رواية بين يدي الغامض الفصل الثالث عشر 13 - بقلم رقية
مسك ايدي بعصبيه= بطلي الكلام الأهبل ده وطلاق مبطلقش ومافيش حد هيلمسك غيري ومسمعكيش بتنطقي العبط ده تاني
ردتيت وأنا متعصبه منه _ والله ده علي جثتي انك تلمسني متنساش كلامك انت اتفقت معايا يوم كتب الكتاب إنك مش هتلمسني وانه ع ورق بس
رد ببرود = غيرت كلامي
زقيته في صدره _ لا مافيش حاجه اسمها غيرت كلامك انت عيل صغير ولا اي
مسك كتفي حاولت ابعده عني بس ثبتتي = لا مش عيل صغير بس يبقى عبيط اللي يسيب واحده زيك
ديرت وشي عنه وابتسمت بس رجعت لعصبيتي تاني
= وبعدين انت مبتحسش بجد ولا عندك دم
بصلي بإستغراب _ده ليه بقي
حطيت صباعي قدام وشه = علشان حضرتك سايبني خمس أيام لوحدي في الشقه انت بجد جبروت افرد اتلبست وأنا لوحدي والشيطان طمع فيا ولا طلع عليا حرامي خطفني
ضحك بصوتٌ عالي _ انتي تتلبسي ده العفريت يخاف يلبسك من كتر دبشك ومافيش حرامي يقدر يقرب من الشقه دي بالذات علشان عارف هيا بتاعت مين، وبعدين الشيطان هيطمع فيكي ليه انتي مش بتصلي وبتقرأي اذكارك خايفه من اي بقي
= وانت بتعمل كده بقي
ماتكملش مشي وسابني للبلكونه وولع سيجاره
=======================
= الو رياض معايا؟؟
_ مين معايا
= أنا فاعله خير
_ ايوه مين معايا ياعني
= أنا جيالك بمصلحه تهمني وتهمك
_ وانتي مين علشان تعرفي مصلحتي وهتهمني ولا لاء
= إسراء
_ مالها
= اتجوزت من واحد إسمه جواد الغمري
_ اتجوزت اي يابنت الكل*ب علشان كده هربت معاه الفا*جره
= شوفت بقي ان الموضوع يهمك إزاي عمومآ فيه كلام كتير واتفاقات فكر مع نفسك لو حابب إننا نكمل ابقي بلغني بكره
قفلت في وجهه وهيا بتضحك ضحكه استهزاء لأنها عارفه هيحصل اي بعد مكالمتها دي
بص رياض للخط اللي اتقفل قام بعلو صوته يشتم ويسب جري بسرعه لبيت عمه يزعق معاه
= افتح ياراجل يا ناقص قولتلي هجوزك البت وهتاخدها واتاريها هربت مع عشيقها
فاق والد إسراء علي الصريخ والزعيق ده قام بسرعه هو وزوجته وأولاده فتح الباب لقي رياض عمال يشتم ويسب
= فيه اي يا رياض وبتزعق ليه كده
مسكه من قميصه حاول يخنقه _ انت يا راجل يابن الكل*ب مش قولتلي هجوزك البت اهي راحت اتجوزت وانت قاعد مش داري باللي حاصل
= اهدي يالا واقعد وبعدين اتجوزت مين ومين اللي قالك
_انت مالك باللي قالي انت ليك دعوه بيا أنا اسمع ياعم معتز البت لو مجبتهاليش خلال يومين هجيبها أنا بمعرفتي وبطريقتي وهشوهالك انت سامع ولا لأ
مشي وسابه، قعدوا أهل إسراء في حاله سكوت بنتهم اتجوزت من مين ميعرفوش بس فسروا من هروبها ده انه عشيقها وهربت علشانه
= البت دي من ساعه ما مشيت من البيت وأنا لا أعرفها ولا هيا بنتي وان شاء الله لو ماتت قدامي معرفهاش
دخل وسابهم يكمل نومه
——————–
راحت وراه قفل الستاره بسرعه قبل ما يشوفها حد بالمنامه القصيره دي، ايوه هما بليل بس بيغير عليها من الهوا الطاير برضه
= انتي ازاي تطلعي البلكونه كده
بصيت للعبايه البيتي القصيره دي اتحرجت سيبته ودخلت اغير هدومي غبت دقايق ورجعت لابسه عبايه محترمه شويه
بص بإستغراب و ضحك بسماجه _ أنا قولتلك البلكونه مش في اوضتنا ياعني
بصتله بإحراج = أنا أصلا كنت لوحدي ف كنت قاعده براحتي مكنتش اعرف انك هتيجي، انت مقولتليش برضه علاقتك من ربنا عامله ازاي
خلص سيجارته حدفها من السور
بص باستكبار_ليه بتسألي ياعني
= اي المشكله عادي لو علاقتنا مع ربنا مش احسن بس بنحاول نقرب منه
_ حتي بعد كل الذنوب والمعاصي اللي اتعملت واللي هتتعمل
= اللي فاتت والجديده نلغيها ونتوب ونحسن علاقتنا معاه طول مافيك الروح يبقي لازم تتوب
بصيت لاقيته مشتت من المؤكد انه ماحدش عوده علي ده فقررت خلال الفتره معاه اني احاول اغيره للأحسن
مسكت ايده ودخلته الحمام يتوضأ
بعد دقايق خرج والمايه متقطره علي وشه اديته الفوطة يمسح بيها
لبس عبايته أو اللي بيسموه القفطان فرشتله المصليه
= بص انت هتصلي ركعتين توبه لله الأول واتكلم معاه براحتك واتأكد ان مهما عملت ان ربنا بيحب عباده ورغم الذنوب والمعاصي اللي بنعملها ربنا بيغمرنا بعطاياه
سيبته وطلعت برا يستفرد بنفسه مع ربنا براحته
بعد 15 دقيقه لاقيته خرج من الأوضه
بصلي ووشه بيشع نورًا
بصتله وابتسمت = تعالي صلي معايا العشاء علشان مصليتهاش
لفيت طرحه اسدالي ووقفت وراه وهو إمامي
كان بيقرأ بتلاوه عذبه وصوتٌ خاشع وكأنه نازل من الجنه
اندهشت من حلاوه صوته والادهش انه صلي بيا بسوره (آل عمران)
سلم وخلص من صلاته
كان هيقوم لكن مسكت بإيده وحطيت رأسه علي رجلي ماتحرجتش هو جوزي برضه اينعم لفتره قصيره لكن قررت اني استغل الفرصه واقربه من ربنا
_اتعود لما تخلص صلاه دايماً تقعد خمس دقايق كده تستغفر وتسبح الملايكه بتبقي قاعده حواليك بتغفرلك ذنوبك
بص باندهاش = بجد!!
هزيت راسي بنعم
غللت صوابغي في شعره غمض عينيه وقال بإبتسامه= اي الحب اللي نزل عليكي فجأه كده
سكت ومتكلمتش بصلها لقي عيونها مقفوله وبتقول كلام بهمس حاول يتكلم
قاطعت كلامه = ششش اسكت دلوقتي
بعد دقايق صرح وقال _ أنا بقالي 10 سنين مش بصلي
بصيت بصدمه
ابتسم من نظرتها = كنت عارف إنك هتبصي كده بس أنا كنت تايه وحاولت في العشر سنين اقرب من ربنا بس أنا مكنتش داري بحالي الدنيا لهتني وأنا عارف ان ده مش مبرر وممكن في اي وقت ربنا ياخد روحي بس الدنيا والشيطان بيلهوا الإنسان بس انتي زي ماقولتي رغم كده ربنا كان بيسترني وكان بيرزقني وكانت عطاياه كتير أوي نعم لا تحصي
ابتسمتله وحركت صوابعي علي خصلات شعره النازله علي عينيه = طول م قلبك بيحس انك تايه وضميرك بيأنبك يبقي صدقني انت إنسان كويس
بصلي وكشف عن سر ليه تاني بصتله بصدمه أكبر!!!!
- يتبع الفصل التالي اضغط على (رواية بين يدي الغامض) اسم الرواية