رواية مجنونة زين كاملة - بقلم دعاء فرحات

الصفحة الرئيسية

 رواية مجنونة زين كاملة جميع الفصول بقلم الكاتبة المصرية دعاء فرحات عبر دليل الروايات للقراءة والتحميل pdf 

رواية مجنونة زين كاملة

رواية مجنونة زين الفصل الأول

ماشيه لوحدك لي؟
-بصتله من فوق لتحت كده وتجاهلت كلامه ومشيت
لقيته ماشي ورايا
...
-ماشيه لوحدك لي؟
-على فكره هتشوف اسلوب وقح جامد لو مبعدتش
-وقح؟؟
اي يا بنتي اومال فين فشخ وجمدان واللسان الطويل
بصتله وانا متعصبه وبنفخ بنفاذ صبر
-الزم حدودك احسن..
-احسن اي بس اسكتي
انا بشوف الكومنتس بتاعتك انتي وصحابك على طول
بقى في بنت محترمه تقول وقح؟
-انت مين انت عشان تشوف الكومنتس وتكلم معايا كده 
مين اداك الحق ب ده
-يبنتي اهدي انتي مش حمل فرهده
-باين عليا صح
-فشخ والله
-الله يخليك يسطا ابعد عني عشان
-عشان اي
-عشان انا مش حمل فرهده يقلب امك 
-لا بس جامد التيشرت الاسود ده
ده براند
-لا من الوكاله ب20 جنيه
-يا جااااحده وانا اللي افتكرته براند وقولت البت نضيفه بقى ولبس وميكاب وحوار
-ميكب اي ولبس اي يبني هو انا لاقيه اكل صلي على النبي كده اومال
-عليه افضل الصلاة والسلام يا عاقله يا رزينه
-مالك يسطا انت عيان
- خالص يبنتي والله بحبك بس عشان كده مش عارف انتي بتقولي اي اصلا وانا فين واي الطريق ده 
انتي مودياني على فين؟ هتخطفيني وتستفردي بيا يا مجرمه
-انت واخد بالك أن انت اللي ماشي ورايا وعاملي ازعاج م الصبح ولا انت دماغك عاليه والصنف كويس
-لا هو الصنف كويس باين عليه
بس مقولتليش ماشيه لوحدك لي
-يوووووه يا حازم
-حازم من اولها يا خاينه انا اسمي زين
-يقطعني والله يبني شكلك مش مدي على زين خالص
-انا عارف اني وسيم بشكل مبالغ فيه ومسمسم كده وحاجه الله اكبر عليا
-جطعة نرجسيه من عندك لو تكرمت
-تؤ بحتفظ بيها لنفسي
-طيب يا استاذ زين يا مسمسم
ممكن تسيبني امشي بقى
-لوحدك كده
-بحب امشي لوحدي
-ولو لازم امشي معاكي 
-يعم غور بقى
سيبته ومشيت بسرعه 
-حور
هشوفك تاني؟
بصتله وانا ببتسم 
-لو اليوم كان فيه صدف لطيفه هنتقابل
وبعدها كملت
قلبي كان بيدق بشكل غريب لأول مره
انا معرفوش ولا اعرف يعرفني ازاي ولا من امتى بس هو حقيقي لطيف ولو نخيتي يا حور انا هزعلك جامد على فكره
كلهم مصطفى ابو حجر يا بت وخاينين واسكت بقى يا ابو الشرايين صدعتني
_حور 
-نعم
-اتأخرتي لي كده يا حبيبتي
-مواصلات
-تحبي احضرلك الاكل
-لا مش جعانه دالوقت يا ماما انا هبقى اقوم اجيب
* انا بقالي فتره طويله اوي بعيده عن كل الناس ولولا اني ف 3 ث والدروس مهمه مكنتش نزلت
محدش بيهتم لحزني
انا على طول لوحدي وبعيده عن كل حاجه' اكتشفت أن اسوء شعور الواحد هيمر بيه هو أنه يبقى لوحده وسط كل الخلق
انا حتى مش عارفه أعري حزني لنفسي
مش عارفه اساعدني اتخلص من الحزن ده وأهزم كل حاجه واقوم؛ واقفه في النص م ش عارفه اكمل ومش عارفه ارجع
على اي حال كل حاجه هتكون بخير
قفلت نوت الفون ونمت وانا حاضنه صورة بابا؛ بطمن اوي لما بحس أنه معايا وجمبي هي صورته بس كأنه هو اللي في حضني 
قد اي افتقدت حضنك يا بابا مر الزمن اوي وكبرت لاقتني بتحرم منك ومن وجودك لقيتني لوحدي للايام بدون ضهر ولا سند وكل الدنيا عماله توقع فيا وتهدني
انا عارفه انك لو كنت هنا كانت كل حاجه هتبقى بخير بس متغلاش على اللي خلقك يا نور عيني" نمت وانا مكلبشه في الصوره كأني خايفه تسيبني زيي بابا..يتبع مجنونة زين الفصل الثاني أضغط هنا
google-playkhamsatmostaqltradent