رواية أحببت طفلتي المعشوقة الفصل الثاني 2 بقلم ايمي ابراهيم

الصفحة الرئيسية

   رواية أحببت طفلتي المعشوقة الفصل الثاني بقلم ايمي ابراهيم


رواية أحببت طفلتي المعشوقة الفصل الثاني 

بيكلمها وهي بترجع بضهرها فكانت هتقع ف هو مسكها وضمها لصدرو كدا 
_خالد:(قال ف نفسو)  انا قلبي بيدق كدا لي لا انا مستحيل يحصل واحبها ابدا 
قطعهم صوت عم حسام وهو بيقولهم:  يلا يولاد تعالو هنا 
_عمى حسام:  تمم احنا كدا اتفقنا ان شاء الله الاسبوع الجاي الخطوبه وشهر وهنكتب الكتاب على طول 
_ابو ميرنا:  تمم كدا كويس 
_خالد  :  يلا بقا يعمي حسام عشان نمشي 
ميرنا كانت بتبص لخالد بقرف بسبب الكلام اللي هو قالهولها ف الجنينه 
 خرج عمى حسام وخالد 
فدخلت ميرنا اوضتها وقفلت الباب 
باباها دخل وراها وقالها  :  مالك يبنتي فيكي اي 
_ميرنا وهي بتحاول تداري دموعها  :  مفيش يبابا بس زعلانه ان انا همشي واسيبك 
ابو ميرنا وهو مبتسم :  لا يبنتي متخافيش هكون معاكي دايما يحبيبتي 
ولمس على شعرها وخدها ف حضنو عشان يطمنها 
اه نسيت اوصفلكم شكل ميرنا 
(••♡ مش طويله ولاقصيره طولها معقول شعرها طويل وناعم عيونها بني ف عسلي ورموش تقيله وبشرتها مش بيضه اوي قمحاوي شويه بس قمر ••♡) 
ـــــــــــــــ🖤 بـقـلـم_ايـمـي_ابـراهـيـم🖤 ـــــــــــــــــ
سها:  الوو يميرنا عامله اي وحشتيني 
ميرنا وهي بتحاول تداري حزنها  :  تمم يحبيبتي وانتي 
سها بقلق  :  ايدا لا صوتك مالو فيكي اي 
ميرنا  مقدرتش تخبي على سها لانها صديقتها من الطفوله فحكيت ليها على كل حاجه وعلى حوار الخطوبه وخالد 
سها  :  يلهوي دا كبير عليكي اوي هو مفيش غير دا ،،، وسكتت شويه وقالت  :  ربنا يسعدك يروحي وربنا معاكي وانا هبقا معاكي برضو هجيلك بكرا نروح نجيب الهدوم والميك اب والحاجات اللي هتحتاجيها 
ميرنا  :  تمم هستناكي 
ـــــــــــــــ🖤 بـقـلـم_ايـمـي_ابـراهـيـم🖤 ـــــــــــــــــ
في اليوم التاني 
خالد  :  راح الشركه بتاعة ابو عشان يخلص الشغل ويفهم شغلهم ماشي ازاي 
وطلب من كمال اللي هو السكرتير انو يحضر لاجتماع 
المهم خالد خلص الاجتماع وفضل قاعد ف المكتب بتاعو وكمال فضل قاعد معاه وبقو يتكلمو مع بعض بخصوص الشغل ويفهمو ازاي ابوه كان بيعمل الشغل وازاي كان بيوزع على كل تمال الشركه القبض وبعد كدا دخلو ف المعلومات الشخصيه وقربو من بعض جدا وبقو صحاب وحكالو على الخطوبه وحوارها 
_كمال  :  معلش يخالد استحمل انت حتى لو هتتجوزها سنه تنفز وصيه ابوك وبعد كدا تطلقها عادي 
_خالد  :  فعلا ماهو دا اللي هيحصل اصلا
ف بيت ميرنا 
سها  :  يلا يميرنا انا مستنياكي تحت اهو 
_ميرنا  :  حاضر نازله 
وبعد كدا راحت ميرنا وسها على محل ملابس ضخم وغالي اشترو كل اللي هما عايزينو 
_ميرنا  :  عامله اي ف شغلك يسها 
_سها  :  كلو تمم الخمداله بس انا خدت اجازه انهارده عشانك وعشان ناخد راحتنا 
_ميرنا  :  ربنا يخليكي ليا يا احلى صديقه ف الكون كلو 
اوصفلكم سها 
(••♡ احيانا بتكون خبيثه يعني تبين للي قدامها انهار حلوه بس من وراها مش كدا خالص شعرها طويل وضفاير وف جمال الشكل احمل من ميرنا بس الطبع طبعا ميرنا تغلبها عيونها بني فاتح جدا ومش كويله ولا قصيره ••♡) 
ـــــــــــــــ🖤 بـقـلـم_ايـمـي_ابـراهـيـم🖤 ـــــــــــــــــ
جه يوم الخطوبه خلاص 
الساعه بقت 8 بليل والكل موجودين ف القاعده بس خالد لسه مجاش 
_ابو ميرنا قالها: انا هرن على خالد كدا اشوفو مجاش لي 
_ميرنا (ف نفسها)  ان شالله مييجي خالص 
ولسه ابو ميرنا بيطلع الفون بتاعه يرن على خالد ف شاف خالد دخل هو وصاحبه كمال 
وراح خالد قعد جمب ميرنا وهو مش عايز يبصلها اصلا 
سها راحت جابت الدبل والخواتم عشان يلبسوها 
خالد اخد الدبله لبسها لميرنا من غير ما يمسك ايديها ولا يبصلها وميرنا كانت نفس الحوار 
وقامو بقا عشان يرقصو مع بعض 
خالد غصب عنو بقا لازم يحط ايدو على ضهر ميرنا وميرنا لازم تحط ايديها حوالين رقبتو 
فرقصو مع بعض وسها رقصت مع كمال 
وخالد بقا يرقص بطريقه حلوه اوي وميرنا كمان كأنهم متفقين ومتدربين مع بعض 
انسجمو جامد ف الرقصه بيرقصو بطريقه رومانسيه جدا 
بعد ما خلصو رقص 
_خالد ببرود:  رقصك كان حلو 😒
_ميرنا  :  وانت كمان كان رقصك حلو😒
والخطوبه خلصت وكل واحد راح بيتو وميرنا رجعت البيت وخالد كذالك 
_كمال:  بس خطيبتك طلعت جامد يخالد 
_خالد بعصبيه  :  طب لم نفسك يكمال عشان منزعلش من بعض 
_كمال:  اي يعم اهدا هو انت بتحبها ولا اي 
_ خالد بتردد:  لا مبحبهاش بس هي الوقتي خطيبتي يعني هتبقا واحده من عيلتي فمينفعش انك تقول كدا عليها
ـــــــــــــــ🖤 بـقـلـم_ايـمـي_ابـراهـيـم🖤 ـــــــــــــــــ
وعدا بقا شهر وجه خلاص يوم كتب الكتاب واللي هو نفسو يوم الفرح
خالد هو وكمال راحو مع بعض عشان ياخدو ميرنا يودوها الكوافير 
خالد وكمال ركبو قدام ف عربيه خالد 
وسها وميرنا ركبو ورا مع بعض 
_خالد  :لما تخلصو رني عليا عشان اجي اخدك يا ابله 
_ ميرنا:  طيب يا استاز 
وخلصت ميرنا ورنت على خالد وجه خادها 
وهي بتخرج من الكوافير بيبصلها بطريقه مش قادر يشيل عينو من عليها من جمالها لدرجه ان كمال كان بيكلمو مسمعهوش من كتر ما هو بيتنحلها😂
ميرنا  :  خالد ..... خالد.    
خالد بفزعه  :  ايوا ايوا نعم 
ميرنا  :  يلا عشان نمشي 
خالد  :  طيب
ووصلو القاعه وكتبو الكتاب وحضرو الفرح 
ورقصو مع بعض وبكدا ليله الفرح خلصت 
 وخالد خد ميرنا وراح الفيلا بتاعتو 
دخل اوضته وقالها شوفيلك اي اوضه نامي فيها بقا 
_ميرنا  :  طب انا مش هعرف اخلع الفستان ده 
_خالد  : انا مالي انا اخلعيه تقطعيه مليش دعوه انا رايح انام سلام 
ميرنا  _ دخلت اوضه جمب اوضة خالد وبقت تحاول تخلع الفستان بس هي مش عارفه  
خالد طلع من اوضته عشان يجيب اكل لانو من الصبح كان مشغول معرفش ياكل 
لقا باب اوضه ميرنا مفتوح وشافها وهي بتحاول تفتح السوسته بتاعة الفستان 
فدخل اوضتها من غير ما تحس وهي واقفه قدام المرايه هو وقف وراها وبيفتحلها السوسته 
ميرنا اتخضت بس بصت ف المرايه لقتو خالد 
خالد بدآ يفتح السوسته براحه وصوابعو بقا يمشيها على ضهر ميرنا بحنيه كدا
ميرنا جسمها قشعر 
_خالد قالها  :  متخافيش انا هفتحهالك واطلع 
فخالد بيطلع من الاوضه راحت ميرنا مسكاه من ايدو وقالتلو.....


يتبع الفصل الثالث اضغط هنا
رواية أحببت طفلتي المعشوقة الفصل الثاني 2 بقلم ايمي ابراهيم
rana elhady

تعليقات

ليست هناك تعليقات
إرسال تعليق
    google-playkhamsatmostaqltradent