رواية دنيا وزين الفصل الرابع والأخير

الصفحة الرئيسية

رواية دنيا وزين الفصل الرابع والخامس والأخير بقلم سلمى أشرف

رواية دنيا وزين كاملة

رواية دنيا وزين الفصل الرابع

يوم كتب الكتاب❤️
دنيا كانت لابسة فستان سماوي وفيه فصوص بيضا وطرحة حمرا ومكياج خفيف ولبست تاج ابيض سيمبل❤️🦋
 وزين كان لابس بدلة زرقا وقميص ابيض وكرفتا زرقة وحاطت برفيوم رجالي حلو ❤️ وأتجمعو العيلة كلها وراحو قاعة صغيرة للمناسبات كان مجهزها زين وفيها جنينة مزينة بطريقة عصرية مختلفة للعروسين❤️
المأذون : بارك الله لكما وجمع بينكما في خير❤️🦋))
زين قام ومسك ايد دنيا ونقل خاتم الخطوبة من إيديها اليمين للشمال وهي عملت كده بردو وبعدها باس ايديها وباس جبينها وهي اتكسفت واتوترت همس في ودنها وقال :  مبرووووك ي دنيتي اخيرا بقيتي مراتي❤️
وحضنها ولف بيها قدام كل اللي موجودين❤️ وهي لفت ايديها حواليها وكانت أول مرة تبقي فرحانة بالشكل ده❤️
زين بابتسامه : كنتي عايزة تعرفي أنا اختارتك انتي لي صح ! 
دنيا بفرحة : أيوة 
زين : تعالي معايا ❤️
..
خدها في الجنينة 
زين : من يوم ما بقيتي مسئولة مني وانا بقيت أحسك بنتي رغم أن الفرق بينا مش كبير .. كنت ببقي فرحان وانا واقف جنبك وقادر اعوضك عن أي حاجة شوفتيها.. مبحبكيش تقفي مع حد مش عشان بتحكم فيكي لا .. عشان بغير عليكي .. من وقت ما كبرتي وانا بقيت احس ناحيتك بمشاعر غريبة .. بقيت احس أنك مش بنتي وصحبتي بس لا .. انتي حبيبتي .. أنا بحبك ي دنيا وده اللي خلاني اخترتك❤️ نفسي تفضلي معايا العمر كله مش عارف أنتي حاسة بناحيتي بايه بس لو أنا حاسس انك مبتحبنيش مكنتش هتجوزك .. أن..
دنيا بفرحة : أنا بحبك ي زين .. يمكن في الاول مشاعري كانت ملغبطة ومش عارفة اللي انا حساه ده صح والا غلط بس مكنتش هقدر اشوفك مع حد غيري ولا كنت هقبل حد يشاركني فيك❤️
زين بفرحة : امممم طب قومي معايا مجهزلك مفاجأة
..
قامت لقيته سقف وصفر وفجأة لقت ورد كتير وقع عليهم وبلالين🎈❤️لفت حوالين نفسها بفرحة وبتبص جنبها ملقيتش زين حد خبط علي كتفها بتبص وراها لقت زين واقف وفي أيديه بوكس كبير ✨
زين : اقعدي كده وافتحي البوكس ده
قعدو مع بعض وفتحته
لقيت فيه صور كتير ليهم وذكريات لمع بعضهك وفي صور ليها وهي طفلة زين جمعهملها وحب يفاجئها .. ولقت شوكولاتات كتير من اللي بتحبها وورق كتير زين كاتب فيه كلام ليها❤️ واخيرا لقت علبة عريضة فتحتها لقت فيها انسيال فضي .. ❤️
دنيا بصدمة : اي ده .. ده حلو اوي ي زينو❤️
زين بابتسامة : دي هدية كتب كتابنا❤️
دنيا بدموع : أنا فرحانة اوي ي زين
زين بضحك : انتو الستات كده تفرحوا تعيطو تعالي
حضنها بفرحة أنه اخيرا قعد يسعدها بالشكل ده ومسك دراعها ولبسها الانسيال وباس ايديها مبارك عليكي ي دنيتي❤️
دنيا : اممم طب أنا كمان مجهزالك حاجة وغفلتك😂
زين بضحك : اي هي ي بكاشة❤️
دنيا ثواني وجاية .. راحت وجت معاها بورتريه 
دنيا : غمض عينك يلا
زين : حاضر
دنيا : فتح كده❤️
فتح عينه لقي البورتريه مرسوم فيه صورته ومعاه بوكس صغير❤️
زين بصدمة : مين رسمها ؟
دنيا : أنا اللي رسمتها بدأت من فترة اتعلم الرسم عشان كنت عايزة ارسم صورة ليك❤️
زين بفرحة : عشاني أنا ؟ 
دنيا : أيوة ي زينو
زين : واي البوكس ده بقي
دنيا : افتحه كده خد اهو
فتحه لقي فيه ساعة حلوة جدا والبرفيوم اللي بيحبه
دنيا بتوتر : عجبتك ؟
زين بفرحة : حلوين اوي بس انتي احلي عشان انتي اللي جيباهم
دنيا اتكسفت وابتسمت❤️
..
خلص اليوم وكانو اسعد اتنين .. وأتصورو كتير اوي وزين خلي كل الاحداث اللي مرت في كتب الكتاب تتصور فيديو عشان ده اسعد يوم في حياتهم❤️
..
بعد مرور سنة كانت زينة خلصت كليتها وزين فرح جدا وكان معاها يوم التخرج ❤️ محبش يفوت اي لحظة مهمة ليها❤️
زين : اي رايك نحدد معاد الفرح ؟
دنيا : اممم موافقة بس في حاجة 
زين : اي هي 
دنيا : أنا دلوقتي خلصت هندسة وعايزة ابدا بقي شغل
زين : كويس انك فتحتي الموضوع ده كنت هتكلم معاكي فيه 
دنيا : اي رايك !
زين : أنا مش عايزك تشتغلي ي دنيا 
دنيا بصدمة : ليه ي زين 
زين : لما أنا ابقي أقصر معاكي في حاجة ابقي اشتغلي .. أنا مبتحملش تقفي مع راجل .. وشغلك وارد يبقي فيه رجالة .. يبقي بلاش شغل و..
دنيا بعصبية : أنا هشتغل ي زين ويبقي ليا كياني الخاص مش بعد كل سنين التعب دي في الآخر اقعد واتجوز وأخلف .. وبعدين ما انت كمان بتتعامل مع ستات في شغلك بقولك أنا سيب شغلك عشان مش حابة اشوفك بتتعامل مع بنات !! والا بقدر أن ده شغلك واني واثقة فيك انك بتحبني ومش هتبص لغيري !!
زين : أنا واثق فيكي ي دنيا بس بغير عليكي وبعدين أنا كده بريحك
دنيا : بس ده مش هيريحني ..
زين : هسيبك تفكري .. 
دنيا : مش هفكر ده قراري النهائي ..
زين بعصبية : متنسيش انك مراتي واقدر اقعدك في البيت بس أنا متعودتش أجبرك علي حاجة 
دنيا بغضب : اها بدأنا تحكمات زين .. فكر في كلامي وياريت تقتنع بيه عشان مش هقدر مشتغلش ..
زين : أنا ماشي ولما تهدي نتكلم 

الفصل الخامس والأخير

أم زين : زين 
زين : أيوة ي ماما 
أم زين : عايزة اتكلم معاك
زين : اتكلمي
أم زين : بص يابني أنا مكنتش هدخل بينك وبين مراتك بس مينفعش يابني اشوفكو زعلانين كده ده انتو بقالكو اسبوع مبتتكلموش 
زين بحزن : مش عايزة تسمع لكلامي ي ماما بتعاند فيا
أم زين : بص ي حبيبي أنا هسألك سؤال واحد انت بتحبها صح ؟ 
زين باستغراب : اكيد ي ماما
أم زين : طيب ينفع يتعرف أنها نفسها في حاجة وترفض !!
زين : لا ي ماما بس بغير عليها وفي نفس الوقت أنا مش هبقي مقصر معاها في حاجة واللي هتطلبه هجبهولها .. وكمان خايف عليها لحد يدايقها ..
ام زين : بص ي حبيبي أنا فاهمة اللي عايز تقوله بس الكلام ده لو هي مش متعلمة أو مكملتش تعليمها لكن دلوقتي هي بقت مهندسة وتقدر تشتغل يعني يرضيك كل تعبها يضيع !
زين بتفكير : بصراحة لا ي ماما بس اعمل اي طيب 
أم زين : تسيبها تشتغل ي حبيبي ويبقي ليها كيانها واتعود ديما تاخدها بالحنية .. مش في كل المواقف يعني بس الحنية بتجيب نتيجة كويسة مع الست ❤️
زين بتنهيدة : حاضر ي ماما أنا هنزل اتكلم معاها
أم زين : ربنا يصلحلكم الحال يابني❤️
..
أم دنيا : تعالي ي حبيبي 
زين :  مراتي الحلوة فين
أم دنيا بضحك  : في المطبخ بتعمل اكل
زين بخبث : اممم طب هدخل افاجئها
دخل زين المطبخ لقي دنيا واقفة ولابسة بجامة عليها ميكي ورافعة شعرها لفوق .. قرب منها براحة من غير ما تحس وباسها في خدها بسرعة❤️
دنيا بخضة : زين !! خضتني حرام عليك
زين : سلامة قلبك من الخضة❤️
دنيا : جاي ليه
زين : جاي أدوق الاكل القمر ده .. الله محشي ورق عنب وفراخ ده انا بايت هنا
دنيا : زين ! 
زين : عيونه ❤️
دنيا : عايز اي !! 
زين : غمضي عيونك
دنيا : أنجز ي زين 
زين : قولتلك غمضي عيونك
دنيا غمضت عيونها لف زين وراها وطلع من جيبه سلسة علي شكل فراشة 🦋 فيها حروفهم علي كل جناح ولبسهالها❤️
زين بهمس في ودنها : اممم رغم انك بتصعبيها عليها بس مش هقدر اشوفك زعلانة اكتر من كده انا موافق تشتغلي❤️
دنيا بفرحة : بجد ي زينو
زين بضحك : دلوقتي بقيت زينو ما أنا من شويه كنت زين
دنيا : اممم لا زينو حبيبي .. السلسة حلوة اوي بجد واحلي حاجة الحروف اللي عليها❤️
زين : طب اي مش هتدوقيني اكلك
دنيا : استني 
جابت شوكه فيها صباع محشي 
دنيا : دوق كده 
زين وهو بياكل : امممم جميل اوي بجد 
دنيا : يبقي اقعد هتتغدي معانا
زين : ما أنا هقعد اكيد عشان اتكلم مع خالتي نحدد معاد الفرح أنا اتكلمت مع ماما وبابا ووافقو نخليه الشهر الجاي
دنيا : بس في حاجات كتير محتاجين نجهزها
زين : متشليش هم حاجة انا هجهز كل حاجة❤️
..
بعد سنتين
جنة : ي بابا 
زين : اي ي قلب بابا
جنة : ماما مش راضية توافق نروح الملاهي سوا
زين : ليه
جنة : وراها تنضيف وحاجات كتير هتعملها في البيت
زين : امممم طب خليها بكره ونروح سوا
جنة بطفولية : هييييه انت احسن بابا في الدنيا خد بوسة❤️
زين بضحك : بكاشة زي ماما😂❤️
دنيا : بقي أنا بكاشة !! 
زين بضحك : اه
دنيا بخبث : اممم طب ابقي شوف مين هيعملك الغدا
زين : لا لا خلاص انا اللي بكاش🙂
جنة بضحك : أنا هروح انزل ل تيتا
زين : روحي ي جنتي
دنيا : نروح ازاي بكره الملاهي وانا ورايا تنضيف وشغل لازم اخلصه علي اللاب 
زين بتفكير : بصي أنا هكمل تنضيف مكانك وانتي خلصي الشغل بتاعك وبكده نخلص كل حاجة النهاردة 
دنيا بحنية : أنا عمري ما كنت هلاقي راجل حنين زيك كده❤️
زين بابتسامة : انتي بنتي وحبيبتي لو مكنتش حنين عليكي هكون حنين علي مين .. علي فكرة محضرلك مفاجأة
دنيا بفرحة : اي هي ❤️
زين : هنروح أنا وانتي والعيلة كلها نعمل عمره❤️
دنيا وهي بتتنطط: بجد ي زينو ؟؟ كان نفسي فيها اوي معاك
زين بضحك : اه ي قلب زينو بتكلم جد هنروح كلنا سوا 
دنيا : طب أنا كنت عايزة أقولك حاجة 
زين : قولي 
دنيا : نفسي البس الخمار❤️
زين : مدام مقتنعة بيه وده هيريحك أنا معنديش مانع ي حبيبي .. خطوة جميلة اوي وانتي بتحلي اي حاجة بتلبسيها وبالمرة بكره ننزل وهاني كل انواع الاخمرة اللي عايزاها🦋
دنيا : يديمك ليا ي حبيبي ولجنة بنتنا ❤️.. 
تمت رواية جديد اضغط هنا
google-playkhamsatmostaqltradent