رواية بين يدي الغامض الفصل التاسع عشر 19 - بقلم رقية
ضحكت وودعتها ومشيت
بص للشنطه اللي ف ايديها
قال بفضول : اي اللي ف ايدك ده
= حاجات كنت نسياها عند مريم
هز براسه سحبها ومشي
ركبت جمبه العربيه _ إحنا رايحين فين كده يا جواد
= شقه اسكندريه
_ دي شقه جديده ولا اللي كتبنا فيها الكتاب
بص لمرايه العربيه = هيا آه
ابتسمت براحه لأنها بتحب الشقه دي ليها ذكريات حلوه معاه هناك
قطعت الصمت فجأه _ جواد انت كنت بتجيب في الشقه دي نسوان
اتصدم من كلامها = ياعني اي بجيب فيها نسوان
شاورت بايديها كأنها بتهدده _ رد عليا يا جواد
= هجيب نسوان منين يا إسراء هو أنا فاضي للمسخره دي
هزت راسها بيأس_ اه اه خدني علي قد عقلي
مسك ايديها وباسها = مقدرش ده انتي ست البنات كلهم
ابتسمت وبصت للشباك وهيا مبسوطه
بعد دقايق سابها قدام البيت
_انت رايح فين؟؟
= رايح اقعد مع عيسي شويه بقالي كتير مقابلتهوش
قالت وهيا بتسأله_ هتتأخر
قال علشان يزاولها= هتستنيني؟؟
قالت وهيا بتتشاكس معاه_ على حسب
غمز بعينيه= يبقى مش هتأخر، سلام
ضحكت على تصرفاته الطفوليه ودخلت الشقه
___________________
_ لسه مجابتش ورق الصفقه برضه
=بتقول مش عارفه
قال بعلو صوته_ ياعني اي مش عارفه هيا اي اللي جرالها ولا لقت مافيش من وراها منفعه علشان حبيب القلب
= معرفش يا باشا أنا ادتلها كلمتين في جنابها امبارح بس انت عارف دماغ الأمريكان
قام وساب المكان وقال بزعيق _ دماغ الامريكان عليها مش على الباشا
________________________
وقفت إسراء قدام المرايا بتشوف الفستان اللي جسمها كانت معجبه بتصميمه اوي مخليها رقيقه حطت ميكب خفيف ولعت شموع بريحه اللافندر فردت شعرها تغطي نص ضهرها لان الفستان مفتوح من الضهر
كانت عماله تلف قدام المرايا وهيا مبسوطه من شكلها فضلت تصور نفسها من كتر اعجابها بشكلها
______________________
= يا هلا عاش من شافك
_ مالك يالا وشك دبلان كده ليه
قال بحزن =مافيش تعبان شويه
_ انت يالا بتحب مريم
استغرب من كلامه و قال بلامبالاه= اي اللي انت بتقوله ده يا جواد مريم مين بس مافيش الكلام ده
_ آمال انت مالك مش متظبط ليه
= لا عادي الشغل وكده
قال ليغير مجري الموضوع
_ انت طمني عليك اخبارك ايه واسراء عامله اي
قال وهو بيغمز: اي مافيش بيبي جاي ف السكه
ضحك بصوت عالي لما اتذكر اللي حصل معاه قبل نص ساعه وهيا بتفكره أنها هتستناه
قال بتنهيده = قريب ان شاء الله دعواتك
_ طيب ياعم هانت شد حيلك انت بس
ابتسم بوقاحه رجع يفتكر أفعالها
بعد ساعتين مشي وسابه راح للبيت كان متحمس لما قالتله الكلام ده هيا ولأول مره تبادر بالكلام فكر شويه ممكن صاحبتها هيا اللي لينت قلبها عليه
______________________
كانت مستنياه ولكن غلبها النوم فنامت مكانها
فتح الباب لقاها نامت علي السرير حاول يصحيها رفضت تصحي
غير هدومه لهدوم قطنيه مريحه، قعد جمبها علي السرير حاول يزاولها ويدايقها
صحت علي مزاولته ليها قالت وعلي وشها أثر النوم
_ انت جيت امتا
قال بمشاكسه= من بدري قاعد مستني القمر يصحي
ديرت وشها عنه من نظراته المتحرشه دي
_ وبعدين انتي مش قولتيلي هتستنيني نمتي ليه
اتكلمت بكسوف= م خلاص بقي يا جواد بطل تحرجني
قال بهدوء يخفف عنها احراجها_ حاضر مش هتكلم هسكت خالص
حاول يخليها تندمج في عالمه لحد مل وقعت في شباكه وبالفعل بقت زوجته علي سنه الله ورسوله
كان جواد الفرحه مش سيعاه هيا حبيبته و مراته رضيت عنه أخيراً
————————
= يا حاج مش هتتغدا طيب
قال بصوت عالي _ انتي ياوليه جبله مابتحسيش بقولك أختي ماتت تقوليلي اطفح
= يا حاج أنا خايفه علي صحتك
علا الصوت بينهم انتهى الجدال بقلم قوي لغاده علي وشها حست بدم بيسيل على مناخيرها
قال بعصبيه بالغه_ اسمعي يا وليه انتي هاجي آخر الليل ملاقكيش وورقتك هتوصلك أنا قرفت وزهقت منك ده انتي مره غم ونكد جاتك القرف ابقي اجي الاقيكي مامشتيش
مشي وسابها قعدت علي الكنبه تعبط وتنوح على حالها دخلت اوضتها لمت هدومه وحاجتها فاقت نسمه على صوت عياط غاده حاولت تعرف فيه اي
= مالك يا ماما بتعيطي ليه، يالهوي واي الدم ده حد ضربك
متكلمتش غاده وفضلت علي حالها بتطبق هدومها وتعيط
فهمت نسمه ان ابوها هو اللي عمل كده كانت غاده هتطلع لسه من الأوضه
= استنى يا ماما أنا جايه معاكي
اخدت هدومها هيا كمان وراحت معاها
_________________________
صحيت الصبح لقت نفسها في حضنه وبقت مراته استغربت ليه ضميرها مأنبهاش او ليه مش حاسه إنها ندمانه ولأول مره تعترف بصدق انها حبته واستسلمت ليه
قامت وهيا بتلف الملايه علي جسمها دخلت الحمام
خرجت بعد مده لابسه بيجامه قطنيه مريحه ، سرحت شعرها دخلت المطبخ تجهز فطار بسيظ ليهم
بعد وقت خرجت لاقيته نايم والمخدة في حضنه
قالت بضحك :حتى المخده مش راحمها بتاع نسوان بصحيح
حاولت تفوقه= جواد
: اممم
_ قوم يا جواد هو اي اللي اممم قوم علشان تفطر وتشوف شغلك يا حبيبي يالا
ابتسم في نومه من الكلمه فلأول مره تناديه باللقب ده
قال بصوت خشن وهو بيحط بوسه علي كف ايديها = اعمليلي قهوه طيب ي حبي
طبطبت علي ايديه _ حاضر
بعد دقايق حضرتله قهوته قعدت جمبه تاكل معاه دقايق وقام يدخل الحمام لقت تليفونه بيتصل بصت للي بيتصل لاقيتها مايا ردت ببرود
= الو مين
_ جواد فين
= جواد بيستحمي عايزه حاجه
ردت بغليان _ عايزاه ضروري
طب ثواني علت صوتها علشان تسمعها :جواد حياتي خلصت
رد هو من جوا = خارج اهو يا حبيبي
اشتعل قلب مايا وقالت بنبره كراهيه _ لما يخرج قوليله مايا رنت بس كده وقفلت المكالمه
ضحكت إسراء بشماته بعد دقايق لاقيته خارج كانت المنشفة تغطي الجزء السفلي من جسمه قطرات المايه على جسمه طلعت علشان تسيبله مساحته
مسك ايديها
_ رايحه فين
= هسيبك علشان تلبس
قال بمزاوله _ ليه ما تخليكي هو حرام ياعني
ضربته على صدره = انجز وبطل قله أدب
قال بنبره قليله الادب_ أموت أنا في قله الأدب ده أنا من صغري منحرف
ضحكت على كلامه
سابته وطلعت علشان يغير هدومه
كانت بتكلم مريم علي الواتساب تحكيلها عن أثر كلامها اللي قالتهولها امبارح
قطع انسماجها رقم مجهول
الحقينا يا إسراء!!!!!
- يتبع الفصل التالي اضغط على (رواية بين يدي الغامض) اسم الرواية