لعند زاوية صغير فوق الخزانة وجابت دفتر صغير فتحتو وكان فيه ارقام تلفونات .. دورت بين الاسماء لحتى لقت الرقم المطلوب .. نقلتو واتصلت
طول شوي لرد بس بالنهاية رد
=الو
سمرا :مسالخير .. شو ماعرفتني
=مين
سمرا:سمرا
=اااي ... بعد زمان
سمرا :كيفك
=تمام بخير
سمرا :بدي خدمة وماحد بيقدر عليها الا انت
=شو هية
سمرا :في حدا عم يراقبني وماسك علي صور وعم يهددني
=هههه واخيرا اجا مين يكشفك
سمرا :بترجاك بلا مسخرتك ... بدي تعرف مين هو وبما انك هكر قوي اذا بتقدر تحذفها من عندو بس الاهم بدي اعرفو
= بس بتكلف كتير
سمرا :قد ماكلفت انا جاهزة
= ولا قلك مابدي مصاري
سمرا :لكن شو
= اممم ... انت مثلا
سمرا : لا
=هلق علي بدك اتوبي
سمرا :معك حصرا لأ بكفي يلي صار اخر مرة
=ليش شو صار كنا كتير رواق .. انت مابتقبلي المزح التقيل
سمرا :اطلب مصاري قد مابدك
= يا انت يا مابدي
سمرا :طيب موافقة بس بأسرع وقت
= انا هلق ماعندي شي تعي اذا جوزك مسافر
سمرا :عم احكي عن المعلومات
=اممم فهمت غلط ...بس كمان تعي هلق
سمرا :مافيني اطلع لحالي بالليل
=بجي باخدك
سمرا :طيب تعال
=الطريق لعندكن بدو ساعة جهزي حالك
سمرا :تمام
سكرت وقالت كلكن كلااااب
_________________
منار متوتر .. كل شوي يفتح الموبايل ويرجع يسكرو ويصفن
اياس :شبك منار مانك على بعضك
منار :عطيني موبايلك شوي
عطاه موبايلو .. ودق اول مرة محدا رد .. تاني مرة لقى الرقم محظور
وقف وقال انا رايح لتروحو سكرو الباب منيح وراكن سلام
محمد :شبك سهرانين
منار :نعسان
___________________
بغرفة المى واقفة قدام المراية وعم تمشط شعرها دق تلفونها قربت منو واذا هلال .. لوت تمها عجنب وردت
هلال :كيفو القمر
المى :الحمد لله كيفك انت
هلال :مشتقلك
المى :شكرا
هلال :هلق هيك برود عخطيبن البنات
المى :ليك انا نعسانة كتير بكرا بنحكي باي
هلال :لحظة الم . وسكرت بوجهو
المى :ناقصتك اووف
سمعت صوت الباب انفتح بهدوء .. قربت من الشباك شافت سمرا لابسة وطالعة .. مشت مسافة منيحة لصارت بالعتمة ومعد بينت
المى :وين رايحة هي بهالوقت ... بسيطة قربت نهايتك .. اذا مابقلعك من هالبيت وبكسر وراكي جرة مابكون المى
_______________________
وصلت سيارة سودة لقدام بيت بين البساتين ... وبقلبها سمرا وجنبها شب مبين من مصروع
سمرا :شو مغير البيت هالمرة
=اي هاد بعيد عن الناس
سمرا :شكلك عم تجيب عليه زباين كتير
=اي لكن .. يلا انزلي
نزلو وقربو من الباب وفتح بالمفتاح ودخلو
كان البيت عتم .. شغل الضو وبتتفاجئ بشبين داخل البيت
نقزت ورجعت خطوتين لورا
سمرا :مين هدول
حط ايدو على ضهرا ودفشها لجوا وقال :اي فوتي... حاج تتمسكني
ومع دفشتو الها استلقاها شب من الموجودين
سمرا بعد عني يا كلب
بس سحبها من ايدها وكمل فيها على غرفة النوم
الشب يلي جابها :لا تطول فيها عنا شغل كتير
_ولا يهمك ههههه
سمرا :لك تركني ياحقيير... شادي نحنا ماهيك اتفقنا ... يا شاديييي
__________________
وعند منار رح يجن شو عمل ل هلا لحتى حكتو هالكلمتين وحظرتو ... ومابيعرف رقم تاني غير هالرقم ولابيعرف وين ساكنة ولا حتى اسمها الكامل ...
كان واقف على البلكون ورح يختنق ... ضرب بأيدو على الحيط وقال :لك ليييششش
___________________
بعد نص الليل
قاعدة سمرا على التخت وعم تبكي وشادة الغطا عليها لتغطي جسمها وشادي جنبها ... مبين انو مانو طبيعي ... مد ايدو ولعبلا بشعراتا وهية نفرت منو
سمرا :الله يخرب بيتك وبيتن وبيت يلي عم يهددني
شادي :خلصينا عاد مانك مخلاية واحد الا ونايمة معو هلق عم تتبكبكي
سمرا :لك هاد اسمو اغتصااب
شادي :ستي ... كلو متل بعضو ... عطيني الرقم يلي عم يزعجك
سمرا التلفون بالجزدان وقع برا
شادي :رح جيبو
________________________
الصبح
واقفة جوات غرفة المى وساندة حالها على الباب وشاردة بألمى ..... وعم تتذكر حكي شادي
فلااااش باااك
دخل عليها بعد ماعطتو الرقم وهية كانت مخلصة لبس ...
سمرا : شوو
شادي :موقع التلفون من ارض بيتك
سمرا :كيف يعني ؟؟
شادي :يعني يلي عم يحكي حدا من جوات بيتك
سمرا :مستحيل ... مافي حدا .. عمار على طول مسافر ومستحيل يكون هو وفي ولادي ... وفي ...
شادي :مين
سمرا :بنت زوجي .. بس اكيد مو هية .. هي وحدة هبلة
شادي :عفكرة يلي عم يحكي معك هية بنت .. بس عم تستعمل برنامج تغيير صوت ... انا اخترقت التلفون ومسحت كلشي فيه
سمرا :المى؟؟؟؟ مستحيل ..
شادي :هاد يلي طلع معي حبك تصدقي صدقي ماحبك تسطفلي
#بااااااااااك
بلشت المى تتململ وتفيق ..
فتحت عيونا ونقزت لما لمحت سمرا واقفة على الباب .. واتجلست بسرعة
المى :خالتي ؟
سمرا :هي انت
المى : شو هي انا
سمرا :انت يلي عم تعملي كل هالفصول
ضحكت بثقة المى ورفعت الغطا عن حالها وقالت : اي انا شو عجبتك السربيرز
سمرا :عنجد بقولو ياما تحت السواهي دواهي ... توقعتي بكل العالم ...بكل العالم هاا الا انت
المى :لكن متخيلة انو اتركك عم تضحكي علينا وعلى بابا واتركك هيك فلتانة على حل شعرك
سمرا :وعم تهدديني مشان اتطلق
المى :اي وتنقلعي من حياتنا بطريقة حضارية مابدنا فضايح اكتر من يلي عملتيها
سمرا : والسرقة ؟؟
المى :هههه ماكان في سرقة من اصلو ... انا يلي خربت البيت وكسرت الازاز وصرخت ... للاقي حجة زرع الكاميرا بدون ماتحسي ... مع انو اكتشفت بعدين انو الامر سهل بما انو زباينك فاييتن طالعين ... كان بتشكي بشي حدا فيهن
سمرا :بتعرفي انا لهلق مصدومة وكل كلمة عم تحكيها عم تصدميني اكتر ...لك انت ..انت المى الهبلة
المى :اي انا الهبلة ... انا الطيوبة ضعيفة الشخصية .. يلي كنتو عم تلعبو فيها ... لحتى صارت هية عم تلعب فيكن ...بتعرفي شو يلي غيرني الصدمة يلي كانت اكبر اكبر مني بكتير لك انا شو يعني زواج ماكنت اعرف ... الضربة يلي اكلتا ياكانت بدا تخليني انهار يا اما تحولني لوحدة تانية .. وليكي شو واقف قدامك
سمرا : ههههههههههه
المى :ماوقت الضحك .. انا لساتني عند وعدي اذا هلق مابتنقلعي من هاد البيت رح نفذ كلشي خبرتك فيه من قبل
سمرا :وتفرجي الصور لابوكي
المى :اي .. انا والله لولا خوفي على ابي لايقتلك ويرتكب فيكي شي جريمة ومشان اخواتي كنت خبرت كل الدنيا عن وساختك ... بس حرام ولادك بكرا يكبرو ويتعيرو بأمهن
سمرا: لا والله صاحبة خير .... بس بالله يا حبابة فرجيني الصور يلي عم تحكي عنن
اخدت المى التلفون بثقة وفتحتو وبتتفاجئ انو مافي كلمة سر .. بتفتحو وبتصدم انو معملو فرمتة بتتغير ملامحها بتدخل على الاستديو بتلاقيه فاضي
قربت سمرا واديها ورا ضهرها .. بتقرب راسها لتشوف
سمرا :وينن يا حلوة
المى بخنقة :كااانوو هون ... كانو هون ...
اتطلعت بسمرا بعيون حمر وقالت :عملتيهاااا
سمرا : مشان تعرفي انو قد ماكنتي كهينة مارح يطلعلك معي
المى :رمت التلفون وقالت حتى لو مسحتيهن انا رح خبر بابا بكلشي ... بكلشي
هجمت عليها سمرا ووقعتها على التخت وحطت المخدة على وجها وكبستها مشان تخنقها .. المى حاولت تقاوم بس ماقدرت لانو سمرا اكبر منها بالجتة وبالعزم.. قاومت فترة قصير .. وفجأة سكنت رفعت المخدة سمرا عنها وقالت ... واخيرا خلصت منك ... وهيك موّتك ورح ابكي بموتك واعتبرها فرصة لاتصالح مع ابوكي ... ينعن ابوكي بنت ١٦ صرامية
ظبطتلها نومتها وغطتها وطلعت سكرت عليها الباب ... وجنب باب المى فورا في باب الحمام .. قربت من سخان المي يلي بيشتغل على المازوت وكبت طاسة المازوت على الارض وكملت الباقي لعند باب الحمام ومن باب الحمام لباب غرفة المى ... راحت فيقت ولادها
سمرا :ماما قومو غسلو روحو عيبت عمكن وقولولن الماما جاي تشرب قهوة
قامو الولاد غسلو بسرعة وراحو عبيت عمهن ... وهية دخلت لبست وطلعت .. وهية طالعة زتت عود كبريت على باب غرفة المى
سمرا :ههههه عالحالتين ميتة اذا ماطلعتي معن محروقة بقولو مخنوقة ... وهي لحقتك بأمك ... هههه الله يرحمكن
طلعت وطبشت الباب
مع طبشت الباب قامت المى فورا من تختها
المى :بدا تموتني ... خنقتني .. والله خنقتني ... الف حمد وشكر الك يارب ... الف حمد وشكر الك يارب ... انك عطيتني العمر ... وكمان عطاني الحكمة واتذكرت هي الحركة بالكتب البولسية ... اي خااالي (كانت بحالة ضياع)
ركضت لعند الباب وفتحتو وشبت النار بوجهها ... رجعت لورا بسرعة ... وفتحت الباب اعطت المجال لألسنة النار تدخل
المى :شووهاد يا ربي .. شو هاد ... شافت تلفونا ... قربت من التخت واخدتو ورجعت لورا .. فتحت الشباك لتتنفس ولزقت فيه ... فتحت الموبايل بس مافيه ولا رقم ومانها متذكرة ولا رقم غير رقم ابوها وابوها مسافر ... بس اي حاولت تدقلو .. طلع خارج التغطية ...
المى :ياربي... شو هالمصيبة ... بمين بدي اتصل .. ماني حافظة غير رقم بابا ..
اتذكرت شي وركضت على الخزانة صارت تدور بشكل عشوائي لحتى طلع معها تلفون فتحتو بسرعة .. وفتحت على السجل بس كان في رقم منار .. نقلتو على تلفونها التاني واتطلعت على النار عم تقترب بشكل فظيع ومافي قدامها غير هالحل
___________________
كان داخل على المعمل .. ووقفو صوت تلفونو .. فكرها هلا .. بس طلعت المى .. استغرب ليش عم تتصل .... واحتار بين يرد وبين مايرد ... بس بوقت حيرتو انقطع الاتصال ... وسرعان مارجعت اتصلت
منار :شوبدها هي
رد :الو
المى :منااااار .. مشاان الله الحقني البيت عم يحترق وانا لحالي
منار :شووو
المى :عم يحترق البيت ... رح موووت
سكرت التلفون وصرخ :شباااب الحقونني بسرعة
___________
ركبو على المتورات وراحو بسرعة هو كان عم يسوق ووراه اياس والكل ماشي وراه
اياس : مناار شوفي
منار : بيت المى عم يحترق وهية لحالها بالبيت
وسرعان ماوصلو لانهن بنفس الضيعة وبالفعل كان الدخان عم يتسرب من الشبابيك
نزل وصار يخبط
صوت المى وكأنو جاي من ورا البيت ركض منار لمصدر الصوت ولقاها متمسكة بقضبان الشباك وعم تبكي وتصرخ
منار :انت منيحة صابك شي
هزت راسها :انا منيحة طالعوني
منار :مافي حدا غيرك
المى :لاااا
منار :لحظة رح نكسر الباب
المى :براا ... برا تحت الزريعة في مفتاح احتياط
منار : يالله ... يالله
ركض منار وصار يشيل ويرمي بهالزريعة لحتى لقى المفتاح فتحو ودخلو.. حاول يدخل ع غرفة المى بس في حاجز النار ...
الشباب اتصرفو من عندن حدا فات ع المطبخ يعبي بالاواني مي وحدا يحاول يطفيها بشي قطعة قماش لحتى انفتح الباب دخلو لعندا
كانت لساتها عن الشباك ومتمسكة فيه بكل قوتها .. وكأنو طوق النجاة يلي رح ينجيها ..
لما شافت منار ركضت وضمتو
منار ضمها اكتر وقال :انت منيحة
بعدها عنو وصار يتفقدها بعيونو
منار :انت منيحة
المى انهارت وقعدت بالارض وصارت تبكي
المى :لساتني عايشة ... لساتني عايشة
بلشو هالشباب تدخل
اياس :الحمد لله عسلامتك
شوكت :لحالك هون
معاذ : كيف صار الحريق
اتنفضت المى من مكانها وقامت بسرعة
منار :شوفي المى
المى :هية .. هية حاولت تقتلني ... لازم خبر عنها
لحقوها وهية طلعت بين الاثاث المحروق ووصلت لدليل الهاتف .. فتحتو وطلعت رقم واتصلت ع الارضي
المى : الووو ... خااالي .... حاولت تقتلني ... حاولت تقتلني يا خالي .. مشااان الله تعاال...تعالي بسرعة ... سمرا يا خالي ... سمرااا
الشباب عم يتطلعو ببعض بصدمة
سكرت التلفون وهية عم ترجف... وتبكي ...
المى :لا تروحو .. لاتروحو بترجاكن بس تجي الشرطة ... لانو اذا لقتني عايشة رح تكمل علي
طبعا لسه محدا بالضيعة عرف لانو البيوت بعيدة عن بعضها وخصوصا بيت المى بيعد شوي عن الانظار والاصوات ... وسمرا قاعدة ومتطمنة انو البيت عم يحترق لحتى تثبت جريمتها وماتكون ناقصة
________________
مافي عشر دقايق كان واصل ادهم ... ومعو دورية كاملة ... نزل وشرار عم بتطاير من عيونو .. ركض لجوا والعناصر لحقوه
شافها قاعدة جنب التلفون وضامة اديها وشاردة والدموع عم تجري على خدها والشباب واقفين جنب الباب
لما شافتو مدت اديها الو وماقامت لعندو يمكن لانو رجليها معد حملوها .. مدت ايديها متل شي طفل صغير ناطر حدا يحملو .. ركض لعندا واخدها بحضنو
ادهم :انت منيحة يا عمرري... صابك شي
اجهشت بالبكاء .. وصارت تبكي بحرقة
ادهم :شوو صار فهميني
المى : خنقتني بالمخدة بغرفتي (تبكي) قاومتا ... ما قدرت ...
استسلمت عأساس انو متت .. طلعت و .... مابعرف .. مابعرف عملت ... فجأة شعلت النار وهية طلعت من البيت هي وولادها ....
ادهم :بنت الكلب ... خلص ياخالي انا معك لا تخافي
ضمتو وصارت تبكي
ادهم :وابوكي وينو ؟
المى :مسافر ...
ادهم :ابو السفر ع ابو هالعيشة ..
لاحظ عوجود الشباب .. يلي واقفين وعم يسمعو القصة بصدمة
اتطلع فيهن بصدمة وناطر استفسار
المى :مسحتلي كلشي على تلفوني مشان تمحي كل الادلة ... ولما صار الحريق .... مالقيت ولا رقم .... وماني حافظة ... غير ... غير رقم البابا .. والبابا مسافر .... ورقم
اتطلعت بمنار .. وادهم اتطلع على منار .. وفهمها
وقف ادهم وقال :بتشكركن كتير يا شباب ... عنجد انتو انقذتوها من الموت ...
منار ساكت وماعم يحكي ومصدوم صدمة كبيرة
اياس :العفو حضرة الضابط ماعملنا غير واجبنا
التفت ادهم ع المى : وين بتكون هلق
المى :مابعرف ...
ادهم :للعناصر بتفشو الضيعة بيت بيت .. وبتوقفو على الطريق الرئيسي لا بتخلو حدا يفوت او يطلع ع الضيعة لحتى تنمسك بنت هالحرام
______________________
بأحدى المخافر القريبة للضيعة .. وبغرفة من الغرفة عم تصرخ سمرا وتقول فهموني شو عملت ليش جبتوني لهون
بيفتح الباب ادهم والمى وبيدخلو وبكون جوا المكتب المساعد وسمرا ..سمرا انصدمت لما شافت المى .. بس التزمت الصمت مشان ماتفضح حالها
وقف المساعد مشان ادهم يقعد مكانو بس ادهم اشرلو يضل قاعد
سمرا :المى خير شوفي
المى :بالله مابتعرفي شوفي ... لكن علامات الصدمة يلي عوجهك لما شفتيني شو معناها
سمرا :عن شو عم تحكي انت .. شو صاير فهموني
ادهم :حاج تنكري وتغشمي حالك قصتك صارت مكشوفة والنكران مارح يفيدك
سمرا :فهموني عن شوو عم تحكو
خبط اديه ع الطاولة وقال بصوت عالي :القصة انك حاولتي تقتلي المىى.. وانت هون لتاخدي عقابك
سمرا:انااا . اقتل ميين ... المى لك المى متل بنتي كيف بدي اقتلا
المى :حاج تنكري ... عفكرة مو بس كان في كاميرا بغرفتك في كاميرات بكل البيت وكلشي تأثبت عليكي بالصوت وبالصورة . ورح تاخدي عقابك
سمرا :لك انت شووو .. شووو حية من تحت تبن .. يا سلالة يا كهينة كل هالعمر عم تضحكي علينا
لفت المى وطلعت هية وخالها ليجي بوجها هلال
هلال :خير شو صاير رحت ع البيت والناس متجمعة فكرت حدا مات وخبروني اجي لهون ... شووو صاير
المى شلحت المحبس وحطتو بأيدو : بكفي لهون احسن ماتنفضح وتكبر القصة
هلال عم يتطلع على المحبس بصدمة
قربت المى من ادنو وهمست خلي صاحبتك سمرا تحكيلك انا مستعجلة
وضلو مكملين لبرا
________________________
حديث الضيعة هاليومين المى المسكينة وخالتها الشريرة يلي حاولت تقتلها بدم بارد ... ناس تألف من عندها ... وناس مو عارفة شي ... وناس بتعرف كل القصة وماضي سمرا
// لك كان يقولو كانت تعذبها وتنيمها بلا اكل ولا شرب ... يعني متل سندريلا بالظبط
//لك موو هيك .. هية ورا قصة السرقة والبنت كشفتها وقررت تقتلها مشان ماتفضحها
// انا قلت قصة هالسرقة مو لا الله .. وبحياتو ماصار سرقة بهالضيعة .. طول عمرنا بنام وبوابنا مفتحة
والناس عم تلت وتعجن ان كان صح او غلط .. يمكن عم تنظلم سمرا ببعض الأحاديث ... بس يلا احسن مايعرفو القصة الحقيقة ... او يمكن بالنهاية كلو بلف على بعضو
____________________
ب بيت ستها لألمى
عم يندق الباب وقربت ستها تفتح ... وفتحت وطلع عمار
عمار سكت شوي مبين عليه هلكان وبعدا حكي :مرحبا مرت عمي
=اهلا يا ابني تفضل
عمار :المى موجودة
=اي ابني ... يا المى يا تيتة ابوكي اجا
انفتح باب احد الغرف وطلعت المى ركض لعندو وضمتو وصارت تبكي
المى :حبيبي رجعت ... بترجاك لا تسافر مرة تانية ... بترجاك
عمار ضاممها بقوة وساكت
بعدت عنو وهو حكي :عنجد يلي سمعتو
هزت راسها بأيجابية :مين خبرك
عمار :هي جيتي من الضيعة
مسكتو من ايدو وسحبتو : تعا نقعد ونحكي
عمار :لا انت تعي معي
المى :بس البيت محروق
عمتر :مو كتير .. بندبر حالنا تعي
المى : ماشي .. يلا
.........
ماشيين ع الطريق وفجأة وقف عمار
المى :شوفي بابا ليش وقفت
عمار :بدي تحكيلي كلشي
المى :بابا معك علم بكلشي صار
عمار : لااا مامعي خبر بشي ويلي صار مادخل على عقلي .. سمراا ليش كان بدك تقتلك
المى: مابتحبني
عمار :المىى احكي الحقيقة
المى نزلت راسها : بتعودني تضل قوي وماتعصب ولا تنقهر .. والله ماكان بدي الامور توصل لهون ولا بدي اياك تعرف شي
عمار :ليييش ... مشان ما اخجل بين الناس
المى شهقت وقالت :مين قلك
عمار :لا بس شكيت بالموضوع ... يلا عم اسمعك
___________________
بعدمرور شهر
بالمعمل
كل واحد بشغلو .. واياس وكم شب عم يحملو بضاعة بسيارة منار .. محمد كان واقف على جنب وعم يحكي على الموبايل
اياس :ولووو محمد تعا انقبر ساعدنا
محمد :جيت .. جيت
سكر الموبايل وحطو بجيبتو واجا لعندن
اياس :مع مين عم تلعي صرلك ساعة
محمد : مع اختك
اياس :جاي عبالي اجي وفج حنكك
محمد :هههه ليش عم احكي شي غلط .. مريم مابتكون اختك
اياس : راعي مشاعري بالاول كرجل شرقي وتدجو هيك كلمة اختك .. بدي وقت لاستوعب انها صارت خطيبتك
محمد :ماهو عم ضل ذكرك مشان ماتنسى
اياس :بس مو الحق عليك الحق علينا ناسبناك
محمد :ههههه راحت عليكن يابتحملو يا بترحلو
اياس :غلييظ
حمل كل واحد صندوق وطلعو لبرا ليلاقو منار واقف عجنب ومعو ورقة وقلم وعم يسجل
اياس :شو منار وين صرت حط القلم فوق ادنو وقال :هون معكن .. اياس بدك ترجع تظبط الحسابات وحاليا نشتغل على قدنا واسحب كل المصاري من المعمل
اياس :اف ليش
منار :شو نسيانين عرسك انت واياه
اياس :خلص بندبر امورنا .. خلي المعمل عجنب
منار :ماهو المعمل الكن اذا بهيك ايام ماسحبتو منو ايمت لنسحب .. وبعدين اطمن مافي خسارة بس نشتغل عالخفيف ومانذرك حالنا هالفترة
اياس :طيب ماشي .
منار :لك صحي الصبح شفت سيارة عفش عم تنقل غراض بيت اهل المى وطالعة برات الضيعة شو شكلن طلعو من الضيعة ع الاخير
اياس :اي هيك حكو البنات .. ابوها باع دارو لاخوه وحاليا مستأجرين بيت .. مزال شفت العفش طالع اصبح لقو بيت
منار :وليش تركو الضيعة
اياس :بتعرف الناس مارح تتركن بحالن والحكي مارح يرحمن
منار :بس يعني قليل كتير يلي بيعرف سمرا عحقيقتا
محمد : وكمان في ناس بتعرف .... يعني حتى لو مابيعرفو مظبوط متل ماقالو الناس مشان الولاد .. يكبرو ويسمعو انو امهن كانت مجرمة .. خليهن بعاد احسن
منار :الله يسترنا احسن شي
اياس غمز محمد وقال لمنار :كأنو هامك هالموضوع كتير وكل فترة بتسأل عنن
محمد :شو حبيب حنيت
اياس :وعفكرة يلي كانت سبب رفضك للبنت راحت بح .. مني ومنك برجع بفكر بالموضوع
منار :عأيو اساس بدي ارجع .. وانا تركتا بدون ما اعطيها نص سبب ليش تركتها
محمد :خلص ارجعو بدون ماتجيبو سيرة الماضي
منار :هه .. شو الموضع سهل بالنسبة الكن
اياس : صحي انت كنت عم تحكي مع بنت تانية ماهيك .. شو صار فيها
رفع كتافو ومشي لعند باب سيارتو وقالت :تركتني بدون سبب
هههه
ركب منار وانطلق .. وفريد كان عم يراقبو لحتى راح .. وجود منار بسببلو توتر
طلع موبايلو وبعت رسالة :منار راح انا رح نفز لا تطولو
اجتو رسالة هنن على الطريق عجل وخلص شغلك
سكر موبايلو وراح بخفة بدون محدا بنتبهلو .. عزواية محايدة عن الانظار وكان في حقيبة بالارض .. فتحها فتح اول علبة وكان فيها فارتين ميتن 🐀🐀 راح رماهن تحت المكنات بحيث يبينو .. ورجع طلع علبة فيها قنينة صغيرة عبارة عن قطرة بس مدري شوفيها ... قرب من اوعية الحليب الضخمة وينقط بكل وحدة نقطين .. رجع اخد علبة وراح عباب المعمل وفتحها كانت مليانة بالصراصير وفلتهن عباب المعمل
دخل معاذ وشوكت من برا كانو عم يدخنو واول مادخلو استوقفن ريحة كريهة
شوكت :شو هالريحة
معاذ :مابعرف ... تفه
قربو من براميل الحليب يلي عم تبرم
معاذ :الريحة طالعة من هون
شوكت :اييععع
معاذ :شوكت لتكون ماعم تغسل بيدونات الحليب يلي عم تجيب فيهن حليب
شوكت :والله من هديك المرة وانا بغسلن بالمعقمات وبخليهن طول النهار بالشمس ... مستحيل
اتجمعو العمل واحد ورا واحد على مصدر الريحة
ومن بيناتن محمد واياس
اياس :شو هالريحة شباب
معاذ :من الحليب
اياس :نقل نظرو لشوكت
شوكت :والله مو مني ... انتو عم تعقموا ماكينات المعمل
اياس :اي عم نعقمن على البخار
محمد :يمكن حدا عاطينا حليب مضروب وانتزع كل الحليب
معاذ :والحل ؟
اياس حرك بايدو لبرا وقال :عالكب كلوو 👋
محمد : ١٠ طون بدنا نكبن هيك
اياس :لكن شوبدنا نعملن .. قرب من المكنة ولاحظ انو الحليب بلشت يصير فيه تكتلات
اياس :ليك قرش وانضرب
محمد : مافي طريقة
اياس : طبعا لأ
شوكت :نسأل منار
اياس :انا رح حكيه .. حاليا وقفو كلشي
طلع موبايلو وتوجه للخارج ليحكي بعيد عن ضجة الماكينات
كان عم يكبس بموبايلو للفت انتباهو .. مجموعة كبيرة من الصراصير عباب المعمل .. مالحق يحكي الا وقفو صوت :مرحبا نحنا من وزارة الصحة
رفع نظرو وكانو شخصين .. وانصدم ومعد عرف شو يقلن
:لو سمحت جايين نكشف عن الحليب والمنتجات اذا ماعندك مانع
اياس : اااه
:خير شبك ... ممكن تخلينا نشوف شغلنا
هز راسو بيأس وقال :تفضلو
قطعوه ومشو من فوق الصراصير عروس اصابيعهن وهنن مصدومين من المنظر وقطعو بأشمزاز
رجع اياس ودخل وراهن ...
قرب منو محمد وقال :اياس مين هدول
اياس :من وزارة الصحة
محمد :شووو ... شوبدنا نعمل
اياس :مابعرف
محمد :لازم نوضحلن
اياس اشر على الباب :والصراصير يلي هنيك كيف بدك توضحلن
محمد :شوو صراصير
كمل لعند الباب وقال :منين هدول
اياس :مااابعرف
شوكت كان عم يتحدث مع الشخصين : صدقني يا استاذ هي الريحة مابنعرف شو سببها وقبل ماتجو كنا رح نكبن
:تكبوهن ولا تعلبوهن وتبيعوهن للناس
شوكت :لا والله بحياتو ماصار عنا هيك
:لو سمحت اتركنا نشوف شغلنا
اخدو عينة من الحليب وحطوها بانبوب .. وصارو يتطلعو بين الزوايا وتحت المكنات طبعا هي شغلتن ولمحوا اول فارة .. والتانية
سجلو كلشي بالسجل يلي معن وتوجهو ليطلعوا
فريد قرب من شوكت :معلم روح الحقن وارضيهن بشي قرشين
شوكت سمع منو وراح لعندن : لو سمحتو ممكن نحل الموضوع قبل مايكبر
:كيف يعني
شوكت :تفضل معنا لنضيفك فنجان قهوة ومابتطلع غير رضيان
:سجل عندك بالاضافة للرشوة
شوكت :مو هيك يا حنون .. والله فهمتني غلط
مشو لعند الباب وقال :فضو المعمل لبكرا من الحليب والمنتجات بس والباقي كلو بضل على حالو ..
اياس :خير ليش
:بكرا جايين نشمع مشان يكون عندكن علم وعطيناكن مهلة لبكرا مشان تتخلصوا من المواد مشان اتطلع ريحة اكتر من هيك ..
تركوهن وركبو سيارتن وانطلقو
اياس :لك شووو عملت ياشوكت .. شووو عملت
شوكت :قلت بركي بتنحل بكم ليرة
اياس :وجهن هدوول بيرضو بكم ليرة .. انخرب بيتنا .. انخرب بيتناااا
فريد شو معلم نروح
اياس هجم عليه :هاااد يلي هامك .. هاد يلي هاامك ... مانك مقهور عباب رزقك
فريد :اي بعوض الله طولو بالكن
اياس :نطول بالنا ههههه ...
شوكت :فريد اذا بدك تروح روح ما وقت سوالفك .. اصلا كلو منك انا يلي سمعت حكيك
معاذ :بشو سمعت حكيوو
شوكت :قلي ارضوهن بشي قرشين
فريد رجع لورا وقال :حبيت ساعد
قرب عليه اياس بعيون صارمة: ليش خايف
فريد :ان .. اا .. اناا ... لا .. مو .. خايف
اياس :لا خايف..
محمد :لحظة .. لحظة شباب .. صراصير فجأة على الباب ... الحليب كلو حمض وانتزع بالعادة بينتزع قسم ولا مرة انتزع كلو ... ولقو فارتين ميتين مع انو كل يوم بنشطف .. يعي لو فارة مبلوعة بس فارتين ... وكمان جية وزارة الصحة بهالظروف ما في شي غلط
معاذ :قصدك انها مقصودة
فريد :انا مادخلني ماعملت شي
اياس : ومين اتهمك
فريد عم يرجع لورا : انتو هيك قصدكن
شوكت :فريدد هاد انت ؟؟
معاذ :بشرفك حااج .. عم تسألو كمان اكيد مافي غيرو .. والله منار معو حق
فريد حاول يهرب بس لحقوه ومسكوه وبلشو فيه قتل وين بيوجعك
شوكت :ياحقير هيك بتعمل فيني
فريد : عملت وخلصت ههه
وهو من بين الضرب يلي عم يتلقاه قال :ان شاء الله مصدق انو اختي بتحبك ... كلا لعبة لحتى نوقعكن .. واصلا هي مرتي مو اختي هههههااااخ .. اااخ
شوكت معد اتحمل ونزل فيه ضرب بكل قوتو وعشوي رح يبكي من الصدمة يلي اتلقاها خسر المعمل ورح يخسر رفقاتو .. وحب حياتو طلع وهم
شوكت:والله لاطلع بروحك .. والله لاطلع بروحك
بعدوه عنو الشباب بصعوبة ورفسو اياس :وقلو قوم انقبر احسن ماندفنك هوون
شوكت :لا تخليه يروح
اياس :لك مابدنا نبتلى فيه .. في شي ابدى
قام يركض غصب وهو عم ينقط دم من انفو وتمو
___________________
وقفت السيارة قدام بيت ونزلو منها الموظفين يلي كانو بالمعمل ..
هون انتقل جوز اختي وولادو :قلت عطريقنا نمر نشرب فنجان قهوة
نزلو وحكي الشخص التاني : اختك المتوفية
=اي والله .. في بنتها هون .. بتضل عتبانة علي انو مابسال عنها .. ومن جديد نقلو لهون .. وهلق اتذكرت قلت لمر وعرفك عصهري .. هو كان بيشتغل ع الخطوط الخارجية ممكن يفيدنا بموضوعنا
:اي ياريت
دقو الباب وفتحت المى
المى :خالو فؤاد 😍 قربت وضمتو وقالت :نور البيت
فؤاد :منور بصجابو حبيبتي
المى :منيح انتقلنا لحتى شوفك
فؤاد حقك علي ياروحي .
المى :تفضلو ادخلو
فؤاد :بابا هون
المى :اي تفضلو
............................
وصل منار على الضيعة بعد ما اتصلو رفقاتو فيه واصرو انو يرجع ضروري .. وخبروه انو هنن عند بيت خالتو اهل اياس ..
كانو الشباب مع ابائهن بركي بيوصلو لحل
دخل منار وشاف هالجمعة يلي مابتدل على خير
منار :شوفي
اياس بحزن :المعمل راح
_____________________
طالعة المى ومعها القهوة من المطبخ .. قربت وضيفتن
المى :تفضل عمو .. تفضل خالو .. تفضل بابا ..
خلصت ضيافتن وقعدت جنب خالها
:المى :شو خالو كنت بشي مهمة شغل
فؤاد :ههه شو عرفك
المى :من الشنتة
فؤاد :اي وحزري وين كنا
المى :مابعرف وين
فؤاد :عندكن بالضيعة
=ليش انتو من ضيعة السمرة
عمار :اي والله .. بس شو كنتو عم تعملو فيها ..
المى :اي صح خالو .. شوفي بضيعتنا
فؤاد :كنا بمعمل الحليب
المى :المعمل ماغيرو
فؤاد: اي .. وبكرا رح نشمع
المى :شووووو
فؤاد :شبك خالو .. شو يعني ضيعتكن مابيطلع فيها مخالفات
المى :خالو هاد المعمل مستحيل .. لك ليش
فؤاد :اي عينك ماتشوف الصراصير ولا الحليب المحمض ولا الفيران الميتة
المى :خالو مستحيل .. هاد المعمل من انضف معامل البلد .. لك انزل ع السوق وفوت على اي سوبر ماركت واسال الناس عن منتجاتن
فؤاد :بس ياخالو شفنا بعينا
المى :انا متاكدة انو مؤامرة .. مو صح بابا
عمار :انا مابعرف .. كتر ماكنت اقعد بالضيعة
المى :بابا بس انا بعرف .. في شباب من ضيعة الشقرا حاطين حطاهن وبدن يدمروهن
=اي صح فؤاد نحنا اجتنا فسدية عليهن
فؤاد : مابعرف .. بس نحنا لقينا ادلة
المى :والله ياخالو هدول شباب معترين عملو هالمعمل من عرق جبينن .. ومستحيل يغلطو
=اي صح فؤاد مع انو لقينا فارتين بس الارضية عم تلمع .. وحتى الصراصير بتحس حدا شالفن بالارض لانو ماعم يعرفو وين يروحو ..
فؤاد :اي صح الصراصير مابتيجي ع النظافة ..
=لك كيف ما انتبهنا ... الفارات الارض تحتهن عم تلمع .. معقول ما يشيلو الفارات ويمسحو تحتها ويخلوها والمكان مكشوف
المى :شايفينن انو مؤامرة
فؤاد :والشباب قالو انو كانو رح يكبو الحليب لانو منزوع
المى :بترجاك خالو لاتظلمن
فؤاد :بس ياخالو مابصير نحنا طلعنا بمهمة وسجلنا التقرير
المى : التقرير شقوه .. وقولو انو مارحتو لاقو اي حجة .. وكمان مشان تتأكدو خدو عينة من السوق وشوفو
اتطلعو ببعض فؤاد ويلي معو
رن تلفون صديق فؤاد وقام يرد عجنب .. وسرعان ما اجى
فؤاد :انا لازم روح ضروري .. مرتي عم تولد
المى :عمو كرمال الله يقوملك المدام بخير وسلامة ارجعو عيدو النظر بالموضوع
=انا من عندي مستعد شق التقرير شوفي خالك
فؤاد :وانا مارح ردك واول مرة بتطلبي مني طلب
المى :يعني اتصل وبشرهن
فؤاد :لا للمسا .. انا برد عليكي خبر .. وهلق بالاذن
المى :الله معكن ويكون بعون المدام ويقومها بخير وسلامة
=تسلمي ياعمو
طلعو بعجل .. والمى وابوها وصلوهن للباب
سكرو الباب ودخلو ..
عمار :المى
وقفت وقالت: اي بابا
عمار :كل مرة عم تفاجئيني
المى : هههه وشو طلع معك
عمار : يوم عن يوم عم اطمن عليكي اكتر .. وخوفي من قبل ماكان الو لزوم
المى :تربايتك حبيبي
قربت ضمتو بحب وهو بادلها نفس الحضن
المى :ماجعت
عمار :وشو طابختيلنا
المى :ماقلت بدك تعزمنا على الغدا بمناسبة المحل الجديد
عمار :اي والله .. روحي لبسي اخواتك
المى :فورا
__________________
قاعد وشارد بالارض واياس يسرد شوي ومحمد يحكي شوي .. ومعاذ شوي .. الا شوكت
رفع نظرو منار على شوكت
منار :انشالله تكون هيك ارتحت .. انشالله تكون بيضتها مع ضيعة الشقرا
شوكت :منار بعترف انو غلطان
منار :شو بفيدني اعترافك ... خلص المعمل بحح
وينفض اديه ببعضن ويقول بحححح
منار :لك قلبي كان حاسسني ... ما ارتحتلو ولا طقتو ... بس قلت مابدي اخسرك ... لاا وكمان فوتو عبيتي ... ياربي انا من وين بدي لاقيها ولا من وين ... لك انا حدني ستين جهنم .. بس شو مشان رفقاتك .. محمد واياس ومعاذ .. تنين عرسان بدن يفتحو بيوت ... وواحد فاتح بيت ...
شوكت : انا متكفل بكل الخسائر
منار :كيف بالله
شوكت :اكيد في ضريبة رح ندفعها لينشال الشمع الاحمر عن المعمل.. انا مستعد ادفعها
محمد :منين بدك تجيب المصاري
شوكت :رح نبيع ع شقفة ارض
منار :وسمعتنا بين الناس كيف بدنا نرجعاااا
اياس :منار شوكت مادخلو .. هو وقع ضحية .. واصلا هنن هدول الزعران حاطينا ببالن من زمان ومخططن كانو رح ينفزوه بشوكت وبغيرو
ابو منار :انتو رفقات يا أبني لا تخلو شي يهز صداقكتن .
هز راسو منار بتهكم ومارد
فجأة صارو يسمعو صوت قواس طالع بضيعة الشقرا
منار :شمتانين فينا ولادين الكلب
قام بعصبية بس مسكوه وقعدوه
محمد :بركي عندن شي عرس .. طول بالك ولوو
___________________
رجعو على البيت عمار وولادو
عمار :بابا المى انا واصل شوي على المحل خبروني انو وصلت البضاعة
المى :اي بابا انتبه عحالك
عمار:وانت كمان .. ولاتفتحو لحدا
المى :لا توصي حريص ..
رجع عمار راح والمى دخلت مع اخواتها على البيت
المى :ع السريع فوتو غسلو وع النوم
بشار :بكير
المى :معلش مشان تتعودو النوم بكير المدرسة كم يوم وبتفتح
دخلو وهنن عم يتأفأفو
رن تلفون المى وكان خالها وردت بلهفة
المى :اي خالي طمني شو صار معك
فؤاد :طلع حكيك صح .. المواصفات لايعلى عليها .. الوزن النظافة .. اللبن والجبن اتعرضو للمخبر وكلو نظامي وقف الشروط
المى :الله يبشرك بالخير يارب .. يعني هلق شو
فؤاد :انت عندك تواصل معن
المى :اي اخواتن البنات رفقاتي
فؤاد :تمام .. لكن اتصلي فيهن وخبريهن انو يعتبرو انو ماجينا بس رح نجي بغير وقت كبسة عليهن وساعتها اذا مافي شي طبيعي محدا رح يشفعلن
المى :شكرا .. شكرا خالو
فؤاد :ورح ابعت رسالة صوتية تبعتيها اذا ما اقتنعو بحكيك
المى :بكون احسن
قربت من الكنبة وقعدت وفتحت ع اسم منار وحست قلبها عم يدق بسرعة اتنهدت وكبست على اتصال
_______________€_
دخلت ام اياس وقالت : قومو العشا جاهز
وقف منار وقال :مين الو نفس ياكل .. انا رايح
ابو اياس :والله مابتحرك بدك تتعشا معنا
منار :والله مافي نفس
اياس :ماما خلي العشا لبعدين
امو لايمت يعني
اياس :شوي
هزت براسها وطلعت .. ومريم قربت من الباب واتطلعت ع محمد ابتسملها بحب وحزن
ابو اياس : طولو بالكن علينا .. وعدني الزلمة يرد علي خبر المسا
منار :عمي مابظن الشغلة تمرق بالواسطة
ابو اياس :بنجرب
اياس :انا كل الواسطة مابحبها بس بدي اقلع عيونن
رن تلفون منار يلي على الطاولة عم الصمت .. والكل وجه نظرو لمنار .. يمكن ناطرين شي معجزة ..
سحب منار التلفون وشاف اسمها .. صفن شوي بالشاشة وحطو صامت ورجعو
محمد :مين
منار :زبون مو مهم
ضوت الشاشة انو انتهت المكالمة .. بس سرعان مارجعت تضوي دلالة على الاتصال
بس هالمرة سكر بوجها
منار :شوبدك هلق .. ماني فاضيلك .. تركوني بحالي
_____________
المى :عم تسكر بوجهي استاذ منار .. بسيطة
فتحت ع اسم مريم
المى :مرحبا مريم
مريم :هلا ... كيفك
المى :تمام .. شبك
مريم :ليش الموش بحكيكي بعدين
المى :ليكي قبل ماتسكري بدي رقم اخوكي اياس
مريم :اخي ؟؟ ليش
المى :عايزتو كتير ضروري
مريم :شغلتي بالي
المى :لك بدي حكيه .. عطيني رقمو
مريم : لحظة
المى :ولا قلك هو وينو
مريم :هون هو ورفقاتو
المى : عم يحكو مشان المعمل
مريم :شو عرفك
المى :المهم خدي التلفون لعندن وافتحي السبيكر
مريم :عم تحكي جد
المى :والله .. يلا بسرعة
مريم :لك شوبدك .. ماوقتك هلق
المى :عملي متل ماعم قلك
مريم :طيب مع مين اعطيكي تحكي
المى :افتحي السبيكر وماعليكي
مريم :يلا
.................
دقت مريم على الباب ودخلت
ابو اياس :بابا هلق بنجي بنتعشى
مريم بخجل :بابا مو مشان هيك جاي
اياس :شبك
مريم :رفيقتي المى ..
رفع نظرو منار عليها فورا
مريم :طلبت تحكي معكن .. وخبرتني افتح السبيكر
منار :وينا ؟
مريم :اشرت على التلفون وقالت :هية ع الخط
اتطلعو ببعض بحيرة
ابو منار :افتحي بنتي ...
فتحت السبيكر وحطت التلفون على الطاولة
المى :الو .. مريم شو صار معك
ابو أياس :مسالخير يابنتي
المى :اهلا مسالنور عمو ... بعتذر لانو عم اتصل .. بس شي ضروري
منار :احكي المى .. انت منيحة ؟
يمكن خاف يكون صايرلا مكروه متل المرة الماضية
المى :اي الحمد لله ... بس اتصلت مشان قلكن انو المعمل قصتو محلولة
منار :كيف ؟؟
المى : يلي كانو عندكن اليوم من وزارة الصحة واحد منن بكون خالي ... مر علينا بعد ماكان جاي من عندكن وخبرني بالقصة ... وانا اكدتلو انو مستحيل يطلع من عندكن هيك شي واكيد في مؤامرة .. وقلتلن انو ياخدو عينة من السوق ويحللوها .
منار :ايييي
المى : هلق بالاول ما وافقو بس .. بعدين فكرو شوي .. وحسو انو حكيي مظبوط لانو الارض عم تلمع .. وانو كيف فارة ميتة والارض تحتا عم تضوي .. والصراصير متل الضايعة ... واما بالنسبة للحليب اخدو عينة من السوق والمواصفات كلها متطابقة .. واصلا صارو متأكدين انو الشغلة فيها مؤامرة لانو اجد فسدية على المعمل مشان هيك .. بتعتبرو انو هنن اليوم ما اجو .. بس قال رح يجو بوقت تاني كبسة .. واذا لاحظو اي غلط مارح يسكتو
محمد :يعني هلق شووو
المى :بتفتحو المعمل بكرا بشكل طبيعي .. اصلا حطو حجة وقدموها للوزارة انو مرت الموظف يلي كان مغ خالي ولدت .. وتأجل التفتيش واكتفو بس بعينة من السوق .. بس في زيارة تانية مفاجئة
معاذ :والله انك اخت رجال
المى :ولو .. انتو ولاد ضيعتي ووقفتو معي يوم الحريق وهاد اقل شي ممكن اعملو
منار :شكرا المى
المى :العفو منار ... خالي بعتلي فويس مشان تتأكدو رح ابعتلكن اياه .. وانا هلق بستأذن
ابو اياس :الله معك يابنتي ويكتر خيرك
المى:خير الله وصدقوني ماعملت شي ... تصبحو على خير .
الكل :وانتي بخير
سكرو
ومعاذ قال :ينصر دينييك ..اي هااا
اياس :الحمد لله .. الحمد لله
ابتسم منار بفخر منها وقال :الحمد لله
محمد :واخيرا انحلت المشكلة .. شو عمي لساتا عزيمة العشا قائمة هههه
منار :غلييظ مو بايدك
اياس :ههههه الله يعينك يا اختي
ابو اياس: تفضلو ع العشا ياجماعة
قامو طلعو واخر واحد كان محمد ومعو تلفون مريم .. وهية كانت عند الباب .. مدلا اياه اخدتو ورمالها بوسة بالهوا .. وهية خجلت وراحت فورا على غرفتها
قرب منو اياس وهمسلو : شايفك عفكرة
محمد :الله يخلصني منك بس
يتبع الفصل العاشر اضغط هنا
- الفهرس يحتوي على جميع فصول الرواية كاملة :"رواية السمرة" اضغط على اسم الرواية