U3F1ZWV6ZTE0NTkwMzMxMzUwX0FjdGl2YXRpb24xNjUyODgzMjYyNTQ=

رواية حبي للابد كاملة جميع الفصول بقلم سحر ربيع

رواية حبي للابد كاملة للقراءة والتحميل جميع الفصول من الفصل الأول إلى الفصل الأخير بقلم الكاتبة سحر ربيع عبر دليل الروايات (deliil.com)
رواية حبي للابد كاملة

رواية حبي للابد الفصل الأول بقلم سحورة

مازن : بصي انتي اتفضلي نامي هنا وانا هنام ع الكنبه في الصاله
مليكه : لالالا تعال انت نام هنا وانا في اي مكان
مازن قرب منها وهي بدات ترجع لورء
مازن : تعالي يامليكه اقعدي
مليكه : حاضر
مازن : انا عارف ان جوازنا جه فجاه كد وعارف ان جواز ع الورق بس عايز منك الاحترام وانك تكوني قدام اهلي مراتي قولا وفعلا مش عايزهم يحسو بحاجه وانا اوعدك اني اتفذلك كل ال انتي عايزها وانك تبقي في بيتي وكانو بيتك بالظبط مش عايزك تخافي مني احنا المده ديه كلها هنبقا اصحاب بس قدام الناس متجوزين حبيت اقولك الكلام ده في اول ليله في بيتنا عشان تاخدي راحتك باقي الايام عندك ايه حاجه تحبي تضفيها لكلامي
مليكه : لا بس انت مش هتمنعني من الجامعه صح
مازن : بضحكه رجوليه لا ياستي متخفيش مش همنعك بس مينفعش يعني نبقا اول ايام لينا وتخرجي حضرتك صح ولا انا كلامي غلط
مليكه : صح
مازن برخامه : طيب يلا اقلعي فستان الفرح ده
مليكه : بخضه ليه
مازن : ههههههههه يخربيت الخوف ده صدقيني يامليكه انا مش هعملك حاجه قولتلك احنا فتره مع بعض عشان نرضي اهلنا بس وبعد كد كل واحد هيشوف حياتو انتي هتفضلي ع زمتي لمده سنه وبعدين هنطلق
يلا نامي تصبحي ع خير
مليكه : وانت من اهلو.

الفصل الثاني

مازن : بيخبط ع اوضه مليكه
مليكه : صباح الخير
مازن : صباح النور
يلا اصحي اهلك جاين كمان شويه وقومي صلي الظهر
مليكه : حاضر
مازن : ع فكره المفتاح ال انتي قفلتي بيه باب اوضتك مش هيمنعني اني اوصلك انا ممكن اكسرو عادي بس انا وعدتك وانا عند كلمتي فياريت متتكرش لان امبارح كنت عايز اصحيك تصلي معايا الفجر وحضرتك نايمه في سابع نومه
مليكه : انا اسفه
مازن : مش قصدي تعتذري عايز بس تثقي تمام
مليكه : تمام
ودخلت اتوضت ولابست الاسدال بتاعها ولقت مازن مستنيها في الصاله وفارش المصليات
مازن : يلا
مليكه : وقفت وراها بشويه وبداء مازن الصلاه وكان صوتو في القران حلو اوي
مازن خلص الصلاه
ومليكه كانت مبسوطه من جواها ع الشخص ده
وافتكرت
فلاش باك

مليكه : مش هتجوز حرام عليكم بقا
ناديه : ليه يابنتي الشاب كويس
مليكه : ياامي مش بحبو ياامي انا معرفوش اصلا
علي اخو مليكه اكبر منها بسنه عندو 24
مفيش حاجه اسمها معرفوش كل حاجه بتيجي مع الوقت
مليكه : بعياط يااخويا انت عارفني كويس هترميني كد بسهوله
علي : هو انا عشان عايز اجوزك حد كويس ابقا برميكي ده مازن صحبي من واحنا صغيرين انا اعرفو كويس ومش هلاقي حد احسن منو
مليكه : برضو لا وبصوت عالي مش هاااااخدو انتو فاهمين
وهنا لقت كف قلم نزل ع خدها
ناديه : ليه كد من امتا بنضرب عيالنا ع حاجه ياحاج
محمد : لما بنتي ال ربتها تعلي صوتها ع امها واخوها مستنيا مني ايه غير كد ها انطقي ومسك مليكه من دراعها جامد
انتي ايه حكايتك كل مياجي واحد ترفضيه انا نفسي افهمك يابت انتي
مليكه : يابابا انا لسه بدرس عايزه اخلص جامعتي الاول
محمد : ابقا كمليها في بيت جوزك
مليكه : يابابا وحياتي عندك سبني براحتي
محمد : ال عندي قولتو وبكره هياجي العريس وتشوفيه وابقا اسمع كلمه لا منك
ومشيو وسابوها
مليكه مسك تلفونها واتصلت ع رقم
احمد : روحي عامله ايه
مليكه : بعياط الحقني يااحمد بابا مصمم ع العريس ده شوفلك حل بسرعه
احمد ببرود : طيب ياحبيبتي ربنا يسعدك
مليكه : انت بتقول ايه انت واعي لل بتقولو
احمد : بصي ياحبيبتي انا لسه بدري عليا وانتي كل يوم تطلعي بحجه عشان تتطفشي عريس شكل وابوكي مصمم المرادي وانا مش هقدر اجي دلوقتي
مليكه : يعني ايه امال سبتني الوقت ده كلو متعلقه بيك ليه انا بكرهك بكرهك بجد
احمد قفل منها
كريم صاحب احمد : ضيعتها ليه من ايدك
احمد : ديه واحده عبيطه ياعم هو عشان قولتلها كلمتين ابقا بموت فيها يعني هي ال اتعلقت بيا بسرعه مش ذنبي انا بقا
كريم : ربنا يهديك ياصحبي

انتهاء الفلاش باك

مازن : يالهوي قومت عملت القهوه وجيت وانتي لسه قاعده مكانك
مليكه مسعت دموعها بسرعه وابتسمت متشكره ليه
مازن بهزار لا مانتي هتقومي تعملي الفطار دلوقتي
مليكه : ههههههه حاضر

وبعد ساعه
مازن : انتي رايحه فين
مليكه : هفتح الباب
مازن : ده ع اساس اني كيس جوافه
مليكه : اتكسفت
مازن : ادخلي الاوضه يلا
مليكه : حاضر

علي : ايه ياعم العريس كل ده عشان تفتح
مازن : لولا ان معاك اهلك كنت عرفت ارد عليك

ناديه : ازيك يابني
مازن : بخير
تعالو اتفضلو

محمد : تسلم ياابني

ودخلو واتونسو وبعدين ناديه اخدت مليكه ع جمب

وفضلو شويه وبعدين مشيو
وعدا اليوم بسلام

مازن : احم مليكه مامتك كانت هنا وا
مليكه : ايوه سالتني وعرفتها ان كل حاجه تمام
مازن : تمام صليتي العشاء
مليكه : لا لسه
مازن : طيب يلا اتوضي وصلي لو كنت اعرف كنت استنيتك بعد كد متتاخريش في الصلاه
مليكه : ببتسامه حاضر
ودخلت تتوضاء
ومازن في الصاله وسمع صوت صريخ مليكه و.....نكمل الحلقه الجايه

الفصل الثالث

مازن في الصاله وسمع صوت صريخ مليكه وجري عليها وشافها واقعه في الحمام
مازن : في ايه ازاي وقعتي كد
مليكه : بعياط مش عارفه انا مكنتش مركزه ومعرفش ازاي وقعت
مازن : طيب قومي بس نطلع من هنا
مليكه وقفت ع رجلها وكانت هتقع تاني لولا ايد مازن ال حضنتها
مليكه : رجلي مش قادره اقف عليها
مازن : طيب خلاص اهدي
انا اسف وشالها بين ايدو وهي كانت مكسوفه من قربها ليه بالطريقه ديه
خليكي هنا هجبلك هدوم واغير واجي اخدك لدكتور

واخدها علي مستشفي

مازن : ايه يادكتور
الدكتور : مفيش حاجه هي بس شكلها مجزوعه منها مش اكتر
متقلقش
مليكه : بس انا مش قادره امشي عليها
الدكتور : متقلقيش استعملي بس العلاج ده وهتبقي كويسه
مازن : متشكر
الدكتور : الف سلامه ع المدام

مازن : مش تخلي بالك
مليكه : غصب عني
مازن : طيب بطلي عياط خلاص عامله زي الطفله
مليكه : هههه مش هنمشي بقا
مازن : حاضر وجه عشان يشلها
مليكه باعتراض هعرف امشي.
مازن ببتسامه طيب هاتي ايدك اسندك
واول محطت رجلها ع الارض الوجع زاد
مازن : انتو البنات دماغكم ناشفه
يالهوي ياستي انا جوزك والله
مليكه : بضحكه طيب
وشالها مازن ونزل ركب عربيتو ووصلها لبيتهم

مازن : هقوم احضرلك العشاء
مليكه :لالالا خليك انت انا
مازن : هششش مسمعش صوتك خالص انا وانتي هنا واحد لما حد فينا يتعب لازم التاني يساعد ولا انتي ايه رايك
مليكه : بس يعني انت اكيد تعبت
مازن : لا ياستي مش تعبان ولا حاجه هحضر العشاء وبعدين تنامي اتفقنا
مليكه : في سرها ايه الانسان ده عارف اننا مش هنكمل مع بعض وواخد بالو مني

وخلص اليوم ع كد

مليكه : بدات تحرك رجلها ع بسيط
وخرجت لقت مازن نايم ع الكنبه واول مره تركز في تفاصيلو قد ايه هو حلو
مازن : فتح عينو فجاه ولقاها واقفه قدامو قام مفزوع في حاجه رجلك وجعتك تاني تعالي اقعدي
مليكه : بس اهداء مفيش حاجه بالعكس انا بقيت كويسه كنت جايه اصحيك عشان تفطر
مازن :ياشيخه خضتيني طيب

وحضرت مليكه الفطار
مازن : مليكه
مليكه : نعم
مازن : بكره الجمعه واحنا عندنا في العائله بنتجمع كلنا في البيت الكبير عند جدي حبيت اعرفك بس اننا هنروح بكره هناك
مليكه : بتوتر ماشي
مازن : متحفيش انا هبقا جمبك انا عارف انك متعرفيش حد فيهم بس هتحبيهم اوي ولو اضيقتي ابعتيلي رساله ع تلفوني وانا هخدك وامشي اتفقنا
مليكه : ماشي
اكلت
مازن : اه الحمد الله وبداء يشيل معاها الاطباق
مليكه باعتراض : انت بتعمل ايه
مازن : هساعدك
مليكه : ده اختصاصي انا
مازن : هههههههه شيلي بس وانتي ساكته
انا من زمان بتمناء اني اساعد مراتي متخديش مني الامنيه ديه كمان
مليكه بضحكه طيب

وكل واحد كان متجاهل التاني مليكه طول اليوم في الاوضه مازن محبش يضيقها ويغصب عليها تتطلع بره بس كان في كل صلاه يعرفها وهي كانت تخرج تصلي جمبو وتدخل تاني

مليكه : مازن تشرب حاجه
مازن : ياريت قهوه
مليكه : حاضر

وعملت القهوه وفضلت قاعده معاه
مازن : قولي عايزه تقولي ايه
مليكه : عرفت ازاي
مازن : من ملامح وشك
مليكه : كنت عايزاك تحكيلي عن عائلتك
مازن : حاضر ياستي
انا عندي 4اخوات
اسمهم
مازن ال هو انا😂😂
عادل ده اكبر واحد فينا متجوز وعندو طفلين في ابتدائي
حازم ده اصغر مني عندو 20 سنه طايش وربنا يهديه
وعندي اخت رخمه كد اسمها مكه ديه بصراحه حته من قلبي بحبها جدا وبخاف عليها عندها 22 سنه هي مش متجوزه لسه بتدرس صيدله
وطبعا انتي عارفه ولدي وولدتي
وفاء
محمود
وهتشوفي بكره باقي العائله هبقا اعرفك عليهم هناك
وبس ياستي ها تحبي
وقبل ميكمل كلامو لقاها نامت
مازن : قاعد مع فرخه ياناس
مليكه مليكه
مليكه : ايه
مازن : ولا حاجه ادخلي بس كملي نومك جوه
مليكه : انا اسفه
مازن : محصلش حاجه يلا عشان هنصحا بدري بكره

ودخلت مليكه .وفضل مازن ع الكنبه

.فلاش باك

مازن : امي انا قررت اتجوز
وفاء : لولولوي اخيرنا ياابني
عثمان : مين سعيده الحظ
مازن : واحده اخت صحبي
محمود : طيب يابني ع بركه الله بما انك مختارها فانا واثق ان ابني مش هيختار كد وخلاص حدد معاهم يوم ونروح عندهم

وحدد مازن يوم مع علي وراح هو وعائلتو وكلهم عجبتهم مليكه معاد مرات اخوه فضلت باصلها بقرف
عثمان
: بهمس مالك بصه للبنت كد ليه
راندا : شايفه الكل معجب بيها مع اني شايفاها عاديه
عثمان : طيب لمي الدور واسكتي
واتكلمو واتفقو ع الشبكه بس مازن صمم يعمل كتب كتاب وشبكه والفرح بعديها باسبوعين
محمد : وافق ع قرارهم عشان شاف انهم عائله كويسه وعارف بنتو هطفشو زي ال قبلو
محمد : ع بركه الله نقراء الفاتحه

انتهاء الفلاش باك

مليكه : مازن مازن
مازن : نعم يامليكه
مليكه : الفجر يلا قوم صلي
مازن : حاضر كويس انك صحتيني راحت عليا نومه النهارده

وقام صلو الفجر وفضل مازن صمم ان مليكه تقعد معاه وفضل يقراء قران معاها وبعدين سابها تنام
قد يعجبك أيضا
الاسمبريد إلكترونيرسالة