U3F1ZWV6ZTE0NTkwMzMxMzUwX0FjdGl2YXRpb24xNjUyODgzMjYyNTQ=

رواية قسوة قلبك الفصل الثلاثون 30 - هاجر العفيفي

    رواية قسوة قلبك البارت الثلاثون 30 بقلم هاجر العفيفي

رواية قسوة قلبك الفصل الثلاثون 30

فى منزل معاذ

كان بياخد شاور وخرج كان فونه بيرن برقم عمر
معاذ : ايه يابنى كنت فين طول النهار
الشخص : حضرتك تعرف صاحب الفون ده
معاذ بقلق : أيوه انت مين
الشخص : احنا لاقناه مضروب وفاقد الوعى فى الشارع ووديناه المستشفى
معاذ بصدمه : ايه !! مستشفى ايه بسرعه
الشخص : العنوان..........
معاذ قفل حتى من غير ولا كلمه ولبس هدومه فى ثانيه واخد مفاتيح عربيته ونزل بسرعه شغل العربيه ومشى بأقصى سرعه
وبعد وقت وصل لعنوان المستشفى ودخل سال عن الأوضه وطلع يجرى كان فيه واحد واقف قدام الأوضه
معاذ بلهفه : انت ال كلمتنى صح
الشخص : أيوه أنا
معاذ : طب الدكتور مخرجش
الشخص : لاء لسه منتظرين أهو
وفى الوقت ده خرج الدكتور
معاذ بقلق : عمر ماله يادكتور
الدكتور : هو واخد كدمات جامده لدرجة اتسبب فى كسر دراعه اليمين وبعد الكدمات فى وشه وجسمه
معاذ : وده أثر حدثه ولا ايه
الدكتور : لاء مظنش ده نتيجة خناقه ضرب حاجه زى كده
معاذ بصدمه : ضرب !!
الدكتور : احنا لازم نبلغ البوليس ويتعمل محضر بكده
معاذ : أنا الرائد معاذ الجارحى وال جوه ده الرائد عمر الأسيوطى
الدكتور باحترام : منورين حضرتك يافندم اتفضل شوف الأجراءات ال هتتم ايه وأنا معاك
معاذ : هو عمر فاق ولا لسه واقدر أقابله
الدكتور : نص ساعه بالكتير بس وتقدر تقابله
معاذ : تمام لما يفوق أنا هتصرف
الدكتور : تمام ياباشا عن أذنك
معاذ : اتفضل
الشخص باحراج : طب استأذن أنا بقا وألف سلامه على الباشا
معاذ : أنا متشكر جدا ليك انك أتقذته وجبته هنا
الشخص : مفيش شكر ياباشا ده واجبى وأى حد مكانى هيعمل كده
معاذ طلع مبلغ من المال من جيبه ولسه هيديهولوا
الشخص : لاء ياباشا أنا مش بعمل كده عشان فلوس أنا معايا الحمد لله ربنا يطمنكم عليه سلام عليكم وسابه ومشى
معاذ : وعليكم السلام واستغرب جدا ازاى يكون فى ناس بالطريقه دى فى الوقت ده

بقلم هاجر العفيفي

فى فيلا الجارحى

فى الجنينه
كان قصي وجيانا لسه مع بعض بيتكلموا ويهزروا ويضحكوا قاطعهم صوت الفون بتاع قصي رن برقم معاذ
قصي : خير فى مصيبه صح
معاذ : الصراحه اه
قصي : فى ايه ياض انطق
معاذ : عمر فى المستشفى
قصي : اايه مستشفى ايه وهو حصلوا ايه
معاذ : العنوان........... ولما تيجى هتعرف ايه ال حصل
قصي : تمام مسافة السكه سلام
معاذ : سلام
جيانا بقلق : خير فى ايه
قصي بضيق : عمر اتصاب فى المستشفى
جيانا شهقت بصدمه : ياخبر طب ازاى
قصي : مش عارف لما هاروح هافهم انا هطلع اغير هدومى واروحلهم وسابها وطلع
جيانا كانت مصدومه

قصي طلع غير هدومه ونزل ركب عربيته وطلع على المستشفى وطلع الأوضه ال فيها عمر وكان معاذ واقف قدام الأوضه
قصي : ايه ال حصل
معاذ : مش عارف أنا جيت بسال الدكتور قال ان عندو كسور وكدمات فى جسمه من أثر ضرب
قصي بصدمه : ضرب مين ال عمل كده
معاذ : ماهو ده ال هيجننى مين يعمل فيه كده
قصي بعصبيه : والله مش هرحمه أبدا
معاذ : أهدا بس بما يفوق ونفهم منه كل حاجه
قصي : الدكتور قالك هيفوق امتى
معاذ : قال كمان نص ساعه والمفروض النص ساعه عدت
قصي : طب روح اسالوا ينفع ندخلوا ولا لاء
معاذ : حاضر
وراح للدكتور وقاله واداهم الأذن يدخلوا ليه
والاتنين دخلوا عندوا واتصدموا من شكلوا كان عمر فاق بس مش قادر يتحرك من كتر الوجع من الوجع ووشه مليان كدمات
معاذ بلهفه : ايه يابنى ال عمل فيك كده
عمر بالم وتعب : ااااه مش عارف
قصي : ازاى مش عارف قولى هو مين وأنا وحيات أمى ماهرحموا
عمر : ماانا لو عارف ياقصي كنت قولتلكم هاخبى عليكم ليه بقا
قصي بغموض : أنا هعرف بطريقتى
معاذ : هو طبيعى ظابط زيك يكون ليه أعداء لكن بالطريقه دى ازاى
عمر بتعب : والله لو عرفت مين لاهندموا على اليوم ال اتولد فيه
معاذ : أنا هاروح أجبلك حاجه تاكلها عشان انت نزفت كتير وسابهم وخرج
قصي بجديه : انت مش فاكر ملامح حد منهم
عمر : أنا لحقت أنا لسه هنزل عشان أشوفهم مكنتش شايف حاجه قدامى
قصي : ماشى طب ارتاح شويه عشان متتعبش أكتر
  • ملحوظة الرواية كاملة أكتب في جوجل "رواية قسوة قلبك دليل الروايات"
فى فيلا الجارحى

جيانا كانت فى الجنينه مسكت فونها وكلمت كاميليا
جيانا بتردد : أ الو ياكاميليا
كاميليا : جوجو عامله ايه يابت
جيانا بتوتر : الحمد لله
كاميليا بشك : انتى فيكى حاجه ياجيانا
جيانا : ل لاء
كاميليا : هو ايه ال لاء هو أنا مش عرفاكى قولى فى ايه
جيانا : الصراحه بقا ياكاميليا عمر متصاب وفى المستشفى دلوقتى وقصي راح عنده
كاميليا بصدمه : ا ايه مستشفى هاتى العنوان بسرعه
جيانا : أنا سمعت معاذ بيقول لقصي ان العنوان.........
كاميليا مسرعه : ماشى سلام سلام وراحت غيرت هدومها ونزلت ركبت تاكسى وطلعت على العنوان
جيانا برجاء : يارب استرها
***************************************
فى المستشفى

كان قصي ومعاذ مع عمر والباب خبط ودخلت كاميليا بلهفه
كاميليا بلهفه : عمر انت كويس حصلك حاجه ايه ال عمل فيك كده
عمر بتعب وابتسامه : اهدى ياحبيبتى أنا بخير
قصي غمز لمعاذ انهم يخرجوا ومعاذ فهم قصده وخرجوا هما الاتنين
كاميليا بدموع : اهدا ازاى انت مش شايف نفسك
عمر بابتسامه وتعب : خايفه عليا
كاميليا مسحت دموعها بخجل : ا ا اه طبعا
عمر بابتسامه : أهو أنا دلوقتى بقيت تمام عشان خوفك ولهفتك عليا دول
كاميليا : ط طب انت حاسس بأيه دلوقتى
عمر بهيام : حاسس ان بحبك وبموت فيكى كمان
كاميليا اتكسفت أكتر : يووووه بقا عمر
عمر : قلبه
كاميليا حاولت تغير الموضوع : ط طب انت متعرفش مين عمل فيك كده
عمر : لاء لسه معرفش بس لو عرفته مش هرحموا
كاميليا سرحت فجأه وجه فى بالها تهديد خالد لما جه عندهم النهارده وقالها ان هيخليها تبكى عليه
عمر : ايه سرحتى فى ايه ياحبيبتى
كاميليا بتوتر : م مفيش أنا همشى دلوقتى وهاجيلك بكره أطمن عليك عايز حاجه
عمر بتعب : عايز سلامتك ياقلبى متتأخريش عليا
كاميليا : ح حاضر
وسابته وخرجت
عمر استغرب من تغيرها بس عرف انها زعلانه عليه ابتسم وغمض عينه بتعب
****************************************
فى فيلا الجارحى

قصي دخل الفيلا كان الجو متأخر شاف جيانا نايمه فى الجنينه ابتسم وراح عندها ومسك خصله من شعرها وفضل يمشيها على خدها بحب هى تململت فى نومتها وفتحت عنيها شافت قصي قدامها ابتسمت
جيانا بابتسامه : جيت امتى
قصي : لسه حالا ممكن أعرف ايه ال منيمك هنا
جيانا : كنت مستنياك واتاخرت عينى قفلت ونمت صحيح عمر عمل ايه
قصي : الحمد لله بقا أحسن معاذ هيبات معاه كنت هبات أنا بس قالوا ليا أجى عشان سايب القمر هنا
جيانا ابتسمت بخجل
قصي : أه صحيح تعالى هنا مين قال لكاميليا على عمر وعنوان المستشفى
جيانا بتلقائيه : أنا
قصي : ههههههه بتقوليها بثقه طب ليه قلقتيها دى جات وهى مخضوضه شكلها بتحبه أووى الصراحه يابختك ياعمر لقيت حد يحبك حب ميتوصفش
جيانا بصتله برفعة حاجب : قصدك ايه يااستاذ قصي
قصي : مش لاقى حد يحبنى يابنتى
جيانا بسرعه وتلقائيه : طب وأنا روحت فين وبعد كده خدت بالها من كلامها اتكسفت وسكتت
قصي بخبث : سمعت حاجه كده ممكن تقوليها تانى عشان سمعى قليل
جيانا بهروب : أحضرلك العشا
قصي : متتهربيش اعترفى يلا بتحبينى ولا لاء
جيانا بكسوف : قصي بس
قصي : والله أبدا مش هتنازل سمعينى قولتى ايه
جيانا ملقتش هروب اضطرت تقولها : ب بحبك
قصي بابتسامه : أحلى كلمه سمعتها النهارده
جيانا : طب يلا بقا هاقوم أحضرلك العشا
قصي : لاء أنا مش جعان أنا محتاج أنام
جيانا : ماشى يلا ولسه هتقوم مسكها من ايدها
قصي : راحه فين
جيانا : هطلع واتفاجأت نفسها اترفعت فى الهوا شهقت بصدمه
قصي : أومال أنا روحت فين
جيانا بخجل : قصي نزلنى ميصحش كده حد يشوفنا
قصي : طب وايه يعنى محدش ليه دعوه بينا وفضل شايلها لحد ماوصل عند الأوضه بتاعتهم زق الباب برجله ودخل حطها على السرير برفق
قصي : هدخل أغير هدومى
وسابها ودخل الحمام جيانا بصتله بحب أول لما دخل
وبعد وقت قليل جدا خرج وراح جمبها واخدها فى حضنه وفضل يلعب فى شعرها لحد مانامت وهو كمان ذهب فى ثبات عميق
*****************************************
فى صباح اليوم التالى

فى المستشفى

كان عمر لسه نايم ومعاذ كان نايم هو كمان على الكنبه استيقظ على صوت هاتفه رد من غير مايشوف مين
معاذ بنعاس : مين
ريتال بصدمه : نهارك ابيض مين انت مسحت رقمى
معاذ فاق بسرعه واتعدل فى نومته : ريتال ازيك ياحبيبتى عامله ايه
ريتال بعصبيه : ازيك ايه انت مسحت اسمى ياض انت
معاذ بصدمه : ياض أنا !!
ريتال خدت بالها من كلامها : أ اسفه انفعلت شويه
معاذ : لاء عادى بقا انتى زى اختى برضوا
ريتال بصدمه : أختك
معاذ بتمثيل : هى دى الحقيقه ال كنت مخبيها عليكى
ريتال بصدمه : معاذ
معاذ بضحك : ههههههههه قلبه
ريتال : بتقول ايه
معاذ : بهزر ياقلبى
ريتال : انت فين
معاذ : فى المستشفى
ريتال بصدمه : يلهووى مستشفى ليه فيك ايه ومتقوليش اخس عليك ساكت ليه انطق
معاذ : والله العظيم انتى مجنونه
ريتال بقلق : فيك ايه يامعاذ
معاذ : يابنتى متخافيش أنا تمام بس عمر هو ال متصاب وأنا معاه
ريتال : طب وهو حصلوا حاجه
معاذ : لاء بقا أحسن شويه
ريتال بارتياح : الحمد لله
معاذ : يستاهل الحمد
ريتال : طب أنا هقفل بقا عشان ورايا شوية حاجات ماشى
معاذ : ماشى ياحبيبتى هابقا أكلمك تانى
ريتال : ماشى مع السلامه
معاذ : الله يسلمك
عمر استيقظ على صوت معاذ
عمر : صباح الخير ياعم النحنوح
معاذ : صباح النور أنا نحنوح يابنى
عمر : انت مش بتشوف نفسك وانت بتكلمها ولا ايه
معاذ : اسم الله عليك ياواد طيب ده انت بتشوف كاميليا بتبقا هيمان فى نفسك خالص
عمر بهيام : كاميليا كاميليا دى روحى
معاذ : مين فينا ال نحنوح بقا ده انت مجرد ماسمعت اسمها عينيك هتبكى شوقا عليها
عمر : غور ياض من وشى
معاذ : بهزر ياخويا المهم هتعمل ايه فى ال عملوا فيك كده
عمر : مش عارف أنا عايزه أعرف هو مين وليه يعمل معايا كده
معاذ : يابنى انت ظابط طبيعى يكون ليك أعداء
عمر : أيوه بس أنا عمرى ماأذيت حد أو ظلمت حد
معاذ : مش عارف بقا بس متقلقش ضرورى هنعرف مين ال عمل كده ومش هنسيبوا
عمر : ان شاء الله
معاذ : طب بقولك أنا هاروح اعمل كام حاجه كده وهارجعلك تانى مش هتأخر عليك
عمر : أنا تعبك معايا يابنى والله
معاذ : الصرحه أه هات فلوس بقا على تعبى ده
عمر بصله بذهول
معاذ : ههههههههه انت عبيط يابنى أيه تعبك دى أحنا أخوات يارخم ولو قولت كده تانى هقطعك ياض انت
عمر : حبيبى
معاذ : يلا سلام مش هتأخر
عمر : مع السلامه
*****************************************
فى قسم الشرطه

فى مكتب اللواء محمد كان قصي قاعد معاه
اللواء محمد : خلاص كده مفيش وقت ياقصي لازم تستعدوا بأى طريقه
قصي : أنا جاهز حضرتك فى أى وقت بس للأسف عمر متصاب محتاج أسبوع على الأقل عشان يرتاح
محمد : وهو ده المطلوب اسبوع بالكتير وكل حاجه هتتم عايزين نخلص بقا من العمليه دى عشان الوزير نفسه كل يوم يكلمنى دى أكبر قضيه لازم تتنفذ صح
قصي : متخافش يافندم ان شاء الله كله هيبقا تمام
محمد : وأنا اتمنى ذلك ياريت تبلغ معاذ بكل حاجه
قصي : تمام
محمد : ربنا يوفقكم
قصي قام وقف : يارب أى أوامر تانيه يافندم
محمد :لاء كده تمام
قصي : عن أذنك وتوجه للأنصراف
محمد : أتفضل
****************************************
فى المستشفى

كاميليا دخلت المستشفى وهى متوتره تدخل ولا لاء بس دخلت وطلعت عند أوضة عمر وخبطت بأرتباك
عمر : اتفضل
كاميليا دخلت عمر أول ماشافها اعتدل فى جلسته بابتسامه
عمر بابتسامه : كاميليا تعالى
كاميليا بتوتر : أ ا اخبارك ايه النهارده ياعمر
عمر : لما شوفتك ارتحت جدا
كاميليا بصتله بكسوف
عمر : ممكن أعرف كان مالك امبارح
كاميليا بتوتر : ك كان مالى يعنى
عمر : كنتى مرتبكه ومشيتى بسرعه ليه مده أنا مرضتش اضغط عليكى امبارح
كاميليا بارتباك : ا الصراحه كده أنا عارفه مين عمل فيك كده
عمر بدهشه : عارفه ازاى
كاميليا : ال عمل كده مفيش غيرو خالد ابن عمى
عمر بصدمه : خالد !
كاميليا دموعها نزلت : أه هو لأنه جه عندى قبلها وهددنى بيك وأنا غلطانه ان ساعتها مبعدتش عنك
عمر : تبعدى عن مين ايه الكلام ال انتى بتقوليه ده
كاميليا : ده ال لازم يحصل أنا مش هسمح ان تتأذى بسببى المره دى ربنا عداها على خير بعد كده محدش ضامن و
قاطعها عمر : مسمعش منك الكلام ده تانى ماشى مفيش حاجه اسمها ابعد عنك أنا مش بخاف ياكاميليا وخالد ليه حساب تانى معايا مش هسيبوا لكن فكرة تبعدى عنى دى متحصلش أنا بحبك يعنى مستعد أفديكى بعمرى كله ان شاء الله أموت عشان خاطرك
كاميليا مسرعه : بعد الشر متقولش كده تانى
عمر : انتى بتحبينى ياكاميليا
كاميليا بصتله وسكتت
عمر : اتكلمى ياكاميليا السؤال ده مهم بالنسبه ليا
كاميليا : أه بحبك ياعمر
عمر ابتسم على كلمتها وفرح ان هو سمعها منها
عمر بمرح : اوعى تكونى بتقوليها تحت ضغط أمنى
كاميليا ابتسمت بخجل
عمر مسك ايدها وبص فى عينيها : ممكن بقا مسمعش منك كلمة تبعدى دى تانى
كاميليا بصتله وهزت راسها ايجابا
عمر : شاطره ياكوكى
كاميليا بتذمر : طفله أنا
عمر : هههههههههه أحلى طفله فى حياتى
*****************************************
فى فيلا الجارحى

جيانا استيقظت من نومها ملاقتش قصي جمبها قامت دخلت احمام اخدت شاور واتوضت وخرجت ادت فرضها وخرجت من أوضتها نزلت وقابلت ميرا
ميرا : صباح الخير ياجوجو
جيانا بابتسامه : صباح النور ياميرو
ميرا : ايه راحه فين كده
جيانا : مفيش كنت هتمشى فى الجنينه شويه
ميرا : طب ماتيجى معانا أنا ومامى النادى
فى الوقت ده سميه نزلت
سميه : تيجى معانا فين ناقصه هى
جيانا بصتلها بضيق : وأنا مقولتش لحضرتك ان عايزه اروح معاكم فى حته عن أذنكم وسابتهم وخرجت
ميرا راحت عند أمها : ايه ده يامامى ايه ال قولتيه لجيانا ده
سميه بضيق : أنا قولتلها حاجه هى ال بتتلكك يلا احنا عشان منتأخرش وسابتها ومشيت
ميرا بصت لأمها بنفاذ صبر ومشيت وراها
قد يعجبك أيضا
الاسمبريد إلكترونيرسالة