رواية بين يدي الغامض الفصل الثاني 2 - بقلم رقية
“دخلت علي الأكونت مفهمتش حاجه منه الأكونت مجهول مش معروفله هو مين ولا كام سنه مش عارفه أنا شاغله بالي ليه بس أنا فضوليه وبحب أعرف كل حاجه”
يالا مليش دعوه أنا انام أحسن علشان بكره انزل بدري
صحيت تاني يوم الساعه 8 فطرت وصليت ودعيت ربنا يوفقني في الشغلانه اللي ملهاش ملامح دي
وصلت أنا ومريم الشركه وقعدنا في المكتب بتاعنا
سمعت صوت مهموس بين بنتين جمبي واحده فيهم بتقول للتانيه” سمعت ان جواد بيه هيجي المقر النهارده”
“بتهزررررري بس هو محدش بيشوفه اصلآ ”
” ادعي ياختي يختارنا في الانترفيو ونشوفه أصل هموت واشوفه بصراحه بيقوله انه وسيم اوي”
_بت يامريم
= ها
_ البنات دول عبط ولا اي
= لي كده
_ العيال هيموتوا ويشوفوا اللي اسمه جواد ده
= شكله حلو علشان كده هيموتوا بعضهم عليه
_ يالا إحنا مالنا قال ياعني لو حلو هيسيب كل البنات المزز دي ويختار حد مننا
= علي رأيك اشتغلي ياختي اشتغلي
إسراء معتز عبدالعظيم تيجي لمكتب مستر عيسي ضروري
_ استر يارب أنا عملت ايييي يالهوي
دخلت علي المكتب وأنا قلبي في رجلي حرفياً
= أهلا مستر عيسي حضرتك كنت عايزني
_ ازيك يا إسراء أخبارك اي اتمني تكوني بخير، انا متفائل بيكي خير من ساعه ماختبرتك ولاقيت لغتك كويسه جدآ والسي في بتاعك ممتاز هسيبلك كام ورق تخلصيهم في أسبوع وان شاء الله هتقدري علشان الاسبوع الجاي فيه ايفنت هيبقي في كندا مع مستر جواد بيه بس أنا مش هكون موجود انتي اللي هتبقي مكاني ومعاكي كام عميل من الشركه أنا عارف إني اختارتك من البدايه كده بس تفكيرك عاجبني ولغتك المتقنه دي هترفع شركتنا برا باذن الله اتمني متخذليش ثقتي فيكي وتكوني قد اختياري ليكي موافقه!!
_يا الله هو إزاي ربنا حنين وكريم علي عباده كده مكملتش اسبوعين في الشركه وبقيت بدل شريك الشركه الحمدلله علي كرمه وفضله
= مش سامع رأيك طيب آه ولا اي
_ لا لا أنا موافقه جدآ اتمني اكون عند حسن ظنك وان شاء الله هعمل كل اللي اقدر عليه وزياده بشكرك علي ثقتم فيا
= العفو علي اي، اتمني تخلصي الورق اللي هديهولك وتسلميه قبل الايفنت بإذن الله، تقدري تمشي دلوقتي وقبل ماتروحي هبعتلك مصطفي بالورق
طلعت وأنا مبسوطه مش علشان هروح كندا لأ علشان هقابل اللي اسمه جواد ده
_ بت بت بيقولوا جواد بيه ف مكتبه دلوقتي
= فين مكتبه ده؟؟؟
_ بيقولوا في الدور التالت شمال مكتب كبير كده وسري ماحدش بيدخله خالص من العمال غير اشخاص معينه
_ بت يامريم انتي مش شاكه ف اللي اسمه جواد ده هو ليه هويته مختفيه كده حاسه وراه فخ كبير يابت
= شاكه يابت والله بس إحنا مالنا بيه مش هناخد فلوسنا في الآخر
قطع كلامنا صوت البنات المسهوكين اللي جمبي : عايزه اتلكك واعمل مشكله علشان اطلع واشوفه يابت
_ قال ياعني لو عملت مشكله هيهتم بيها ويحلها
______________________________
= عاش من شافك ياجواد بيه رامي نفسك انت برا وسايبني هنا طالع عيني
_ مش عاجبك امشي هجيب غيرك، قولي العمال الجداد فين السي في بتاعهم وأساميهم
= اهم ياسيدي السيفيهات بتاعتهم وكل حاجه عنهم
” إسراء معتز عبدالعظيم ” حاسس إن الإسم ده مش غريب عليا
_ اسكت يا جواد البنت دي دماغها ألماظ هديه وجاتلنا من السما تفكيرها تفكير ١٠٠ بني آدم
= بخاف من تعظيمك في شخص وبنتخزوق في الآخر اطلع شوف شغلك ونبقى نشوف إسراء دي بعدين، ابعتلي قهوه مع مازن دماغي مصدعه
_مين قدك مانتا سهرن طول الليل مع مايا
= مش هرد عليك علشان مصدع ولو قومت مش هخليك موجود من أساسه أنجز امشي
____________________________
كان فين مجموعة عندهم مشكله معينه في المبيعات بتاعتهم ومحتاجين مساعده بس ممنوع نهائي يلجئوا للمدير او الشربك ودي قوانين الشركه لان المشاكل دي بتعلمنا نشتغل علي نفسنا أكتر ومنلجأش لحد كذا حد حاول يحل معاهم المشكله بس بيفشلوا ف قررت اشوف المشكله في اي
=فيه اي هنا!!!!
_ المبيعات نازله خالص بسبب موقع اشتغلنا فيه ونزل شغلنا الأرض بنحاول نحل المشكلة بس الموضوع بيسوء أكتر
= طب ممكن اجرب واحل الموضوع ده
_ ياريت بجد
حاولت اشغل الموقع وبدأ يشتغل معايا بس بيحتاج وقت كتير وعلشان يتقبل الطلب بيقعد من يومين ل3
عملت الطلب وهنستني بعد يومين او 3
خلصنا شغل وروحت أنا ومريم
روحت لاقيت…..
- يتبع الفصل التالي اضغط على (رواية بين يدي الغامض) اسم الرواية