U3F1ZWV6ZTE0NTkwMzMxMzUwX0FjdGl2YXRpb24xNjUyODgzMjYyNTQ=

رواية التزامي سبب نجاتي الفصل 5 الخامس بقلم سعود

رواية التزامي سبب نجاتي بقلم سعود نصر الدين الفصل الخامس "5" عبر مدونة دليل الروايات (pdf)
رواية التزامي سبب نجاتي بقلم سعود
ملحوظة: الرواية كاملة أكتب في جوجل "التزامي سبب نجاتي دليل" أو أدخل على "Deliil.com" مباشرة.

رواية التزامي سبب نجاتي الفصل 5 الخامس بقلم سعود 

اسماعيل.تشد حيلها ولازم تعرف يامديحه لازم تعرف
مديحه.انا مش هقدر اقولها كفايه اللي هي فيه
اسماعيل.تشد حيلها وانا هقولها
مديحه.ادخل غير هدومك علي محضرلك الغدا
محسن سائقا سيارته.وبعدين البنت دي راحت فين لا ليها قرايب ولا اهل ولا راحت شغلها هدور عليها وهوصلها مهما كان التمن لازم لازم تعرف اني معملتش حاجه معاها
مديحه تحضر الغداء لاسماعيل وتاخذ بعضا منه الي غرفة عبير
مديحه.عبير عبير ياحبيبتي
عبير بارهاق وحزن.ايوه يامدام مديحه
مديحه.قوليلي ياماما هو انا مش ذي امك
عبير.ربنا عالم انا بدعيلك في صلاتي اد ايه
مديحه.عارفه ياحبيبتي يلا قومي شوفي عملتلك ايه فرخه وشربه هتاكلي ايديكي وراهم
عبير ببكاء.انا متاسفه بس مكنش ادامي غيرك اروحله
مديحه.ليه بتقولي كدا ياحبيبتي ربنا عالم فرحتي بوجودك معايا وانا لسا قايله انتي ذي بنت
عبير.عارفه علشان كدا جيتلك بعد اللي حصلي
مديحه.معلش ياحبيبتي ربنا موجود وينتقم من اللي كان السبب
عبير.ربنا يسامحه اللي كان سبب في اللي حصل
مديحه.ربنا ياخده وبلاش تتكلمي في الموضوع ده انتي لسا تعبانه وانتي مؤمنه بالله وحافظه كتابه وتاكدي ان الله يهمل ولا يمهل وكمان ربنا اكيد ليه سبب في اللي حصل مش يمكن دا ابتلاء منه ليكي يشوف مدي تحملك وصبرك
عبير.قدر الله ماشاء فعل
مديحه.ومتقلقيش اللي كان السبب في اللي حصلك ده ربنا هينتقم منه
عبير.لا متدعيش عليه
مديحه باستغراب.ليه بس ياحبيبتي مهو لو يعرف ربنا مكنش عمل فيكي كدا
عبير.انتي متعرفيش ده مين وايه بالنسبالي ربنا يسامحه
مديحه.مهما كان ده كان سبب في اللي انتي فيه
عبير.ارجوكي منتكلمش في الموضوع ده تاني
مديحه.طيب يلا كلي
عبير.مليش نفس
مديحه.علشان خاطري طيب
عبير.هحاول
مديحه.هروح انا اجبلك فستان كنت مشترياه من اسبوعين كنت ههديهولك بعد ما الاولاد تحفظ القران واهو جه في وقته هروح وارجعلك
عبير.ربنا يخليكي ويجازيكي الله خيرا
تذهب مديحه الي غرفتها لتحضر لها فستانا

رواية التزامي سبب نجاتي

محسن اثناء قيادته السياره وانشغاله بالتفكير بعبير ويفاجئ باصتدامه بسياره نقل
بعضا من الاشخاص بالطريق.لا حول ولا قوة الا بالله حد يتصلنا بالاسعاف ياجماعه الراجل سايح في دمه
مديحه.ايه رايك في الفستان ده
عبير.هو انا بس عاوزه حاجه
مديحه.لا ياحبيبتي قولي
عبير.عاوزه نقاب بدل اللي اتقطع ده وعندي ظروف تمنعني اروح الشقه اجيب اي حاجه من هناك
مديحه.لالا من غير متقولي انني بس البسي فستانك ده والنقاب شويه ويكون عندك اتنين مش واحد
عبير.متشكره جدا واوعدك هردهملك
مديحه.هتزعليني منك يلا قومي خديلك دوش حلو كدا والبسي الجديد ده
عبير.حاضر لان كمان من امبارح مصلتش
مديحه.ربنا يتقبل منك يارب
عبير.منا ومنك ان شاء الله
يصل محسن الي المستشفي بعربة الاسعاف ليدخلاه العنايه المركزه
الدكتور.لا حول ولا قوة الا بالله حصله كسر في اديه الاتنين ولازم يتركب ليه شرايح وكمان في رجله اليمين انا اول مره حاله تجيني كدا دخلوه بسرعه نعمله العمليه قبل مدمه يتصفي
تاخذ عبير حمامها لتخرج بالفستان الجديد ممسكه بنقابها المتقطع تنظر اليه وتبكي بحرقه
مديحه.هاتيه ياحبيبتي انا هرميه والفستان جميل اوي عليكي
عبير.بس النقاب كان اجمل
مديحه.ان شاء الله شويه ويكون عندك
اسماعيل.السلام عليكم اذيك يابنتي عامله ايه
عبير.اذي حضرتك انا اسفه عملتلكم ازعاج
اسماعيل.اسفه ليه انتي ذي بنتي وانتي عارفه اننا مخلفناش وانا من كلام مديحه عنك حبيتك ذي بنتي واكتر
عبير.ربنا يعلم معزة مدام مديحه
اسماعيل.انتي بنت مؤمنه واللي حصلك ده الله اعلم كان بسبب ما من الاسباب ولكن لا تقنطي من رحمة الله واكيد ربنا عمل كدا لمصلحه فيما بعد هنعرفها
عبير.الحمدلله هستاذنك ادخل اصلي الفروض اللي عليا واقراء شوية قران
اسماعيل.اتفضلي وهستناكي نقعد شويه مع بعض
عبير.اكيد ربنا يبارك فيك بعد اذنك
اسماعيل.اتفقنا
محسن داخل غرفة العنايه والدكاتره حوله ويركبون له الشرائح بيديه ورجله اليمين ليخرجا بعد ساعه من العمليات لغرفة المتابعه
الدكتور.شوفولنا اي اثبات ليه وحاولو تتواصلو مع اي حد من اهله
الممرضه.كان موجود يادكتور كارنيه لشركة استيراد ليه هنروح الشركه ونعرف منها اهله مين ونبلغهم
الدكتور.كويس
تدخل عبير غرفتها وتصلي بعضا من الفروض وتنتهي وتدعي الله بصلاتها.اللهم ارزقني بمن اختلي بي في الحرام بحلالك اللهم لاتجعلني اظلم اي رجل اخر يارب ان الكريم ان الغفور الرحيم اغفر لاخي علي فعلته معي اللهم اهديه الي طريق الصواب اللهم ابعد عنه اصدقاء السوء يارب انت عارف اني مليش ذنب في اللي حصل اغفرلي وسامحني
محسن يتفوه ببعض الكلمات.ااه عبير عبير
الممرضه.اهدا طيب مين هي عبير احنا بعتنا حد ليك الشركه وهيكونو عندك باذن الله
محسن لا يدري باي شئ حوله فهو فاقدا الوعي
يصل فرد امن المستشفي الي الشركه وتستقبله السكرتيره.ايوه حضرتك
فردالامن.لو سمحتي مش دي شركة محسن احمد
السكرتيره.اه محسن بيه
فرد الامن.طيب هو عمل حادث وحاليا في مستشفي المطار وياريت حد ييجي المستشفي ليه
السكرتيره.حادثه استر يارب انا هحاول اوصل لمدام ريهام الفيلا وابلغها

بقلم سعود نصر الدين

للتعريف.مدام ريهام وهي والدة محسن قامت بالزواج برجل اخر بعد متوفي زوجها والد محسن وكان عمره محسن حينها ال13 عام وقامت جدتها من امه بتربيته الي ان تخطي العشرون واشتغل بشركة والده
تصل السكرتيره بسيارتها الي فيلا ريهام
السكرتيره.لو سمحت مدام ريهام جوه
البواب.ايوه نقولها مين
السكرتيره.انا سكرتيرة ابنها محسن بيه عاوزه اقابلها
البواب اتفضلي
عبير ممسكه بالمصحف وتقراء به وتدخل عليها مديحه
عبير.صدق الله العظيم
مديحه.صدق الله العظيم تعالي اقعدي معانا شويه برا
عبير.حاضر
تنزل من اعلي سلالم الفيلا امراه يبدو عليها الغرور والتكبر .
ريهام.ايوه ياعبده فيه ايه
البواب.ياهانم بتقول انها سكرتيره مكتب محسن بيه
ريهام.ايوه فيه حاجه
السكرتيره.ابن حضرتك في المستشفي عمل حادثه
ريهام.امتا وفين
السكرتيره من ساعتين وهو حاليا في مستشفي المطار وعاوزين اي حد يروحله هناك
ريهام.مستنيه ايه اطلعي معايا علي المستشفي
عبير تجلس مت مديحه وزوجها
اسماعيل.عامله ايه دلوقتي
عبير.الحمدلله
اسماعيل.ربنا المنتقم
عبير.بلاش تدعي عليه ربنا يصلح حاله ويصبرني علي الجرح اللي سببه ليا
تنظر مديحه الي اسماعيل
اسماعيل.فيه حاجه حابك تعرفيها يابنتي وانتي مؤمنه بقضاء الله وقدره
عبير.ونعم بالله هو فيه حاجه ياعمي
اسماعيل.فيه خبر مش كويس علشانك
عبير.استر يارب حصل ايه حضرتك
اسماعيل.انا روحت الشقه بتاعتك علشان اسال علي عادل اخوكي
تسمع عبير كلمة اخوكي عادل وتبكي بحرقه
اسماعيل.انتي عارفه
عبير.عارفه ايه
اسماعيل.امال بتبكي ليه
عبير.ولا حاجه ياعمي
اسماعيل.فسالت الجيران بلغوني بان عادل لقيوه مقتول في شقه وسط البلد
قد يعجبك أيضا
الاسمبريد إلكترونيرسالة