رواية قلوب مشتته الفصل التاسع بقلم هدير مصطفى
رواية قلوب مشتته الفصل التاسع
رامي :قوليلي بقي ايه المفاجأه الحلوه دي
جني : جعااااااانه
رامي : هش هش فضحتينا ... طب انتي جعانه جايالي المستشفي ليه ... الاكل بيكون في المطعم مش المستشفي
جني : ما انا اكتشفت اننا اخر الشهر ومفلسه ... فقولت افوت عليك تعزمني علي الغدا وتدفع الفاتوره واكسب فيك ثواب
رامي : ههههه دا انتي داخله علي طمع بقي
جني : طبعآ يا ابني امال انت فاكر ايه ..... اوعي تكون فاهم اني واقعه فيك لشوشتي ولا حتي بحبك ولا بفكر فيك
رامي : طب امشي اطلعي برا
جني : ايه ده ... هو انا كل ما اجيلك تقوم تطردني
رامي : اجل يا سيدي
جني : اجل يا سيدي ماشي يا رامي والنحمه لا اشتكيك لام رامي
(وجات تخرج من المكتب لقته بينده عليها )
رامي : جني
جني :حد بينادي عليا
رامي : انا
جني :انت مين
رامي : اممممم هنستظرف يعني
جني : انا رايحه اكل
رامي :طب يلا وانا هعزمك علي احسن مطعم في الجمهوريه
جني : لأ أحــــبــــــوش يا حاج
رامي : نعم يا اختي هو ايه اللي احبوش ده
جني : اكبر مطعم ده
رامي : امال عايزه تروحي فين
جني : ايه رأيك نضرب كشري من عند كباكه ونحبس بكوبايه عصير قصب
رامي : كشري يا بيئه
جني : طب خلاص بلاش كشري ... نضرب سندوتشات كبده من علي العربيه اللي في الحسين
رامي : جني ما تجنينيش اقولك احسن مطعم تقوليلي كشري وكبده وكباكه
جني : طب تعالي اكلني اللي انا عاوزاه في الغدا وبعدين نروح تاكل اللي انت عاوزه في العشا
رامي : طب يلا ينا
(وخدها وركبوا العربيه ووصلوا وطلبت الساندويتشات اللي هي عوزاها وهو دفع الحساب وركبوا العربيه عشان فيه زحمه كتير في المكان )
رامي : هنروح فين بقي
جني : خدني لمكان هادي .... اقولك اطلع علي البحر ... بس بسرعه عشان نلحق الاكل وهو سخن
(ساق العربيه ووصلوا علي البحر وبدأت هي تفتح الاكل)
جني : ها بقي هتاكل ايه .... كبده ولا حوواشي
رامي : لأ اضربي انتي وسيبيني انا عشان الحق اوديكي المستشفي
جني : هههههههه انت بتخاف اوي كده .... جبان
رامي : مش جبان بس علمونا ان الوقايا خير من العلاج وانا دكتور
(جني مسكت ساندوتش ومدت ايدها ل رامي وقربت منه )
جني : طب قرب بس كده وجرب
(رامي لما شاف جني هتأكله بأيدها لأول مره بصلها رومانسيه وحط ايده علي ايدها اللي ماسكه بيها الساندوتش واخد منه قطمه وبدأ ياكل وجني بتبصله مستنيه تشوف رد فعله ايه فأبتسم لها بمعني ان الاكل عجبه ... ففرحت جدآ وبدأت تاكل من نفس الساندوتش اللي اكلته منها فبصلها وابتسم وهي كمان بصتله )
جني : يلا كل بقي
رامي : لا
جني : ليه مش الاكل عجبك
رامي : عجبني لانك اكلتيني بأيدك
جني : كده بقي دخلنا علي قلة الادب
رامي : خلاص مش عايز عبوشكلك بتفصلي اي لحظه رومانسية
جني : ههههه بس خلاص ماتزعلش قرب شويه كده
(وبدأت جني تأكله وتاكل معاه وخلصوا اكل وفضلوا يتفسحوا طول اليوم وفات اليوم وراه كذا يوم وكل يوم تخلص شغلها تقعد مع بوسي شويه وتروح وتقعد مع اهلها ومع رامي الي بجد اصبح هو نصها التاني وبيشاركها في كل شئ وفي ادق تفاصيل حياتها ... رامي اشتري شقه في نفس العماره اللي فيها شقة والدته وشقة اهل جني عشان يفضلوا قريبين من بعض .... وبدأت جني تجهزها علي زوق راقي جدآ يناسب شخصيتها ورامي كان بيعجبه زوقها في كل شئ واعتمد عليها في اختيار كل شئ .... كتبوا الكتاب وقرب معاد الفرح ... وكان أدهم لسه بيطاردها بس هي متجهلاه تمامآ ... وفي يوم جني و رامي كانوا في مول كبير وجني بتختار فستان الفرح .... كل شويه تلبس فستان وتطلع بيه لرامي ورامي يرفضه ... وكل شويه يتحجج بحجه جديده .... مره يقول قصير ومره يقول ضيق ومره يكون مفتوح .... جني زهقت ف لبست هدومها العاديه وطلعت لرامي )
رامي : ايه ده فين الفستان
جني : فيش فستان
رامي : ايييييه امال هتلبسي ايه في الفرح
جني : لا ما هو انا لغيت فكرة الفرح دي ورجعت في كلامي
رامي : نعم يا اختي .... انتي اتجننتي ولا ايه
جني : بس بس هتفرج علينا الناس يا مجنون
(بص لها وهو متنرفز واختار فستان علي زوقه وعطاه ليها )
رامي : 5 دقايق وتطلعي لابسه الفستان ده
جني : بس ده فستان مقفل اوي
رامي : نعم يا اختي مقفل ازاي ... هو عشان بأكمام وطويل يبقي مقفل وبعدين هو هيبقي مناسب جدآ لكي وزوقه جميل ... بسيط وراقي ونفس مقاسك
جني : دا بطرحه محجبات كمان
رامي : اه ما هو انا مش هخليكي تلبسي لا قصير ولا ضيق ولا عريان ولا تسيبي شعرك كمان
جني : دي ليلة العمر يا رامي
(رامي بص للبنت اللي بتجيب لجني الفساتين فقالها .
يتبع الفصل العاشر اضغط هنا
- الفهرس يحتوي على جميع فصول الرواية كاملة :"رواية قلوب مشتته" اضغط على اسم الرواية