رواية بسمة ومصطفى كاملة جميع الفصول بقلم عازفت الصمت عبر دليل الروايات للقراءة والتحميل pdf
رواية بسمة ومصطفى الفصل الأول
اسمى بسمه أكمل ، عندى 20سنه
والدى و ولدتى منفصلين من وانا عندى خمس سنين و بابا اتجوز و كذلك ماما و كملو حياتهم بس للاسف نسيونى
قعدت مع بابا فتره لكن طنط امنيه زوجه بابا فضلت تحبنى لحد ما خلفت و ساعتها شافت انى حمل تقيل عليها
و كمان ماما الحياة اخدتها
طبعا كلكو بتسألو انا قعدت فين
بابا اخدنى ودانى عند تيته و هى اللى ربتنى و محدش له فضل عليا بعد ربنا غيرها
كانو بيشوفونى ف المناسبات بس
و تيته كانت قايمه بدور الام و الاب و الاخت و الاخ
كانت كمان بتذاكر لى و بتخرجنى
كان بيتها حلو اوى بعيد عن الدوشه و حواليه جنينه كبيره
و خلاص انا فعلا اتأقلمت على حياتى دى لحد ما ف يوم
لاقيت بابا و ماما الاتنين موجودين قدامى
ف الصاله وقفت ابص لهم بدهشه ما انا مش شوفتهم من شهور
- غريبه هو النهارده العيد يا تيته
- لا يا روحى بتقولى كده ليه
- اصلهم مش بيفتكرونى غير ف العيد بس ، عموما اهلا و سهلا
- مش هتسلمى عليا يا بسمه
*سلمت عليهم و قعدنا و اتغدينا
- خير يا اكمل عايزنا ف ايه
- بسمه جايلها عريس كويس جدا و انا اديت الناس كلمه و مامتها موافقه
** انا طول الوقت هاديه و ساكته و مسالمه والله و كاتمه ف قلبى و ساكته
- بس انا مش موافقه
- انا اديت للناس كلمه
* و هنا ماما اتكلمت
- انسان كويس اوى يا بسمه
- مش عايزاه سامعين انا هكمل تعليمى و هشتغل و وقت ما احب اتجوز مش هتجوز بالشكل ده
-انا عارف مصلحتك
*بدات هنا اعيط و صوتى يعلى
- عارف مصلحتى فين ، انت تعرف عنى ايه
خليك عارف انك بابا على الورق بس انت معملتش ليا اى حاجه
لما كنت بتعب بليل
كانت تيته هى اللى بتشيلنى و تلف بيا عند الدكاتره
تعرف عنى ايه هاه
بشوفك مرتين ف السنه
هو انا مش زى ولادك اللى ف حضنك ليل نهار
و حضرتك يا ماما كمان بتقولى انه كويس
انا كنت محتجالك ومش لاقيتك جنبى
انا زى اليتيمه بالظبط
ف مش تنتظرو منى انى اوافق على حاجه
و الفلوس اللى كنتو بتبعتوهالى تيته شايلاها خدوها انا مش عايزه منكو فلوس انا كنت عايزه شويه حنيه بس
**سبتهم و طلعت اجرى و خرجت معرفش انا رايحه فين اصلا
ف الوقت ده تيته انفعلت جدا عليهم
- انا مش عارفه بأى عين بتكلم بنتك بالشكل ده
هاه دا انا مكسوفه انك ابنى اقسم بالله
اذا كنت مشغول عشان عيالك ما هى بنتك
و رب العزه ما هتعملو لبسمه حاجه طول ما انا عايشه
هى مش محتاجه حد منكم و البيت ده كتبته باسمها و كل اللى املكه ليها
ف فوق يا اكمل ربنا هيحاسبك على اهمالك ف بنتك
و انتى يا سهام ربنا يهديكى يا بنتى
انا عارفه انك حنينه
ومش عندك حد غير بسمه و هى ملهاش غيرك
انتى كنتى مراه ابنى ف يوم من الايام و انا بابى مفتوح لك ف اى وقت
**مشيو و سابو تيته
انا ماشيه بعيط لحد ما لاقيت نفسى قدام البحر و ماشيه ومش اخده بالى خالص انى ممكن خطوه كمان و اقع وانا اصلا مبعرفش اعوم
و فعلا وقعت حاولت اطلع كتير معرفتش عيط و استسلمت للموت اهوه ارحم من حياتى
فجأه لاقيت حد رفعنى و فقدت الوعى
حاول كتير يفوقنى و اخيرا فتحت عنيا و بكح كتير
- انت مين ؟
"ابتسم"
- قومى بس الاول الحمد لله انك بخير
- شكرا انك طلعتنى
- العفو انتى ازاى مش بتعرفى تعومى يا بسمه
- نعم
- ايه
- انت عرفت اسمى منين
-من السلسله اللى ف رقبتك.
- اه طيب ماشى
**شكرته تانى و مشيت
و لاحظت انه ماشى ورايا
فجأه بصيت له
- انت ماشى ورايا ليه انت هتخطفنى صح ؟!
**كان ماشى تجاهى بخطوات ثابته ، خوفت اوى
و طلعت اجرى و هو بيضحك
- مجنونه والله
**وصلت لتيته و انا نفسى مقطوع من الجرى
- بسمه الحمد لله انك جيتى يا روحى
مالك كده بتنهجى ليه و ايه اللى بل هدومك كده
**حكيت لها عن اللى حصل و قعدت تضحك و قالت لى
- متخافيش من حاجه طول ما انا على وش الدنيا مش هسمح لحد يزعلك والله
- ربنا يخليكى ليا يا تيته
- و يخليكى ليا يا قلب تيته
- تيته هو البيت اللى قدامنا ده مين اللى فتحه
- اللى عرفته انه اصحاب البيت رجعو
- اممممممم مووووشى انا هروح انام
- مش جعانه
- لا يا تيته انا شبعانه و هنام عشان عندى سكشن الصبح بدرى
- ربنا معاكى يا حببتى
- يارب يا تيته
* طلعت اوضتى و غيرت هدومى و سرحت شعرى و جهزت هدومى اللى هلبسها الصبح و حاولت انام مش عرفت
ف عملت نسكافيه و طلعت قعدت ف البلاكونه بتاع اوضتى
و سرحانه ف كلامى لاهلى
ساعات بحس انى ندمانه انى زعلتهم و ساعات بحس انه انا عملت الصح
نمت مكانى للصبح كعادتى لما بكون زعلانه و اطلع البلاكونه و انام وانا قاعده
فجأه لاقيت حد بيبسبس قومت ابص حواليا
لاقيته ف البلاكونه اللى قدامى علطول
ايوه هو اللى طلعنى من البحر امبارح
بس ده مش مبرر انه يجى ورايا لحد هنا
ضيقت عنيا و الكائن الشرير اللى جوايا ظهر فجأه
- انت بتعمل ايه ف بيت جدو احمد هاه ، و دخلت ازاى هاه
و بتنده عليا ليه و بتصحينى امرك غريب والله
- بالعه راديو
- و انت مالك
- شعرك حلو خالص
- يا نهار اسود دا انا محجبه
* هو قعد يضحك و انا طلعت اجرى و دخلت اوضتى و قفلت باب البلاكونه و حطيت الستاير
و انا متغاظه و بعيط ف الوقت ده تيته دخلت
- مالك يا بسمه بتعيطى ليه ؟
- انا نمت ف البلاكونه فجأه لاقيت واحد طالع من بيت جدو احمد
و كنت بشعرى يا تيته
و عارفه هو نفس الشخص اللى خرجنى من المايه الصبح
- طب اهدى و متزعليش بعد كده خدى بالك بقى انه هيكون فيه جيران
و صلى و تعالى يالا عشان نفطر عشان تروحى جامعتك
- حاضر
**متعصبه اوى من الموقف ده لكن غيرت هدومى و صليت و نزلت فطرت و ف طريقى للكليه
لاقيت ريهام بتتصل
- صباح الفل
- صباح النور يا بسمتى بقيتى فين
- انا خلاص قدام البوابه اهوه
- طب بسرعه عشان دا اول سيكشن لينا مع الدوك الجديد
- ماشى خلاص انا وصلت اهوه
**فعلا وصلت و دخلت و قعدت فجأه لاقيته داخل ف قولت بصوت عالى من غير ما احس
- لا مش لدرجه دى بقى
- خير يا باشمهندسه فى حاجه
- انت ....
- انا الدكتور مصطفى عادل اللى هديكم الماده دى
- اللهم صلى على النبى
*لاقيت ريهام ايدها على بوقى عشان محدش يسمع حاجه
الفصل الثاني
- ايه يا بسمه اسكتى هنطرد
-ما انتى مش عارفه حاجه
* فجأه سكت خالص دا انا لسه مهزقاه الصبح و كان ناقص اصوت ف وشه
اكيد هيشيلنى الماده اوبح اكيد هههههه
و لاقيتنى ببتسم اوى زى العبيطه
و فجأه لاقيت عيونه ف عيونى و مركز اوى
ف وقعت قلمى بحيث ادور عليه و اهرب من عنيه
و نزلت تحت البنش ادور
- با بشمهندسه بسمه
*طلعت بدماغى كده و رفعت القلم ف الهوا
- كنت بدور على قلمى
- هههه طب اقعدى و ركزو معايا ، انا اسمى مصطفى عادل و عندى 32سنه اعتبرونى اخوكم الكبير و انا مش هضايق حد فيكم ف حاجه اذا التزمتو معايا اتفقنا
**خلصنا السيكشن و طريقه شرحه كانت ممتازه الحقيقه و خلانا نحب الماده دى رغم اننا كنا متعقدين منها كلنا
و مش حسينا بالوقت ابدا طول ما هو بيشرح و خلاص السيكشن و المحاضره خلصو
و خرجت بسرعه قبل ما ينده عليا
اخدت ريهام و كنا ف طريقنا للكافيه
- ايه اللى هببتيه جوا ده ؟
- اقعدى هحكيلك
- طب استنى اجيب قهوه اجبلك الشاى بتاعك
- حبيبى يا فاهمنى
* راحت جبتهم و جت و حكيت لها على كل حاجه و فضلت تضحك عليا
- ههههههه شوحتى له يا بسمه
-ايوه والله هو اللى مستفز اوى والله بيصحينى ليه هاه كانت بلاكونته يعنى
- يا بنتى هو ميعرفش انك نايمه بمزاجك فكرك مثلا تعبتى و لا حاجه
- ولو برده ، بس شكله هيشيلنى الماده ههههه ما انا مش عملت فيه قليل برده
- ولا اعرفك
- ما شاء الله على نداله الصحاب ، و بعدين ولا عمره يقدر يعملى حاجه اصلا يعنى
*سمعت صوته ورايا
- احم ليه هتعملى ايه يا بسمه
- هعيط اقسم بالله هعيط
- ههههه ليه بس
- باظت باظت خالص
- هههههه انتى مشكله و الله
* طبعا ف الوقت ده غدر الصحاب اشتغل و ريهام اخدت قهوتها و مشيت و بتعملى باى اه لو امسكك هعمل منك بطاطس محمره والله
- بطاطس ايه
- انا قولت بطاطس
- ايوه
- يا حلاوه انا كنت بكلم نفسى بس مش تاخد ف بالك يا دوك
- ماشى ، عموما يا ستى انا جيت اوضح لك سوء تفاهم
انا اول يوم شوفتك فيه
كل اللى حصل انى لاقيتك خارجه من البيت و بتعيطى و بتجرى مشيت وراكى عشان خوفت يحصل لك حاجه و لما شوفتك بتوقعى جريت الحقك بس كنتى وقعتى
و طبعا بتسألى ليه انا ف البيت اللى قدامك
- دا بيت والدى ورثه من جدى الله يرحمه و لما انا جيت الكليه هنا ف هقعد فيه و لما لاقيتك نايمه ع الكرسى ف البلاكونه خوفت تكونى تعبانه بس
- اها فرصه سعيده يا دكتور و اسفه جدا والله انا مكنتش اقصد ابدا والله
- لا ولا يهمك لو احتجتى اى شئ انا موجود
- شكرا يا دوك
- العفو يا ستى
- تشرب شاى و لا اجيب لحضرتك قهوه
- ممكن شاى بس خليكى انا هجيب
**فعلا جاب لنا شاى و كان فيه جزئيه مكنتش فهماها ف قعد شرحهالى و خلصنا
- هى اللى شوفتها معاكى الصبح دى والدتك ؟
- لا دى تيته انا عايشه معاها
- اها ربنا يخليكو لبعض يارب
*كان لابس دبله ف ايده الشمال ف فهمت انه متجوز
- يارب و يخلي لك اولادك هو حضرتك عندك ولاد
* ابتسم بحزن و بص ف الارض
- لا معنديش
- ربنا يرزق حضرتك يارب
- يارب
*استأذنت منه و مشيت و روحت
- تيته انا جيت
- تعالى يا حببتى انا ف المطبخ
**روحت لها بوستها و اتغدينا و قعدت اذاكر
و بعدين تيته كانت دخلت تنام
ف قولت اروح اصحيها احنا بقينا المغرب
- تيته
- ...........
-تيته انتى مش بتردى عليا ليه
-.........
**حسيت انى ذى المشلوله مش قادره اتحرك مش عارفه اعمل ايه
طب اكلم مين احنا مافيش حد حوالينا ابدا
طلبت الاسعاف اتأخر اوى
ف لبست طرحتى وانا منهاره و طلعت اجرى بره اشوف اى حد ياخدنا المستشفى
و مكنتش ملاحظه انه فيه حد متابعنى
و كان هو مصطفى .لاقيته جاى لى جرى
- مالك يا بسمه فى ايه بتعيطى ليه
- تيتن تعبانه اوى مش بترد عليا وانا مش بعرف اسوق
- طب اهدى و تعالى انا معايا العربيه
هاخدها و نروح اقرب مستشفى
- ماشى
** مصطفى شالها و قعدت ف الكرسى اللى وراه و اخداها ف حضنى و قعدا اكلمها
-تيته بالله عليكى مش تروحى و تسيبينى انا ماليش حد غيرك
قومى يالا فوقى يا تيته
مش انتى قولتيلى عمرك ما هتسيبينى ابدا
**بعد حوالى 10دقايق وصلنا المستشفى و الدكاتره اخدوها يكشفو عليها و مصطفى كان بيحاول يخلينى اهدى
- اهدى يا بسمه ، تيته هتبقى بخير متعيطيش
- مكنتش بترد عليا اول مره انده لها و مترودش عليا
- هتبقى بخير والله اهدى
**بعد شويه خرج الدكتور
- ازيك يا بسمه
- الحمد لله يا عمو امجد انا بخير تيته عامله ايه
- اهدى هى بخير يا حببتى و شويه و هخليكى تشوفيها كمان ، بس عايز رقم باباكى
- مش معايا رقمه
- طب اهدى و شوفيه ف موبيل تيته
- حاضر
**اديته الرقم من موبيل تيته و قعدت احمد ربنا انها بخير
و بعد شويه حوالى ربع ساعه سمحولى اشوفها و مصطفى دخل معايا
جريت حضنتها
- كده تخوفينى عليكى يا تيته
- متخافيش يا عمرى انا كويسه اهوه
* و هنا مصطفى اتكلم
- حمدالله على سلامة حضرتك
- الله يسلمك يا ابنى انت مين
- دا يا تيته دوك مصطفى حفيد جدو
احمد جارنا و كمان دكتورى ف الكليه
و هو اللى جابنا المستشفى
- والله يا ابنى ما عارفه اشكرك ازاى
- لا متقوليش كده ابدا ربنا يشفيكى يارب
- يارب يا ابنى
**مصطفى خرج و تقريبا راح للدكتور
و كان بيسأله عن حالتها
- للاسف دى غيبوبه سكر
- لا حول ولا قوة الا بالله
- هو حضرتك قريبها
- لا انا جارهم
- اها
** فجأه بابا جه و معاه عمى ادهم
شوفته مش اتحركت من مكانى حتى
انا شوفت بسببه كتير اوى
و بسببه عيشت عمر اكبر من عمرى
عمى جالى و اخدنى ف حضنه
- بسمه
- ازيك يا عمو
- الحمد لله بخير يا حببتى انتى عامله ايه
- انا بخير الحمد لله
- متخافيش انا معاكى اهوه ومش هسيبك تانى
- ربنا يخليك ليا
**بابا دخل لتيته و اتكلمو و لاقيت صوتهم عالى كل ده و انا متخيله انه مصطفى مشى
ف دخلت لهم جوا
- انا مش هسيب بيتى يا اكمل
- يا امى انا عايزك جنبى عشان اكون مطمن عليكى انتى و بنتى
- و بنتك مش هتيجى معاك و لا كمان تيته
خليك ف حياتك اللى اختارتها يا بابا و سبنا ف حالنا
عايز تطمن عليا دا انا معرفش يعنى ايه احساس الابوه ده مش عارفه احس تجاهك احساس اى ابن تجاه ابوه لانى شوفتك ف عمرى كله كام مره بس
**هنا عمو ادهم اتدخل
- اهدى يا حببتى و انت كمان يا اكمل طول بالك
**سبتهم و طلعت بره قعدت قدام المستشفى على السلم
لاقيت مصطفى قاعد جنبى
- حقك عليا انا متزعليش
*اول ما سمعت الجمله دى و كأنه بيقولى عيطى
عيطت كتير اوى
- اهدى عشان خاطرى
- انا خايفه ياخدنى من هنا انا مش عايزه اروح ف اى مكان
- متخافيش من حاجه
- انا طول الوقت خايفه مافيش حد بيطمنى غير تيته
- ربنا يخليهالك يارب و انا كمان معاكى اهوه
**قعدنا نتكلم كتير و لما رجعت لتيته كان بابا و عمى راحو يجيبو لتيته هدوم من البيت
وقتها انا قعدت جنبها و نمت
دخل مصطفى
-حضرتك عامله ايه دلوقتى
- الحمد لله بخير يا ابنى معلش سهرناك اوى معانا
- بصى يا تيته انا عرفت اللى حصل لبسمه كله و ربنا وحده العالم انا بعزها ازاى
و الحل الوحيد انى اخطبها منك و هتكون ف امان معايا انا عارف انه لا وقته و لا مكانه بس انا مش عايزها تعيط تانى
انا اسمى مصطفى و حضرتك عارفه جدى الله يرحمه و عائلتى كلها كمان
انا عايز اصارحك بحاجه قبل اى شئ انا كنت متجوز و مراتى عملت حادثه و ماتت من سنتين و سبت القاهره و جيت اهنا و اول ما شوفت بسمه حركت شئ جوايا
و ارجوكى الكلام ده يكون سر بينا
- انا موافقه يا ابنى
- و انا اوعدك انى هحافظ عليها و هكون ليها اب و اخ و صاحب