رواية وقعت فى العشق الفصل التاسع بقلم أمل السقا
رواية وقعت فى العشق الفصل التاسع
نغم" ببراءه ": ايوه يا بابي عمو الحرامي ده كان بيجري ورانا عايز يخطفنا ولما وقعوا انا جيت قولتلك عشان نلحقه قبل ما يخطف عشق.
زياد: يعني بزمتك ده منظر واحد حرامي؟
منك لله يا عشق.
الراجل: طب طالما انت مش حرامي كنت بتجري وراهم ليه؟
زياد وهو مش عارف يقول ايه: لقيتهم بيلعبوا قولت العب معاهم بس.
الراجل وهو بيمسك ايد نغم ويمشي: تمام اسفين على الازعاج، يلا يا نغم.
نغم لعشق: انا هاجي تاني بكره هتيجي؟
عشق بحب كبير: طبعاً هاجي واستناكي" قالتها وهي بتشاورلها ب باي"
*وبعدين لقت اللي ماسكها من ايدها وبيجرها وراه ناحية الشاليه*
عشق بضيق: ايه يا عم انت ساحب جاموسه.
زياد باستفزاز: والله ده الجاموسه بتسمع الكلام عنك هو انتي ايه هيحصلك حاجه لو سمعتي الكلام هه والله لاوريكي يا عشق.
عشق بخوف: هو انا عملت حاجه يا زياد هو انت بتدور علي أي حاجة عشان تزعقلي وخلاص.
زياد وهو بيقفل باب الشاليه وشدها ناجية اوضة المكتب اللي في الدور الارضي: مش انا قولتلك تلبسي لبس خروج وميكونش ملفت؟
عشق وهي بتبلع ريقها بصعوبه: ايوه حصل.
زياد: متلبسش ليه بقا زي ما قولت .
عشق: عشان كسلت الصراحه وبعدين ما ده شبه الخروج اهه.
زياد: طيب كده اول غلطه، تاني غلطه انك ضحكتى مع آدم واتكلمتي معاه اصلا.
عشق: هو مش صاحبك انت وعز وبعدين ده الراجل عسل يعني وزوق جدا.*وفجأه لقت اللي حاوط ضهرها بإيده وشدها ليه لحد ما لزقو ف بعض تقريباً "انت بتعمل ايه؟ كده مينفعش.
زياد بنبره محذرة: اياك اسمعك بتقولي أي حاجه حلوه عن أي حد غيري فاهمه؟ وعلى فكره آدم بتاع نسوان يعني مش زي ما انتي فاهمه فياريت تتجنبيه شويه عشان مزعلكيش واتمنى كلامي يتسمع ويتنفذ بالحرف مفهوم؟
عشق بتوتر من قربه الشديد منها: ح... ح... حاضر حاضر سي... سيبني بقا.
زياد " خلى ضهر عشق لزق فى الحيط وهو مازال محاوط ضهرها بإيده اليمين وإيده الشمال ساندها على الحيط ": تؤ لسه مصفيناش حسابنا انا لسه مخدتش حقي.
عشق: ح. ح.. حق ايه مش خلاص بقا انا قولتلك هسمع الكلام.
زياد "وهو بيبصلها برغبه شديدة": والحرامي؟ يعني انا زياد محمد الغالي ابقى حرامي على اخر الزمن؟
عشق وهي بتضحك وبتحاوط رقبتها بإيدها: قلبك ابيض يا زيزو بقا انا كنت بهزر معاك *هي عملت كده بعفويه عشان يسيبها متعرفش ان حركتها دي هتخدره اكتر مهو متخدر *
زياد بنبره غير واعيه: متلعبيش فى الميه تاني بالطريقة دي.
عشق بعدم فهم: ليه؟
زياد وهو بيبص لعنيها: عشان الهدوم لزقت على جسمك والكل كان بيبص عليكي، مقدرش استحمل النظرات دي من أي حد، فاهمه؟
عشق بتوتر من قربه ده لأنه سند براسه على راسها: ف.. فا... فاهمه سيبني بقا عش... عشان خاطري.
زياد وهو بيبص برغبه لشفايفها اللي بتترعش جامد: شششششش مش عايز اسمع صوتك خليني اسمع ضربات قلبك دي.
عشق بتوتر وخوف من نظراته ليها: بس.." مكملتش الكلمه ولقت اللي فتح الباب مره واحده وشهقت بصوت عالي "
زينه بخضه: انتو بتعملوا ايه؟
زياد وهو بيتأفف ويبص لعشق اللي وشها بقا عامل زي الطماطم: تاني واحده تقفشنا على فكره المره الجايه هيبقى بوليس الآداب بس انا مش هستنى بصراحه معتش قادر "وبعدين بص لزينه وقال" خير يا زينه عايزة ايه؟
زينه "نست اللي كان بيحصل من شويه وقالت": انا جعانه ومفيش اكل هنا اعمل ايه.
زياد وهو بيقرب من زينه ويبوس راسها: انا هطلب اكل شويه وهييجي.
زينه وهي بتخرج: تمام لما ييجى نادولي بقا. *وقفلت الباب*
زياد بص لعشق اللي لسه واقفه مكانها زي الصنم: ها هتطلعي تغيري هدومك ولا اكمل اللي انا كنت بعمله قبل زينه ما تيجي؟*قالها وهو بيقرب من عشق وف لحظه سمع صوت الباب بيتقفل نتيجة ان عشق طلعت تجري وقفلت الباب *
زياد بتنهيده" ما انا مش هستنى اكتر من كدا انا كل مره بمسك نفسي بس مش عارف المره الجايه ايه اللي هيحصل "وطلع الموبايل وطلب دليڤري.
*_____________بعد حوالى ساعه ونص كانوا كلوا فيهم
زياد" وجه كلامه لعشق وزينه ": جهزو نفسكم عشان بعد ساعه هنروح نعاين الموقع اللي هنبني عليه المشروع.
زينه وعشق وهما بيقوموا: تمام
زياد: استنوا انتو الاتنين واسمعوني لحد الاخر *الاتنين وقفوا مكانهم*اياك تتكلموا مع اي حد هناك.
عز: وإياك تضحكوا ضحكه كده ولا كده هناك *وبص لزينه بتحذير*
زياد: وآدم بالذات ياريت ميكونش فيه بينكم تعامل. *قالها وهو بيبص لعشق *
عز: وياريت محدش يروح اي مكان من غير ما نعرف عشان منقلقش واحنا مش مصطحبين اطفال عشان الحركات دي تمام؟
عشق وزينه بنفاد صبر: تمام حاجه تاني.
زياد وعز: لأ جهزو نفسكم بقا.
*عشق وزينه طلعو فوق وزياد وجه كلامه لعز وقال *
زياد: عز كنت عايزك في موضوع مهم.
عز: خير يا زياد فيه ايه؟
زياد" من غير أي مقدمات ": انا عايز اتجوز عشق.
عز بصدمه *هو مكانش يعرف انه هيقولها بسرعه كده *: عشق اختي؟
زياد بضيق: اومال اختي ما تنجز يا عم تقول موافق.
عز بضحك: ماشي يا عم موافق بس انت كلم بابا لما نرجع وشوف رده.
زياد بسرعه: لا انا مش هستنى لما ارجع انا مستعجل وبعدين فيه فكره. انا هكلم بابا وماما وعمي ومرات عمي وييجو هنا نعمل شبكه وكتب كتاب ولما نرجع اسكندريه نبقى نعمل فرح. ايه رأيك؟
عز بضحكه عاليه: ده انت وقعت ومحدش سمى عليك هههههههه كلمه يا سيدي ولو وافق مفيش مشكله بس اهم حاجه رأي عشق.
زياد بثقه: هتوافق انا متأكد انها هتوافق.
عز بابتسامة وفرحه: خلاص يا عم ربنا يتمم بخير بس انا هكلم عشق برضو واللي فيه الخير يقدمه ربنا
يتبع الفصل الفصل العاشر اضغط هنا
- الفهرس يحتوي على جميع فصول الرواية كاملة :"رواية وقعت فى العشق" اضغط على اسم الرواية