رواية حب وعذاب الفصل الخامس عشر والفصل السادس عشر بقلم اية السيد
رواية حب وعذاب البارت الخامس عشر 15
في المستشفى
الدكتور خرج واول لما ريم شافته جريت عليه بسرعه
ريم بلهفه علي علا /طمني يا دكتور بالله عليك
الدكتور /لو سمحتي اهدي.... انتي قريبتها
ريم /انا صاحبتها وانا اللي جبتها هنا
الدكتور يأسف /للأسف المريضه اتعرضت لصدمه عصبيه ودا أدي ان ضغطها يعلي وهو دا السبب في الإغماء اللي حصلها
ريم سمعت كلام الدكتور وعيطت اكتر
ومحمد فضل يهديها
زين /طيب هي بقت كويسه دلوقتي يا دكتور
الدكتور/ هي الوقتي الحمد لله بقت احسن تقدروا تدخلوا تطمنوا عليها بس محتاجين انها تستني يومين في المستشفى
ريم بدموع /ليه يا دكتور مش انت قولت انها كويسه
الدكتور /بصراحه احنا شاكين في حاجه وحابين نطمن بس مش اكتر وان شاء الله خير
الكل /ان شاء الله
الدكتور /عن اذنك
الدكتور سابهم ومشي و ريم جرت بسرعه علي اوضه علا
ريم دخلت اوضه علا ولقت علا نايمه علي السرير وسانده ضهرها عليه وباصه قدامها في الاشئ ومتركب ليها محلول
ريم مسحت دموعها و راحت ناحيه السرير بسرعه وقعدت جنبها
ريم بابتسامه ألم /علا حبيبتي عامله ايه دلوقتي يا روحي
علا بصت لريم وبعدين رجعت بصت قدامها تاني في اللاشئ
ريم دموعها بدأت تنزل /علا ردي عليا عشان خاطري انا اسفه والله انا السبب في كل اللي حصلك سامحيني يا علا والله ما كنت اعرف ان دا كله هيحصلك... انا اسفه اوي
ريم بدأت تعيط اكتر وبدأ صوت عياطها يعلي
ريم بدموع /اا.. انا اس...اسفه سامحيني..... يا ريتني ما كنت قولتلك
علا بصت ليها بدموع وبعدين عيطت هي كمان
وحضنتها وريم حضنتها وفضلوا الاتنين يعيطوا اكتر
وبعدين سمعوا صوت الباب
بعدوا عن بعض ومسحوا دموعهم
ريم بصوت باكي /دا محمد وزين
علا بصت ليها
ريم /مكنش قدومي غير محمد لما تعبتي معرفتش اتصرف وملقتش غيره اتصل بيه ادخله
علا هزت راسها وعدلت حجابها وريم قالت ليهم انهم يدخلوا
زين ومحمد دخلوا الاوضه
زين /الف سلامه عليكي يا انسه علا
علا بصوت واطي /الله يسلمك شكرا
محمد /سلامتك يا انسه علا
علا بصت ليه وخانتها دمعه وهزت راسها ولفت وشها
وبعدين محمد وزين استاذنوا وخرجوا
علا بدأت دموعها تنزل تاني
ريم بحنيه /علا يا حبيبتي بالله عليكي اهدي عشان خاطري
علا بدأت شهقاتها تعلي اكتر
علا بعياط /ل... ليه محبنبش يا ريم... والله حبيته ا.. اكتر من نفسي حتي.... ليه... ليه هي مش انا
ريم بعياط /عشان خاطري يا علا... عشان خاطري حاول تهدي
علا بدأت تعيط اكتر ونفسها بدا يضيق وريم اتفزعت لما شافتها كده
ريم بفزع /علا....... مالك يا علا مالك بالله عليكي اهدي علاااااا
ريم صرخت ومحمد وزين دخلوا لقوا علا مش قادره تاخد نفسها وريم واقفه جنبها بتعيط
زين راح بسرعه ينادي للدكتور
_____________________
في شركه الجرحي
حنان كانت قاعده في مكتبها وخايفه علي وعد
هند /مالك يا حنان فيه ايه
حنان /خايفه اوي وعد يحصلها حاجه.. هي طيبه والله ومش تستاهل اي حاجه وحشه
هند /ان شاء الله خير يا حبيبتي وتبقي كويسه بس انتي اطمني
حنان /اطمن ازاي بس انا سمعت الاستاذ ياسين بيقول للأستاذ رحيم انها اتخطفت وهو جري زي المجنون
هند /طاب ما تتصلي برحيم تشوفي ايه اللي حصل
حنان /تفتكري
هند /هو دا الحل الوحيد عشان تطمني وتبطلي قلق
حنان /خلاص انا هرن
وحنان مسكت التليفون ولسه هترن بس غيرت رأيها
هند بتساؤل /ايه يا حنان مرنتيش ليه
حنان /خايفه ارن
هند /يبنتي خايفه من ايه انتي هترني وهتسئلي علي وعد وبس
حنان بتردد /بس..
هند /مبسش يا حنان يلا اتصلي
حنان /ماشي
حنان مسكت الموبايل ورنت علي رحيم وبعدين الخط اتفتح
___________________
في فيلا رحيم الجرحي
رحيم كان قاعد علي الكنبه وساند ضهره عليها وحاطط ايده ورا دماغه ومغمض عينه
وياسين كان قاعد جنبه ومستنيين ان وعد تفوق عشان يتطمنوا عليها
وفجأه تليفون رحيم رن
رحيم قام ببطء ومسك موبايله ولقاها حنان وبعدين فتح الخط
رحيم /الو
حنان بتوتر/ا..الو
رحيم ابتسم علي توترها
حنان بارتباك /ااا. انا حنان يا استاذ رحيم
رحيم /اهلا يا حنان.... فيه حاجه
حنان./ب..بصراحه يعني كنت.... كنت حابه اتطن علي الانسه وعد
رحيم /هي الحمد لله بقت احسن بس هي نايمه دلوقتي
حنان /تمام... الف سلامه عليها... واسفه علي الازعاج
رحيم /ولا يهمك
رحيم قفل الخط وابتسم لانه مجرد ما سمع صوتها حس بشويه راحه.
وبعدين سمع صوت صريخ جاي من اوضه وعد
رحيم وياسين جروا بسرعه ناحيه الاوضه ودخلوا لقوا وعد عماله تصرخ والممرضه مش عارفه تهديها
رحيم جري بسرعه ناحيتها وحاول يهديها واخدها في حضنه
وعد بدموع /ه.. هو.. ك.. كان هيموتني..... ي.. يا رحيم.... اهه.... اا.. انا خايفه
رحيم دموعه نزلت علي حاله اخته
رحيم بيطبطب عليها وهي في حضنه /هشششش اهدي يا حبيبتي متخافيش محدش هيقدر ياذيكي
ياسين اول اما شاف وعد في الحاله دي حس ان فيه سكينه حد دخلها في قلبه وحس بغضب شديد لما شاف قهرة وعد وساب الاوضه وخرج من الفيلا
رحيم كان بيحاول يهديها وبعدين شاور للمرضه انها تديها حقنه المهدي
الممرضه قربت منهم وادت وعد حقنه المهدي
وعد /ه.. هو..
رحيم /هشششش اهدي يا حبيبتي ونامي
رحيم عدل وعد في السرير غططاها وبعدين باسها وبص للمرضه واتكلم /خليكي معاها ومش تسبيها
الممرضه بايماءة/حاضر
_____________________
ياسين خرج من اوضه وعد وقلبه واجعه عليها وفي نفس الوقت الغضب أتمكن منه وراح ناحيه المخزن اللي فيه احمد
ياسين بأمر للحرس /افتحوا الباب
الحراس نفذوا الأوامر وفتحوا الباب وياسين دخل لقي احمد مرمي علي الارض والدم بينزل منه وفاقد الوعي
ياسين جاب جردل فيه مايه وبعدين رماه علي احمد
أحمد بفزع /اههههه...
احمد بص و بدا يفوق تاني وبدأت الرؤيه تبقا واضحه قدامه وبص لقي ياسين اللي كان واقف والغضب ماليه
أحمد بخوف /ااا... انا
ياسين قرب منه ومستناش يكمل كلامه ومسكه من هدومه وبدأ يضربه بكل غضبه
ياسين فضل يضرب في احمد جامد ومع كل ضربه بيفتكر صريخ وعد وقهرتها ويزود في الضرب وكان بيضرب فيه بكل غل
حتي الحرس محدش فيهم استجري انه يحوش احمد من بين ايديه
الحارس /احنا لو سبناه كده هيموته
الحارس 2/واحنا هنعمل ايه انت مش شايف منظرة.... دا انت لو قربت منه مش هترجع حي
الحارس1/احنا لازم نتصل برحيم بيه بسرعه
الحارس 2/طاب يلا بسرعه قبل ما يموت مستني ايه
_________________. #آيه_السيد
رحيم كان خارج من اوضه وعد وبعدين لقي تليفونه بيرن
رحيم /الو
الحارس /ايوة يا رحيم بيه
رحيم /عاوز ايه
الحارس /ياسين بيه موجود هنا وعمال يضرب في الراجل اللي احنا مسكناه والراجل خلاص هيموت في ايده
رحيم /حاولوا تبعدوه يا اغبييا لغايه ما اجي
الحارس /بس....
رحيم بصوت عالي /مبسش انا ثواني وجاي
الحارس /اوامرك يا باشا
رحيم خرج بسرعه من القصر وراح ناحيه المخزن
__________________
في شركه الجرحي
حنان قفلت مع رحيم واتنهدت براحه
هند /ها يا حنان رحيم بيه قالك ايه
حنان /الحمد لله كله تمام والإنسه وعد كويسه
هند /الحمد لله.... يلا بقا نخلص شغلنا احنا وبعدين نمشي
حنان /يلا
___________________
في المستشفى
الدكتور جه وريم بعدت عن علا وبدأت تعيط تاني
الدكتور /لو سمحتوا اخرجوا بره
ريم /بس
الممرضه /بره لو سمحتوا
محمد /يلا يا ريم والدكتور معاها
ريم ومحمد وزين خرجوا وريم بتعيط ومحمد لسه بيحاول يهديها
ريم هدت شويه
محمد /انتي كلمتي أهلها
ريم /عزه راسها ب لا
محمد /لازم تكلميهم
ريم /ح.. حاضر
ريم مسكت الموبايل واتصلت علي مامه علا
_____________
في منزل عبدا الحميد
نسرين وعبد الحميد كانوا قاعدين علي السفره عشان الاكل بس نسرين مكنتش بتاكل
عبد الحميد/مالك يا نسرين.. مش بتاكلي ليه
نسرين /باكل اهوه
عبدا الحميد /الاكل قدامك زي ما هو
نسرين /مش عارفه حاسه قلبي مقبوض وخايفه
عبد الحميد /ان شاء الله خير ومفيش اي حاجه
وبعدين سمعوا صوت التليفون بيرن
نسرين قامت بسرعه عشان ترد
نسرين /الو
ريم /ايوة يا... ط. طنط نسرين.. اا.... انا ريم
نسرين /ازيك يا ريم فيه ايه يا حبيبتي علا كويسه
ريم بعياط /علا اغمي عليها وهي في المستشفى
نسرين اول ما سمعت كده صرخت والتليفون وقع وعبدا الحميد راح ليها ومسك الموبايل
عبدالحميد /الو
ريم /الو يا عمو
عبدالحميد /فيه ايه يا ريم
ريم /علا في المستشفى
عبدالحميد/ليه يا بنتي ومستشفي ايه
ريم ملته اسم المستشفي
وبعدين راح هو ونسرين المستشفى
_____________________
في مكان مهجور
الزعيم /ها كل حاجه جاهزة للعمليه الكبيرة
الراجل /ايوة يا زعيم.. بس
الزعيم /بس ايه
الراجل /فيه مشكله
الزعيم /فيه ايه
الراجل /زين ومحمد بيفتشوا ورانا
الزعيم /ههههههه سيبهم يدوروا براحتهم
الراجل /بس....
الزعيم /متخافش اوي كده... وبعدين قولي ايه اخبار المزة
الراجل /مزة مين
الزعيم/....
حب وعذاب البارت السادس عشر 16
في المستشفى
محمد كان حاضن ريم وبيحاول يطمنها وكان خايف عليها لانه عارف انها بتعتبر علا زي اختها واكتر وان مش سهل عليها انها تشوفها في الحاله دي
وريم كان ساكنه في حضنه ودموعها بتنزل علي حاله علا وبتلوم نفسها علي الحاله اللي علا فيها وأنها هي السبب في كل دا
أما زين فكان قاعد في الكرسي اللي قصادهم وتفكيره كله في ريم وفي حالتها وقلبه كان بيوجعه وهو شايف حالتها دي
زين لنفسه /شكلك بدأت تحبها يا زين
وفجأه الباب اتفتح والدكتور خرج وكلهم راحوا عليه عشان يطمنوا عليها
ريم بدموع /هي علا كويسه يا دكتور
الدكتور /انا اديتها حقنه مهدئه عشان تقدر تستعيد اتزانها تاني
ريم /طيب هي هتفوق أمته
الدكتور /ادامها ساعتين كده وان شاء هتفوق عن اذنكم
الدكتور سابهم ومشي وكلهم قعدوا تاني علي الكراسي تاني
___________________
في المخزن
ياسين كان بيضرب بكل غل في احمد والحرس بتقرب منه وبتحاول تبعده عنه زي ما رحيم قالهم بس مقدروش
رحيم وصل المخزن وشاف منظر ياسين وهو بيضرب فيه بكل غل
واحمد اللي أصبح زي الأموات وجسمه اللي بينزف من كل مكان من شده الضرب
رحيم جري ناحيه ياسين بسرعه وقدر يبعده عن أحمد
ياسين بزعيق/اوعي يا رحيم
رحيم بزعيق هو كمان /ياااااسين فوق ايه اللي انت بتعمله دا هيموت في ايدك
ياسين /انت اللي بتقول كده بعد اللي عمله في وعد
رحيم /حق وعد هياجي بس مش كده انت كده هتموته
ياسين بعدم فهم /قصدك ايه يا رحيم دا يستاهل الحرق بعد اللي عمله
رحيم /قصدي ان الموت للي زي دا راحه وانا مش هخليه يرتاح ابدا
ياسين /امال هتعمل ايه
رحيم /هخليه يتمني الموت بس ميطلوش... ودلوقتي يلا نرجع الفيلا انا جيت وسبت وعد لوحدها يلا قبل ما تفوق تاني
ياسين قلبه وجعه لما افتكر حالتها
ياسين ورحيم مشوا بس رحيم قبل ما يمشي امر الحراس انهم ميدوش لأحمد مايه ولا اكل ولا أي حاجه ويفضل محبوس زي ما هو كده
وبعدين مشي هو وياسين ورجعوا الفيلا تاني عند وعد
__________________. #آية_السيد
في المستشفى
عبد الحميد ونسرين وصلوا المستشفى وسالوا في الاستقبال وهما قالوا ليهم علي اوضه علا
لان المستشفى كانت اخدت بياناتها عشان التحاليل اللي اتعملت لعلا
نسرين وعبد الحميج اول لما شافوا ريم راحوا ناحيتها بسرعه
نسرين بدموع /بنتي... بنتي فين يا ريم
ريم حاولت تهديها /اهدي يا طنط بس بالله عليكي الدكتور كان عندها واداها مهدئ وهي نايمه دلوقتي
نسرين بدموع /يعني هي كويسه
ريم /ايوة والله بس اهدي بقا وتعالي اقعدي
ريم اخدتها وقعدتها
و عبدالحميد بص لمحمد وزين وبعدين بص لريم وريم فهمت نظرته
ريم /دا محمد اخويا ودا يبقا زين صاحبه
لما علا وقعت في الشارع اول حد اتصلت عليه كان محمد وهما جم علي هنا وبعدين كلمتكم
عبدالحميد /انا مش عارف اقولكم ايه علي اللي عملتوه وبجد مش عارف اشكركم ازاي
زين /متقولشي كده يا عمي دا واجبنا
محمد /احنا معملناش غير الواجب زي ما زين قاا
عبدالحميد ابتسم بحب وبعدين كلهم فضلوا قدام الاوضه يستنوا ان علا تفوق
____________________
في منزل حسن خليفه
هيام والده محمد قررت انها تروح تتكلم مع والده حنان عشان تحدد معاها معاد يروحوا يطلبوا ايد حنان فيه
وفعلا راحت واول لما قالتلهم كلهم انبسطوا واتفقوا علي معاد والكل كان مبسوط لان هما جيران من زمان وبيحبوا بعض وكانوا مبسوطين اكتر ان هتجمعهم علاقه نسب
__________________
في شركه الجرحي
حنان وهند خلصوا شغلهم وبعدين مشيوا هما الاتنين
هند /ها يا جميل مش عاوزه حاجه
حنان بابتسامه /سلامتك يا روحي
هند /يلا اشوفك بكره
حنان /سلام يا جميل
هند /سلام
وكل واحده فيهم روحت بيتهم
حنان وصلت البيت
حنان /ماما... انتي يا ست ماما
ريهام /ايه يبت فيه ايه
حنان /جعاااانه يا عالم
ريهام /وطي صوتك يبنت المجنونه هتفضحينا
حنان /ازاي يعني
ريهام /ادخلي بس غير هدومك وبعدين كلمي بابا وانتي هتفهمي كل حاجه
حنان /افهم ايه يا ماما ما تقولي
ريهام /لا غيري الأول وتعالي
حنان /ماشي... انا اصلا جعانه ودا اللي انا فهماه
ريهام /يلا يا اختي طول عمرك همك علي بطنك
حنان بضحك /يا ست الكل طالما كرشي سعيد انا سعيده
ريهام بضحك /طاب يلا يا بنت المجنونه من هنا
حنان /ماشي بس متشتميش امي دا ست قمر اصلا
ريهام /عوض عليا عوض الصابرين يا رب
حنان دخلت وغيرت وبعدين خرجت وراحت تكلم والدها
محسن كان قاعد ولما شاف حنان داخله عليه ابتسم
محسن بابتسامه /تعالي يا حنان
حنان /ازيك يا حبيبي
محسن /الحمد لله يا حبيبتي في نعمه
حنان /الحمد لله... ها بقا خير ماما قالت لي انك عاوزني
محسن /بصي يا حنان انتي طبعا كبرتي وبقيتي عروسه زي القمر كمان
حنان /م فاهمه يا بابا
محسن بتنهيده /فيه عريس متقدملك وبصراحه هو كويس جدا
حنان حست بوجع في قلبها لأنها افتكرت محمد وأنها بتحبه وكانت لسه هترفض ولكن قاطعها صوت والدها
محسن /وقبل ما ترفضي اقعدي معاه وادي لنفسك فرصه وقابليه وصلي استخاره ولو ارتحت ماشي ولو مش ارتحتي خلاص بلاه
حنان /حاضر يابابا
وبعدين سمعوا صوت ريهام
ريهام /يلا عشان الاكل جاهز
هما الاتنين قاموا والكل اكل وبعدين
حنان قامت ودخلت اوضتها وقفلت الباب وقعدت علي السرير وفضلت تفكر في محمد
___________________
في المستشفى
الكل كان قاعد بره وبعدين فيه ممرضه خرجت من عند علا وطمنتهم انها فاقت وراحت تطلب الدكتور وبعدين ريم ونسرين وعبدالحميد دخلوا ليها عشان يطمنوا عليها
نسرين اول لما دخلت الاوضه جرت بسرعه علي علا واخدتها في حضنها
نسرين بدموع /الف سلامه عليكي يا قلبي.. مالك بس يا حبيبتي
علا /متخافيش يا حبيبتي الضغط بس كان عالي شويه
عبدالحميد /الف سلامه عليكي يا روح باابا
علا بابتسامه /الله يسلمك يا حبيبي
وبعدين سمعوا صوت الدكتور
الدكتور بابتسامه /الف حمد لله على السلامة يا انسه علا
علا /الله يسلمك يا دكتور
الدكتور قرب منها وبدأ يكشف عليها
علا بتسأل /هو انا هخرج أمته من هنا
الدكتور /ايه دا لحقتي تزهقي مننا
علا /لا ابدا بس اصلي مش بحب المستشفيات
الدكتور بابتسامه /عامه يا ستي هنطمن علي كام حاجه كده وتخرجي من هنا فورا
عبدالحميد بقلق /هو فيه حاجه يا دكتور
الدكتور/لا ابدا بس حابين نطمن ان كل حاجه كويسه مش اكتر
عبدالحميد /ماشي... شكرا لتعب حضرتك
الدكتور /لا شكرا علي واجب.. عن اذنكم
الدكتور خرج
وبعد كده ريم اتطمنت علي علا ومشت هي ومحمد وزين لان الوقت كان اتأخر
وعبدالحميد قال لنسرين انه هيخرج يشتري شويه حاجات ليهم
وخرج بس راح للدكتور اللي متابع حاله علا
عبدالحميد خبط علي الباب بعد ما سأل علي اوضه الدكتور وعرفها
وبعدين دخل
عبدالحميد بابتسامه /السلام عليكم يبني
الدكتور /وعليكم السلام اتفضل يا عمي
عبدالحميد قعد /وبدأ يتكلم لو سمحت يا بني بنتي عندها ايه ومتخبيش عليا
الدكتور قام من علي المكتب وراح قعد في الكرسي اللي قدامه /بصراحه يا عمي احنا شاكين ان.......
___________________
في مكان مهجور
االزعيم /متخافش اوي كده... وبعدين قولي ايه اخبار المزة
الراجل /مزة مين
الزعيم/عليا انا بردوا يا راجل... دا انا وصلي اخبار انك جمعت عنها معلومات من يوم ما اتولدت
الراجل /اه بس عادي يعني
الزعيم /المصيبه لتكون حبيتها
الراجل بنفس /لا زيها زي اي واحده عرفتها
الزعيم /امممممم ماشي روح انت.... وساعه الصفر خلاص قربت يا ريت تسيبك بقا من كل التفاهه دي.. مفهوم
الراجل /مفهوم
يتبع الفصل السابع عشر اضغط هنا