رواية بين يدي الغامض الفصل السابع 7 - بقلم رقية
لاقيت الباب بيخبط ببص لاقيتها المستفزه اللي اسمها مايا
بصتلي وقالتلي = إنتي هترجعي مصر امتا
رديت بقرف_ لي السؤال ده
= كده ياعني شايفه قعدتك طولت
_والله ده شغل مش من حقك تدخلي فيه
قربت مني وشاورتلي بصباعها = انتي بتتكلمي معايا كده ليه انتي مش عارفه أنا مين ولا اي
ضحكت باستهزاء_ لا معرفش انتي مين يااا مايا
قالتلي وهيا متعصبه = اسمعي اسمي مايا هانم وشيلي الأفكار اللي في دماغك دي علشان مش هتحصل انتي سامعه
كنت فاهمه كلامهاوعارفه هيا تقصد مين بالكلام ده
_ تمام خلصتي، اطلعي برا بقي
عصبيتها زادت من آخر كلمه قولتها= انتي مجنونه هو اي اللي اطلعي برا القصر ده ملكي أنا وانتي اللي قاعده فيه مش أنا ياعني أنا ممكن اكرشك منه عادي انتي فاهمه
حاولت اطلعها برا الأوضه _ اطلعي برا بقي
مشت ف قفلت الباب ودموعي نازله علي خدي
دخلت أسماء بعدها= فيه اي عملتلك اي دي
مسحت دموعي بسرعه _مافيش قوليلي انتي عامله اي
= انا كويسه انتي قوليلي كانت بتقولك اي دي
_ مافيش حاجه، انتي كنتي طالعه ليه
= مستر جواد بعتني اناديكي تتعشي
_ قوليله مش عايزه معلش ممكن تسيبيني مع نفسي شويه
= حاضر
________________
_ مستر جواد أنا طلعتلها بس هيا باين عليها تعبانه ومش راضيه تنزل
= لي مالها م كانت كويسه الصبح حد دايقها!!
_ معرفش
= متشغلش بالك يا جواد ده شغل كهن بنات
= مايااااا ابعدي عنها انتي سامعه لو طلعتي انتي اللي ورا الموضوع هتزعلي مني
لاقيت خبط مزعج علي باب الأوضه لبست روب طويل اسود تقيل علي بيجامتي = اي ثواني جايه
رد بهجوميه _ منزلتيش تتعشي لي
حطيت ايدي علي صدري = ماليش نفس
_ فيه اي مالك
رديت بتعب= مافيش ت..
ماكملتش الجمله ولاقيت نفسي وقعت بين ايديه
وقعدت قدامي جريت بسرعه الحقها علي كتفي قبل ما تقع ريحتها زي الورد بالظبط وليه لأ ماهيا ورده
خصلات شعرها نازله علي وشها مخليها أنثه رقيقه
اتكلمت جوايا ” انت بتقول اي يا جواد فوق لنفسك شويه انت مش عيل مراهق علشان تعاكس واحده ست، انت صغير للدرجاتي علشان تعجب بحته بت لسه مكملتش ٢٣ سنه
بعد ساعتين فثت على محلول متعلق ف ايدي وجمبي أسماء
= هـ.و فـ.ي ا. ي
_ حمدلله علي السلامه قلقتينا عليكي
= هو اي اللي حصل مش مش عارفه أنا آخر حاجه فكراها إني اغمي عليا ومستر جواد كان بيكلمني
_ ايوه ماللي جابلك الدكتور وشالك هو مستر جواد
= شالني!!!!
_ ايوه
= لا احكيلي حصل اي عملي حاجه، لمسني!!!!!
_ لا طبعاً اي اللي انتي بتقوليه ده مستحيل يعمل كده هو مش من النوع ده نهائي
= آه ماهو واضح آمال ست مايا بتعمل اي
_ عشيقته
= وبتقوليها بقلب اوي كده
ضحكت ساخره_ آمال هكدب عليكي ياعني يا إسراء
وجدت طرق علي الباب وجدته هو
= أسماء اطلعي برا عايز اتكلم مع إسراء
_ حاضر، عن إذنك
= اتفضلي
قعد علي طرف السرير
_ مايا دايقتك صح!!
بصتله بإستغراب ازاي عرف = عرفت إزاي
_ أسماء حكيتلي، قالتلك اي
= خلاص اللي حصل بقي عادي كده كده أنا آخري النهارده وبكره وهمشي
بصلي بطرف عينه وقالي_ هيا دايقتك بالمكان
= امم ياعني حاجه شبه كده
ماهتمش بكلامي وسألني علي حاجه تانيه
_ الشركه مبسوطه منك أوي
= متشكره جدآ
مشي وسابني وقفل الباب وراه
خلص المحلول، لاقيت أسماء داخله الأوضه بساندوتش جبنه اكلتها وماحسيتش بنفسي غير وأنا نايمه
في اليوم التاني ، روحت للشركة مع مستر جواد خلصت الشغل اللي عليا وكنت لسه همشي ، وقفنا مستر جواد وإحنا طالعين وقال
“شكراً جدآ على مجهودكم الرائع معانا وتعبكم ده أنتم تستحقوا الأحسن من ده”
لاحظته بيبتسم و قال: ‘عايز أشكر زميلتكم إسراء معتز عبدالعظيم على تعبها معنا هيا واحدة من أذكى البنات اللي عندنا ومتفوقه في شغلها . شكراً جدآ على تعبكم معانا
‘. شكر الكل ، وخلصنا كل شغلنا ورجعنا علي مصر في نفس الطياره
وصلت البيت
لاقيت أمي. بتقول : ‘حمدلله لله على السلامة، نورتي بيتك’
سألتها= السرير فين، هموت وانام
دخلت ونمت كنت تعبانه جدا، صحيت بعد 5 ساعات والبيت كله نايم اكلت حاجه خفيفه قعدت ع السرير مسكت التليفون واتصلت بمريم
.
= صاحية؟
_حظك، كنت لسه هدخل أنام. طمنيني، وصلتي إمتا؟
قلتلها =وصلت من 6 ساعات، وجيت نمت ع طول
_ احكيلي بقي عملتي اي
= الواحد راجع متعكنن بجد من البت اللي اسمها مايا دي
_عملتلك اي الصورم دي
= داخله الاوضه عليا بتقولي هتمشي امتا بقولها ده شغل مالكيش حق تسألي السؤال ده، قعدت تقولي أنا صاحبه البيت ملكيش دعوه ومش عارفه اي المهم طلعت من هنا لاقيت أسماء بتقولي انزلي اتعشي قولتلها مش عايزه ماليش نفس نزلت قالت لمستر جواد، لاقيته طالع الاوضه
_ طلعلك الاوضه!!
= آه والله، بعدين قالي منزلتيش لي قبل ماكمل الكلمه كان مغمى عليا
_ قدامه!!
ضحكت وقولت = أنا زيي زيك مستغربه اي شغل الأفلام ده بس أنا فعلآ كنت راجعه تعبانه ساعتها وجت الصورم دي كملت عليا
جري الوقت بينا لمده ساعتين، مره نضحك ومره نعيط علي حالنا
قطع كلامنا رقم مجهول مش متسجل بيتصل بيا!!!
- يتبع الفصل التالي اضغط على (رواية بين يدي الغامض) اسم الرواية