رواية بسمة ومصطفى الفصل الثالث والرابع - عازفت الصمت

الصفحة الرئيسية

  رواية بسمة ومصطفى الفصل الثالث والفصل الرابع بقلم عازفت الصمت 

رواية بسمة ومصطفى الفصل الثالث

- ربنا يريح قلبك يا ابنى
- يارب و يخليكى لينا يا ست الكل

*صحيت الساعه 12بليل لاقيت بابا و عمو جابو الهدوم بتاع تيته اول ما شوفتهم قومت قعدت و هنا عمى قال لبابا
- قوم انت روح يا اكمل انا هبات معاها الليله
- خلينى هنا يمكن تحتاج حاجه
- لا متقلقش انا موجود
- ماشى وانا هاجى لكم بكره ان شاء الله
- ان شاء الله

**ف الوقت ده عمى قعد معانا
- بسمه
- ايوه
- قومى يا حببتى اروحك تنامى و ترتاحى شويه
- لا مش هسيب تيته
- انا عايز راحتك
- انا مرتاحه جنبها
- ماشى يا حببتى

**طلعت اقعد ف البلاكونه بتاع اوضه تيته ف المستشفى
و نمت تقريبا لانى مطمنه انه عمى ادهم قاعد مع تيته
- حمدالله على سلامتك يا ماما
- الله يسلمك يا حبيبى
- ادهم عايزاك ف حاجه مهمه
- خير يا ماما
- بسمه جاى لها عريس كويس جدا و جنبى هنا و عايزاك توقف معايا عشان اخوك مش يكبر دماغه و ياخدها دى تموت فيها
- لا بعد الشر عنها ، انا معاكو ف اى حاجه بس هى بسمه تعرفه ؟
- هى عارفاه لانه ساكن قصادنا و ف نفس الوقت دكتورها ف الجامعه
- طب ما شاء الله و اكمل هيرفضه ليه بقى
- مش اكمل اللى هيرفض ، بسمه هى اللى انا خايفه من ردها ،بنت اخوك اتعقدت بسبب عمايل اخوك فيها و شايفه انه كل الرجاله زيه
- لا حول و لا قوة الا بالله ، طب و هنعمل ايه
- سيب موافقه بسمه عليا بس اهم شئ تهدى اخوك و تلين دماغه عشان مش يرفضه
- حاضر يا امى ربنا يتمم لها بخير يارب

**انا اتصدمت من اللى سمعته انا صحيت فجأه و سمعتهم و فجأه قولتلها
- هو انتى زهقتى منى يا تيته عشان كده عايزه تجوزينى ؟
- اوعى تقولى كده انا والله خايفه عليكى بس و عايزه اطمن عليكى قبل ما اموت يا بسمه والله
- بعد الشر عنك يا تيته
- مصطفى انسان كويس والله
**عمو جاله مكالمه ف خرج بره الاوضه
- يا تيته دا متجوز
- لا بصى الموضوع ده هو هيفهمه لك
بس هو مش هيبقى ف حياته حد غيرك
- انا مش عايزه اتجوز يا تيته
- ليه يا عمرى
-عشان معنديش ثقه ف حد
- عشان خاطرى يا بسمه
**انا خوفت على جدتى اوى خوفت تتعب زياده ف قولت نقفل الموضوع ده حاليا
- حاضر يا تيته هفكر
** انا كنت برتاح لمصطفى لكن بعد ما اتقدم لى و انا حسه انى عايزه اولع فيه

**بعد كام يوم رجعنا البيت و تيته بقت احسن و انا بدات انزل الكليه و اشوف المحاضرات و السكاشن اللى ضاعت منى
اطمنت على تيته و نزلت الكليه ريهام كلمتنى
-ايوه يا ريهام
- مال صوتك ؟
-انا بخير
-طيب يالا باقى 10دقايق عن سيكشن دوك مصطفى
- انا قاعده ف الكافتيريا لكن مش هحضر له حاجه
-ليه ؟
- مش عايزه و خلاص
-اقفلى انا جايه لك
-لا احضرى السيكشن هيفوتك
-انتى اهم عندى
**لسوء الحظ مصطفى دخل المدرج قبل ما ريهام تخرج
- دوك بعد اذنك انا لازم اخرج
- فى حاجه ؟
- طب اتفضلى
- شكرا يا دوك

** ريهام جت لى و قعدت جنبى
- مالك يا بنتى؟
- مصطفى متقدم لى
- مصطفى مين دوك مصطفى
-ايوه
- بجد الف مبروك يا روحى
-انا مش عايزاه
- ليه يا بنتى دا البنات هتموت عليه
- البنات اه انا لا
- طب قوليلى انتى رفضاه هو و لا الجواز عموما
- الاتنين ، عارفه لو شوفته هولع فيه
- هههههههههه معاكى ولاعه
- ليه
- بصى وراكى و انتى تعرفى ههههههههه
- هو صح ؟
- أينعم ، همشى انا بقى
- استنى يا بت ، يا ريهام

**جه قعد قدامى
- انا جيت لك اهوه
- ليه مش عندك سيكشن
- مش عرفت اشرح لهم حاجه وانتى مش موجوده
- نعم
- نعم الله عليكى
- انا مش عايزه احضر
- و الغياب ؟
- خدنى غياب
- لا هاخدك انتى
- هو حضرتك جايب الثقه دى منين ؟
- فى واحده تقول لخطيبها حضرتك
- انا يا سيدى اما حاجه غريبه
- يعنى انتى وافقتى
- انت كلمت تيته ليه ؟ و هى تعبانه و مش هعرف ارفض لها طلب
- ما انا عارف
- لا والله
- اه والله ، فطرتى ؟
- لا حول و لا قوة الا بالله
- ايه
- هو مش حضرتك متجوز ؟
- كنت
- يعنى طلقتها اكيد طلعت عينها

**كنت متغاظه منه ف عشان كده قولت كده لكن فجأه وقف و قالى
- لا ماتت
- انا اسفه والله ربنا يرحمها
- يارب ، ولا يهمك متتأسفيش تانى على حاجه
- حاضر
- يحضرلك الخير يارب ، انا جعان و مش هفطر لوحدى
- ثوانى هجيب لك اكل
- لا تعالى نخرج ناكل بره ، انا اخدت الاذن من جدتك
**انا مش عايزه اروح ف اى مكان بس شكله صعب عليا والله
ف وافقت
-ماشى

**خرجنا و اكلنا و طلب لنا شاى
-هو انا زعلتك ف حاجه ؟
- لا ليه بتسألى
- اصلك كنت بتضحك و احنا ف الكليه و لما جينا هنا كشرت كده
**عملت ريأكشن التكشيره على وشى
- ههههههههههه جاك هنا
- يارب و انت كمان
- انا عايزه اتكلم عليك معاكى ف حاجه
- ايه هى ؟
- انا اتجوزت ياسمين وانا عندى 25سنه و عيشت معاها 5 سنين كانت اجمل سنين حياتى
و ربنا اراد انه ياخدها منى و له فى ذلك حكمه
بصى سيبينى اسأعدك
و والله عمرى ما هضايقك

*ابتسمت

- يعنى انت بتعمل كده عشان تساعدنى ؟

** كان جواه بيقول مضطر اكدب عليكى واقول لك ايوه لكن

بالله انا من يوم ما شوفتك و انا قلبى دق لك
لما بشوفك بحس انه نفسى بيروح

- ايوه بعمل كده عشان اساعدك
-يعنى لو قولتلك سيبنى ف اى وقت هتسيبنى ؟
* ابتسم
- هعمل كل اللى انتى عايزاه
- على فكره انت حلو خالص والله
- هههههههههه حلو خالص ازاى يعنى
- لا يعنى انسان كويس و طيب
- وانا اللى فكرتك بتعاكسينى
- نعم
- بتقلبى عبده موته ف لحظه
- هههههههه
- طب قومى يالا اروحك و تقولى لتيته انى هاجى ازوركم بكره ان شاء الله
- حاضر

** الموضوع كان متيسر اوى و كل حاجه تمت بكل سهوله
و بابا وافق و ماما كمان و
و جه يوم الخطوبه كانت ريهام عندى كنت لابسه فستان اوف وايت و تيربون بنفس اللون
و كلهم كانو حواليا
ماما حضنتنى و بابا واقف بعيد
و مصطفى كمان اتكسفت من نظراته ليا والله
- ايه الجمال ده
- شكرا ربنا يخليك
- ربنا يقدرنى و اسعدك
- يارب
**كنت متوتره اوى المفروض انها جوازه كده و كده عشان بابا مش ياخدنى
بس هو مش بينزل عيونه من عليا
و ده خلانى متوتره جدا
و فجأه لاقيت مأذون داخل وقفت بسرعه
- ايه ده ؟
رايكم يهمني

يتبع

الفصل الرابع

**جدتى جت جنبى و مسكت ايدى و اخدتنى البلاكونه
- بعد اذنكم يا جماعه عايزه بسمه ف حاجه

* دخلت البلاكونه و انا مخنوقه و متضايقه و حسه انى عايزه اهرب من كل حاجه
انا مش عايزه ارتبط كده
كده لما اسيبه هيبقى اسمى مطلقه
افكار كتير جوايا ضغطه على قلبى
- بسمه انا عايزه مصلحتك يا بنتى والله و ربنا العالم
- يا تيته ما انا سمعت كلامك و وافقت على الخطوبه ، و الخطوبه دى معموله عشان نشوف احنا مناسبين لبعض و لا لا
- بسمه انا مش عايشه لك العمر كله يا بنتى و نفسى اطمن عليكى و مصطفى ابن حلال والله
- يا تيتة....
**و هنا دخل مصطفى
- تيته من فضلك سبينى مع بسمه خمس دقايق و هجبها و هاجى علطول
- بس .....
- متقلقيش ابدا هقنعها و هجبها و اجى
- ماشى يا ابنى

**تيته خرجت من هنا و انا حسه انه الغضب عمانى بقى
- تقنع مين هاه
- بسمه اهدى شويه
- هو كل شويه اهدى يا بسمه اهدى يا بسمه

**صوتى كان عالى عليه
- صوتك ميعلاش تانى ، انا ممكن اعملك كل اللى نفسك فيه بس مبحبش الصوت العالى
- ماشى ، وانا مش عايزه كتب كتاب
- ليه
- عشان مبقاش مطلقه
- و هتبقى مطلقه ليه؟
- عشان انت هتطلقنى
- بس انا مش هطلقك
- ليه بقى مش احنا متفقين
- بسمه انا مش عايزك منك غير حاجه واحده
- ايه هى
- تثقى فيا بس
- ماشى
- هو انا زعلتك قبل كده ؟
- لا انا اللى علطول فهماك غلط و بزعلك
- و انا عشان طيب نسيت اللى عملتيه ههههه
- قلبك قلب خسايه ما شاء الله
- يالا بس عشان الناس مستنيانا و بعدين نشوف الخس بتاعك ههههه
- ماشى

**بالفعل كتبنا الكتاب وسط فرحه الكل حواليا
دموع تيته و فرحه ماما اللى بانت من عيونها
و دموع ف عيون بابا بيحاول يخبيها
و كمان اهل مصطفى كانو فرحانين اوى
و تحديد طنط أميمه مامته كانت بتطبطب عليا
- بارك الله لكما و بارك الله عليكما و جمع بينكما فى خير
*المأذون قال الجمله دى من هنا
و فجأه لاقيتنى ف حضن مصطفى ازاى معرفش
"بالله ده بنى ادم عنده انفصام ف الشخصيه
و بصوت واطى اوى قولتله
- انت بتعمل ايه يا اسطى ؟
- بحضنك
- لا والله و انا اللى كنت فاكره انه ده مش حضن ، سيبنى
- بس كده
**طبعا كنت فخوره بنفسى اوى انه سمع كلامى لكن لاقيته بيلف بيا
دوخت و غمضت عنيا و يدوب سامعه صوت الشباب بتصفر و البنات فرحانه و حاجه oh la la يعنى هههههههههه ليكو يوم
بعدين مصطفى نزلنى بس مسكت ايده
- ايه اشيلك تانى ههههه
- لا دوخت
- طب اسندى عليا
- والله هنتحاسب على اللى حصل ده
**لاقيته بيقرب اوى
- و هو ايه اللى حصل
- هاه
- القطه اكلت لسانك و لا ايه ؟ "بيغمز"
- عيب يا كاتبن ، يا ادى النيله اقصد يا دوك
- فى عروسه عسل كده تقول لجوزها يا دوك
- امال اقولك ايه صاصا هههههههه
**سبته و طلعت اجرى على صحابى و هو كان شويه و هيطلع دخان من ودانه زى توم و جيرى
-ليكى يوم ههههه

**عدى اليوم بسلام او بمعنى اصح الدوشه اللى حواليا كانت مخليانى مش عارفه افكر ف اى حاجه لانى لو كنت لوحدى و فكرت والله ما كنت هسمح بحاجه من دى انها تحصل
بس مش هكدب مصطفى فعلا بيعرف يعمل اللى هو عايزه و بيخلينى اوافق رغم غضبى
ماما كانت مشيت و بابا و كل الموجودين
و انا يدوب اخدت شور و صليت
و كالعاده طلعت البلاكونه وقفت ابص للسما
حسه انى مخنوقه كل حاجه ف حياتى مفروضه عليا
اتفرض عليا اعيش هنا و بعد ما فكرت حياتى اتظبطت يجى بابا عايز ياخدنى
و عشان اهرب منه اتجوزت
*ضحكت بوجع
لاقيت الموب بتاعى جاله رساله ف طلعته من جيبى اشوف مين لاقيت الرساله مضمونها
" اخيرا القمر بتاعى طلع "
* للحظه عقلى وقف مين ده و فجأه بصيت قدامى لاقيت مصطفى واقف
و لاقيته بيتصل
- نعم
- نعم الله عليكى هههه مالك؟
- انا بخير، انت عايز ايه ؟
- عايزك بخير ديما بس
- ربنا يخليك
- يارب ، بسمه
- نعم
- البسى حاجه على شعرك لان اخواتى هنا و مش عايز حد يشوفك كده
- حاضر انا والله بنسى لانى متعوده انه مافيش حد ابدا قدامى
- لا اتعودى هكون معاكى و قدامك و حواليكى
- هدخل انا بقى
- خليكى معايا شويه
- ليه؟
- اقولك على حاجه
-قولى
- انا برتاح اوى لما بشوفك
- ربنا يريح قلبك ديما
- بوجودك
- هو انا ينفع اقولك حاجه ؟
- قولى كل اللى انتى عايزاه
- انا مش متضايقه منك انت
- امال متضايقه من ايه
-من الجواز و من كل الرجاله
- ليه؟
- عشان انا بسببه عيشت لوحدى
- بصى يا بسمه
- الدنيا دى فيها الحلو و فيهل الوحش صوابع ايدك مش زى بعضها
و مش معنى كلامى انه والدك مش كويس
- هو كويس مع ولاده اوى كنت بشوفه بيعاملهم حلو كنت بحلم و انا صغيره انه ف يوم هيفتكرنى و يجى يعملى مفاجأه و يفسحنى و يودينى الملاهى
و ف يوم من زعلى تيته اخدتنى الملاهى و كان هناك مع ولاده
- بسمتى
- نعم
- هعوضك عن ده كله والله
- شكرا انا مش عايزه حاجه انا بس حسيت انى عايزه احكى
- وانا معاكى اهوه احكى
- ينفع اسألك سؤال
-اسألى ؟
-انت ليه بتعمل معايا كده ؟
- انك تتقدم لى عشان

تحل لى مشكلتى
- هجاوبك بس مش دلوقتى
-ماشى ، انت اكلت ؟
- لا انا مش بتعشى
-ليه
-مش عارف بس يمكن لانى اتعودت على القعده لوحدى ف كنت بنسى الاكل
- لا قوم اعمل عشا و اتعشى
- و هتضحكى ؟
- و هضحك
- وانتى اكلتى ؟
- لا هروح اكل مع تيته
- طيب يالا روحى وانتى حلوه كده ، كشرتى ليه بس هو انا غلط فيكى هههههههههه
- روح اتعشى
-علم و ينفذ يا فندم
**سبته و نزلت اتعشيت مع تيته و طلعت اوضتى و نمت
و اتأخرت ف النوم
لاقيته واقف قدام سريرى
- يا نهار ابيض انت بتعمل ايه هنا ؟
- تيته قالت لى اطلع اصحيكى
- لا و الله
-اه والله
**الكائن الشرير اللى جوايا صحى و وقفت على السرير عشان اعرف ازعق
- انت ازاى سمحت لنفسك تدخل اوضتى اصلا هاه؟
-........
- ازاى سمحت لنفسك اصلا هاه ؟ما ترد عليا
-.............
*كان مسهم و انا انتبهت لنفسى ما هو طبيعى يعمل كده و انا عامله شعرى قطتين و لابسه اسبونج بوب
- احم مصطفى
**برجع لورا دوست ف الهوا لانى واقفه على طرف السرير
لكن هو لحقنى شالنى وانا لسه مغمضه عنيا
- اتكسرت صح ؟
* لاقيته بيضحك
google-playkhamsatmostaqltradent