رواية قلوب مشتته الفصل العاشر بقلم هدير مصطفى
رواية قلوب مشتته الفصل العاشر
رامي : لو سمحتي ممكن تحجزي الفستان د علي جنب واحنا هنرجعلكم بعد نص ساعه
البنت : حاضر يا فندم
رامي : ممكن يا حبيبتي ننزل نقعد في الكافيه شويه
جني : حاضر
(رامي مسك ايد جني واخدها ونزلوا كافيه المول )
رامي : تشربي ايه
جني : اي عصير
(رامي طلب لهم عصير وبدأ يتكلم بعقلانيه )
رامي : بصي يا حبيبتي ... عارفه انا ليه اخترت الفستان ده
جني : ليه
رامي : لأن زي ما قولتي دي ليلة العمر ... بوابتنا اللي هندخل منها لعالمنا الجديد ... يرضيكي نمشي اول خطوه في حياتنا سوا بأننا نعمل معصيه لله ونخليه يغضب علينا .... طب ينفع انا كراجل شرقي غيور بيحب مراته ومايحبش ان حد يبصلها بصه مش كويسه اخليكي تلبسي فستان ضيق وعريان وتسيبي شعرك واقعدك وسط الناس وكأني بقولهم اتفرجوا علي مراتي اهي .... طب بالعقل كده ينفع بعد كل السنين اللي فاتت من عمرك دي وانتي بتلبسي هدوم تسترك وحجاب يزينك تيجي دلوقتي وتضيعي كل ده عشان ليله ... بصي يا حبيبتي ... انا مايهونش عليا زعلك ومستعد اعمل اي حاجه عشان ارضيكي ... بس برضه ماينفعش اضحي برضا ربنا علينا عشان يكرمنا في حياتنا الجايه سوا
انا عاوز بعد ما الفرح يخلص وندخل شقتنا سوا لأول مره وانتي حلالي وعلي اسمي نصلي سوا وانتي بفستان فرحك .... قوليلي بصراحه فيه فستان من اللي كنتي مختراهم دول ينفع تصلي بيه
(جني كانت بتسمعله وهو بيفهما وجهة نظره بحنيه وهدوء وطول ما هو بيتكلم هي كانت بتفكر قد ايه هو انسان كويس وبيتقي الله وقالت لنفسها ان اللي بيراعي ربنا في كل تصرفاته وبيفكر الف مره قبل ما يعمل اي حاجه تغضب ربنا اكيد هيراعي ربنا فيها ويفكر كتير اوي قبل ما يزعلها فهمت ان ربنا عوضها خير عن المرتين اللي اتوهمت فيهم بأسم الحب ... حست انها هتكون في امان معاه ... مش هتخاف علي نفسها ولا علي مستقبلها اطمنت انها هتتجوز راجل.... وفجأه قطعت كلامه وقالت )
جني : ربنا يديمك نعمه في حياتي وما يحرمنيش منك ابدآ
(رامي سمع كلامها وفرح جدآ بسبب دعوتها ليه .... حس انها فعلآ بدأت تحبه وأنها ما اتضايقتش منه ولا من كلامه ... ابتسم بسبب احساسه ده .... رامي كان خايف يتجوز جني ويقيدها بيه وهي ما بتحبوش .... كان خايف انها تندم علي وجودها معا هوانها وافقت علي الجواز منه ... بس الجمله دي كانت كفيله انها تعطيه امل في بكره .... دفع تمن العصير )
رامي : طب ايه رأيك تقيسي الفستان ولو معجبكيش نشوف غيره بس يكون محتشم برده
(جني ابتسمت له وهزت راسها انها موافقه رامي اخدها ورجعوا تاني البنت قابلتم وقالت )
البنت : اجيب لحضرتك الفستان تقيسيه ولا تختاري واحد تاني
جني : لا لفيه عشان هنشتريه
رامي : مش تقسيه الاول وتشوفي هيعجبك ولا لأ
جني : مدام انت شايف انه حلو ويكون مناسب ليه يبقي خلاص انا بثق في زوقك
البنت : ربنا يتمم علي خير والف مبروك مقدمآ
جني : الله يبارك فيكي وعقبالك
(وفي وسط فرحتهم سمعت صوت بنت بينادي عليها )
الصوت : جني .... ايه ده معقول انتي هنا
جني : انسه جوليا عامله ايه
جوليا : انا تمام وانتي
جني : الحمدلله بخير
جوليا : اه صحيح انتي بتعملي ايه هنا
جني : خلينا اعرفك الاول علي رامي .... خطيبي وكنا هنا بنشتري فستان الفرح
جوليا : واااااو الف مبروك ... انا كمان هنا بشتري فستان الفرح وادهم معايا
جني : الله يبارك فيكي ومبروك ليكي انتي كمان .... رامي دي جوليا بنت صاحب الشركه اللي بشتغل فيها
رامي : اهلآ بيكي ... اتشرفت معرفتك
(رامي كان بيص ل جوليا وبيحاول يفتكر هو شافها فين قبل كده بس مش قادر يفتكر بس بعد ما خلص جملته ظهر أدهم وجه من وراهم وشايل في ايده فستان فرح باين عليه انه عريان جدآ .... ادهم لما دخل كانت جوليا بس اللي وشها ليه اما جني ورامي كانوا عاطين له ضهرهم واول ما جوليا شافته )
جوليا : ادهم حبيبي ايه الفستان التحفه ده
ادهم : عجبك
جوليا : جدآ زوقه تحفه حتي اسأل جني علي رأيها فيه كده
(لفت جني عادي جدآ وبصت علي الفستان وقالت بكل تلقائيه )
جني : فعلآ جميل اوي
(ادهم اتصدم لما شاف جني بس ابتسم لأنه افتكرها متقصده انها تروحله وتخليه يشوفها كان فاكرها لسه بتحبه وبتفكر فيه س اتفاجأ رامي اللي بيلف ليه هو كمان وبصله .... رامي اول ما شافه عرف ان هو ده حبيب جني السابق وافتكر ان شاف جوليا في الصوره بتاعة خطوبتهم علي تليفون جني .... فضلوا يبصوا لبعض لحظات لحد ما جت البنت ومعاها الفستان بتاع جني )
البنت : اتفضلي يا انسه جني
جوليا : ايه ده يا جني الفستان اللي اختريته صح
(ادهم فهم لما بص علي ايد جني وشاف الدبله وعرف ان ده اكيد خطيبها قرب ليهم الفضول والحقد ياكلوا فيه .... اما جني كانت متجلاه تمامآ واتسمت ل جوليا وقالت )
جني : اه هو
جوليا : ممكن اشوفه
جني : اه طبعآ
(وبدأت جني تفتح علبه الفستان اللي كانت كبيره جدآ فقالت جوليا )
جوليا : بس ليه العله كبيره اوي كده
جني : لأنه فستان محجبات .... طويل وطرحه كبيره وحجاب
جوليا :ايه ده يا بنتي حد يلبس كده في ليلة فرحه .... بتقيدي نفسك ليه
جني : شوفيه بس وبعد كده احكمي عليه ... ده كان نفس كلامي قبل ما اشوفه بنظره تانيه خالص
جوليا : نظرة ايه
جني : نظره حبيبي رامي ليه .... نظرته للفستان واعجابه بي جملت الفستان في عيني
(كلام جني كان بيأثر عليهم بالسلب ... رامي حس بالغيره من ادهم ونظراته لجني ... حس ان جني قالت عليه حبيها لأول مره بس مفرحش بيها لأنه متأكد ان هدفها هو انها تخلي ادهم يغير ... ادهم كمان كان حاسس بالغيره لأنه اتأكد انه معتش يهم جني في شئ .... وانها لما كانت بتتجاهله مكنش رد فعل منها علي اللي عمله ولا كانت بتعاقبه ... لا هو اتأكد انها تجاهلته عشان دخل حياتها انسان غيره وبتهتم بيه ... انسان عوضها عن اللي هو عمله فيها ... كان فاكر ان وقت ما يرجع لها هيلاقيها مستنياه ... وهيلاقي حضنها بيضمه .... لكن الحقيقه انها استغنت عنه زي ما هو استغني عنها زمان ...جني مسكت الفستان وجوليا بتتفرج عليه بأنبهار شديد )
جوليا : وااااااو .... مش ممكن ... ايه الجمال ده .... معقول فستان محجبات وبالشياكه دي
جني : مش قولتلك انه هيعجك
جوليا : بجد تحفه .... انا مش مصدقه رقته وجماله
(في وقت ما جني و جوليا كانوا بيتكلموا سوا كان ادهم بيبص علي جني ورامي متابع نظرات ادهم لجني .... رامي فضل ساكت وما اتكلمش خالص بس لما الغيره اتملكت من مسك جني من ايدها وشدها
يتبع الفصل الحادي عشر اضغط هنا
- الفهرس يحتوي على جميع فصول الرواية كاملة :"رواية قلوب مشتته" اضغط على اسم الرواية