رواية بين يدي الغامض الفصل الرابع عشر 14 - بقلم رقية
ابتسمتله وحركت صوابعي علي خصلات شعره اللي نازله علي عينيه = طول م قلبك بيحس انك تايه وضميرك بيأنبك يبقي صدقني انت إنسان كويس
قطعت الصمت اللي بيننا = انت ليه مش بتظهر في الشركه
رفع رأسه لها ولم يتكلم فهمت صمته فسكتت
_ عندي رهاب اجتماعي
بصيت بصدمه= بجد!!!!
ضحك بعلو صوته _ أكيد لأ مش للدرجاتي ياعني بس أنا مش بحب شكلي من وأنا صغير
اتصدمت بيقلل من وسامته!!!
= مالك بتبصيلي كده ليه
ابتسمت _ لا عادي متفاجئه بس
قام من علي رجلي نام علي السرير محسستش بيه غير وهو نايم مش حاسس بحد خالص
خلعت اسدالي ولبست بيجامه خفيفه انام بيها
قولت في نفسي ” طب أنا هنام إزاي مستحيل انام جمبه ده متحرش”
فرشت الأرض بقماشه تقيله وحطيت مخده وذهبت في ونمت أنا كمان
فات يومين ومحصلش فيهم اي جديد غير اني حاولت أقرب من جواد علشان احسن من علاقتنا شويه
____________________
= لا متخافش هيجي النهارده وهيبقي موجود وهتعمل اللي اتفقنا عليه
_ ويهون علي حبيب القلب
= طالما خرج من تحت طوعي يبقى يستاهل
_ ده انتي جبروت فيه حد ياذي الإيد اللي اتمدتله
ضحكت بسماجه= آه أنا
______________________
صحيت على ريحه برفانه المميزه لاقيته بيسرح شعره كان لابس بدله رسميه لونها كحلي
بصلي في المرايا _ بتعرفي تعملي الكرافته
هزيا راسي ب أيوه
= طب تعالي اعمليهالي علشان مبعرفش اعملها
_ مدير شركه ومبتعرفش تلف الكرافته
= ماهي صعبه أعمل اي
ربطتله الكرافته
= كنت شوفت بوست ف جروب الشركه فيه حفله الهالوين بليل في المقر اللي في دبي هو فيه حد لسه بيعمل العبط ده
ابتسم بسماجه_ هما بقي مش إحنا
= اي ده انت مش رايح
_ لأ مش هروح وأنا فاضي للعب العيال ده
بصيت بحزن = ليه يا جواد ماتيجي نروح نفسي أوي اشوف الحفله دي
بص باستغراب _ نروح!!!!
رديت بنفس صدمته = ايوه نروح
_ ماتجمعيش بس علشان مافيش مرواح
مشي وسابني
وصل لمقر الشركه قعد في مكتبه بص للأوراق المهمه اللي قدامه
= يا هلا يا هلا عاش من شافك يا راجل
بصله ببرود_ يا أهلا
= اي يا جواد انت صدقت انك عريس بجد ولا اي
بص بغضب _فيه اي يالا مالك ماتظبط
= مافيش ياعم بس انت ياعني بقالك اسبوع شايل الشغل كله عليا اومال لو مش جواز علي ورق بقي
_ بس يا جلنف انت أنا كنت ف دبي بخلص الشغل اللي كان متراكم هناك أنا والله معرف اللي اسمها مايا دي بتشتغل هناك وبتاخد فلوس ع اساس اي
اتكلم بجديه= انت عارف يا جواد ان مايا ملهاش في الشغلانه دي واحده امربكانيه متعوده ع الانتخه
ضحك بسخريه_ امريكانيه اي بس يابني صلي على النبي دي غلبتنا إحنا المصريين دي نسيت لغتها الأصليه
= م حقها يا جواد دي عايشه ٢٠ سنه في مصر بتروح لاهلها زيارات كل سنه
_ المهم انت فكك من كل ده عملت اي في الصفقه
= الصفقه تمت وزي الفل بس أيمن مش عاجبه حقه
رد بجحود _ قوله هو ده اللي عندنا وحقك بيوصلك تالت ومتلت مش عاجبك شوف غيرنا
ابتسمله = متقلقش أنا كيفته من اللي قلبك يحبه
ضحك _ انت هتقولي مانا عارف
____________________
كنت قاعده في الأوضه بتكلم مع مريم
= وبعدين من ساعتها مكلمكيش تاني
_ أنا من ساعتها بتجنبه
رديت بحزن= معلش يا مريم يمكن فيه حاجه مدايقاه
ابتسمت بسخريه _ اسبوعين يا إسراء اسبوعين متدايق
=خلاص ي مريم شوفي حياتك ده معناه إنه بيتسلي
_ أنا خلاص قفلت ع موضوعنا وهشوف حياتي، المهم طمنيني انتي عليكي معلش الكلام اخدني نسيت أسألك
= ولا يهمك ي حبيبتي أنا كويسه والله اهو
ضحكت _ ومستر جواد عامل اي معاكي
رديت وأنا متدايقه = وبتضحكي ليه يا هانم
_ لا ولا حاجه
كملت مكالمتنا ومحسيناش بالوقت، قطع كلامنا خبط مزعج ع الباب قمت افتح لاقيت شاب معاه أكياس في ايده
= أهلا مدام إسراء مستر جواد باعتلك الحاجه دي وبيقولك ساعه وهيعدي عليكي
دخلت الأوضه وفتحت الشنطه لاقيت فستان أسود بسيط ومعاه قناع أسود وفيه تطريزات دهبيه
بعد ساعه لاقيته قدام الباب لابس بدله من اللون الأسود وقناع أسود برضه
بصلي بصه مفهمتهاش هي نظره حب ولا نظره رعب
= شعرك ده فرداه ليه ماتلميه!!
رديت بسماجه _ يمكن فرداه علشان الفستان من ورا مبين ضهري كله
خطي خطوتين، رفع شعري لقي نص ضهري عريان من الفستان
قال بعصبيه = غبيه قولتلها عايزُه محتشم
_خلاص حصل خير
دخل الأوضه رجع ومعاه شال أبيض من الفرو
= امسكي غطي ضهرك ب ده ومتقلعيهوش يالا بينا
مسك كف ايدي وخرجنا للعربيه اللي منتظرانا برا
بعد ساعات وصلنا للحفله صحافه كثيره واقفه قدامأمام مدخل الباب
كنت لابسه القناع زي م قالي، كان يبجرني وسط الكم الكبير من الموجودين
حاول يوقفنا مصور صحفي
= آسف مش هينفع دلوقتي استني لما الحفله تبدأ طيب
_ كنا عايزين نعرف مين اللي معاك دي أستاذ جواد
مردش عليهم ودخلنا جوا
= اقعدي علي الكرسي هنا متتحركيش لو عوزتي حاجه ابعتيلي علي الواتس
بصتله _ حاضر
كانت قاعده جمبي مايا كانت بتبصلي كل شويه بصات غل وحقد مكنتش مهتمه
بدأت الحفله والاستعراض كان واقف علي المسرح 7 بنات لابسين القناع وكانوا بيفتتحوا الحفله برقصات استعراضيه
كانت من ضمن الفقرات رقص الأزواج أو الكابلز
لاقيت عدد كبير من الكابلز واقفين علي المسرح بيرقصوا رقصه السلو كنت أنظر ببصلهم نظره حب وسعاده
لاقيته مسك ايدي = يالا
قلت باحراج _ مش بعرف
= تعالي وسيبيلي نفسك
مشيت معاه للمسرح وسعوا الطريق لينا لما لقوه
مسك ايدي وحطها علي رقبته ، كانت أنفاسه منتظمه مع وتيره أنفاسي وسرعه نبضاتي كان بيبص لعيوني مقدرتش ابادله نفس النظرات وطيت راسي ف الارض
= ارفعي وشك
بصتله بحرج
بعد دقايق كانت الموسيقي وقفت بصيت جمبي ملاقيتش حد غيرنا يا لكسوف
جريت بسرعه اقعد علي الكرسي
دقايق ولاقيت الأنوار اتقفلت واتبدلت الموسيقى بطلقات النار كانها موسيقي علي الطلقات معرفتش امسك نفسي أنا والموجودين صرخت بعلو صوتي حطيت ايدي علي ودني امنع الأصوات تدخل ودني
صوت جسم اترمي علي الأرض بعد دقايق رجعت الأنوار لاقيت جسمه في النص وهدومه غرقانه في دمه
صوت بصريخ وصوتٌ عالي = جواااااااد
- يتبع الفصل التالي اضغط على (رواية بين يدي الغامض) اسم الرواية