رواية قلوب مشتته الفصل السابع بقلم هدير مصطفى
رواية قلوب مشتته الفصل السابع
جني خلصت كلامها لقت عمتها بتبصلها و.... )
نواره : اسمعيني يا بنتي .... الحب شئ مهم جدآ في حياة الانسان .... انتي بنتي قبل ما تكوني بنت اخوايا ....عشان كد انا هنصحك بيني وبينك واقولك ماينفعش ..... ماينفعش تكملي حياتك من غير حب حقيقي .... حب يملا كل تفاصيل حياتك ... حب يبدأ من قلبك ويتنقل لروحك
جني : طب ما رامي بيحبني
نواره : حب من طرف واحد .... حب لطرف ساكت ... حب لطرف رافض .... حب هيجلب ليكم الالم والوجع والجرح .... ليكم انتم الاتنين ... اصل زي ما قولتلك قبل كده الحب مش انك تعطي وبس ولا انك تاخد وبس ... الحب ان يكون مابينكم مشاركه في اصغر تفاصيل حياتكم ... انكم تكونوا واحد ... روح واحده ... قلب واحد ... فكر واحد ... لكن اللي انتي عايزه تعمليه ده .... هيكسر حتي صداقتكم يا جني ... رامي مش مش هيقبل انه يعيش طول عمره يعطي وبس ..... وزي ما انتي كرهتي الحب بسبب كريم وادهم رامي كمان هيكرهه بسببك ياجني
جني : انتي خايفه علي رامي مني
نواره : خايفه عليكم انتم الاتنين .... صدقيني وفكري في كلامي وانتي هتفهميني
(وقامت نواره من علي السفره )
جني : طب انتي رايحه فين دلوقتي
نوراه : هسيبك تفكري وبعدين انا مش فاضيالك ورايا اهتمامات اخري
جني : اهتمامات ايه دي
نواره : تمارين بقي ورياضه ورشاقه وكده
جني : ايوه يا نونو يا جامد
(ضحكت ونواره ومشت بس لفت في اخر خطوه قبل خروجها وقالت )
نواره : جني
جني : نعم
نواره : فكري
جني : حاضر
(نواره سابت جني ومشت فقامت جني هي كمان من علي السفره وطلعت اوضتها وفضلت تفكر في كلام عمتها وبعد ما فات وقت كتير قررت انها تنسي الماضي وتبدأ تفكر في رامي كحبيب لأنه فعلآ بيحبها وهيبقي غلط كبير منها لو ضيعت الحب ده من ايدها فقامت وغيرت هدومها ... لبست واتشيكت وقررت تروح ل رامي المستشفي اللي هو بيشتغل فيها ودخلت ليه كمريضه طبعآ هو بدأ يتكلم من غير ما يبص عليها وقال بالأنجليزي بس انا هكتب بالعربي)
رامي : كيف يمكنني مساعدتك
جني : هاااااراسوح ايه ده ....
طلعت بتتكلم انجليزي حلو اهو
(رامي رفع وشه لقي جني متسمه ليه)
رامي : ايه ده جني .... انتي بتعملي ايه هنا
جني : احم احم .... مريضه وجايه اتعالج
رامي : هههههه انت لسه جايه تعرفي دلوقتي انك مريضه وحالتك صعبه
جني : كلنا مرضي نفسيون حتي انت ايها الطبيب
رامي : طب امشي اطلعي برا
جني : ههههه لا برا ايه دا انا دافعه فيزيتا قــــــــد كدااااا .... انت عارف الدولار بكام اليومين دول
رامي : بغض النظر عن العك ده كله خلصيني وقولي عايزه ايه
جني : عايز امدد علي الشيزلونج ده وتشغلي ميوزك هاديه وتسمعلي
رامي : هههههه ايه شغل الافلام ده
جني : بفلوسي بقي
رامي : جني .... هطلبلك الامن
جني : خلاص خلاص
رامي : عايزه ايه
جني : عايزاك تسمعلي
رامي : وانا كلي آذان صاغي
جني : امدد علي الشيزلونج وشغلي ميوزك بقي
رامي : بس يا هبله
جني : وحياتي .... نفسي فيها
رامي : اتنيلي وخلصيني بقي
جني : ايه ده .... احنا هنبدأ بأتنيلي وخلصيني ... اما ضاكتور ازاي
رامي : اسمها داكتور يا جاهله ... اتفضلي بقي .... وادي الميوزك
(وشغل رامي الميوزك الهاديه فقعدت جني علي الشيزلونج وبدات كلامها بهزار )
جني : ببص بقي يا دكتور الدكاتير ...(بدات الموسيقي ترخي اعصاب جني المتوتره وخلتها تنسجم وتبدأ تتكلم بهدوء ) انا اتظلمت في حياتي مرتين لما حبيت ... او لما اتوهمت بالحب وفتحت قلبي لناس غلط المره الأولي لما قابلت شاب اسمه كريم .... معرفتنا من البدايه كانت غلط ....عارفه اني مكنش ينفع اخليه يقتحم حياتي خصوصآ اني عرفته في الشارع .... كانت دي اول تجربه ليا ... كنت جاهله بالحب ... ومع ذلك حبيته قوي .... خليت جزء مهم في حياتي وهو محسش يا غير اني زي اي بنت تانيه يعرفها ....ولما اكتشفت ده سيبته مع البنات اللي يعرفها وفضلت انا بجرحي .... ومرت الايام والشهور وقابلت ادهم .... زميل جديد ليا في الشغل .... بدأت اعجب بيه وهو مصدش الاعجاب ده ... كنت بحس انه يبادلني الاعجاب ده و واحد واحده بدأ يتسلل لحياتي بالتدريح .... منحته مكانه في قلبي كبيره جدآ ... كبير لدرجة انه مقدرش يستوعبها وصدمني بأنه خاطب البنت الغني اللي اي حد يتمناها ..... سبت الشغل وبعدت عن حياتهم وجيت هنا عشان انساهم بس لقيت حب من نوع اخر .... الحب المره دي كان منك انت ليا ... لقيتك اخترت تحبني من بين كل الدنيا .... اكتشفت قد ايه كنت بتنجرح كل لما اقولك اننا اخوات .... وربطت بين موافقتك علي السفر زمان وبين قبل سفرك ب ليله لما سألتني ايه شعوري تجاهك .... عرفت ان لما قولتلك انك اخ ليا قررت تبعد عني عشان ما تخسرش الاخوه دي ..... اللي حصل امبارح كان بسبب صورة خطوبة ادهم .... لما شوفتها حسيت الدنيا كلها بتلف بيا .... حسيت باللي انا عملته فيك زمان .... حسيت قد ايه انا جرحتك .... ولما فوقت ولقيتك سران جمبي وشوفت خوفك عليا ولهفتك ... وشوفت الحب اللي كنت بدور عليه في كريم وادهم .... لقيت الحب ده في عيونك .... عرفت انك انت طريقي لبكره ... اكتشفت انك اكتر انسان قريب مني بالرغم من البعد اللي بينا ... معاك بحس ان انا مش انا ... مابحسش ألمي ولا بحزني ... بنسي اي شئ واجعني ... بشوف نفسي طفله مجنونه ... لا بيهمها سنها ولا شكلها ...ولا خايفه تتأخر ف مامتها تعاقبها ... مابفكرش في اي كلمه بقولها ليك لاني عارف انك هتسامحني حتي لو غلطت ... متأكد هان قلبك اكر من اني افكر اذا كان يحتويني ولا لأ .... ف قررت انسي الماضي وارمي نفسي بين ايديك واسألك .... موافق تنسيني اوجاع الماضي وتمنحني فرصه احبك فيها من كل قلبي ...؟؟؟
(رامي كان بيسمع كلام جني وهو حزين ... كان عارف انها حبت وانجرحت بس لما عرف قد ايه هي اتعذبت واتألمت بسبب الحب واتمني انه كان يبقي جمبها عشان يواسيها لأنه حاسس قد ايه هي اتوجعت لأن هو كمان أتوجع زيها .... بس لما جابت سيرته وحس انها شايفه فيه أمل لبكره ... حاس ان قدامه فرصه يفرح قلبها ... وقادر انه يخليها اسعد واحده في الدنيا ... ابتسم لها وهو فرحان بثقتها بيه .... ولما نزلت دمعه من عيونها ماقدرش يشوفها ومسحها بأيده
يتبع الفصل الثامن اضغط هنا
- الفهرس يحتوي على جميع فصول الرواية كاملة :"رواية قلوب مشتته" اضغط على اسم الرواية