رواية بين يدي الغامض الفصل الثاني عشر 12 - بقلم رقية
صحيت من النوم بعد 6 ساعات
غسلت وشي كنت حاسه إني جعانه خرجت للصاله لاقيت بيتزا لارج لحمه وسوسيس استغربت
= اي ده مين جابها، دي سخنه
فتحت واتساب لاقيته بعتلي رساله
_ بعتلك عيسي بيها
ابتسمت تلقائيًا رغم انشغاله بشغله افتكرني
اكلت وأنا جعانه قضيت عليها حرفياً من كتر جوعي
بعتله ” حاسس بيا ياعني”
رد وقالي “أكيد”
” طمني عليك وصلت امتا”
” من أربع ساعات كده”
” أنا مليت يا جواد البيت مافيهوش حاجه تسليني”
” ليه مين قال كده”
” البيت كئيب أوي”
زاولني وقال ” خلاص بقي كلامك مفضوح أوي قولي البيت وحش من غيرك وخلاص”
ضحكت لما قريت كلامه
” انت واخد مقلب في نفسك أوي”
” عارف”
بعتله مسدج شافها ومردش
___________________
قطعت كلامه هو واسراء
_ خلصت يا جواد
قربت من وراه وحاوطت دراعها على رقبته
مسك دراعها وحاطه ورا ضهرها
= أنا لسه محاسبتكيش على اللي عملتيه في إسراء ف عدي يومك
_ وأنا عملت اي زعل السنيوره
= انتي متقدريش تعمليلها حاجه طول مانا موجود
_ ليه بقيت المحامي بتاعها وأنا معرفش
قال بصوت فحيح في ودانها = لا جوزها ف بطلي تعدي حدودك معاها
ردت بصريخ وصوتٌ عالي_ ياعني اي يا جواد انت اتجوزت الجربوعه دي انت بتهزر صح
خنقها من رقبتها وقال = سيرتها متجيش على لسانك وصدقيني لو دايقتيها ولا عملتيلها حاجه هتزعلي مني
سابها واقعه ع الأرض بتاخد نفسها
بصتله بـ غل : بدأت اللعبه يا إسراء وأنا يا انتي
__________________
بليل كان قاعد في اوضته وفي ايده موبايله بيبعتلها
” تعرفي اني عمري ماحبيت برنامج الواتساب ده ولا بستخدمه”
” اي ده ليه كده”
كانت مبتسمه انه خلال سفره بيتكلم معاها وبيتطمن معاها، كان بيحسسها انه جمبها ومش بعيد عنها بسبب مكالماته ليها دايماً واطمئنانه عليها
بعتلها :مش عارف بس أنا مش من النوع اللي بحب السوشيال ولا ليا فيها بصراحه أنا كل اللي ماسك شغلي مايا أو عيسي
اتعصبت من ذكره لاسم واحده تانيه غيري في كلامه والأسوء إنها مايا المستفزه
رديت ببرود: آه بس اعتقد فيه خصوصيه ليك
كنت اقصد بالكلمه ان مايا من الممكن أنها تشوف كلامنا مع بعض
فهم قصدي وقال _ فيه فرق بين الخصوصيه والشغل وطول مانا حاطط حدود لحياتي الشخصيه يبقى استحاله حد يتدخل فيها
ابتسمت من كلمته “حياتي الشخصيه” معنى أنه يقصد إني اخصه ومش ممكن لأي حد يتدخل في حياتنا
____________________
كانت مايا واقفه في البلكونه بتبص كل شويه للباب بتاع اوضتها لحد يسمعها وهيا بتتكلم
= الو اي يا معتز عملت اللي قولتلك عليه
_ بصي ياست الناس أنا جبتلك قرارها كله
قالت بتحدي = كمل
قال بكلام كدب وافترا = البت دي كانت مخطوبه لواحد وطلع مش كويس معاها ومن كلام الناس إنه اعتدي عليها
سمعت مايا بصدمه_ اوووه اغتصبها ياعني دي شكلها هتحلو، كمل
= وعندها ابن عمها عنده حاجه في مخه بيقولوا مهووس بيها وعايزها علشان كده هربت من بيت اهلها
_ انت كده تعجبني ال50 ألف هيوصلولك بليل
= حبيبتي ياست الناس لو عايزه رقم ابن عمها ده اهو
******01272
_ هنتعامل مع بعض كتير ي معتز سجل رقمي عندك
قفلت الخط وضحكت بهيستريا _ آه يابضاعه مستعمله يامقشفه جايه علشان تستولي علي فلوسه وعملاله لعبه
ويلٌ لأعراض الناس وشرف البنت خاصهً
__________________
كانت أم إسراء قاعده في اوضتها بتعيط علي بنتها
دخلت نسمه اخت إسراء
= يا ماما بالله عليكي كفايه هيا كويسه والله
_ بس أنا مش كويسه من غيرها يا نسمه
= ادعيلها يا ماما ادعيلها
_ بدعيلها والله يا نسمه طب هيا مش بتكلمك
= لا والله يا ماما مش بتكلمني بطمن عليها من مريم
__________________
كنت قاعده في الصاله سمعت صوت جرس الباب لبست عبايتي بسرعه
بصيت من عين السحريه لقيت عيسي فتحتله الباب
= أهلا أهلا ب مرات أخويا
ابتسمتله_ ازيك مستر عيسي
بصلي باندهاش =مستر اي بقي يا إسراء حرام عليكي انتي عايزه جواد يقتلني ولا اي
بصتله مستغربه _ للدرجاتي
= وأكتر من الدرجاتي كمان
ابتسمت_ ربنا يكفينا شره
ضحك= ايوه ادعيها دايمآ دي علشان شره وحش أوي
ابتسمت
_ مش عارفه أنا مالي بعلاقتكم بس ياعني هو باعتني ليكي بأكل
اتحرجت من كلامه
كان لسه هيمشي
= اي ده رايح فين
_ماشي
= لا اقعد اشرب شاي ميصحش كده
_ ياستي انتي عايزاه يموتني
ضحكت = لا والله لازم تشرب شاي معلش بقي تاعبينك معايا مانا قولتله خدني معاك مرضاش
_ لا جواد في الشغل مش بيهزر
= طب مانا كنت شغاله معاكم وعارفه الشغل
بصلي بحرج _ انتي مش هتجيبيها لبر على فكره
= ايوه فين المشكلة إني انزل اشتغل تاني
_ جواد مش هيوافق نهائي لاحظي إنك مراته برضه وميقبلش ان حد يدايقك ويحصل مشاكل طب علي اي، وبعدين بقي بيني وبينك المفروض الست متشتغلش
إنتوا مش عارف أنا بتحبوا الشحططه ليه الست ليها البيت تقعد معززه مكرمه
سيبته ودخلت للمطبخ =بنسلي وقتنا ياعني عادي
عملتله كوبايه الشاي لسه بقدمه لقي جواد بيرن عليه
قام بسرعه _ سلام أنا بقي
ضحكت بصوت عالي لاقيت تليفوني بيتصل اتأكدت انه هو
= الو اي يا جواد
_ عيسي مشي
= آه لسه ماشي اهو
قال وهو متعصب _ واي اللي قعده كل ده
استغربت عرف ازاي انه قعد = لا ده لسه جاي اصلآ
_ داري عليه داري
= مش بداري يا جواد بس هو فعلآ ملحقش يقعد ده مرضاش يشرب الشاي كمان
قال بغيره _ كمان شاي ليه هو مفكر نفسه ضيف بجد
ابتسمت ولكن رديت بجديه= عيب يا جواد الراجل تاعبه معاك كوبايه شاي اقل حاجه ليه ده أنا بفكر ابعتله صينيه كيكه بالشكولاته
= م ان شاء الله عنه ماطفح
_ ليه بس حرام عليك ليه كده
رد بغيره = وكنتي قاعده قدامه بإيه
رديت بصدمه_ اي يا جواد اللي انت بتقوله ده هقعد قدامه بإيه ياعني كنت قاعده بعبايه
= وملبستيش حاجه علي شعرك ليه
قولت علشان اغيظه_ وأنا البس ليه أنا مش محجبه
= ولو برضه تلبسي علشان ميشوفش شعرك
لعبت عليه وقولت _ اومال مين اللي هيشوفه لما أنا هداريه
= أنا بس اللي اشوفه
_ حاضر
ابتسمت على غيرته الأمر اتطور آخر أسبوعين في علاقتهم بيعاملها كأنها حبيبته من الصغر
بعد يومين رجع لمصر لشقته هو ومراته
دخل البيت لقي سكون غريب دخل اوضته لقاها نايمه شعرها متبعتر على المخده بتاعته كانت لابسه فستان مريح قصير للركبه
حرك صباعه باستفزاز على خدها، همهمت في نومها
حط ايده على شعرها بدأت تفوق من لمساته
“اي ده جواد”
قال بصوتٍ خشن”ايوه جواد”
قبل أن تكمل الجمله اخد شفتيها في قبله عميقه ذابت بين لمساته، وضعت يديها على شعره
حاول أن يزيل مناماتها ولكنها فاقت على همساته حاولت ابعاده عنها
قالت وهيا تلهث_جواد مش هينفع
= انتي مراتي
نظرت له_ ولو على ورق بس وبعد فتره هنتطلق وأنا ماحبش غير إنه الشخص اللي بحبه يكون أول راجل لمسني
امسكها من معصمها = بطلي الكلام الأهبل ده وطلاق مبطلقش ومافيش حد هيلمسك غيري ومسمعكيش بتنطقي العبط ده تاني
- يتبع الفصل التالي اضغط على (رواية بين يدي الغامض) اسم الرواية