رواية بين يدي الغامض الفصل العاشر 10 - بقلم رقية
عايزك في موضوع اقعدي هنا
كان بيتكلم وهو متعصب وبيزعق
___________________
= مش معقول بقالها أسبوع تعبانه ياعني
_معرفش يا جواد ده اللي مريم قالتهولي
= ابعت مريم طيب
خمس دقايق رجع عيسي ومعاه مريم
_أهلا مستر جواد حضرتك طلبتني في حاجه
= إسراء مبتجيش ليه
رديت وأنا مرتبكه_إسراء فيه مشاكل عندها في البيت ف مش هتقدر تيجي الايام دي
رد ببرود= اي هيا المشاكل دي
_ أنا آسفه مش هقدر اقول دي أسرار وهيا حلفتني محكيش لحد، ممكن تكلمها وهيا هتحكيلك
= تمام، تقدري تمشي
________________________
= فرحك آخر الأسبوع علي رياض ابن عمك
اتعصبت وقولت _ بابا ده لو آخر راجل في الدنيا أنا مستحيل اتجوزه مستحيييل
رد بقرار هيتنفذ =أنا اللي قولت اللي عندي وبلغتك بيه إحنا اتفقنا علي كل حاجه، شغلك في الشركات برا هو اللي علمك قله الادب دي
رديت بدفاع عن نفسي_ ومن امتا الست اللي بتشتغل بتتعلم قله الادب، مانتوا علشان عقدكم وجيلكم متخلف
محسيتش بنفسي غير وضرب نازل عليا من كل حته
= آدي آخره تربيتنا فيكي ودلعنا علمك انك تردي علي ابوكي وتشتميه يا سافله ياللي متربتيش
حاول أخويا يتدخل بس زعقله وبعده عني
وقال _ ابعد بدل م قسما عظما تتضرب زيها ماحدش يدافع عنها دي واحده متربتش وأنا هعلمها الأدب
فضل يضرب فيا محسيتش بنفسي غير وانا بيغمي عليا
بعد ساعتين صحيت لاقيتني نايمه علي السرير ف اوضتي
عدا نص ساعه وأنا علي نفس الوضع قاعده ابص علي السقف قطع صمتي نغمه تليفوني
اترددت ارد ولا اقفل ولو فتحت هرد اقوله اي
= الو
_ ازيك يا إسراء عامله ايه، بقالك اسبوع مبتجيش ممكن اعرف ليه
صمت لمده دقيقتين
= مستر جواد أنا مش جايه الشغل تاني
_ ده ليه ده
= والله حضرتك ده قرار بابا تقدر تسأله
_ اديني رقم باباكي
= آسفه مش هينفع
قفلت في وشه وقعدت اعيط علي حالي اللي في لحظه اتقلب
لاقيت مريم بتتصل
_ إسراء انتي كويسه طمنيني عليكي
عيطت اكتر = مش كويسه يا مريم مش كويسه
_طمنيني عليكي أنا قلقانه اوي أنا آسفه أنا السبب حقك عليا
رديت بشهقه وعياط أكبر = مريم بابا بيقولي فرحي آخر الإسبوع الحقيني يا مريم عايز بجوزني رياض ابن عمي
_ طب وهتعملي اي
= معرفش يا مريم معرفش ده مريض نفسي ده متهور
_ طب ممكن تهدي علشان نشوف حل للموضوع ده
= أنا قلبي واحعني أوي أنا خلاص مبقيتش قادره انا تعبت
_ استهدي بالله بس وان شاء الله هنلاقي حل
عدا يومين وأنا قاعده في اوضتي، بتعدي أختي كل يوم تطمن عليا
_____________________
= مستر جواد
_اتفضلي يا مريم، عايزك تقوليلي إسراء مالها
= إسراء أبوها ضربها ومش راضي ينزلها من البيت ومانعها تنزل الشغل وهيجوزها لابن عمها آخر الإسبوع
رد بغضب وشراره في عينيه_ وكل ده علشان اي
الغضب زاد في نفس جواد ازاي وليه بيعاملها كده واي السبب
ما انكرش جواد أن قلبه وجعه عليها بالذات لما مريم قالت ان ابوها ضربها وحبسها ،
وليه لأ ما هيا الوحيده اللي حركت قلبه بنظره منها وعقله م انكرش ده برضه واعترف أخيراً !!
عدا اسبوع اسلوبه بقي جاف وقاسي علشان في الأيام دي مقابلهاش ولا يعرف هيا أخبارها اي دلوقتي احساسه بيقول ان هيا واقعه ف مشكله ومحتاجه مساعدته وفعلا احساسه مكدبش
عدا يومين وهيا نفس الحال بتعد الدقايق والساعات والليالي وكأنها في أيام عجاف
دخلت غاده = بيقولك أبوكي قومي البسي علشان تنزلي مع رياض تنقي فستانك
_ مش عايزه انزل انا
= قومي اتقي شره والبسي
سيبتها ودخلت للحمام سيبت دموعي تنزل علي وشي ليه بيعاملوني كده أنا عارفه اني غلطت بس ميعاقبونيش كده ويجوزوني لابن عمي المريض النفسي المهووس ده
لبست اردئ فستان عندي وسيبت شعري متبهدل نزلت علي السلم لاقيت رياض مستنيني بالعربيه
= إحنا هنروح لوحدنا
رد باسلوب عجرفه_ آه عندك مانع
قعدت في الكرسي اللي ورا من غير م اتكلم
مسكت نفسي علشان ماتهورش واعمل مشكله معاه مسكت تليفوني فتحت الواتس لاقيت جواد فاتح اترددت ابعتله رساله ولا لأ
———————
= كنت بقرأ آخر محادثه بيننا اترددت اتصل بيها واطمن عليها ولا لأ لكن عقلي بيقولي بلاش وقلبي بيقولي اتصل يمكن محتجالك
بس قررت فالاخر
&&&&&&&&
= امسكي قيسي الفستان ده
_ مش عاجبني
مسك ايدي بقسوه غرز ضوافره في ايدي = اسمعي يابت انتي اللي اقوله يتسمع انتي فاهمه مش كفايه هاخدك واريحهم منك ومن عملتك السوده
زقني بكل قوته للبروفه_ اتزفتي قيسيه
رديت بعناد أكبر = مش هتمشي كلمتك عليا مش هقيس حاجه بلا فساتين بلا زفت
مسك شعري وشده بقسوه كان هيتقطع في ايده
_ صوتك ميعلاش عليا انتي سامعه يابت
دخلت لاوضه للبروفه لاقيت بنت في نفس سني
= انتي كويسه مالك بس بتعيطي ليه
عيطت أكتر حاولت تهديني لكن معرفتش
———————
اتغلب القلب علي العقل وقررت اني اتطمن عليها رنيت عليها ردت علي طول حسيت بحاجه مش طبيعيه من نبره صوتها
= إسراء انتي كويسه
عياطها زاد أكتر _ مش كويسه يا جواد أنا مش بخير
= طب ممكن تهدي وتقوليلي فيه اي
_ جواد لو سمحت الحقني
= انتي فين طيب واجيلك
مليتني العنوان
_ ١٠ دقايق وجاي خليكي مكانك في البروفه ومتطلعيش وانا هجيلك وهاخدك من باب الخلفي ماشي
= ماشي
ساعدتني البنوته بعد ما حكيلتها علي الموضوع وقررت تقف جمبي وتهربني منه من باب البروفه السري اللي جوا
قال بزعيق= انتي فين يازفته كل ده بتقيسي الفستان
لبسته بسرعه علشان مايشكش في الموضوع
_ لا وحش غيريه
اداني فستان غيره
عدا ١٠ دقايق وكان جواد مستنيني برا، شيلت الفستان من على جسمي وشكرت البنوته وخرجت بسرعه من الباب الخلفي لاقيته قدامي بيراقب الوضع، جريت بسرعه وشكرته عن طريق حضني ليه فضلنا كده لمده ١٠ ثواني لحد ما لاحظت الوضع اللي احنا فيه والناس عماله تبصلنا ولا كإننا بنحب بعض ومتقابلناش من سنين
بصيتلها لاقيت شعرها متبهدل، ملامحها منطفيه جسمها نحف جدآ الحزن باين عليها حسيت قلبي وجعني عليها
= إحنا هنروح فين؟؟
_ بيتي
=لوحدنا!!
_ لا استنى هعزم عيسي يبات معانا
= مش هينفع انت غريب عني
بصلي بصه سكت بعدها
-___-____-_____-_____-____-____
= هيا فين ياعني هو اي اللي مش موجوده ده انا اوديكم في ستين داهيه البت هربت منكم وانتي اللي هربتيها يابت الكل*ب
_ ابعد يامجنون انت وانا اعرفكم منين علشان اهربها امشي ي عبيط انت من هنا بدل م ابلغ البوليس
= أنا هوريكم كمان ساعه هجيلكم بالشرطه
_ ماشي شاطر امشي ورينا هتعمل اي
في بيت إسراء اخدوا الصدمه من المعتوه رياض راح ليهم وزعق في وش عمه بيقول له عايز إسراء أنت اللي هربتها
لطمت غاده علي وشها وقالت بصريخ= ياعني اي هربت ياعني اي البت راحت فين يامعتز منكم لله وديتوا بنتي فين
_ ماتروح ولا تغور شوفي راحت فين ماهي مش محكومه تربيتك
= الحمدلله بنتي متربيه وأشرف منكم انتوا اللي مرضى نفسيين دمرتوا عيالي بسببكم
_____________________
=هيا دي شقتك
_ آه
رديت بغيره افتكرت انه ممكن جاب مايا لـ هنا = ودي بقي اللي بتجيب فيها البنات
مسكني من ايدي _اي اللي انتي بتقوليه ده وجبتي الكلام ده منين
سحبت ايدي = آمال مايا تبقي اي
قعدني علي الكنبه وقال_ مايا دي صديقتي وبس ومافيش حاجه بينا علشان تبقي فاهمه هيا اللي موهمه نفسها مش أكتر وبخصوص البنات أنا عمري ماكان ليا ف الكلام ده من أساسه الستات دول خساره الواحد يستمتع بيهم
مفهمتش قصده من آخر كلمه ف سألته = ياعني اي خساره تستمتع بيهم
قام من مكانه وقال وهو ماشي _ متشغليش بالك انتي أنا داخل انام، المطبخ وكل حاجه عندك اهي لو عوزتي حاجه اعتبري الشقه ملكك
سابني ودخل الأوضه
كان فيه حمامين حمام جوا اوضته وحمام جمب المطبخ
ناديته _ جواد طب أنا عايزه اغير مافيش هدوم هنا
= كان فيه بيجامتين بتوعي مش بلبسهم موجودين لو حابه علي م تجيبي هدوم بكره، لو مش هتقرفي ياعني
اتحرجت من رده
حس بحرجي دخل اوضته غاب لدقايق ورجع
_ اهم اتفضلي
سابني ومشي، اخدت واحده منهم ودخلت اغير هدومي لهدوم مريحه ولحسن حظي ان الترينج كان اوفر سايز الفرق بيني وبينه واضح
بليل كنت حاسه إني جعانه روحت المطبخ اشوف فيه اي يتطبخ ولا يتاكل
قررت أطبخ مكرونه بالبشاميل، مستصعبتهاش لإني شاطره جدآ في الطبخ
دخلت اوضته اصحيه ياكل معايا لاقيته نايم بالبنطلون وفوق قالع هدومه لاقيت المخده واخدها في حضنه ناديته بصوت مسموع
_جواد يا جواد أنا عملت غدا خفيف تعالي كل معايا
مش بيرد عليا
زقيته في دراعه
= جوااااد
مسكني من خصري وقال…..
- يتبع الفصل التالي اضغط على (رواية بين يدي الغامض) اسم الرواية