رواية الفسحجية الفصل الخامس 5 - بقلم يارا محمود شلبي
الفصل الخامس |صداقة |
الكومنتات او الفوت ممكن تشجعني جدًا لو حد تعب نفسه علشان يفرح قلب يوكا دا لو أهمكم اصلًا
😏
*******
صلي على شفيع الأمة
**********
نزلت هي من السيارة ثم تقدمت من الباب التي ستدخل منه .. لفت له وأشارة بيدها مودعه أياه ...سرح قليلًا في هذا المشهد وهو يرفع لها يده لتوديعها لكن سرعان ما تلشت بسمته وهو يتذكر منظرها وهي تمسك تلك المادية بين يدها .
سفيان -"سبحان مُغير الأحوال الشكل والتصرفات لا وكمان تشريع وبتمسك مطوة آه البنات جرالها ايه بس ؟ ."
أنهى حديثه مع ذاته ثم قاد سيارته ينتظر أن ينهو جميع محاضرتهم لبدأ أول يوم في تعليمهم القيادة .
********
بعدما أنهوا جميع محاضرتهم يسيرون لينتظروا عائشة في ساحة الجامعة .
أميرة -"مالك يا بنتي وقفتي مرة واحدة كده ليه ؟ "
تاج -"الولد اللي جاي علينا دا. "
أميرة -"ماله ؟"
تاج -"شافني أمبارح وانا بعيط وكان عايز يساعدني بس انا سبته وجريت شكلي كان وحش اوي ."
بالفعل تقدم منهم ذلك الشاب ثم قال بأبتسامة -"بعد ما مشيتي أمبارح قولت إني شوفتك قبل كده لحد ما أفتكرت إنك الأولى على الدفعة السنة اللي فاتت ... انا أسمي ياسين . "
أبتسمت له ثم قالت -"أهلًا . "
أمسكت أميرة يدها وهي تذهب بها -"معلش يا أستاذ ياسين عندنا محاضرة ."
أبتسم إلى طيفهم وهو مبتسم قليلًا .
تاج -"في ايه ؟ بقولك شكلي كان وحش كده شكلي بقى زبالة أوي دي تاني مرة الله يسامحك .... وبعدين محاضرة ايه اه ؟"
-"محاضرة سواقة ... يلا مشوفكيش واقفة معاه بعد إذنك ."
*************
يقفون في أحد الأماكن الفارغة جميعهم يستندون على السيارة عدا سفيان و عائشة الذين يقفون يتشاجرون .
يرفع صوته عليها وهو يقول -"انا مش ناوي أكسر عربيتي هيتعلموا على عربيتك انتِ ."
-" الإثنين يا سفيان انا هعلم أميرة بعربيتي وانتَ مسك بعربيتك وبعدين تاج ."
-"مسك لا بالله عليكي خدي هنا ."
بعد مرور نصف ساعة فعلت عائشة ما تريد وهو يعلمها جميع الأشياء النظري فقط ثم قال لها
-"يلا أطلعي بقى . "
أبتسمت له ببلهاء من جملته لسهولتها ثم فتحت باب السيارة وخرجت منها وأغلقت باب السيارة وأشارت له من النافذة بأبهامها أن كل شيء أصبح تحت السيطرة
-"أللطم على وشي يا بت بقالي ساعة بشرح وبفهمك ...."
قاطعت باقي حديثه وهي تتحدث معه من نافذة السيارة
-"تلطم ليه بس مش انتَ اللي قولتلي أطلعي؟ وانا طلعت ."
-"تطلعي بالعربية مش من العربية ."
أخذ نفس عميق يملئ صدره بالهواء ثم قال لها وهو يحاول انا يتمالك أعصابه
-"أركبي الله يهديكي أركبي ."
فتحت باب السيارة وجلس ثم قالت له -"متزعلش بقى هو ذكائي على قدي في الوقت دا بذات ."
-" أشمعنا الوقت دا بذات يعني ؟"
-"أولًا انا كان عندي دكتور مجدي ودا بيستهلك طاقة كبيرة أوي من عقلي وغير كده انا جعانة أوي يا سفيان ."
-"طب أطلعي وهجبلك أكل بس خلينا نخلص بالله عليكي ."
وضعت أصبعها على مفتاح السيارة ثم أمالته قليلًا لتصدر السيارة صوتًا أنها بدأت بالدوار .
-"حلو ؟ "
أبتسم لها برضى وهو يقول لها -"حلو اوي يا مسك ."
أبتسمت مسك ببلهاء ثم قالت -"هو انا أسمي حلو كده يا ناس والله سوكة خطيبتك خسارة فيك ."
ضحك بصوت مرتفع وهو يقول -"سبتها سبت سوكة يا مسك و ربنا يعوض عليا بقى ."
-"أوعى تكون مأخدتش الحاجات بتاعتك منها ؟"
-"حاجات اي ؟ "
-"هداية بقى وبرفانات و دباديب ."
-"يارتها ترسى على دباديب ."
-" أومال ايه ؟"
-"جبتلها iPhone في عيد ميلادها ."
-"ايه IPhone أبو تفاحة دا ! يلا يا عم انا وانتَ نروح نجيبه منها ."
وضعت قدمها على المكان المخصص للبنزين فلحظة مندفعه فأنطلقت السيارة بقوة
-"الله يخرب بيتك هنمووووت وقفي وقفي من الدواسة اللي جنبها ."
صرخت مسك وهي ممسكة برقبته وتاركة طارة السيارة -"مش عارفة مش عارفة ."
-"مش عارفة ايه بصي قدااااامك وسيبي رقبتي هنمووووت وانا لسا صغير ومدخلتش دنياااا ."
-"دنيا ايه يا سفيان هندخل الأخرة سواااا ."
-"دوسي فرامل بقااااااا ."
حركت قدمها بإتجاه الفرامل ثم أوقفت السيارة لكن بقوة جعلتهم يهتزوا عن مقاعدهم فخبطت رأس مسك .... بعد مرور دقائق من ذلك المشهد المصدم تحدثت هي أخيرًا وهي ترى الدهشة على معالم وجهه
-"انتَ كويس فيك حاجة ؟ انا أسفة والله ماكنتش أقصد رد عليا طيب ."
ولأول مرة تتحدث بهذه الطريقة مع أحد وخصوصًا أنه فتى لم تشعر بشيء إلى وهو يضمها بين ذراعيه ثم وضع يده في مكان تلك الخبطة -"انتِ اللي كويسة كنتي هتموتي ."
أتفرح الآن أم تحزن ؟ تفرح لأن أحدهم يشعر بها ولم يوبخها على فعلتها أم تحزن لأنها كانت سوف تموت أبعدت يده ثم أبتعدت قليلًا تنحنحت ثم قالت وعينيها بها الكثير من الدموع -"انا كويسة ."
سرعان ما أنضمت لهم عائشة وكذلك باقي الفتيات
عائشة -"انتو كويسين ؟ "
أميرة بفزع -"ايه اللي في وشك دا ؟ "
-"خبطة بسيطة يا أميرة متكبريش الموضوع ." قالتها مسك وهي تحاول أن تطمأن أميرة .
سفيان -"انا شايف إن كفاية كده النهاردة يلا علشان نوصلكم ."
عائشة -"نقدر تروح انتَ يا سفيان انا هوصلهم وهرجع على البيت على طول ."
-"لا انا جاي معاكي ."
ثم غمز لها بأتجاه مسك فأبتسمت وهي تقول
-"طب يلا أحنا يا بنات ."
-"يلا " قالتها أميرة وكذلك تاج.
********
بادر بالحديث وهو يسألها -"هو انتِ كويسة بجد ؟"
-"شكرًا يا سفيان ."
-"على ايه ؟"
-"شكرًا إنك بطمن شكرًا إنك مش بتزعق شكرًا إنك معايا ."
أبتسم ببلهاء هل هذه من كانت تمسك بين يدها المادية قبل قليل ؟
-"متستغربش اللي انا كنت فيه الصبح دي حاجة غصب عني انا أكيد مش هحب إن أبقى بلطجية بس هي الدنيا اللي جاية علينا ."
-"انا مش مستغرب بالعكس انا فرحان إن في بنت عاملة حسابها وخايفة على نفسها وعلى صُحابها وأعتبريني صديقك يا مسك أي حاجة تعزيها قوليهالي أي كلام نفسك تتكلميه أتكلمي."
قاطعت حديثه التي حقًا أحبته كأنه جاء ليخفف عنها أحمال الدنيا
-"شامم اللي انا شامه ؟"
نظر لها بأستغراب ثم قال لها -"انا معملتش حاجة والله ."
ضحكت عليه ثم قالت -"لا انا شامه ريحة كبدة وسجق انا جعانة ."
-"كبدة وسجق انتِ فصيلة مش جعانة ."
أوقف السيارة أمام مطعم صغير وخرج يجلب لهم بعض الطعام ثم عاد لها بعد مُده -"أتفضلي ."
أمسكت منه الكيس البلاستيكي وهي تقول -"ممكن أخر طلب ؟"
-"علشان بقى في بينا صداقة بقى طلباتك كترت على فكرة .. قولي ."
-"أكل وانا قاعدة على العربية من بره ؟"
أبتسم لها فهل هذا طلب من الأساس لم ترى هي سوكة أقصد مخطوبته التي كانت أبسط طلباتها أسفر أن يشتري لها هاتف باهظ الثمن أو سيارة .
-"يلا انتِ جيتي فجمل ."
تجلس على السيارة من الأمام وتأكل بفرحة فلأول مرة تشعر بالساعدة مع أحد بهذا الشكل وكذلك هو لم يشعر بالملل من حديثها أو حتى من هاتان الشخصيتين التي تمتلكهم .... أبتسم لها بفرحة وهو يأخذ ما تمسك بين يدها ويضعه بفمه فصاحت به
-"انتَ بتعمل ايه دي كانت أخر جزراية. "
-"ما انتِ أكلتي الجزر كله وبعدين دا غلط عليكي يا دكتورة المخلل بيعمل حبوب في الوش ."
-"هسكت بس علشان انتَ كصديق خايف على بشرتي ... صحيح سجلي رقمك على موبايلي ."
أمسك هاتفها ودون به رقم هاتفه ... بعد مرور وقت أوصلها إلى المنزل .
يتبع.....
- يتبع الفصل التالي اضغط على (رواية الفسحجية) اسم الرواية