رواية بين يدي الغامض الفصل الرابع 4 - بقلم رقية
” السفر بكره بإذن الله التجمع في الشركه الساعه 8 بليل، الإقامه يومين في كندا في فندق رويال علي حساب الشركه، منتظرين منكم تشرفونا وتعلوا بشركتنا”
دي الرساله اللي مستر عيسي بعتها علي جروب الشركه
= بابا أنا مسافره بكره
_ فين ياحبيبتي ان شاء الله
= كندا
_ بطلي هزار ياحبيبتي تسافري فين
= بابا مش بهزر بجد مسافره بكره ايفنت في كندا لمده يومين
_ أنا مش هرد هسيب امك اللي ترد
= حبيبتي سفر اي ونيله اي ويوم ماتسافري تطلعي برا مصر انتي اكيد مخك فيه حاجه
_ ماما أنا شغاله في شركه طبيعي الإجتماعات برا مصر ولازم نحضرها
= تحضريها بصفتك اي انتي مالك اصلآ انتي مكملتيش اسبوعين في الشركه
_ يا ماما أنا الحمدلله عملت معاملات في الشركه وشغلي حلو جدآ لدرجه ان المدير اختارني بنفسه في الايفينت ده
= لما يجي ميعاد السفر يبقى يحلها ربنا
_ ماما السفر بكره؟؟؟؟؟
= بكره نبقي نشوف ادخلي نامي دلوقتي وبكره تتحل
=====================
اليوم التاني بقيت قاعده مش عارفه اعمل اي طول اليوم في اوضتي مش عارفه اقوم اجهز الشنطه ولا اعمل اي واقول لمستر عيسي اي!!!
قررت اطلع اكلمهم تاني يمكن يوافقوا
= ماما قررتوا اي
_ اسألي ابوكي اهو
= ها يا بابا
_ مش عارف اقولك اي بس هو ممنوع تسافري لوحدك
= آمال اسافرمع مين
_ مع جوزك، هو معروف كده
= ماشي وأنا مش متجوزه اجيب جوز منين
_ خلاص استني لما تتجوزي
= ياعني ده يا بابا آخر كلام عندك
_ ده الكلام اللي المفروض يتقال
= تمام
دخلت اوضتي كان متبقي 4 ساعات علي السفر
________________________
_ هيقيموا في فندق رويال، طب فيه بنت بس وسط الشباب مش هينفع تكون في فندق افرض حصلها حاجه دي أمانه في رقبتنا
_ لما نشوف ي عيسي اقفل علشان عندي مشوار اعمله قبل مامشي
__________________
الساعه جت 7 ونص وأنا قاعده بعيط وبندب حظي في الاوضه
لاقيت الباب بيخبط
= قومي جهزي شنطتك بيقولك ابوكي
_بجد يا ماما بابا وافق خلاص!!!!
= آه والله بعد عناء معاه بس اسمعي تخلصي الاجتماعات دي وتيجي انتي فاهمه
_حاضر حاضر والله
= قومي يالا الحقي نفسك بسرعه
_ حاضر
=هستناكي بره علي ماتخلصي
قومت بسرعه غسلت وشي ولبست وحطيت برفيوم وميكب خفيف وظبطت شعري وجهزت الشنطه وخلاص خلصت
_أنا خلصت
= يالا علشان أوصلك
_ حبيبي يا بابا ربنا يباركلي فيك يارب
= بكره جوزك هو اللي يقولك لأ بقي مش أنا
ضحكت _ انت مصمم جوزي جوزي
وصلنا لمكان التجمع واتقابلت أنا والشباب وكان فيه بنت إسمها مايا صاحبه عيسي وجواد امريكيه بس بتتكلم عربي مكسر
ركبنا الطياره وكنت أول مره في حياتي اركب طياره واجرب الشعور ده حسيت مع طلوع الطياره كان روحي بتطلع
بس إحساس ممتع إني شوفت البيوت من فوق والسما شكلها جميل أوي بليل
عدا 4 ساعات كنا وصلنا الفندق
= بصوا يا شباب كل واحد ليه اوضه او شوفوا إنتوا هتقسموا إزاي، وانتي ياااا اسمك اي
لاقيتها بصتلي من فوق لتحت
رديت ببرود_ إسراء، اسمي إسراء ياااا مايا
=تعالي ورايا يا إسراء
ركبت معاها عربيه بعد ربع ساعه كنا وصلنا لقصر مش شقه ولا فيله
دخلت أنا وهيا
= أهلا أستاذه مايا تحبي ابلغ مستر جواد إنكم وصلتوا
_ متشكره يا أسماء أنا طلعاله
لاقيتها مشت خطوتين ورجعت بصتلي
= هخلي أسماء توريكي اوضتك اديها شنطتك تحطلك هدومك في الدولاب
_امم طيب
= أهلا بحضرتك أنا أسماء وانتي؟؟
بصيتلها لاقيتها طيبه جدآ وجميله رديت عليها _إسمي إسراء
= تعرفي إنك جميله أوي بجد
_ بجد؟؟
= آه والله ملامحك حلوه ومختلفه وعيونك ماشاءالله جميله ورموشك دي صناعيه ولا حقيقيه
ضحكت بصوت عالي _ لا لا مش للدرجاتي لا طبيعيه ياست
= ماشاءالله جميله
_ بجد شكرآ جدآ انتي اللي جميله اوي علي فكره
= بشكرك، تعالي معايا اوريكي اوضتك
طلعت معاها وأنا مبهوره بجمال القصر وتصميمه والألوان بتاعته إزاي تحفه كده
دخلتني اوضه كبيره فيها سرير واخد مساحه الاوضه كلها وتسريحه بمرايه ودولاب جرار
_ ياخساره هقعد فيها يومين بس
= ادعي كتير إنك كل اجتماع تبقي موجوده فيه
_ هو انتي تعرفي مستر جواد
= ياعني مش قد كده بصراحه
_ هو حلو؟؟
مش عارفه ليه سألت السؤال الغبي ده بس أنا فضولي اخدني اسألها هيا اكيد شافته
سألتني = انتي عمرك ماشوفتيه؟؟
_ ولا مره
= طبيعته كده أنا اول ماجيت برضه مشوفتوش غير بعد شهرين شغل
_عامل إزاي
= جمييل اووووي عامل زي الأبطال اللي في الأفلام طول بعرض بجسم رياضي شعره ناعم عيونه سوده خالص ملامحه جميله أوي
ضحكت علي وصفها ليه _ انتي بتحبيه ولا اي
ضحكت جامد وقالت= احبه اي بس هيا البومه اللي معاه دي مخليه حد يجي جمبه
بصيت باستغراب _ مين؟؟
= اللي إسمها مايا دي خلي بالك منها دي عقربه
_انتي ارتحتيلي كده ليه
= باين عليكي طيبه وأنا حبيتك
_ أنا أكتر والله
=طب علشان مطولش عليكي أنا جهزتلك كل حاجه هتحتاجيها هنا اهي لو عوزتي حاجه نادي عليا ماشي ي سكره
_ عيوني يا أسماء
=يسلم عيونك يا حبيبتي عن إذنك
دخلت اخد دش علشان اريح جسمي من تعب السفر
طلعت لبست بيجامه وسرحت شعري وعملته ديل حصان ورشيت برفيوم وكنت هطفي النور وانام لاقيت الباب بيخبط
= مين؟؟
_ أنا أسماء
= اتفضلي يا أسماء
_ بيقولك مستر جواد تعالي انزلي اتعشي
= هو تحت؟؟
جاوبتني آه بعينيها
قلبي دق جامد وجسمي ارتعش
_مالك؟؟
= مش عارفه
_ البسي عبايه او حاجه طويله وانزلي كلي لقمه هتلاقيكي جعانه وحتي تشوفي مستر جواد
= ياعني أنا يوم م اشوفه اشوفه علي الأكل هيا دي مقابلتنا سوا
_ معلش بقي حظك طيب
=علي رأيك هو ده حظي، خلاص ي اسماء روحي انتي هلبس وانزل
لبست عبايه واسعه باكمام واسعه مفتوحه من الرقبه دي الوحيده كانت معايا
سبت شعري زي ماهو ديل حصان
نازله وأنا مش عايزه السلالم تخلص خالص
سمعت صوت خشن رخيم :انتي خايفه تقربي يا آنسه ولا اي
رفعت عيني علي اللي قاعد علي حرف السفره
- يتبع الفصل التالي اضغط على (رواية بين يدي الغامض) اسم الرواية