رواية وقعت فى العشق الفصل العاشر بقلم أمل السقا
رواية وقعت فى العشق الفصل العاشر
*فى اوضة عشق الباب خبط*
عشق: ادخل.
عز بابتسامة عريضة: ممكن اخد رأيك فى حاجه يا شوشو
عشق: اكيد يا قلب شوشو تعالى.
عز: احم عشق انتي جايلك عريس وانا جاي اشوف رأيك.
عشق بخضه وهي بتقوم من مكانها: عريس؟ لأ انا مش عايزة اتجوز لأ "هي مندفعه اصلا متعرفش انه زياد" وبعدين اتجوز واسيبك يا زوز بذمتك ينفع لا لا قوله مش موافقه ولو السما انطبقت على الأرض مش هوافق ها
عز وهو بيقوم عشان يخرج: خلاص انا مش هضغط عليكي نشوفلك عروسه تانيه بقا يا زيزو "قالها وهو بيبص لعشق بخبث"
عشق بسرعه: زيزو مين؟
عز وهو طالع: زياد هو العريس.
عشق "جريت على عز ومسكته كده من كتفه وبتدخله جوه تاني وبتقفل الباب": تعالى بس يا عز يا حبيبي انت رايح فين؟ احنا لسه متفاهمناش ده انا كنت بهزر.
عز بضحكه مكتومه: دي مفيهاش هزار يا اه يا لأ وانتي قولتي انك مستحيل تتجوزي عشان مش هينفع تسيبيني وانتي توأمي وكده وانا بصراحه بقول ان عندك حق مينفعش تتجوزي وتسيبيني فانا هقوم اقول للراجل كل شئ قسمه ونصيب وربنا يرزقك بغيرها.*ولسه هيقوم جت عشق قعدته بالعافيه وقالت بغيظ"
عشق: عشان يبقي اخر يوم فى عمرك وعمره وعمرها بقولك ايه يا عز انت اخويا وتوأمي وكل حاجه وروحي بس هل يرضيك ان اختك تبور؟ وبعدين يا حبيبي البنت مننا ملهاش غير بيت جوزها برضو وانا عشان بصراحه مكسرش قلب الراجل المسكين ده انا هوافق اتجوزه وكمان عشان انا صاحبت زينه وهي لو عرفت هتزعل ده غير انكم صحاب وانا يعني اكيد مش هقبل انكم تخسروا بعض بسببي "قالت كل ده تحت اسماع زياد اللي واقف علي باب الاوضه بيتوعدلها فى سره"
عز بتفكير: امممممم زياد مسكين؟ مظنش احم عموما يا اختى ربنا يتمم بخير ويقويكي علي اللي هتشوفيه منه بعد كل اللي انتي قولتيه ده انا هروح اقوله بقا.
*عز خرج وهو بيضحك على عشق وعلى زياد اللي كان عارف انه واقف بره عالباب وزياد واقف بيحلف ليعلمها الادب على كلمة مسكين دي وعشان مقالتش ان هي كمان عايزاه وعشق طبعاً قفلت الباب وفضلت تتنطط على السرير وزينه عرفت وحضنت زياد وهي فرحانه جدا عشان هتبقى قريبه من عشق وعز ف نفس الوقت، وطبعاً زياد كلم والده ورحب بالفكرة جدا هو والدته و كلم والد عشق وكان سعيد جدا انه أخيرا هيجوز عشق ويتطمن عليها وحددو معاد الخطوبه وكتب الكتاب يكون تاني يوم وهيبقى فى الشاليه فى مطروح عشان هيفضلوا هناك فتره عشان الشغل"
&________فى الموقع وصل عز وزياد وزينه وعشق ولقو آدم مستنيهم.
آدم بإبتسامة جميله "هو اصلا قمر": اهلا اهلا نورتو الموقع والله" قالها وهو بيبص لعشق "
زياد بغيظ: ده نورك يا آدم "وجه كلامه لعشق وزينه" روحو انتو اتمشو فى المكان شويه لحد ما نخلص هننادى عليكم.
عشق وزينه: تمام "وخدو بعض ومشيوا"
*آدم وعز وزياد لفوا الموقع حته حته ودرسوه كويس جدا وسجلوا بعض الملاحظات *
عز بجديه وبروده الطبيعي فى الشغل: كويس قوي المكان جميل وهيبقى سهل جدا اننا نعمل فيه حجات كتيره وجميله وبسيطه فى نفس الوقت.
زياد بنفس الجديه والبرود: ايوه فعلاً المكان عجبني جدا احنا كده هنبدأ فيه من بعد بكره ان شاء الله ونحاول ننجز على قد ما نقدر.
آدم بتريقه: طب وليه منبدأش بكره ولا انتو ناويين تتفسحوا ولا ايه؟
زياد ببرود ونبره مستفزة: لا يا حلو عشان انا بكره شبكتي وكتب كتابي.
آدم بصدمه: نععععم؟ بكره؟ وانا اخر من يعلم؟ ويا ترى مين بقا تعيسة الحظ دي قصدي سعيدة الحظ؟
زياد: عشق.
آدم بصدمه وفم مفتوح: ميييين؟ عشق مين؟
عز بضحكه على منظره: ايه يا آدم هتكون عشق مين يعني اكيد عشق اختى بلاش هطل.
آدم: وهي موافقه.
زياد ببرود: ايوه اومال يعني هنعمل خطوبه وكتب كتاب من غير ما توافق انت عبيط يا بني.
عز لتلطيف الجو: بقولكو ايه انا كنت شايف سوبر ماركت قريب من هنا ايه رأيكم أروح اجيب شويه حجات نتسلى بيها؟
زياد وآدم: تمام مفيش مشكله.
زياد بص لآدم: أنا هعمل تليفون وجاي لان مفيش هنا شبكه.
*آدم هز راسه بمعنى تمام وزياد مشى فى اتجاه وزياد فى اتجاه تاني وآدم بيفكر فى عشق وانها أول بنت تدخل قلبه بالشكل ده بس زياد دايما بيقع واقف تنهّد بضيق وقال: انا لازم اشوف عشق واتكلم معاها وكمل طريقه"
&____________عند عشق وزينه بيلعبو فى الرمل ولقو نغم، عشق عرفتها على زينه وبعد شويه زينه مسكت ايد نغم وقالت&
زينه: عشق انا هروح انا ونغم نشتري أي حاجه من السوبر ماركت ونيجي.
عشق: ماشي ابقي هاتيلي شويبس معاكي بقا.
زينه وهي ماسكه ايد نغم وماشيه: حاضر عايزة حاجة تانية؟
عشق: لأ تسلميلي.*زينه خدت نغم ومشت وعشق قامت وقفت ناحية البحر بس كانت قريبه جدا من الميه وسمعت صوت حد وراها مباشرة *
آدم بأسف واضح: انا آسف بجد والله ما اعرف ايه اللي حصلي "وجه نظره لعز اللي باصص للفراغ" عز أنا اسف انا عارف اني مستاهلش تسامحني على العمله دي بس انت تعرفني دلوقتي بقالك حوالي عشر سنين عمرك شوفت مني حاجه وحشه؟
عز بتنهيده وهو بيقف عشان يطلع اوضته: تمام بس خليك عارف ان المره الجايه هيبقي فيها موتك حتى لو كنت متخدر."وسابه وطلع فوق. "
آدم لزياد: زياد انا اس..
زياد بمقاطعه: خلاص يا آدم محصلش حاجه متتاخرش بكره عشان تجهز معانا الحفله بتاعت الخطوبه وكمان عشان تبقى شاهد.
*آدم قام حضنه واعتذر مره تانيه وخرج *
_______وعدى اليوم ما بين شويه عتاب وشوية حب وزعل وندم وخوف من اللي جاي وسعادة ومشاعر متناقضه بين الكل.
***تاني يوم
(حضر والد ووالدة عشق وعز و والد ووالدة زياد وزينه وآدم حضر وكان شاهد هو وأبو نغم والحفله تمت بخير ما بين سعادة الكل كأن مفيش حاجه حصلت امبارح)
المأذون: "بارك الله لكما وبارك عليكما وجمع بينكما فى الخير"
المأذون لسه هيتحرك ويمشي بس سمعو صوت واحد من ورى.
_استنى يا شيخنا انا عايز اتجوز بقا انا كمان.
والد عز بدهشه: انت بتهزر يا عز!
عز بجديه: لا يا بابا بجد عمي محمد انا عايز اطلب ايد زينه وده بعد اذن حضرتك طبعاً ي بابا.
مراد: انا والله يشرفني جدا انت ايه رأيك يا محمد.
محمد: والله يا جماعه ده يوم المنا بس القرار الأول والاخير يرجع لزينه.
*الكل وجه نظره لزينه اللي وشها بقا زي حبة الطماطم *
زياد وجه كلامه لزينه: زينه يا حبيبتي ايه رأيك فى عز؟
زينه:....
عز بثقه : اكيد موافقه يعني هي هتلاقي زيي فين؟
عشق "ذهبت لزينه وقالت بهمس": طب مش وقته كسوف طيب كده المأذون هيمشي.
زياد: ها يا بنتي انطقي.
محمد: طب نقول السكوت علامة الرضا؟
زينه: انا مش موافقه......
عشق اتخضت ورجعت ورى ناحية الميه: آدم احم احم قصدي باشمهندس آدم حضرتك بتعمل ايه هنا.
آدم بنظرة هي مفهمتهاش: لا هي آدم بس ولا زياد حذرك انك تناديني بإسمي؟*قالها وهو بيقرب منها وهي بترجع لورى وبدأت تفقّد توازنها من الميه اللي حاوطتها*
عشق بتوتر من نظراته: ل... لا... مش كده بس عشان الاحترام وكده انا لازم امشي بعد اذنك.
آدم *مسكها من ايدها *: لأ استني شويه انا عايز اقعد معاكي.
عشق بتوتر وخوف: م...مينفعش عشان زينه مستياني بعد اذنك بقا وزقت ايده وفجأه فقدت توازنها و وقعت فى الميه وهو استغل فرصه ان مفيش حد فحاول يتقرب منها ويعتدى عليها وهي فى المياه وبيقول"
آدم "بيحاول يتحسس جسمهابطريقه بشعه وهي بتصرخ وتبعد": انتي دخلتي دماغي قوى من اول لحظه شوفتك فيها وقولت انا خلاص حبيت وهتبقى هي دي حياتك بس زياد مش بيهنيني على حاجه فانا بقا لازم اتمتع بيكي قبل هو ما يفرح بيكي واهو ابقى علمت عليه فى حاجه.*كل ده تحت صريخ عشق وتوسلاتها وعياطها اللي محركش فيه شعره كأنه فى دنيا غير الدنيا"
عشق: آدم بالله عليك بلاش كده.
*عشق بتزقه وتبعد وهو بيشدها ليه وقلع حجابها وهي بتصرخ: انت حيوان بشري با زياااااااد الحقني يا عز اااااه حد يلحقني ابعد يا حيوان انت مجنون مستحيل تكون طبيعي "وبعدين قربت منه وعضته من كتفه لحد ما سنانها دخلت فى جسمه وهو اتألم وسابها للحظه كانت خرجت من الميه ولسه هتجري على الشط بس خبطت فى صدر حد و وقعت على الارضه بتبص لفوق لقت.
يتبع الفصل الفصل الحادي عشر اضغط هنا
- الفهرس يحتوي على جميع فصول الرواية كاملة :"رواية وقعت فى العشق" اضغط على اسم الرواية