U3F1ZWV6ZTE0NTkwMzMxMzUwX0FjdGl2YXRpb24xNjUyODgzMjYyNTQ=

رواية قسوة قلبك - من الفصل 25 إلى التاسع والعشرون - هاجر العفيفي

رواية قسوة قلبك بقلم هاجر العفيفي البارت الخامس والعشرون والسادس والعشرون والسابع والعشرون والثامن والعشرون والتاسع والعشرون

رواية قسوة قلبك الفصل الخامس والعشرون 25

مر أسبوع على أبطالنا بدون أحداث تذكر

وجه الوقت المحثوم ميعاد ال جيانا هتروح فيه بيت قصي أو بمعنى أصح سجن قصي

فى منزل جيانا

كريمه : شوفت أختك حابسه نفسها من ساعة ال حصل والنهارده المفروض فرحها وهى مش طايقاه أصلا انت السبب وانت ال عملت فيها كده
أمجد بتردد : ده ال المفروض يحصل هى خلاص سابت الكليه والشغل ومفيش حاجه تمنعها تتجوز ياريت منتكلمش فى الموضوع ده تانى
كريمه : فى جواز بالسرعه دى ولا هى مش زى البنات والمفروض تفرح زيهم
أمجد : ال حصل وخلاص أنا خارج
كريمه : رايح فين
أمجد : مشوار كده مش هتأخر وياريت تخليها تجهز هى كمان وسابها وخرج
كريمه : اللهم انى لا اسالك رد القضاء ولكنى اسالك اللطف بى

فى غرفة جيانا

استيقظت من نومها واعتدلت فى نومتها وتذكرت ان خلاص ده اخر يوم ليها فى البيت ده وده كله بسبب أخوها دموعها نزلت وفى الوقت ده فونها رن برقم غريب
جيانا : الو مين
قصي ببرود : معقول نستينى
جيانا بضيق : نعم
قصي : شاطره افتكرتى بسرعه أصل كنت هزعل
جيانا : ماتزعل وأنا يهمنى فى ايه
قصي : هعديها دلوقتى بس اعملى حسابك لما تبقى فى بيتى مش هتقدرى تقولى نص كلمه
جيانا : انت بتحلم ياقصي احنا مش هنطول مع بعض وانت مش هتلمس منى شعره واحده
قصي : لاء حكاية نطول أو منطولش دى أنا ال أقررها مش انتى ياقطه
جيانا : قطه فى عينك
قصي : أعملى حسابك السواق هيجى ياخدكم بليل عملت حفله صغيره كده بس مش لجمال عيونك ده علشان الناس بس والمظاهر
جيانا بدموع مكتومه : وأنا مش عايزه منك حاجه غير انك تبعد عنى وتسيبنى فى حالى
قصي : مش هيحصل
جيانا : انت ليه كده
قصي ببرود : علشان كده سلام يازوجتى العزيزه وقفل السكه
جيانا بصت للفون بضيق : كتك هم على الصبح ناقصه نكد هى
وفى الوقت ده دخلت والدتها
كريمه : بتكلمى مين يابنتى
جيانا بضيق : هو فى غيره البنى ءادم البارد ده
كريمه : معلش يابنتى قدر ومكتوب الله يسامحه أخوكى
جيانا بشرود : أخويا هى المصايب بتيجى غير من ورا أخويا
كريمه حضنتها : معلش يابنتى أنا عارفه انك اتظلمتى كتير بس ال متأكده وواثقه منه ان ربنا شايلك حاجه أحسن
جيانا : يااارب ياااارب
كريمه : هسيبك تجهزى بقا
جيانا : مش دلوقتى أصلا مش فايقه
كريمه : على راحتك يابنتى وسابتها وخرجت
جيانا بصت لأمها لحد ماخرجت ودموعها نزلت تانى
**************************************
فى قسم الشرطه

فى مكتب قصي معاذ دخل عليه
معاذ بمرح : اش أحوالك ياعريس
قصي : تمام ها عملت ال قولتلك عليه
معاذ بغرور : أها عيب عليك كل حاجه تمام
قصي : أنا عايز حفله تكون حلوه علشان انت عارف الصحافه والحوارات دى
معاذ : عارف عارف
قصي : هتجيب ريتال صح
معاذ : ايون انت عايزها تعملى محكمه ولا ايه
قصي : هههههه ازاى
معاذ : يعنى هتقولى يبقا انت كداب ومفيش حفله ولا حاجه ورايح تسهر مع البنات وحوارات كتييييير
قصي : لاء وعلى ايه روح هاتها دلوقتى
معاذ : ههههههههه شوفت بقا
قصي وهو يقف : أنا همشى أنا علشان هاروح الفيلا
معاذ : اشى وانا هحصلك
قصي : ماشى
وخرج من المكتب والقسم بأكمله وركب عربيته وطلع على الفيلا
****************************************
فى فيلا الجارحى

ميرا : مالك يامامى المفروض تكونى فرحانه يعنى
سميه بضيق : هفرح على ايه على الفرح المفجأ ده من كل حاجه عروسه روحنا عندهم فجأه وفجأه جه المأذون وكتبه الكتاب وبعدها بأسبوع بس حفله ايه ده ملناش كلمه احنا خالص عليه كل حاجه يعملها بمزاجه
ميرا : بس ابيه قصي مش صغير يامامى واكيد عارف بيعمل ايه
سميه : انتى هتعملى زى أبوكى انتى كمان
ميرا : لاء بس دى الحقيقه
سميه : تقدرى تقوليلى ال هو هيتجوزها دى مين وبنت مين وعيلتها مين ولا هو أى حد هندخلوا عيلتنا وخلاص
ميرا : المهم ان هو بيحبها
سميه بسخريه : بيحب مين انتى مشوفتيش ال حصل يوم ماروحنا أخوها ضربها علشان توافق يعنى الموضوع هى مش موافقه عليه أصلا
ميرا : ممكن كان سوء تفاهم مش أكتر
سميه : يوووووه انتى بتحاولى تدافعى عنه ليه هو عملك سحر
ميرا بدهشه : لاء مش سحر ابيه قصي طيب جدا ويستاهل ان ادافع عنه مش عارفه ليه انتى علطول ضده
سميه : مش عايزه كلام كتير أنا طالعه أوضتى علشان اتخنقت وسابتها وطلعت
ميرا : مامى يامامى يووووه بقا
فى الوقت ده دخل قصي
قصي : مالك ياميرا بتكلمى نفسك ولا ايه
ميرا : لاء ياابيه كنت بكلم مامى ها عامل ايه
قصي : تمام ايه أخبار الحفله
ميرا : تمام كله شغال فيها بره أهو
قصي : ماشى أنا هطلع أخد شاور وأغير هدومى وانزل اشوفهم
ميرا : ماشى
قصي سابها وطلع أوضته وفونه رن برقم عمر
قصي : ألو ياعمر
عمر : بقولك ياقصي
قصي : اممم
عمر : هو انت هتبعت السواق يجيب جيانا وأهلها
قصي بااستغراب : أه ليه
عمر : مفيش بس أنا كنت هقولك سبنى أنا اروح أجيبهم
قصي : اشمعنا يعنى وبعدين مش عايز أتعبك
عمر : لاء مفيش تعب متقولش كده
قصي : ماشى ال يريحك لأنا هقول للسواق خلاص وانت هاتهم
عمر : تمام ماشى سلام
قصي :مع السلامه
قفل معاه ودخل الحمام أخد شاور علشان يجهز
**************************************
فى المساء

فى منزل جيانا

أمجد : جيانا خلصتى
جيانا : أه
كاميليا : ممكن تسيبنى معاها ياأمجد شويه
أمجد : ماشى وسابهم وخرج
كاميليا : ايه يابنتى التكشيره دى ومردتيش تروحى كوافير حتى انتى راحه عزا ده فرحك
جيانا بضيق : والنبى ياكاميليا ماتفكرينى علشان مش ناقصه
كاميليا : أفكرك بأيه مش ده الواقع وال بيحصل
جيانا : مش راضيه بيه أنا حاسه ان فى حلم ونفسى أصحا منه بقا
كاميليا : بصى ياجيانا أنا حاسه بيكى والله بس أهو ده ال حصل هنعمل ايه يعنى
جيانا بتحدى : بس والله مش هخليه يفرح يوم بس بعد النهارده
كاميليا بابتسامه : ايوه ياجوجو ياجامد عايزك تتحديهم يابشا
جيانا : هو ده ال هيحصل
فى الوقت ده فون كاميليا رن برقم عمر اتوترت بس ردت
كاميليا بتوتر : أ ا الو ياعمر
عمر : انتوا جهزتوا
كاميليا باأستغراب : أه ليه
عمر : أنا ال هوصلكم يلا
كاميليا : مش المفروض فيه سواق هيجى
عمر : لاء أنا قولت لقصي هاجى أنا بدل الغريب وبعدين أنا خلاص داخل على البيت أهو
كاميليا بفرحه : ماشى وقفلت معاه
جيانا : ايه ال مفرحك كده
كاميليا بتوتر : ا ا اصل عمر ال هيجى ياخدنا
جيانا : اممم ماشى
كاميليا : ها مش يلا
جيانا بضيق : مستعجله على ايه يعنى
كاميليا : يابنتى الساعه 7 يعنى خلاص
جيانا : يلا ياختى
وخرجوا وكريمه كانت بره
كريمه بدموع : مبروك ياقلبى هتوحشينى أووى
جيانا حضنتها بدموع : متعيطيش أنا هجيلك بكره
أمجد : نععععم تيجى لمين بكره انتى مجنونه
جيانا : أنا وجهتلك كلام
أمجد : جيانا اتعدلى فى كلامك
جيانا : ايه هتضربنى تانى
أمجد لسه هيرد قاطعته كريمه
كريمه : بس انت وهى ويلا عشان اتاخرنا
أمجد : يلا
ونزلوا كلهم كان عمر وصل أمجد ركب قدام جمبه وكريمه وكاميليا وجيانا ركبوا فى الخلف وعمر شغل العربيه وطلع على فيلا الجارحى بس كان طول الطريق يختلس نظرات لكاميليا فى المراه وهى كانت بتحاول متركزش
**************************************
فى منزل ريتال

ريتال : نازله أهو يابنى ايه زن زن زن براحه
معاذ : ده لو انتى العروسه كان زمانك خلصتى ايه ده كله
ريتال : ملكش فيه يارخم
معاذ بصدمه : أنا رخم يابت انتى
ريتال : اممم رخم
معاذ : طب لما أشوفك
ريتال : طب سلام بقا علشان انزل
معاذ : سلام ياختى
ريتال : بابا أنا ماشيه
يوسف : بس متتأخريش يابنتى
ريتال : حاضر يابابا سلام ياماما
والدتها : مع السلامه يابنتى خلى بالك من نفسك
ريتال : حاضر وخرجت من الشقه ونزلت
معاذ كان واقف مستعجل وفى نفس الوقت ريتال وحشته جدا قاطعه من تفكيره نزول ريتال أول ماشافها سرح فى جمالها كانت لابسه فستان أزرق طويل ولابسه حجاب لونه سماوى ونازله شبه الأميرات
ريتال لاحظت نظراته اتكسفت : معاذ معاذ
معاذ بتوهان : ها
ريتال بكسوف : هنتأخر على الحفله
معاذ : طب مانتأخر
ريتال : معااذ
معاذ : قلبه
ريتال كانت هتموت من الكسوف : والله يامعاذ هطلع ومش هاروح
معاذ مسرع : لا لاء يلا والله أنا شكلى هخطفك ونهرب
ريتال : هههههههههه مجنون
معاذ : بيكى والله ايه رايك نعمل فرحنا معاهم النهارده
ريتال : لاء طبعا أنا يتعملى فرح كبير لوحدى يابابا
معاذ : أجمل فرح لأجمل ريتال فى الدنيا
ريتال بخجل : معاذ بس بقا
معاذ : خلاص يلا علشان هنتأخر بجد وقصي هيعلقنى
ريتال : هههههههههه أحسن يلا
معاذ ركب العربيه وريتال ركبت جمبه وشغل العربيه وطلع على فيلا الجارحى
**************************************
فى فيلا الجارحى

كانت كل حاجه جهزت وميرا كانت لابسه فستان سهره اسود قصير وشعرها كان يجنن وكانت قمر فعلا
قصي كان لابس حليه سوده وكان مصفف شعره بطريقه جذابه جدا وكان مز أخر حاجه 😂
فى الوقت ده دخلت جيانا من باب الفيلا وكانت لابسه فستان اسود طويل وسايبه شعرها للعنان وحاطه ميكب هادى ورقيق جدا قصي فضل يبصلها بإعجاب بس هى كانت متضايقه أصلا راح عندها ومسك ايدها وبصلها فى عنيها وهى اتوترت بس سرحت فى عينه وفضلوا يبصوا لبعض مده طويله لحد ماشافوا احدى الصحفين بيلتقطوا بعض الصور أخدها وراح على الاستيدج الخاص بيهم جيانا كانت متوتره جدا من قربه

عند كاميليا وعمر
عمر : احم احم عقبالنا
كاميليا بصت بكسوف وسكتت
عمر : ايه ساكته ليه
كاميليا : هقول ايه
عمر : قولى أى حاجه لاغينى كده حنى عليا بكلمه
كاميليا بدموع : جيانا هتوحشنى أووى
عمر : ياخبر لاء مش عايز أشوف دموعك خالص واذا كان على جيانا أجيبك عندها كل يوم بس متزعليش
كاميليا مسحت دموعها بفرحه : بجد
عمر بابتسامه : بجد وبس بقا بطلى عياط وانتى قمر كده يخربيت حلاوتك
كاميليا بصتله بخجل وابتسمت
كاميليا كانت لابسه فستان أحمر وبرضوا سايبه شعرها وكان شكلها جذاب

عند قصي وجيانا

قصي : افردى وشك علشان الكاميرات بتصور
جيانا ابتسمت ابتسامه صفره : هضحك بالعافيه يعنى
قصي : حاجه زى كده
جيانا : انت ايه كل حاجه عندك بالعافيه ايه ده
قصي : اذا كان عجبك ياجيانا
جيانا : لاء مش عاجبنى بقا ياقصي
قصي : طب عدى اليوم بقا على خير
جيانا : ولو معدتوش يعنى
قصي : والله لو مبطلتيش عند هاشيلك قدام الناس دى كلها دلوقتى وال يحصل يحصل
جيانا شهقت بصدمه : وقح
قصي بخبث : تحبى تشوفى
جيانا : لاء لاء
قصي : طب اسكتى
وفى الوقت ده فى بنت دخلت عليهم وكانت لابسه لبس شبه عارى ومكياج صارخ جدا بطريقه أوفر ودخلت على قصي وسلمت عليه وباسته قدام الكل وقدام جيانا
جيانا بصتلهم بصدمه وكانت نفسها تولع فيهم فى الحال
قصي حاول يبعد البنت دى عنه حفاظا على شعور جيانا برضوا

عمر ومعاذ كانوا واقفين بعيد مصدومين
عمر : الحق مش دى البت هايدى يلا
معاذ : أيوه هى بقولك ايه أنا هخلع دلوقتى علشان لو جت هنا وريتال شافتها مش هيبقا خير
عمر : خدنى معاك
معاذ : يلا
ريتال : رايح فين يامعاذ
معاذ بتوتر : ها ج جاى تانى
ومشى هو وعمر

عند قصي وجيانا

البنت مشيت وجيانا لسه مصدومه
جيانا : ممكن أعرف مين دى
قصي ببرود : وده يهمك
جيانا بعصبيه : أومال ايه ال يهمنى هو أنا معنديش كرامه
قصي بخبث : اممم بتغيرى يعنى
جيانا بتوتر وعصبيه : غيرة ايه وزفت ايه المسأله مسألة كرامه وانت مش عملى كرامه من الأساس أنا مسمحش بكده
قصي : والله ميخصنيش تسمحى ولا لاء
جيانا بعصبيه : انت عايز تموتنى مين دى ياقصي
قصي : دى بنت كنت أعرفها زمان ها هديتى بقا لما عرفتى ولا ايه
جيانا بصتله بنفاذ صبر وقامت وقفت
قصي : راحه فين
جيانا : راحه فى داهيه ودخلت الفيلا وكاميليا راحت وراها

عند ميرا كانت واقفه بتبص لكل اتنين واقفين مع بعض وافتكرت شادى وكلامه ليها وال عملوا فيها اتقهرت على نفسها بس حاولت تدارى ده علشان متبوظش فرحة أخوها وسمعت صوت من وراها
أمجد : مساء الخير
ميرا بابتسامه مزيفه : مساء النور
أمجد : هو أنتى أخت قصي
ميرا : أها
أمجد : تشرفت بيكى أنا أمجد أخو جيانا
ميرا : أه أهلا الشرف ليا أنا ميرسى
أمجد : انتى واقفه لوحدك ليه
ميرا : عادى بحب كده
أمجد : أسف لو كنت مضايقك
ميرا : لاء خالص والله
أمجد : طب كويس تعالى اقفى هناك معانا هتحبى أمى جدا
ميرا بابتسامه : ماشى
وراحت معاه

عند محمود وسميه
محمود : مالك متضايقه ليه
سميه بضيق : بقولك ايه كفاه ان موجوده وخلاص مش عايزه كلام تانى
محمود : أنا مش عارف ايه ال معصبك
سميه : انت مش شايف ال حصل والسرعه دى أنا حتى معرفتش أعزم حد من أصدقائى ايه ده هو أنا مبقاش ليا كلمه فى البيت ده
محمود : أنا قولتلك قصي مش صغير ويعرف مصلحة نفسه
سميه : ماشى خليك انت ماشى ورا كلامه لحد مانروح فى داهيه وسابته ومشيت
محمود : ربنا يهديكى يارب

وانتهت الحفله على خير بس فى منهم ال فرحان ومنهم ال هيموت من الغيظ وطبعا انتوا عارفين مين

الفصل السادس والعشرون 26

فى فيلا الجارحى

انتهت الحفله وكل الناس مشيت
جيانا : ماما انتوا رايحين فين
كريمه : ماشيين يابنتى
جيانا بخوف : لاء خدينى معاكى
كريمه : أخدك معايا فين ياحبيبتى ربنا يهديكى
كاميليا : اعقلى ياجيانا مينفعش
جيانا : لاء بقا انتوا هتسبونى وتمشوا
كريمه : هو أحنا سيبينك فى الشارع
جيانا : أكتر
فى الوقت ده جه أمجد
أمجد : ايه مش يلا ياماما
كريمه : يلا يابنى
عمر : يلا ياجماعه علشان أوصلكم
كريمه : هنتعبك
عمر بص لكاميليا : لاء متقوليش كده مفيش تعب
كاميليا اتكسفت
كريمه : ال تشوفه يابنى يلا
وكلهم استعدوا انهم يمشوا بس جيانا كانت هتعيط وقصي كان بيكلم أبوه وبالفعل كلهم مشيوا
قصي راح عند جيانا
قصي : ايه مش يلا
جيانا بخضه : يلا ايه
قصي بخبث : نطلع
جيانا بتوتر : ل لاء أنا عايزه أخرج
قصي : تؤتؤ خروج ايه دلوقتى بكره
جيانا : أنا مش عايزه أنام
قصي بخبث : ومين قال انك هتنامى
جيانا بصتله بخوف وطلعت قصي بصلها بابتسامه علشان متأكد أنها خايفه منه وطلع وراها لاقاها واقفه محتاره
قصي : مالك
جيانا بحيره : أوضتى فين
قصي : قصدك أوضتنا
جيانا : لاء أنا مش بحب أنام غير لوحدى
قصي ببرود : ده كان لحد امبارح بس النهارده كل حاجه اتغيرت
جيانا بعند : وأنا مش هنام غير لوحدى أتصرف
قصي ببرود : بلاش أتصرف أنا
جيانا بعند : لاء اتصرف وورينى
وفى الوقت ده لقت نفسها اترفعت من على الأرض
جيانا بعصبيه : ايه ال عملتوا ده نزلنى
قصي : مش قولتيلى اتصرف
جيانا بنرفزه : بقولك نزلننننى
قصي دخل بيها غرفته ودخل نزلها على السرير بحنان
جيانا : أوضة مين دى
قصي ببرود : أوضتى
جيانا بغيظ : أنا هنام فين
قصي : هنا
جيانا بغيظ : وانت هتنام فين
قصي ببرود : سؤال غريب هنا برضوا
جيانا شهقت بصدمه : تنام فين هنا ومعايا ازاااااى
قصي بسخريه : هو أنا شقطك يابت انتى
جيانا بصتله بضيق : ايه شقطك دى أحترم نفسك
قصي : مش لما تسكتى انتى شويه من ساعة مالحفله خلصت وانتى كلام كلام مفصلتيش ايه مش بتزهقى
جيانا بعند : لما أتكلم بلسانك انت ابقا اتكلم
قصي : أنا هقوم أخد شاور وهنام علشان مش فايقلك وفايق لجنانك
جيانا فرحت ان هو هينام بس برضوا سالته نفس السؤال : ايوه يعنى هتنام فين
قصي : مانتى أكيد هبله ياما هبله مش قولت مره هنام على السرير
جيانا بعند : وأنا بقا مش هنام جمبك وهنام على الكنبه دى
قصي بخبث : متخافيش مش هاكلك لو نمتى جمبى
جيانا بتوتر : ل لاء
قصي ببرود : لاء لاء براحتك
جيانا بعند : ماهو براحتى
قصي سابها ودخل الحمام جيانا اتنهدت بارتياح بس مع انها خايفه بس فى نفس الوقت حاسه ببعض الراحه فضلت تفكر تفكر لحد ماخرج
قصي ببرود : هتنامى بهدومك كده
جيانا شهقت بصدمه : قصدك ايه
قصي بضحك : هههههههههه يابنتى انتى ال دماغك متركبه غلط أنا قصدى تغيرى الفستان ده ولا هتنامى فيه
جيانا بغيظ : أظن دى حاجه تخصنى أنا
قصي ببرود : طب ممكن تقومى علشان أنام وبخبث ولا غيرتى رايك وهتنامى هنا
جيانا قامت بسرعه واخدت هدوم ليها كانت جيباها من بيتها ودخلت الحمام
قصي ابتسم ان هو نفذ كل ال فى دماغه وحس فعلا ان حصل تغير فى حياته بسبب دخولها فيها وبعد وقت خرجت جيانا من الحمام وكان شكلها مضحك جدا كانت لابسه بيجامه عليها تويتى ورافعه شعرها زى الأطفال وراحت نامت على الكنبه من غير ولا كلمه
قصي ابتسم على شكلها حاسس انها طفله لسه فضل يراقبها لحد ماذهب فى ثبات عميق وهى كمان نامت
***************************************
فى منزل جيانا

فى غرفة أمجد

كان شارد جدا فى ال حصل بيفكر ياترى ال عملوا ده صح ولا غلط هو كده رمى اخته فعلا هو ليه أنانى كده كل حاجه بيفكر فى نفسه وبس مبيهموش حد أخته كانت ضحية كل حاجه بسببه وفى وسط تفكيره جت فى باله ال خطفت قلبه من أول نظره وأول كلمه ميرا بس ياترى هو من حقه يشوف الدنيا من عين أحسن ويحب ويتحب ولا يفضل كده فضل يفكر طول الليل لحد ماتعب من التفكير ونام
**************************************
فى صباح اليوم التالى

فى فيلا الجارحى

استيقظ قصي قبل جيانا وقام راح عندها كانت نايمه زى الأطفال فضل يبصلها فتره طويله ويملس على شعرها بحنان ولما حس بتململها قام دخل الحمام ياخد شاور جيانا صحيت بتبص حواليها تستدرك المكان علشان أول مره بقا وبصت مكانه مش لقتوا عرفت ان هو فى الحمام من صوت المياه
وفى الوقت ده خرج قصي بصلها ببرود وقال : صباح الخير ياعروسه
جيانا بضيق : أهو صباح وخلاص
بتبص لقته بيجهز هدوم الخروج
جيانا بصدمه : انت هتروح فين
قصي ببرود : الشغل
جيانا : مش المفروض واخد أجازه
قصي بخبث : ايه عايزانى أفضل معاكى مسبكيش أنا موافق
جيانا بتوتر : ل لاء طبعا أنا أقصد الناس هتقول ازاى عريس ورايح الشغل دلوقتى
قصي : اممم يعنى همك كلام الناس بس
جيانا بتهريب : أ ا ه أومال هيهمنى ايه غيروا
قصي :أنا مش بيهمنى كلام حد أنا بعمل ال يريحنى وخلاص ماشى ياقطه
جيانا بغيظ : بلاش قطه دى ليا اسم تندهلى بيه
قصي قرب منها : وأنا انادى براحتى بالاسم ال يعجبنى
جيانا وهى بترجع لورا بتوتر : ل ل لاء مش براحتك ده اسمى وانا حره فيه
قصي وقف وقال : أنا همشى ومش هتأخر عليكى ياقطتى واخد حاجته وخرج من الأوضه
جيانا اتنهدت براحه وبصتله بغيظ
جيانا بغيظ : قطه لما تعضك يابعيد عااااا مستفزززز

فى الأسفل

قصي نزل كان محمود وسميه بيتناولوا الفطار
قصي : صباح الخير
محمود وسميه : صباح النور
محمود : ايه رايح فين على الصبح كده يابنى
قصي : رايح الشغل يابابا
محمود : شغل شغل ايه يابنى انت مش واخد اجازه المفروض فى حد ينزل يوم صبحيته
قصي : أنا مفيش وقت للأجازات أنا ورايا شغل كتير عن أذنكم علشان هتأخر وسابهم وخرج
سميه بسخريه : هه شوفت الحلاوه ال احنا فيها علطول ابنك عايز يفضحنا معاه وخلاص
محمود : يوووه انتى مش بتزهقى من الكلام أنا ماشى وسابها هو كمان وخرج
سميه بغيظ : كلامى دلوقتى هو ال بيزعلكم حاجه تخنق

فى غرفة ميرا

استيقظت من نومها وعملت روتينها اليومى وخرجت من أوضتها ولسه هتنزل قبلت والدتها
ميرا : ايه يامامى شكلك متعصبه ليه
سميه بسخريه : أخوكى خرج راح الشغل وأبوكى موافقه على كل كلامه مبقاش ليا لازمه
ميرا : متقوليش كده يامامى انتى ال خير والبركه
سميه : بلا خير وخير وبركه ولا بتاع بقا وسابتها ودخلت أوضتها
ميرا بصت على أوضة أخوها اترددت تدخل بس هى حبت جيانا أووى ونفسها تتكلم وتتعرف عليها أكتر قررت انها تدخل خبطت وجيانا أذنت لها بالدخول
ميرا بابتسامه : صباح الخير
جيانا : صباح النور
ميرا : عامله ايه دلوقتى
جيانا بضيق : هكون عامله ايه يعنى عادى
ميرا : أنا عارفه انك متضايقه من طريقة ابيه قصي معاكى بس والله هو انسان طيب جدا وقلبه أبيض جدا بس هو تعاملوا كده وطريقته كده أنا بقولك الكلام ده علشان حبيتك والله مش أكتر وارتحتلك جدا
جيانا : بصى هو طيب لنفسه شرير برضوا لنفسه جوازنا ده مش هيطول كتير لكن فكرة انك ارتحتيلى أنا برضوا ارتحتلك جدا انتى عسل كده مش زى أخوكى عامل زى الشاويش عطيه بيضحك بالحساب
ميرا : هههههههههههههههه والله انتى مشكله يابنتى أكيد مش ظابط يبقا تحكماته كده
جيانا : بس مش عليا أنا مش متهم عندو
ميرا : معلش هتتعودى على فكره المهم ينفع اناديلك باسمك عادى وادلعك وكده
جيانا : أومال هتقوليلى ياخالتوا طبعا قولى عادى
ميرا : لاء أصل أنا بحب استأذن
جيانا : طب بس ياختى بقا مش بحب الاستئذان أنا
ميرا : حاضر ياجوجو
جيانا : أيوه كده
وفضلوا يضحكوا ويهزروا ويحكوا وارتاحوا لبعض جدا
**************************************
فى قسم الشرطه

معاذ وعمر دخلوا وهما مستغربين
معاذ : ايه ال جابك أقصد يعنى جيت ليه
عمر : أيوه جيت ليه
قصي : هو أنا جاى عندكم ولو قولتوا كلمه زياده هطلعكم بره انتوا الاتنين
معاذ : لاء ياعم مش هنتكلم خلاص بس برضوا خرجت ليه
قصي : معااااااااذ
معاذ : خلاص ياعم هتاكلنا
قصي : كويس انكم جيتوا عايزكم فى حاجه مهمه
عمر : خير
قصي : اللواء محمد كلفنا أحنا التلاته بالقضيه بتاعة أكبر تجار سلاح مينفعش نهمل فيها لازم نجيب كل تفصيله الصغيره قبل الكبيره
عمر بجديه : طب هى أقرب شحنه هيسلموها امتى
قصي : لسه كمان شهر علشان عارفين انهم متراقبين أكيد بيحرسوا
معاذ : طب وحاليا هما هيعملوا عمليات صغيره
قصي : ده أكيد بس كل ال هيعملوه دلوقتى ميهمناش لأن لو قبضنا عليهم فى العمليات الصغيره دى مش هيبقا عليهم دليل كافى أو بمعنى أصح مش هياخدوا الحكم ال يستحقوه لكن فى العمليه الكبيره ال هى كمان شهر كل حاجه هتبقا سهله المهم المطلوب منكم دلوقتى انك انت ياعمر عايزك تبعت مراقبه دقيقه ليهم علشان تجيب كل حاجه عنهم وانت يامعاذ تجهز قوه كبيره فى أى وقت
عمر : تمام
معاذ : تمام
قصي : وأنا هابتدى أظبط كل حاجه تخص القضيه
عمر : ماشى أنا هامشى دلوقتى علشان ورايا كام حاجه كده وبعد كده هابتدى
قصي : ماشى وانت يااستاذ معاذ
معاذ : هاروح أفسح موزتى علشان الفتره ال جايه هكون مش فاضى وهتزعل
قصي : ماشى ياعم النحنوح روح يلا
الاتنين خرجوا وقصي بص فى الملف ال قدامه بتركيز
**************************************
فى منزل جيانا

كريمه : يلا يابنتى هتيجى معايا عند جيانا عايزه أروح أطمن عليها
كاميليا : حاضر ياماما هالبس علطول أهو
كريمه : وانت ياامجد هتيجى توصلنا ولا لاء
أمجد : ل لاء روحوا انتوا أنا ورايا مشوار
كريمه : طبعا مش قادر تبص فى عين أختك بعد كل ال بتعملوا فيها
أمجد بتوتر : لاء مش حكاية كده بس أنا مش فاضى
كريمه : ماشى ربنا يهديك يابنى لنفسك وبصوت عالى يلا ياكاميليا
كاميليا خرجت من الأوضه : حاضر ياماما يلا
ونزلوا هما الاتنين
وأمجد دخل غير هدومه وخرج رن على قصي وقالوا ان هو فى القسم وجهز علشان يروحلوا

الفصل السابع والعشرون 27

فى فيلا الجارحى

فى غرفة قصي كانت جيانا قاعده مع ميرا وبيتكلموا الداده خبطت ودخلت
جيانا : فى حاجه
سنيه بااحترام : والدة حضرتك تحت ياهانم وأختك وعايزينك
جيانا نطت بفرحه : بجد ماما تعالى ياميرا أعرفك عليهم انتى معرفتهمش كويس
ميرا : اوك يلا
ونزلوا الاتنين
جيانا أول ماشافت والدتها جريت عليها وحضنتها
جيانا بلهفه : ماما وحشتينى أووى
كريمه : وانتى ياقلبى عامله ايه
جيانا : بخير الحمد لله
وراحت حضنت كاميليا : كوكى وحشتينى أووى الشويه دول
كاميليا : وانتى أكتر ياقلبى
جيانا : تعالى ياميرا دى ياماما ميرا أجمل حاجه فى البيت ده
كريمه بابتسامه : ماشاء الله قمر ازيك يابنتى عامله ايه
ميرا بابتسامه : الحمد لله ياطنط بخير
جيانا : ودى كاميليا ال حكتلك عليها ياميرا
ميرا بابتسامه : اه اتعرفت عليها يوم كتب الكتاب بس مكانش فيه نصيب نتعرف أكتر
كاميليا بمرح : ومالوا نتعرف دلوقتى
ميرا : تعالى
والاتنين مشيوا وسابوا جيانا وامها لوحدهم
كريمه : أومال فين جوزك ياجيانا
جيانا بتوتر : خ خرج
كريمه بصدمه : يلهووى خرج تانى يوم كده
جيانا : معرفش قال وراه شغل وياريت ياماما بلاش جوزك دى علشان دى فتره مؤقته وهتعدى
كريمه : يابنتى أعقلى متحكميش على حاجه قبل ماتحصل مش يمكن تحبيه
جيانا بشرود : ها
كريمه بمكر : ايه سرحتى فى ايه انتى حبتيه بجد ولا ايه
جيانا مسرعه : لاء طبعا
كريمه : ههههه والله انتى حيرتينى معاكى يابت انتى
جيانا حاولت تهرب من الموضوع : سيبك منى المهم الأستاذ أمجد مجاش ليه ولا هو ماصدق رمانى
كريمه : وراه مشوار هو مش رماكى ولا حاجه أهو انتى ماشاء الله فى أحسن مكان
جيانا : بس مفيش حب ولا موده بينا
كريمه لسه هترد كانت سميه دخلت
سميه بغرور : أهلا يا اسمك ايه
كريمه بضيق : اسمى كريمه
سميه : طيب هو قصي فين
جيانا بغيظ : خرج
سميه : اممم ماشى وسابتهم وطلعت
جيانا بغيظ : شوفتى ياأمى اهى دى أرخم واحده فى البيت ده
كريمه : عيب يابنتى ده زى برضوا
جيانا : انتى شوفتى بتكلمنا ازاى
كريمه : الله يسامحها بقا
***************************************
فى قسم الشرطه

فى مكتب قصي العسكرى دخل بلغه ان فى حد عايزه
قصي : اممم دخلوا
العسكرى : أوامرك يافندم
وخرج ودخل أمجد
أمجد : صباح الخير
قصي ببرود : صباح النور خير
أمجد بتردد : ك كنت عايز أقولك على موضوع كده
قصي : اممم انجز علشان ورايا شغل ومش فاضى
أمجد بتوتر : كنت عايز أقولك انك تاخد بالك من جيانا جيانا طيبه والله مش معنى انها عنديه ودماغها ناشفه شويه انها قويه لاء دى ضعيفه جدا بس بسببى أنا شافت كتير
قصي حس بكلامه فعلا علشان هو عنده أخت وفكرة ان أهمل فيها كانت هتضيع منه وده حقه ان يهتم بأخته قاطعه من تفكيره كلام أمجد
أمجد : على فكره مش معنى ان وافقت انك تتجوزها قصاد ان أخرج من مشكلتى دى ان أنانى ممكن أكون فكرت أنك أكتر واحد ممكن تحميها من الدنيا دى ومن غدرها جيانا اتظلمت كتير أووى ياقصي باشا سابت تعليمها ال تعبت فيه من زمان علشان كان ليها طموح نفسها تحققها بس برضوا بسببى سابته أنا نفسى أعوضها على ال شافته كله وياريت تساعدنى
وقام وقف وقال : أسف لو كنت ضيعت وقتك بس ياريت تفكر فى كلامى كويس وسابه وخرج من المكتب ومن القسم بأكمله

قصي كان شارد جدا وبيقول فى نفسه هو متجورش جيانا علشان يذلها لاء عشان بيحبها بس هو كان لازم يتجوزها بالطريقه دى علشان توافق لان غير كده مش هتوافق عليه بس هو قرر فعلا ان يعوضها على ال فات بأى طريقه
****************************************
فى احدى المطاعم

معاذ : ياريتال ياحبيبتى أفهمينى أحنا عايزين نقدم شويه علشان كده والله شكلى هموت قبل مااتجوز
ريتال مسرعه : بعد الشر عليك بس لسه شويه
معاذ : ليه لسه كل حاجه جاهزه ليه الانتظار
ريتال : خلاص فاضل ليا سنتين كليه هيخلصوا ونتجوز
معاذ : كتيير أووى ياريتال هندخل فى تسع سنين كده فيها ايه لو اتجوزنا وكملتى عادى وانتى معايا انتى عارفه ان عمرى ماهمنعك أبدا انك تكملى تعليمك
ريتال بصتله وسكتت
معاذ : سكتى ليه ياحبيبتى
ريتال : مش عارفه يامعاذ الجواز مسئوليه وأنا مش هقدر أشيل كل حاجه كده
معاذ : طب وأنا روحت فين أنا هشيل معاكى أى حاجه مش هسيبك لوحدك بس وافقى اننا نكمل مع بعض فى بيت واحد
ريتال : طب ممكن تخلينى أفكر
معاذ بابتسامه : خدى راحتك ياقلبى وأنا موافق عن أى قرار هتاخديه
ريتال ابتسمت بخجل
معاذ : مكسووفه
ريتال بخجل : لاء ليه يعنى
معاذ : حاسس كده اشى هعمل مصدق ها هتطلبى ايه
ريتال : ال انت هتطلبوا لنفسك
معاذ : ماشى
ونده للنادل وطلب منه وجبلهم الطالبات
*****************************************
فى المساء

فى فيلا الجارحى

وصل قصي ودخل كان والده واقف
قصي : مساء الخير يابابا
محمود : مساء النور يابنى كنت عايزك ياقصي فى موضوع كده
قصي : اتفضل يابابا
محمود : لاء تعال المكتب ورايا
قصي : حاضر
محمود دخل المكتب وقصي دخل وراه
قصي : خير يابابا
محمود : بص يابنى أنا كنت عايز افتحك فى موضوع بس مش عارف ايه رايك فيه
قصي : خير يابابا قلقتنى
محمود : أنت عارف ان انا قعدت اشتغل من وانا شاب لسه لحد مابنيت الشركه وعملت اسم ليا واتعمل ليها فروع كتير بس ده كله جه بعد تعب مش جه بالسهل أنا خايف ان تعبى ده كله يروح ببلاش
قصي باستغراب : ليه بتقول كده بس
محمود : أنا مش هفضل عايش طول العمر انت فاكر زمان لما سألتك نفسك تدخل ايه وقولتلى شرطه
قصي : أه
محمود : أنا ساعتها كان نفسى تقولى تدخل ادارة أعمال أو هندسه كنت هتساعدنى فى شغل الشركه بس أنا مردتش أضغط عليك وخليتك تحقق حلمك بس أنا دلوقتى خلاص حاسس ان يومى قرب
قصي مسرع : بعد الشر يابابا متقولش كده ربنا يطول فى عمرك
محمود : الموت مش شر يابنى ده مكتوب أنا بس بقولك الكلام ده علشان تخلى بالك من كل ال بنيته ياقصي ماتسيبهوش يضيع يابنى اعمل أى حاجه بس تحافظ على مالك ومال أختك ماشى ياقصي
قصي بدهشه : حاضر يابابا بس أنا مش عارف ايه الكلام ده بس متخافش يابابا كل حاجه فى امان
محمود بارتياح : الحمد لله ريحتنى اطلع يلا لمراتك علشان انت سايبها من بدرى وكمان خرجت تانى يوم فرحكم
قصي قام وقف وقال : حاضر عن اذنك يابابا وسابه وطلع
محمود بص عليه وبعد كده شرد شويه

فى الأعلى

دخل قصي الأوضه وبيبص ملقاش جيانا اتخض خاف لتكون مشيت دور عليها لحد ماشاف البلكونه مفتوحه بص فيها لاقها واقفه لابسه ثياب طويل وسايبه شعرها للعنان كان بيتطاير مع الهواء وكانت شارده فضل يبصلها فتره طويله سارح فى جمالها وشكلها وبعد شويه حاول يحسسها ان هو جه
قصي : مساء الخير
جيانا فاقت من شرودها وبصتله : مساء النور
قصي : واقفه كده ليه
جيانا : هو حرام كمان اقف كده
قصي : مش قصدى قصدى واقفه وبتفكرى وسرحانه فى ايه
جيانا : فى ال أنا فيه هيكون ايه
قصي بسخريه : وايه ال انتى فيه عايشه فى مكان مكنتيش تحلمى تكونى فيه مش بتشتغلى ومرتاحه ايه بقا ال انتى فيه
جيانا : الحياه مش مكان وبس الحياه كفاح وناس بتحبك السعاده مش فلوس السعاده راحه فى قلبك وأنا الصراحه مش متوفر عندى كده
قصي بصلها وقرب منها وبص فى عنيها وهى برضوا سرحت فى عنيه على قد ماهو بيذلها ومعذبها معاه على قد ماكل ماتبص فى عينه بتنسا الدنيا بتحس احساس غريب جدا عمرها ماحسيتوا أبدا
قصي بتوهان : ممكن تدينى فرصه
جيانا بصدمه : ها
قصي : ايه
جيانا : فرصة ايه
قصي : ان اعوضك وانسيكى كل ال حصل
جيانا بصتله بصدمه ودهشه مين بيتكلم قصي الجارحى ال من أول ماقابلته عمرها ماشفته كده
قصي : ايه سكتى ليه
جيانا : أنا مش عايزه حاجه خالص
قصي : أنا عارف انك مصدومه منى بس أنا فعلا لازم أقولك أنا بحبك ياجيانا
جيانا بصدمه : مين
قصي : ايه ب ح ب ك
جيانا بصدمه : أنا ازاى
قصي : هو ايه ال ازاى
جيانا : ازاى وانا من أول مره قابلتك فيها مفيش حاجه تبين ده
قصي : الحب بيجى فى أى وقت من غير مايستأذن ياجيانا
جيانا : أنا مش عارفه أقولك ايه
قصي : أنا عارفه ان أنا فاجئتك بس أنا مش هضغط عليكى دلوقتى خليكى فكرى فى كلامى براحتك وسابها ودخل ياخد شاور وخرج نام مكانه وهى نامت على الكنبه
هو كان فرحان ان عمل كده يمكن دى تكون خطوة تكون سبب السعاده بعد كده
هى نامت وهى مصدومه وهتتجن من كلامه بس فى نفس الوقت هتطير من الفرح وفعلا فضلت تفكر فى كلامه لحد مانامت
*************************************
فى منزل جيانا

فى غرفة كاميليا

كانت بتكلم عمر فى الفون
عمر : عندى خبر ليكى مش عارفه هيفرحك ولا ايه
كاميليا بقلق : ايه هو
عمر : أنا خلاص قررت أجى اطلب ايدك من أهلك
كاميليا بفرحه : بجد
عمر بابتسامه : أيوه بجد علشان نبقا براحتنا وتكون فى حاجه رسمى مابينا
كاميليا : بجد أنا مندمتش أن اتعرف عليك وكلمتك
عمر : وأنا مندمتش لما حيت واعترفتلك بحبى لأن كل يوم حبك بيزيد فى قلبى أكتر وأكتر
كاميليا اتكسفت وسكتت
عمر : اممم اتكسفتى صح
كاميليا بتردد : ل لاء عادى
عمر : ها هتشوفيلى ميعاد حلو كده علشان فيه مهمه كده هادخل عليها وهتشغل شويه بس أنا عايز أخلص الموضوع ده الأول
كاميليا : أنا هكلم ماما كريمه فى الموضوع وهبلغك
عمر بابتسامه : ماشى وأنا مستنى
كاميليا بخجل : طب أنا هقفل علشان هاصلى
عمر : ربنا يتقبل منك ياحبيبتى
كاميليا : ومنك يارب يلا مع السلامه
عمر : مع السلامه
كاميليا قفلت معاه وحضنت الفون بفرحه وقالت : بحبك
وقامت تتوضا علشان تأدى فرضها

الفصل الثامن والعشرون 28

فى صباح اليوم التالى

فى منزل جيانا

كاميليا : صباح الخير ياماما
كريمه : صباح النور ياحبيبتى
كاميليا قعدت جمبها بس كانت مش عارفه تبدأ ازاى
كريمه حست انها عايزه تقول حاجه حاولت تطمنها
كريمه : انتى عايزه تقولى حاجه يابنتى
كاميليا بتردد : الصراحه أه ياماما
كريمه بابتسامه : خير ياحبيبتى قولى
كاميليا بتردد : الموضوع كله ياماما ان فى واحد بيحبنى وعايز يجى يقابلك
كريمه بابتسامه : ومين بقا سعيد الحظ ده
كاميليا : هو صاحب قصي جوز جيانا معاه علطول ممكن تكونى خدتى بالك منه
كريمه : هما اتنين مين فيهم
كاميليا : يوم الحفله كان فى واحد فيهم مع بنت ده ابن عم قصي ودى خطيبته لكن التانى ده عمر صاحبهم
كريمه بتفهم : اااه فهمت طب وانتى عرفتيه ازاى وطلب منك امتى كده
كاميليا : هقولك ياماما وقصت عليها ماحد من ساعة ماشافته وكلامه مع ابن عمها لحد ماطلب منها ان هو يتقدملها
كريمه : بصى يابنتى انتى من كلامك عنه واضح ان هو شاب فعلا كويس جدا وكمان يقدر يدافع عنك وبيحبك بس الأهم من ده كله انتى بتحبيه
كاميليا : الصراحه أه أنا بحب جدا الكلام معاه لما بكون معاه بحس بالأمان لما وقف قدام خالد حسيت ان فعلا ده الشاب ال هيقدر يحمينى من كل الناس
كريمه : طب يابنتى مش ابن عمك كان طالب ايدك من والدك الله يرحمه
كاميليا : ساعتها أنا موافقتش وقولت لبابا ان أنا هفكر بس للأسف ملحقتش أبلغوا رفضى الله يرحمه
كريمه : ربنا يرحمه يعنى انتى خلاص شايفه ان عمر هو المناسب ليكى
كاميليا بصتلها وسكتت
كريمه بابتسامه : السكوت علامة الرضا كده أعرف انك موافقه بلغيه ان يجى بكره ان شاء الله هكون فى انتظاره
كاميليا فرحت جدا وقامت باست دماغها : ربنا يخليكى ليا يارب ياأجمل ماما
كريمه : ويخليكى ليا يارب ياحبيبتى انتى مش هتروحى الكليه ولا ايه النهارده
كاميليا : لاء مش ورايا حاجه مهمه النهارده هاذاكر هنا
كريمه : ماشى يابنتى ال تشوفيه هقوم اتوضا وأصلى
كاميليا : ربنا يتقبل منك يارب
كريمه : ومننا جميعا وقامت
كاميليا دخلت الأوضه ومسكت الفون وطلبت رقم بتردد وبعد وقت قصير جالها الرد
عمر : الفون بيرقص من الفرحه أخيرا فكرتى ترنى عليا مره
كاميليا ابتسمت بخجل : قصدك ان بخيله يعنى
عمر : لاء والله أبدا قصدى بخيله عليا أنا بتخافى ترنى عليا محسسانى ان هاكلك
كاميليا بكسوف : عمر بس
عمر : أحلى عمر سمعتها من ساعة مااتولدت
كاميليا بتوتر : حرام عليك سيبنى أقول ال عندى هعيط منك
عمر : هههههههههههه واثق انك هتعيطى خلاص من الكسوف قولى بقا ال عندك
كاميليا : ماما موافقه انك تيجى بكره
عمر بفرحه : بجد
كاميليا بخجل : أه
عمر بفرحه : أحلى خبر سمعته النهارده والله أخيرا بقا
كاميليا : هتيجى لوحدك
عمر : لاء طبعا هجيب قصي ومعاذ معايا
كاميليا : بجد طب والنبى خلى قصي يجيب جيانا معاه
عمر : بس كده عيونى انت تؤمر ياجميل
كاميليا : سلام ياعمر علشان ماما بتناديلى
عمر : ههههههه سلام ياحبيبتى
قفلت معاه وابتسمت بحب واتنهدت بارتياح
***************************************
فى فيلا الجارحى

فى غرفة قصي

استيقظ من نومه قبل جيانا وبص عليها وهى نايمه على الاريكه وبعد كده قام دخل أخد شاور وخرج لبس هدومه وراح عندها وهى نايمه وقرب منها وقعد على الأرض جمبها وركز فى ملامحها أووى وقرب من وشها ووضع قبله على جبينها وملس على شعرها بحنان وبعد كده قام خرج من الغرفه ومن الفيلا بأكملها وركب عربيته وطلع على القسم

عند جيانا بعد ماقصي مشى تململت براحه وفتحت عيونها ببطئ شديد وبصت على السرير لقته فاضى عرفت ان خرج من غير مايقلقها بس هى حست بأنفاسه كانت قريبه منها ريحت البرفيوم بتاعه مميز بالنسبالها كانت حاسه أن كان بالقرب منها فعلا بس حاولت تكدب نفسها وقالت يمكن تهيؤات عادى قامت دخلت الحمام أخدت شاور واتوضت وخرجت أدت فرضها وبعد كده كان عندها فضول تدور فى حاجته وبالفعل قامت فتحت الدولاب الخاص بيه وعجبها ذوقه جدا فى اللبس بس وهى بتمسك الهدوم وقع من وسط الهدوم سلسله وطت جابتها ومسكتها واتصدمت ان السلسله دى بتاعتها وقعت منها من فتره وافتكرت انها ضاعت اتصدمت لما شافتها عنده طب ليه هو محتفظ بيها بس رجعتها مكانها تانى علشان ميعرفش انها فتشت فى هدومه ورجعت قعدت مكانها تانى وفضلت تفكر فى كلامه ليها امبارح ياترى فعلا كان صادق فى كلامه ولا بيقول كلام كده وخلاص بس هى حست بصدق مشاعره هى نفسها حاسه انها ابتدت تحبه رغم كل ال عملوا فيها بس مش عارفه ايه ال حصلها
**************************************
فى قسم الشرطه

عمر دخل مكتب قصي
عمر : باشا مصر عامل ايه
قصي : تمام أوى
عمر : اممم شكلك مبسوط أكيد عملت مصيبه
قصي برفعة حاجب : والله قصدك ان بتاع مصايب
عمر : لاء ياباشا بهزر ايه مبتهزرش
قصي : لاء بهزر ياخويا
عمر : امم كويس علشان عايزك فى موضوع مهم
قصي : ايه ابهرنى
عمر : عايزك معايا بكره ضرورى
قصي باستغراب : فين
عمر بفخر : رايح أخطب
قصي بدهشه : تخطب فجأه كده
عمر : لاء مش فجأه أنا بفكر بقالى كتير بس الفرصه جاتلى النهارده
قصي : كاميليا صح
عمر بهيام : أه هيا مفيش غيرها
قصي : امممم اتفقتوا بقا وكده
عمر : أه اتفقنا على كل حاجه بس فى مشكله صغنونه
قصي : ايه هى
عمر : هى عايزه جيانا تبقا معاها بكره ضرورى وانت ياريت مترفضش
قصي ببرود : وأنا أرفض ليه هى فى سجن يعنى عادى لو خرجت
عمر بصدمه : مين بيتكلم قصي
قصي : انت يابنى فاكرنى معنديش احساس ولا قلب خالص
عمر : مش القصد بس انت علطول مش بتحب حد يفرض رايه عليك
قصي : وانت مش بتفرض انت سالت وانا جاوبت
عمر : اشى ياعم أومال فين الواد معاذ
قصي : مش عارف مشوفتوش النهارده
عمر : هاروح اشوفه كده
قصي : ماشى
****************************************
فى منزل ريتال

والدتها : يعنى انتى موافقه ولا ايه
ريتال بقلة حيله : مش عارفه ياماما أنا مش عايزه أخسر معاذ علشان بحبه وفى نفس الوقت عايزه أكمل دراستى
رحاب والدتها : طب وفيها ايه لو كملتيها وانتى معاه هو رافض يعنى
ريتال : لاء بالعكس ده موافق جدا بالفكره دى بس أنا خايفه لما اتجوز وأنا بدرس ممكن أثر فى حق معاذ أو فى حق دراستى
رحاب : بصى يابنتى معاذ بيحبك وهيقدر يستحمل أى حاجه وممكن يساعدك كمان أنا مش بقولك كده فرض عليكى لاء أنا بقولك رأى بس هو استحمل بقاله كتير أووى أكيد ليه وقت وهيزهق فكرى ياحبيبتى براحتك هو اداكى وقتك متتسرعيش فى أى قرار يخص مستقبلك ماشى أنا هقوم أصحى أبوكى علشان يصلى العصر وسابتها وخرجت
ريتال احتارت جدا بس هى هتحاول تقرر
****************************************
فى المساء

فى منزل جيانا

أمجد دخل من باب الشقه

أمجد : مساء الخير
كريمه : مساء النور أمجد كويس انك جيت بدرى عايزاك
أمجد : نعم ياامى
كريمه : بص يابنى كاميليا زى جيانا صح
أمجد : أيوه طبعا
كريمه : طب هى جايلها عريس بكره وانت عارف هى ملهاش غيرنا لازم نكون جمبها
أمجد : طب مين هو نعرفوا يعنى
كريمه : أه صاحب قصي جوز أختك
أمجد : أها عرفتوا
كريمه : ها يابنى هتكون موجود يعنى
أمجد : طبعا ياامى
كريمه : ربنا يخليك يابنى ويهديك يارب
أمجد : يارب بقولك هى جيانا مش هتيجى
كريمه : مش عارفه والله هى هتيجى بكره ولا لاء
أمجد : لو مجتش أنا هروحلها عشان وحشتنى جدا
كريمه بابتسامه : ربنا يخليكم لبعض
أمجد : يارب وتسامحنى على ال عملتوا معاها
كريمه : هتسامحك أختك قلبها طيب وهتسامحك
أمجد : ياريت أتمنى ده أنا هدخل أنام
كريمه : مش هتتعشا
أمجد : لاء اتعشيت بره تصبحى على خير
كريمه : وانت من أهل الخير يابنى
أمجد دخل أوضته
كريمه : ربنا يهديكم ويسعدكم ويحفظكم يارب كلكم
**************************************
فى فيلا الجارحى

وصل قصي الفيلا وطلع أوضته كانت جيانا قاعده ماسكه الفون بتقلب فيه
قصي : مساء الخير
جيانا : مساء النور
قصي راح قعد جمبها
قصي : اممم بتعملى ايه
جيانا : مش بعمل عادى زهقانه
قصي : طب ايه رايك تروحى لوالدتك بكره
جيانا بفرحه : بجد
قصي : اممم بجد بس افردى وشك شويه
جيانا بتوتر : ا افرده ازاى يعنى
قصي : يعنى عايزك كده تكلمينى عادى ميبقاش عندك نسبة الرهبه منى دى
جيانا بتوتر : عادى يعنى مش خايفه
قصي : لاء أنا بشوف كده فى عينك وأنا مش عايز كده أنا عايزك تبقى عادى تحسى أن أنا سندك وحمايتك
جيانا بصتله حست بصدق مشاعره اتجاهها
قصي : جيانا أنا مش عايز منك أى حاجه غير أنك تكونى جمبى وبس على فكره أنا عرفت بنات كتير بس عمرى مافكرت فى واحده فيهم كده غيرك انتى أنا فعلا حبيتك بجد
جيانا بتردد : ط طب وايه يضمن ليا انك مش هتزعلنى بعد كده وتجرحنى تانى
قصي : سيبينى أنا هثبتلك ده بنفسى
جيانا بتردد : ح حاضر هحاول
قصي بفرحه : بجد
جيانا : أه
قصي شدها فى حضنه وجيانا اتصدمت من حركته بس ارتاحت جدا فى حضنه وهو كان بيملس على شعرها بحنان وبعد كده طلعها من حضنه وحط راسه على رجلها هى اتوترت بس حاولت تبان عادى
قصي : انتى عارفه ياجيانا
جيانا : نعم
قصي : أنا عمر ماحد كان حنين عليا خالص حتى أمى عمرها ماحسستنى بحنانها أبدا دايما مهتمه بنفسها وبس خروجات وفسح ونادى لكن احنا أخر اهتمامتها من أول يوم شوفتك فيه فى الشارع لما كنتى بتتخانقى مع الولد ال بيضايقك ساعتها بس خطفتى قلبى بكلامك بعصبيتك بشكلك بكل تفصيله فيكى
جيانا كانت مش عارفه تقول ايه معقول معقول كل قسوة القلب دى وراها شخص حنين أووى كده هى فرحانه جدا ان هو فتح ليها قلبه
قصي : ساكته ليه
جيانا : هقول ايه
قصي : مقولتيش ايه احساسك من ناحيتى عايز اعرف
جيانا : الصراحه أنا من ساعة ماشوفتك وأنا مش حصلتلى حاجه حلوه بس رغم ال حصل كان فى حاجه بتطمنى وانت موجود عارف ساعة لما جيت الشغل وباسم كان بيهينى ساعتها بس كنت بفكر فيك كنت بتمنا انك تيجى وتنقذنى منه مش عارفه ليه انت الوحيد ال جيت فى بالى بس يمكن علشان انت الوحيد ال بتقدر تحمينى
قصي فرح جدا بكلامها حس فعلا انها بتحبه زى مابيحبها وبتحس بالأمان معاه مش الخوف اتعدل فى جلسته ومسك ايدها وبص فى عينيها جامد
قصي بحنان : تسمحيلى ياجيانا أعوضك عن كل ال فات ونعيش حياه طبيعيه من غير خوف وزعل أنا بحبك وكل لحظه بتعدى عليا معاكى بتثبتلى أكتر انك بتحبينى زى مابحبك بالظبط
جيانا بصتله بتوهان : توعدنى انك متزعلنيش أبدا تانى
قصي بحنان : أوعدك بعمرى كله
جيانا اترمت فى حضنه وهو ضمها أكتر بحنان وكانوا الاتنين فى منتهى السعاده فضل ضممها فتره لحد ماحس انها استكانت عرف انها نامت شالها برفق وحطها على السرير ودثرها بالغطاء كويس ودخل غير هدومه ورجع نام جمبها وأخدها فى حضنه وذهب فى ثبات عميق
****************************************
فى مكان ما

الشخص : بصوا بقا فى العمليه دى أى حد يتعرضلكم فيها اقتلوه سواء من حكومه أوغيره المهم انها تعدى على خير من غير أى خساير ليا فيها مفهوووم
الشخص التانى : بس ياباشا الحكومه لو حد مسلها على طرف مش هتسكت
الشخص : ميخصنيش المهم تعدى على خير وخلاص
الشخص الأخر : ياباشا
الشخص بمقاطعه وصوت عالى : يلاااااا امشووو بلا باشا بلا بتاع مش ناقصه وجع دماغ ال قولتوا هو ال يتنفذ يلا غورو من وشى
كلهم خرجوا وهما خايفين
الشخص بخبث : خلاااص هانت وهسيب مصر كلها وهخلع

الفصل التاسع والعشرون 29

فى فيلا الجارحى

استيقظ قصي من نومه وبص جمبه كانت جيانا نايمه لسه فى حضنه ومرتاحه بصلها وابتسم وباس جبينها ونايمها على المخده برفق وقام من جمبها دخل الحمام ياخد شاور
جيانا اتململت فى الفراش وفتحت عنيها ببطئ وبصت حواليها باستغراب ولقت نفسها نايمه على السرير اعتدلت فى نومتها بدهشه هى نامت هنا امتى وازاى أخر حاجه كانت فاكراها انها كانت فى حضن قصي على الاريكه بعد كده مش فاكره حاجه
وفى الوقت ده خرج قصي من الحمام وبصلها بابتسامه
قصي بابتسامه : صباح الجمال على عيونك
جيانا بابتسامه : صباح النور بس انا ايه جابنى هنا
قصي : أنا لقيتك نمتى صعبتى عليا تنامى على الكنبه تانى جبتك على السرير
جيانا : وانت نمت فين
قصي : على السرير برضوا
جيانا بصدمه : جمبى !!
قصي بخبث : أممم الصراحه أنا أول مره أنام بالراحه دى
جيانا بخجل : بس
قصي راح جمبها وبصلها وقال : يابنتى مش عايزك تخافى كده أنا جوزك يعنى عادى لو نمت جمبك مش مصيبه
جيانا بخجل : أ انا مش متعوده على كده
قصي : علشان كده عذرك المهم بقا هاتجهزى علشان تروحى لوالدتك ولا ايه
جيانا بفرحه : هاروح دلوقتى
قصي بابتسامه على فرحتها : أه علشان تقضى اليوم معاهم وكمان عشان عمر هيروح يتقدم لكاميليا النهارده
جيانا فرحت جدا وحضنته بحركه لاراديه منها قصي فرح بحركتها وضمها أكتر هى فضلت حضناه لحد مافاقت لوضعها وبعدت عنه بكسوف
جيانا بكسوف : أ اسفه م ك
قاطعها قصي : برضوا أنا قولتلك ايه قومى يلا بلاش تضيعى وقت على ماانا أغير هدومى تكونى أخدتى شاور يلا قومى بلاش كسل
جيانا : حاضر وقامت دخلت الحمام وقصي بصلها بحب وقام غير هدومه وبعد وقت خرجت جيانا وادت فرضها وكان قصي جهز ونزلوا هما الاتنين
بس قابلوا فى طريقهم والدته سميه
سميه بسخريه : هه رايحين فين على الصبح كده ماانت بتعرف تاخد أجازات أهو ياقصي وتخرج أومال كنت محسسنا انك مينفعش أبدا
قصي ببرود : أولا بقا انا مش خارج اتفسح أنا هودى جيانا عند والدتها وهطلع على الشغل ثانيا بقا أنا باخد أجازه عادى وأخرج فى الوقت ال عايزه مش محكمه هيا سلام يلا ياجيانا وشدها وخرجوا
سميه بغيظ : باااارد وطلعت أوضتها
فى العربيه
ركبت جيانا جمب قصي وهو ركب مكانه وشغل العربيه ومشيوا وكان الصمت سيد المكان قاطعه صوت قصي
قصي : مالك ساكته ليه
جيانا بتوتر : ه هقول ايه
قصي : أى حاجه بدل سكوتك ده
جيانا : هو أنا ممكن أسالك سؤال
قصي : أممم طبعا اتفضلى
جيانا : ه هو ليه انت بتكلم و والدتك كده
قصي : زى ماقولتلك أمبارح أنا عمرى ماشوفت منها أى حنان زى أى أم شوفتى هى طريقتها من زمان علشان كده بتعامل معاها بالطريقه دى
جيانا بتفهم : أها
قصي بابتسامه : هل لديكى أساله أخرى
جيانا : ههههههه احنا فى محكمه لاء مش لديا
قصي : ههههههههه حاجه زى كده
وبعد كده رجع الصمت تانى لحد ماوصلوا لبيت جيانا ونزلت وهو شغل العربيه ومشى بيها طلع على القسم
****************************************
فى منزل جيانا

طلعت جيانا وخبطت على الباب وفتحت ليها والدتها
جيانا بلهفه : ماما وحشتينى
كريمه بفرحه : جيانا حبيبتى وانتى كمان وحضنتها تعالى ادخلى ادخلى
جيانا دخلت وقالت : أومال فين كاميليا
كريمه : فى أوضتها ادخليلها
جيانا : ماشى ودخلت ليها علطول
جيانا بابتسامه : كوكى
كاميليا بفرحه : جوجو انتى جيتى وقاموا حضنوا بعض
جيانا : أنا أقدر مجيش يابت
كاميليا : أنا كنت فاكره يعنى ان قصي مش هيرضى
جيانا : بالعكس ده هو ال قالى أجى
كاميليا باستغراب : غريبه
جيانا : لا غريبه ولا حاجه هابقا أحكيلك المهم ياواطيه عمر قالك هاجى اتقدملك وانتى مقولتليش ليه
كاميليا : رنيت كتير عليكى وفونك مغلق ياختى
جيانا : الفون هناك والله تلاقينى مااخدتش بالى هعمل مصدق المره دى
كاميليا : ههههههه اشى

فى الخارج

أمجد : هو ايه الدوشه دى ياأمى هو أحنا عندنا حد
كريمه : أه جيانا أختك لسه واصله من شويه ودخلن عند كاميليا
أمجد بفرحه : بجد
كريمه : أه
أمجد : أوك
وراح خبط على أوضة كاميليا وأذنوا ليه بالدخول
أمجد : ازيك ياجيانا
جيانا : تمام الحمد لله
أمجد : كنت عايزك بس شويه
جيانا : ماشى روح انت وأنا جايه وراك
أمجد : تمام وقفل الباب وخرج
كاميليا : انتى لسه فى خلاف بينك وبين أمجد
جيانا : هو حتى مفكرش يجى يزورنى هناك خالص ولا حتى يصالحنى
كاميليا : طب قومى شوفيه عايز ايه يمكن حاجه مهمه
جيانا : ماشى وقامت خرجت
جيانا : ماما فين أمجد
كريمه : فى البلكونه ياحبيبتى
جيانا دخلت عنده : نعم
أمجد : تعالى أقعدى
راحت قعدت قدامه
أمجد : أنا عارف انك زعلانه منى بس والله ال حصل ده غصب عنى مش بكيفى وأنا هقولك ايه ال خلانى أعمل كده وأغصبك على الجواز من قصي وقص عليها من ساعة ماقصي راح عنده المصحه والاتفاق ال حصل بينهم ان يخرجوا من ال هو فيه مقابل يتجوز جيانا
جيانا بصدمه مما قاله : أنا كنت متأكده ان فى حاجه خروجك المفاجئ ده غريب من غير حكم ولا حاجه
أمجد : بس والله غصب عنى ان وافقت مش أنانيه منى لاء لكن بس كنت محتاج أخرج من ال أنا فيها علشان أعوضكم على ال فات وال حصل
جيانا : خلاص ال حصل حصل مش مهم
أمجد : يعنى مش زعلانه منى
جيانا بدموع : بس لسه فاكره القلم ال اديتهولى انت أول مره تضربنى
أمجد : تتقطع ايدى لو عملتها تانى انتى متعرفيش أنا بعدها كنت عامل ازاى سامحينى بقا
جيانا بدموع : مسمحاك واترمت فى حضنه
أمجد فرح جدا انها سامحته وضمها فى حضنه جامد
جيانا مسحت دموعها : يلا بقا ندخل نشوفهم
أمجد بابتسامه : يلا
ودخلوا الاتنين جوه
****************************************
فى قسم الشرطه

معاذ دخل مكتب قصي وكان مضايق جدا
قصي : خير يارب فى مصيبه صح
معاذ بضيق : لاء
قصي : أومال ايه اشجينى
معاذ : أنا عملت حاجه مش عارف صح ولا غلط
قصي : حاجه ايه قلقتنى أنطق
معاذ : قولت للريتال ان احنا نتجوز وتيجى تكمل التعليم معايا ومن امبارح وهى مكلمتنيش ممكن زعلت من كلامى
قصي : طب وانت قولت ايه يزعل كل كلامك عادى
معاذ : بقول ممكن أصلها مكلمتنيش علشان كده شاكك انها زعلت
قصي : لاء أكيد بتفكر فى كلامك كويس اديها وقتها كل حاجه مستعجل كده
معاذ : مستعجل ايه ده أنا بقالى 7 سنين صابر عايز اتجوزها علشان أضمن انها بقت ملكى أنا بس لما تزعل منى تزعل وهى معايا وانا أصالحها بمعرفتى لكن كده احنا مخطوبين بس يعنى أى زعل ممكن والدها أو الدتها تدخل وكده فاهمنى
قصي : أنا أكتر واحد فاهمك علشان أنا عملت كده مع جيانا عشان نفس البدأ خوفت تكون لغيرى بس خلاص كده أنا أتأكدت انها بتحبنى زى مابحبها
معاذ بصدمه : انت اعترفتلها بحبك
قصي : اممم
معاذ : أبو الهول نطق الله أكبر
قصي : أبو الهول مين ياض بس لأحسن أقوم أعمل وشك شوارع لاتنفع عريس ولا عتريس حتى
معاذ : لاء وعلى ايه ياعم مش ناقصه ها هتروح مع عمر صح
قصي : أكييد
معاذ : وجيانا مش هتروح معاك
قصي : أنا وصلتها أصلا قبل ماجى هنا
معاذ : لا لاء انت مش قصي ابن عمى وصاحبى لاء انت مين ياعم انت ايه الحنيه دى كلها
قصي برفعة حاجب : هو حد قالكم ان كنت أبو لهب قبل كده
معاذ : أنيل ياعم انت مش شوفت عملت ايه فى جيانا قبل ماتتجوزوا
قصي : معاذ ينفع تغور من وشى تشوف شغلك علشان متعصبش
معاذ : احم مالك قفوش كده ياصحبى طيب ماشى متزقش وخرج من المكتب
قصي ابتسم على عمايله وكمل شغله
****************************************
فى منزل ريتال

كانت بتفكر على قرارها الأخير بس هى حست لو اتجوزت معاذ وكملت معاه ممكن يكون أحسن ليها بدل مايضيع منها حب عمرها كله بسبب تضيع وقت على الفاضى مسكت فونها وطلبت رقم معاذ وانتظرت الرد
معاذ : ألو
ريتال بتردد : أ ا الو يامعاذ
معاذ : ايه عامله ايه
ريتال : الحمد لله بخير
معاذ : عايزه تقولى حاجه
ريتال بتوتر : الصراحه أنا فكرت فى كلامك وأخدت القرار
معاذ خوفا من قرارها : وقررتى ايه
ريتال : أ ا انا موافقه نتجوز واكمل دراسه عندك
معاذ بفرحه : بجد يعنى خلاص أخر قرار
ريتال : أه
معاذ : أحلى خبر سمعته فى حياتى كلها من أجمل ريتال فى الدنيا
ريتال سمعت كلامه ابتسمت بخجل
معاذ : طب أنا هاجى بكره لوالدك علشان أكلم معاه فى الموضوع ده ونتفق على ميعاد الفرح وكل حاجه
ريتال بخجل : ال تشوفوا
معاذ بهيام : بحبك
ريتال اتكسفت أكتر
معاذ : هههههه عارف الكلمه ليها أثر عليكى دلوقتى زمانك هتعيطى من الكسوف
ريتال : معاذ بس بقا
معاذ : حاضر بس أهو خلاص هانت ياجميل
ريتال : طب سلام ماما بتنادى عليا وقفلت معاه
معاذ : سلام ههههههه
ريتال قفلت الفون وقلبها كان بيدق جامد بسرعه
ريتال : يلهووى ده أنا هيغمى عليا ايه ياريتال فى ايه اجمدى كده مش ده قرارك بس أحلى حاجه ان بموووت فيك وأخيرا هكون معاك دايما ياحبيبى
بعد كده دخلت تتوضا علشان تأدى فرضها
**************************************
فى المساء

فى منزل جيانا

كان عمر وصل ومعاه قصي ومعاذ ودخلوا وأمجد استقبلهم بترحاب وكريمه خرجت سلمت عليهم وقعدت معاهم وابتدوا يتكلموا ويتفقوا
فى غرفة كاميليا
جيانا بحزن : يابنتى اهدى بطلى عياط بقا
كاميليا بدموع : كان نفسى بابا يكون موجود معايا فى يوم زى ده ياجيانا حاسه ان حاجه كبيره أووى نقصانى
جيانا : ربنا يرحمه ياحبيبتى أكيد هو شايفك وزعلان انك بتعيطى فى وقت زى ده
كاميليا وهى تمسح دموعها زى الأطفال : خلاص أهو مش هعيط بس ميكونش زعلان منى
جيانا بابتسامه : شاطره
فى الوقت ده دخلت كريمه
كريمه : تعالوا يلا يابنات اطلعوا هاتيها ياجيانا يلا وتعالوا
جيانا : حاضر ياماما
كريمه خرجت
جيانا : يلا ياختى
كاميليا : مش عايزه أخرج
جيانا : نننننعم أومال أخرج أنا يعنى
كاميليا : خلاص هتضربينى يلا بس أخرجى انتى الأول
جيانا : حاضر يلا وأمرى لله
جيانا خرجت فى الأول ليهم وكاميليا كانت وراها أول ماجيانا خرجت قصي بص عليها بابتسامه وجيانا بصت الناحيه التانيه بخجل بعد كده راحت كاميليا عندهم وسلمت على الموجودين كلهم وقعدت معاهم واتفقوا على كل حاجه ولبسوا الدبل وكل حاجه كانت تمام وبعد كريمه حضرت العشاء واتعشوا كلهم مع بعض وانتهوا من كل شئ وعمر ومعاذ استأذنوا ومشيوا
قصي : يلا ياجيانا
جيانا : حاضر
كريمه : طب ماتخليكم هنا النهارده يابنى البيت كبير ويساعى من الحبايب ألف
قصي : معلش يوم تانى ان شاء الله
كريمه : وعد يعنى
قصي بابتسامه : وعد خلاص ياجيانا
جيانا : أه خلاص
قصي : طب يلا
هو نزل فى الأول وهى سلمت على والدتها وكاميليا وأمجد ونزلت وراه ركبت العربيه جمبه
قصي : اممم ايه الجمال ده
جيانا بصت الناحيه التانيه بكسوف هى كانت لابسه دريس أزرق وسايبه شعرها للعنان وحاطه ميكب رقيق جدا
قصي : ايه رايك نتعشا بره
جيانا : مش ممكن نتأخر
قصي : طب مانتأخر وفيها ايه عادى
جيانا بتوتر : ال تشوفوا
قصي بابتسامه : وأنا شايف كده ومسك ايدها وباسها وشغل العربيه وطلع على المطعم ال هيتعشوا فيه
وبعد شويه من الوقت وصلوا عند المطعم ونزل قصي وفتح الباب لجيانا ومسك ايدها ودخلوا الاتنين
جيانا اتفاجأت بهدوء المكان وان مفيش حد غيرهم والنور كان مطفى
جيانا بدهشه : هى الدنيا ضلمه ليه كده وفين الناس
قصي : اممم مفيش غيرنا
وفجأه النور أشتغل وجيانا أتفاجأت من المنظر كان جو جميل جدا وشموع وعشاء وورد وموسيقى ده غير اسمها ال مكتوب وسط قلب بالورد فرحت جدا من الشكل نفسه
جيانا بفرحه : كل ده ليا أنا
قصي : لاء عازم ناس تانيه بعدك علطول
جيانا بصتلوا بصدمه
قصي بضحك : ههههههه ايه يابت صدقتى أه طبعا ده كله ليكى عجبك
جيانا بفرحه : جدا أنا مكنتش متوقعه ده انت عملت ده كله امتى
قصي بغرور : يابنتى أنا قصي الجارحى بتليفون منى كل حاجه تتعمل
جيانا : هههههههه وده غرور ولا ثقه
قصي : اممم الاتنين وبعدين ايه هنفضل نرغى كتير ونضيع وقت يلا
جيانا بتوتر : ي يلا ايه
قصي راح مسك ايدها باطمئنان وشدها لحضنه جيانا كانت مكسوف بس مرتاحه فى حضنه جدا قصي شاور لبتوع الموسيقى وبالفعل شغلوا أغنية لعمرو دياب أغنية ( ومالوا ) وابتدوا يرقصوا على الاغنيه

ومالوا لو ليله توهنا بعيد وسيبنا كل الناس
أنا ياحبيبى حاسس بحب جديد مالينى ده الأحساس وأنا هنا جمبى أغلى الناس جمبى أحلى الناس

ومالوا لو ليله توهنا بعيد وسيبنا كل الناس
أنا ياحبيبى حاسس بحب جديد مالينى ده الأحساس وأنا هنا جمبى أغلى الناس أنا جمبى أحلى الناس

حبيبى ليله تعال ننسا فيها ال راح
تعال جوه حضنى وارتاح
دى ليله تسوا كل الحياه
ومالى غيرك ولولا حبك هعيش لمين
حبيبى جايه أجمل سنين وكل ماده تحلى الحياه

حبيبى المس ايديا عشان أصدق ال انا فيه
ياما كان نفسى أقابلك بقالى زمان
خلاص وهحلم ليه ماانا هنا جمبى أغلى الناس أنا جمبى أحلى الناس

حبيبى المس ايديا عشان أصدق ال انا فيه
ياما كان نفسى أقابلك بقالى زمان
خلاص وهحلم ليه ماانا هنا جمبى أغلى الناس أنا جمبى أحلى الناس

حبيبى ليله تعال ننسا فيها ال راح
تعال جوه حضنى وارتاح
دى ليله تسوا كل الحياه
ومالى غيرك ولولا حبك هعيش لمين
حبيبى جايه أجمل سنين وكل ماده تحلى الحياه

حبيبى ليله تعال ننسا فيها ال راح
تعال جوه حضنى وارتاح
دى ليله تسوا كل الحياه
ومالى غيرك ولولا حبك هعيش لمين
حبيبى جايه أجمل سنين وكل ماده تحلى الحياه

انتهت الأغنيه وراحوا قعدوا على التربيزه
طول الأغنيه وقصي كان ضامم جيانا فى حضنه وهى كانت مبسوطه جدا وكان بيحسسها بكل كلمه فى الأغنيه فعلا حست أن ممكن قسوة القلب دى وراها أكتر حنان ابتدوا فى تناول العشاء
قصي طلع من جيبه علبه صغيره وفتحها واداها لجيانا كان فيها خاتم من الألماس
جيانا اتفاجأت بيه
قصي طلعوا من العلبه ولبسهولها وباس ايدها بحب وحنان
قصي بابتسامه عذبه : يارب يكون عجبك
جيانا مصدومه من ال بيحصل كله مش عارفه ال بيحصل ده واقع ولا حلم
جيانا : أنا بحلم صح
قصي بابتسامه : تؤ تؤ طول ماانتى معايا الحلم هيبقا حقيقه فى كل حاجه
جيانا بصتله بحب وفعلا كانت عاجزه عن الكلام
قصي حس بالكلام ال هى عايزه تقولوا : مش عايزك تستغربى ياجيانا أنتى أول حب سكن قلبى وأخر حب مفيش قبلك ولا بعدك أنا من أول مره شوفتك فيها مبطلتش تفكير فيكى أنا لما أتجوزتك غصب مكانش قصدى أكسرك أو أذلك لاء أبدا أنا كل ال كان فى دماغى ان اخليكى جمبى ازاى كنت مستعد أعمل أى حاجه أى كان التمن ايه
جيانا حرفيا بعد كلامه ده وال بيعملوا معاها نسيت أى حاجه هو عملها فيها مفيش فى بالها غير الحلو بس
قصي : سكتى ليه جيانا أنا بحبك قولتلهالك قبل كده وهفضل أقولهالك طول مانا عايش
جيانا بتوتر : و وأنا ك كمان
قصي : انتى كمان ايه
جيانا بخجل : ب بحبك
قصي كان هيطير من الفرحه لما سمعها منها لدرجة قام من مكانه وشالها ولف بيها وكان حاضنها جامد جيانا كانت بتضحك بفرح وبعد كده نزلها تانى وقعدها مكانها
قصي بحب : أوعدك ان مش هتندمى أبدا انك قولتيلى الكلمه دى
جيانا بابتسامه : وأنا واثقه
وابتدوا الاتنين فى تناول العشاء
وبعد وقت انتهوا من العشاء وقعدوا يكلموا شويه وبعد كده قاموا الاتنين عشان يروحوا خرجوا ركبوا العربيه وكانت جيانا فى منتهى السعاده طول الطريق قصي واخد جيانا فى حضنه وكان بيداعب فيها وبعد وقت وصلوا الفيلا وركن العربيه ومسك ايدها وطلعوا أوضتهم بس المره دى جيانا دخلتها بحب مش بالعافيه زى أول مره
قصي قفل الباب وراح عندها وقف قدامها ومسك ايدها
قصي بحب : انتى لسه خايفه منى
جيانا بتوهان هزت راسها بمعنى لاء
قصي : يعنى مستعده تكونى مراتى قدام ربنا وقدام الناس فعلا
جيانا اتكسفت بس قالت بصوت خافت : أه
قصي بصلها وحب وحنان وباس جبينها
جيانا بخجل : بس ممكن طلب
قصي : طبعا ياحبيبتى
جيانا : نصلى الأول
قصي بابتسامه : حاضر يلا نصلى
وبالفعل دخلت اتوضت وهو بعدها وصلوا وانتهوا من الصلاه
وبعد كده هو قرب منها وذهبوا فى عالمهم الخاص
***************************************
خالد بعصبيه : انت متأكد من ال بتقولوا ده
الشخص : أه والله ياباشا أنا كنت مراقب كل حاجه
خالد : طب مكلمتنيش ليه فى ساعتها ياغبى
الشخص بخوف : ساعتها ياباشا تلفونى فصل شحن والله معرفتش أكلمك
خالدبعصبيه : غبى غبى مشغل معايا ناس أغبيه طب أقفل دلوقتى انت وقفل فى وشه السكه
خالد بحقد : بقا كده ياخدها منى حتة واد زى ده بس على مين انتى هتفضلى ليا ياكاميليا ليا أنا وبس وأنا وانتى والزمن طويل وبسخريه وانت حسابك معايا ياحضرة الظابط
قد يعجبك أيضا
الاسمبريد إلكترونيرسالة