رواية بين يدي الغامض الفصل الخامس 5 - بقلم رقية
رفعت عيني على اللي قاعد علي حرف السفره
أسماء مغلطتش في وصفه هو فعلآ زي ماقالت جسم رياضي شعر ناعم ملامح حلوه دقن تقيله عيونه سودا خالص كإنه بطل من مسلسل تركي
اتكلمت وايدي بترتعش = أهلاااا م.مستر جواددد
لاقيته غمض عينه وبصلي _ أهلا انسه إسراء شرفتي تعالي اتفضلي
قعدت علي الكرسي كان فاصل بيني وبينه كرسي واحد
= اي رأيك في نظام شركتنا
_ كويس عادي
ساد الصمت لمده ٥ دقايق
رفعت عيني عليه لاقيته بيبصلي نزلت عيني بسرعه علي طبقي
قطع الصمت ده صوت مايا المستفز
_ حبيبي چواد تاكل ستيك ولا بانيه
بصتيلها بقرف من اسلوبها ولبسها
= مبتاكليش ليه يا اسراء
بصيتله _ ماليش نفس
= تحبي تاكلي اي حاجه تانيه
_ لا لا شكرآ مش عايزه
عينه تقريبآ مكانتش علي الطبق عينه كانت عليا طول القاعده أو أنا اللي بوهم نفسي
الحمدلله خلصوا أكل ولاقيته بينادي عليا
= إسراء عايزك في المكتب
كانت اللازقه دي جايه معاه
_إسراء بس يا مايا
لاقيتها بصتلي من فوق لتحت ومشيت بعصبيه
دخلت المكتب وسيبته مفتوح
= اقفليه وتعالي
خوفت جدآ قفلته ودخلت
_ انتي طبعاً عارفه انتي هتكوني فين بكره
= آه اكيد
_ بكره هتقدمي الايفنت وانتي اللي هتتكلمي وطبعاً انتي مجهزه كل كلامك
= مجهزه كل حاجه متقلقش
_ مش عايز اوترك ان شاء الله هتقدري تثبتي ده بكره الموضوع بسيط خالص ومستر عيسي واثق فيكي جدآ
= شكرآ جدآ
_ تقدري تتفضلي
= عن إذنك
طلعت وأنا بمشي بسرعه علي الاوضة
دخلت علي السرير عماله اتنفس بصوت عالي مسكت التليفون رنيت علي مريم
_اي يابت برن عليكي تليفونك غير متاح ليه
= مريم انا شوفت مستر جواد
_ بتهزري، انتي فين دلوقتي
= أنا في القصر بتاعه
_ قصر آومال اي فندق رويال ده !!
= آه والله، ماهو أنا البنت الموجودة فيهم والباقي شباب ف هو بعت البت الحربوقه بتاعته تجبني للقصر
_ احيه هو متجوز
= لا شكلها رفيقته
_ احيييه يالهويَ وعامله ازاي دي ياختي
= هيا من امريكا واسكتي مستفزه ومش طايقاني خالص لابسه قمصان نوم حرفياً وجسمها كلها باين وبيييضه أوي يابت
_ مش عارف يحكم مستر جواد، وبعدين شكلها خايفه منك لتسرقي جواد منها
= بطلي هبل
_ وقوليلي يابت عامل إزاي
= اسكتي يا مريم متوقعتش إنه كده بصراحه أنا قولت مخبي نفسه من الصحافه والناس علشان وحش بس لا لا حقه بجد
_ لي ياختي توم كروز في نفسه
رديت باستهزاء= وأحسن كمان اتنيلي
_وايه المزه بتاعتنا موقعتهوش
= لا مزه اي بقي كفايه الوتكه اللي معاه دي
_ ششش بس بس وتكه قال هتجيبي الجمال المصري للجمال الأمريكي هتلاقيه زهق منها عايز يجدد بقي
= ياعني اي مش فاهمه
_ فكك كملي كملي كنتي لابسه اي لما قابلتيه
=عبايه عادي
_ رايحه تقابلي المدير بعبايه ياللي تتوكسي مافيش فستان قصير كده ورجلك باينه زي مايا هانم دي وتوريها انك ببضه وجميله زيها وهو يقارن بقي
= بسسسس اسكتي يخربيتك فستان قصير اي ورجل اي روحي نامي ي مريم أنا غلطانه إني كملتك
_ وانهي عبايه دي يابت
= اللي كمها واسع ومفتوحه من الرقبه دي مش عارفه مش لاقيه غير دي واجبها يالا بقي
_ اوف بقي مش دي اللي بتبين رقبتك فيها وضيقه من ورا كمان هتلاقيه اتخيل حاجات سافله
= مريم انتى قليله الأدب هقفل والله
_ هههه خلاص والله خلاص كملي
= مش عارفه أنا كنت متوتره لما شوفته ونظراته اللي متشالتش من عليا دي أنا كنت هموت وبدعي الأرض تتشق وتبلعني
_هتلاقي كان بيتخيل وهو بيبوسك
= مريم انتي متحرشه وقليله الادب سلام
قفلت في وشها وبعدين قعدت اضحك من مناغشتها
كنت هنام بس افتكرت اني مكلمتش ماما واقولها إني وصلت
_ازيك يا ماما عامله اي
= اي ياحبيبتي وصلتي
_ اه وصلت اهو
= انتي فين كده
_أنا أنا في الفندق اهو
= طب خلي بالك من نفسك يا إسراء بالله عليكي واقفلي وراكي بالمفتاح واقفلي الشبابيك وكل حاجه يابنتي ربنا يسترها عليكي
_حاضر يا ماما ادعيلي انتي بس
قفلت معاهاونمت، مارديتش اقولها اني في قصر جواد علشان ميحصلش مشاكل
_______________________
= إسراء يا إسراء
_ميين
= أنا أسماء قومي يالا علشان تروحي الشركه مستر جواد مستنيكي تحت
_ حاضر قايمه اهو شكرآ جدآ إنك صحيتيني
= قومي يالا جهزي نفسك بسرعه
قومت غسلت وشي واتوضيت وصليت ولبست بدله بنطلون و جاكيت اسود وتحته بيزك ابيض سبت شعري مفرود حطيت ميكب بسيظ ورشيت برفيوم ونزلت
شربت كوبايه قهوه علشان افوق وكان معايا الورق كنت براجع منه
لاقيته نازل لابس بدله ومسرح شعره وراشش برفان ريحته فخمه جدآ
= صباح الخير يالا بينا؟؟
_ يالا
ركبت جمبه ف العربيه
كنت براجع أكتر من مره علشان منساش الكلام
كنت ببصله من وقت للتاني كان ساعات الاقيه ماسك اللاب شغال عليه يا اما بيبص علي المناطق برا وصلنا مقر الشركه في كندا لاقينا ناس كتير بترحب بيه وكان فيه صحافه بتصورنا
لاقيته اتكلم بصوت عالي بالانجليزي (I’m sorry, stop taking pictures, I don’t
( show any social media, respect my opinion
(أنا آسف، قوموا بتوقيف اخذ الصور أنا لا أظهر علي اي مواقع التواصل الاجتماعي احترموا رأيي)
لاقيت الصحافه وقفوا تصوير ومشوا، دخلنا الموقع
- يتبع الفصل التالي اضغط على (رواية بين يدي الغامض) اسم الرواية