رواية الفسحجية الفصل السادس 6 - بقلم يارا محمود شلبي
الفصل السادس|فطير وعسل |
قبل القراءة
1*صلي على شفيع الأمة. *
2*لا تنسوا أهل فلسطين من دعائكم. *
3*في نجمة صغيرة تحت لو ضغطتي عليها هتفرحي قلب يوكا اوي .*
☆☆☆☆☆☆☆☆☆☆☆
دلفت إلى المنزل وهي تدندن بأحد الأغاني المشهورة -"على بالي متغبش يوم من بالي أسمك دا بن..سب ...الي ."
قالت مسك أخر كلماتها بتقطع حين وجدت أميرة وتاج ينظرون لها بتحذير .
تاج -"يلا أحكي بقى كل اللي حصل ومين دا اللي حفظتي أسمه ؟ "
-"مش انا والله دي روبي."
أوقف كل ذلك أحدًا يطرق الباب لكن بخفة نظروا ثلاثتهم لبعض فقالت أميرة -"يمكن عائشة نسيت حاجة ؟ "
-"مش عارفة ."
قالتها تاج
تقدمت مسك تفتح الباب لتجد كانكة يقف وبين يده يمسك طعام كثير
-"أمي بعتالك الأكل دا وبتقولك عقبال الشهر الجاي ."
مسك -"الشهر الجاي ! هي أمك من أمتى بقت طيبة ؟! وبعدين باعته عسل وفطير الدنيا جرا فيها ايه من الصبح لليل ؟ "
كانكة-"ما انتو دافعين أجار شهرين قدام ."
ردوا عليه بتعجب -"أحنا؟؟ "
-"ايوه في واحد الصبح كان جاي بعربية فخمة اوي وشكله ابن ناس كده دفع الإجار ومشي ."
-"الصبح ماشي يا كانكة يا أخويا روح لأمك وقولها تاخد الأكل دا احنا مش قابلين الحاجات ديه من حد ."
-"والله ما يحصل دي تعلقني ترضي يجيلي المشاكل من وراكي ؟ مش انا وانتِ دايمًا بنعمل مشاكل وبنتخانق مع بعض ترضي حد يتخانق معايا غيرك ؟"
-"تصدق أقنعتني يلا أمشي ياض من هنا ."
أغلقت الباب ثم أستغلت أن أصدقائها جلسوا يأكلون من ذلك الطعام فذهبت هي إلى أحد الغرف تتهرب من أسئلتهم .
**********
-"في ايه يا بني كده داخل مبسوط كنت فاكرك هتبقى زعلان على ياسمين ."
سفيان-"أسكت يا سيف انا مبسوط أوي أوي ومتجبش سيرة ياسمين تاني انا النهاردة أتأكدت إني عمري ما حبتها وإنها أكتر أنسانة طماعة انا شوفتها في حياتي ."
سيف -"وانتَ جاي تعرف كل دا دلوقتي طب ايه اللي حصل يعني لدا كله ؟ "
سفيان -"قبلت أرق بنت أستغفر الله العظيم يارب ."
سيف -"مالك يا بني بتستغفر ليه ؟"
سفيان -"أصلي كدبت ."
ضحك سيف بشدة حتى أوقف ذلك الضحك سؤال سفيان -"هو انتَ بتعمل ايه ؟"
سيف -"بشتغل على البرنامج ."
سفيان -"مش المفروض تشتغل في الشركة مع الفريق ؟"
سيف -"لا دا موضوع شخصي وانا قولت لازم أشتغل عليه بنفسي ."
سفيان -"طيب بس خد راحتك على الأخر انا مش مستعجل خالص مدام هشوفها ."
سيف -"بتقول ايه ياض انتَ ؟ البرنامج قرب يخلص أصلًا ."
سفيان -"بالسرعة ديه ؟"
سيف -"يا بني هو انا أي حد ولا ايه ."
أرتفع صوت هاتف سفيان معلن عن أرسال رسالة على أحد التطبيقات فتح سفيان هاتفه يجد رقم مسك تبعت له أحد الرسائل
-*على فكرة عيب اللي انتَ عملته دا على الاققل كنت قولت لحد مننا دا هيفضل دين فرقبتي وأول لما يبقى معايا فلوس هتفعلك كل الفلوس اللي دفعتها .*
-*مفيش الكلام دا مش أحنا صحاب .*
-*احنا صحاب بس مش للمصلحة انا مش مصاحبه بنك وانا مدايقة هتخليني انزل أدور على شغل من بكرة غير المشروع دا .*
شعر بالخوف عليها للحظة - *خلاص لما يبقى معاكي فلوس يبقى يحلها حلال .*
-*تصبح على خير يا سفيان .*
-*وانتِ من أهل الخير .*
أغلق الهاتف معها ثم قفز على الفراش الذي يجلس عليه شقيقة فصاح به -"ما براحة يا أهبل اللاب هيقع على الأرض ."
-"يا عم أسكت وانتَ شبه جرين دايزر كده بكل الأجهزة ديه ."
**********
في أحد المنازل
-"مالك يا حبيبي في ايه ؟ "
أقترب من والدته وهو يقول -"مدايق أوي يا ماما ."
-"ليه بس يا قلب ماما ؟ "
ياسين -"واحد صاحبي بيحب بنت بس هي شاطرة أوي ومش هتقبل بيه ."
-"ليه كده هو صحبك دا فاشل يعني ."
-"لا يا هبة هو مش فاشل بس هو ملموم على شوية عيال صيع هو بيحاول يبعد بس مش عارف ."
-"لا يا حبيب هبة قوله يبعد عنهم هااا قوله انا عارفاهم ولاد الحرام دول بس انا ابني محترم وانا عارفة ياسين كويس ."
-"طبعًا ياسين محترم انا بقول على صاحبي ."
أحتضنته هبة وهي تقول -"متخليش حد يأثر عليك ويبعدك عن اللي انتَ عايزاه لو فعلًا بتحبها هتبعد عنهم علشانها وهتعمل المستحيل علشان تنول رضاها ."
أبتسم ياسين وهو بين أحضان والدته .
يتبع.....
- يتبع الفصل التالي اضغط على (رواية الفسحجية) اسم الرواية