رواية اغفري لي سارة وكريم البارت الثالث 3 بقلم روان ياسر
رواية اغفري لي سارة وكريم الفصل الثالث 3
كريم بغضب : طاااااارق
طارق بص ل كريم بإستغراب ومش فاهم سر عصبيته
أما سارة بيت ل كريم لقته بيتنفس بسرعه وعيونه حمرا
طارق : فيه اي يا كريم مالك متعصب كدا ليه
كريم بعصبيه : أنت جاي هنا ليه مش معقول وحشتك من 3 ساعات يعني
طارق بحرج : عادي يعني يا كريم
كريم بحده : طب اتفضل امشي عشان ورانا شغل
طارق اتحرج جامد وسابهم وخرج وسارة بصت ل كريم بقرف وخرجت ورا طارق
سارة : طااارق .. طااارق استني
طارق وقف وبص لها فقالت : أنا أسفه بالنيابه عنه متزعلش أنا مش عارفه هو ماله بجد
طارق بإبتسامه : عادي انا متعود منه علي كدا ما هو أكبر مني بقي
عموما أما اتشرفت بيكي جدا يا سارة ... نسيت أقولك أنا النقيب طارق المالكي يعني اي مشكله تحصل تكلميني
طارق شد التليفون منها وكتب رقمه ورن علي نفسه وبعدين قالها بإبتسامه : هبقي أكلمك .. سلام
وسابها ومشي وكل دا وكريم واقف بعيد بيتابعهم بغضب
سارة التفتت وكانت راجعه المكتب لقت كريم واقف كدا اتجاهلته وكملت طريقها
بعد ما دخلت المكتب كريم شدها من دراعها وقال : أقسم بالله يا سارة لو ما اتظبطي لا هتشوفي مني وش عمرك ما شوفتيه .. ملكيش دعوة ب طارق أنتي فاهمة
سارة شدت دراعها وقالت بإستفزاز : لا مش فاهمة وبعدين أنت مين عشان تدخل خليك ف حالك وسيبني ف حالي
أنت واحد متجوز وأعتقد واقفتنا دي مش لطيفة
سمعوا خبط علي الباب وبعدين خديجة دخلت ولقيتهم واقفين كدا وكريم باين علي وشه الضيق
خديجة : السلام عليكم .. ازيك يا أنسه اااا .. مش انتي اللي جيتي الخطوبه امبارح
سارة : ايوا أنا واسمي سارة
خديجة : ايوا سارة صح .. بصت ل كريم وقالتله : يلا يا كريم ولا لسه وراك شغل
كريم بهدوء : لا خلصت اسبقيني علي العربية وأنا جاي وراكي
خديجة : تمام وبعدين مشيت واستنته عند العربيه
كريم قرب من سارة وقالها : دا أخر تحذير يا سارة بعد كدا تصرفي مش هيعجبك .. أنتي ليا أنا وبس
سارة ضحكت بصوت عالي وقالت : أنا مش لعبة ف ايدك وياريت تحافظ علي مشاعر مراتك .. أنت مش محور الكون يا كريم .. أنت شخص طلع ندل مش أكتر وأناني لما لقيتني هشوف حياتي زي أنت ماشوفتها قولت لا ازااي لازم ابوظلها حياتها اكتر ما بوظتها .. أنت طلعت زباله اووي
كريم فقد سيطرته وضربها بالقلم .. ووقف شويه يستوعب هو عمل اي
سارة اتسمرت مكانها ودموعها نزلت تلقائي
كريم بتردد وحزن من نفسه : سااارة أنااا اناا مكانش قصدي أناااا
سارة أخدت شنطتها وسابته وجريت علي بره .. وهو أخد مفاتيح عربيته وموبايله وخرج وراها ملقاش حد .. نزل تحت لقي خديجة واقفه عند العربيه فسألها
كريم : مشوفتيش سارة
خديجة : لا مش هي كانت معاك فوق ..
كريم فهم انها لسه فوق منزلتش .. بص ل خديجة وفتح العربية وأخدها ومشي وهو بيدعي ان سارة تسامحه
سارة دخلت الحمام ووقفت تعيط جامد لانه مد ايه عليها ووقفت تكلم نفسها : يعني مش مكفيه حرقه قلبي واللي عمله فيا .. لا كمان بيمد ايده عليا طب وحياة ربنا ما هسكت يا كريم
غسلت وشها ورجعت المكتب تخلص الشغل اللي وراها
عند كريم وخديجة
كريم لف مع خديجة واشترت كل الحاجة اللي هي عاوزاها ووصلها البيت
وبعدين رجع علي بيته اتغدي معاهم ولاحظ ان طارق متجنبه خالص هو عارف انه زودها جامد معاه
طارق اتكلم ووجه كلامه ل عمه : عمي أنا هرجع الشقه اللي كنت ساكن فيها مع صحابي من بكرا
رد عمه : ليه كدا يا طارق يا ابني
ردت مامت كريم : ليه يا طارق هو انا قصرت معاك يا ابني
طارق بحرج : لا أبدا والله بس أنا مش عاوز اتقل عليكم فهرجع هناك وبالمرة تكون قريبه م الشغل
عمه : مفيش الكلام دا انت هتفضل قاعد هنا ولا عاوز ابوك يقول دا كرش الولا كلام نهائي مفيش مرواح ف حته
الغدا خلص وكل واحد راح علي أوضته .. كريم راح علي أوضه طارق وخبط علي الباب ودخل
لقي طارق واقف ف الشباك وبصله ولف وشه تاني
كريم بمرح : هتعملي فيها مقموص ... وبعدين اي الكلام الأهبل دا هو احنا عشان شدينا مع بعض هتسيب البيت وتمشي ليه كنت جوزك وهتغضب وتسيبلي البيت
طارق زفر بضيق وهو بيحاول ميضحكش وماسك نفسه بالعافيه
كريم حط ايده علي كتفه وقال : حقك عليا متزعلش مني
طارق بدراما : بعد ايه بعد ما خليت شكلي فانله قدام البونيه
كريم : ما خلاص بقي ميبقاش قلبك اسود يا جدع
طارق : خلاص عفونا عنك بس لو اتكررت هلبسك قضيه واحبسك يا كريم
كريم بمرح : تمام يا افندم
تاني يوم كريم وصل الشغل بس ملقاش سارة ف المكتب ولقي واحده تانية بدالها
كريم بتعجب : انتي مين وبتعملي ايه هنا
الفتاة : أنا هند ومنقوله هنا مكان الأنسه سارة .. والأنسة سارة اتنقلت الفرع التاني اللي ف المعادي
كريم بغضب : نعمممم ومين اللي نقلها
هند بتوتر : المدير يا أستاذ كريم
قطع كلامها الساعي اللي دخل وقال ل كريم : باشمهندس كريم المدير طالبك
كريم سابهم ومشي راح لأوضه المدير وحاول يتحكم ف أعصابه وقال : خير يا فندم
المدير اتكلم بهدوء : الأنسه سارة مقدمه فيك شكوي بالتعدي عليها بالضرب وطلبت نقلها وأنا وافقت
كريم بصدمة وعدم استيعاب : اييييه ؟!
يتبع الفصل الرابع 4 اضغط هنا
- الفهرس يحتوي على جميع الفصول "رواية اغفري لي بقلم روان ياسر"