رواية وحش روضته انثى الفصل الثالث والعشرون والاخير 23 - بقلم ميفو سلطان

 رواية وحش روضته انثى الفصل الثالث والعشرون والاخير 23

البارت الثالث والعشرون والاخيييير..

ما ان سمع يوسف همسها بصوت ذلك الحقير حتي انفعل ومسكها من ذراعها  وهتف بتكلمك ليه بيشتكيني البيه الواد دا ه انا لو طلته هقتله انت فاهمه..

لتتلبك وتقفل مع سميه وتهتف خلاص بقه خلصنا ايه ده كل شويه زعيق عشانه.. ليظل واقفا ينهج بغضب يسيطر علي نفسه ليقترب منها.. ..

 لياتي له مكالمه تليفونيه لتظهر صوره فتاه علي التليفون ليأخذ تليفونه و يخرج لتحس بحرقه بداخلها.. ايه ده مين دي.. هو رجع بقي بتاع ستات تاني. يا نهارك اسود يا يوسف.. رجعت لقديمه وخارج وبتتكلم لوحدك.. اقوم اقتله.. اه مانت بتعضي وسيباه وهو عينه زايغه وقليل الادب شاطر بس يزعقلي عالواد الغلبان وهو بتاع ستات. ليمر وقت. وهيا تاكل في نفسها لتضع ابنتها وتتجه الي الخارج تبحث عنه فلم تجده.. دا خرج.. دا راحلها....

لتدخل حجرتها وتجهش بالبكاء .. كده يا يوسف خلاص ماعتش عايزني عشان انا عبيطه اه انا عبيطه زي مابتقول وسيبتك تبعد عني.. بس انا كنت عايزه مايتحكمش فيا وعملت كل ده بس مايسيبنيش دانا هموت قلبي هيقف كده يا يوسف.. طب اعمل ايه دانا هموت عليه والله. طب ايه اقوم اشوفه فين واقله اني بحبه.. لتنهر نفسها. اه عشان يركب ويدلدل زي البت سميه.. لتتذكر سميه وتتصل بها وتحكي لها لتقول هموت يا سميه هيسيبني الله يخربيتك مانا كنت اتراضيت من سكات اعمل ايه دلوقتي الواد اللي بحبه هيروح مني..

لتهتف سميه.. اعقلي يا بت انت.. بصي تقومي تلبسي حاجه كده فرافيش وتعملي انك بتكلمي كريم تعتذريله ماشي ساعتها هيحس انك هتروحي منه وهيخاف هو كمان ويصالحك.. واول ما يصالحك اتمنعي شويه وصالحيه..(منك لله بقه 😂 😂) 

لتهتف ليان يعني بجد هيصالحني.. والا اروح اصالحه واخلص.. انا خايفه..

لتقول سميه خايفه من ايه.. احنا هنشعلله شويه وخلاص هتقومي بقه منزلالاك دمعتين يحن ويصالح وخلصنا بس ابقي ادعيلي (لا داحنا هندعي عليكي يا شيخه 😁😁)

لتقوم ليان وتلبس قميصا حريريا مكشوفا وتنتظر زوجها علي احر من الجمر.. لتبتسم.. اه انا هعمل اني بكلم كريم يقوم يغير ويحس اني هروح منه يجي يعتذرلي اقوم راشقه في حضنه واقعد احب فيه براحتي دا وحشني اوي..(اعاقه عابره القارات😂😂) 

بعد فتره سمعت يوسف قد دخل الفيلا لتمسك التليفون وتعطي الباب ضهرها وتذكرت عندما غضب انه قال لها عن تعبه فهي لم تفهم مغزي ذلك الحقير.. لتقف وتنتظر ان يفتح الباب لتسمعه يفتح الباب لتقول معلش يا كريم والله يوسف طيب بس عصبي شويه.. مرسي لذوقك ده كلام كتير عليا والله .. لتهتف اه عارفه انك تعبان ربنا يشفيك. طب اوك اشوفك بقه يلا سلام.. لتبتسم وتستدير ليهوي قلبها..

لتجد امامها بركان من الغضب. لتهتف نهار اسود هو عامل كده ليه. مش البت سميه قالت هيجي يصالح فيا ويحبني امال ده عامل كده ليه.ده هياكلني وعنيه بتطلع نار انا خايفه.. 

لتتجلد وتهتف. انت كنت  فين حد يخرج كده وكاله من غير بواب مش معاك ناس..

كان في يده علبه ليرميها جانبا بعنف ويقترب منها ليمسكها من شعرها.. لتصرخ ايه فيه ايه..

ليقول بغضب.. كنتي بتكلمي الوسخ ده ليه.. وسيباه يقلك ايه الزباله طالما انت واحده متخلفه بتكلمي راجل وسخ ليه انت اتجننتي مش قلتلك مالكيش دعوه بيه عايزاني اقتله طب يا ليان والله لاروح اقتله واخلص عليه عشان تنبسطي ودفعها واستدار بعنف ليخرج..

لتحس بالمصيبه التي اوقعت نفسها فيه لتجري وتحتضنه من الخلف وتصرخ لا والله والله ماكلمت حد دانا كنت بضحك عليك والنبي والنبي ماتروح وتعمل حاجه وحشه..والله انا بضحك عليك والنبي بقه بطل انا خايفه.. 

ليتجمد لبعض الوقت ويغمض عينيه يتحكم في غضبه.. ليستدير لتقف امامه محنيه الراس ودموعها تنزل بغزاره كانت تشعر بالوجع انها ستضيعه..

ليهتف بنبره غاضبه.. قولي تاني كده اللي قلتيه عشان انا مش مسئول عن اللي هيحصل..

لتهتف وتقول بغلب.. انا.. انا.. كنت.. كنت

ليهتف بعنف.. ماتنطقي انا بغلي..

لتقول ماكنتش بكلم حد اهوه خد التليفون والله مفيش اهوه انا كنت بهزر معاك..

ليرفع حاجبيه مصعوقا.. بتهزري معايا.. يعني انا كنت هرتكب جريمه وانت بتهزري. عملتي كده ليه انطقي.. ما عتش طايق يا شيخه انت عقلك ده خلاص خف..دا بقت عيشه مرار لتجهش بالبكاء فهيا تخجل ان تقول وبدات تنتحب لتقول.. خلاص يا يوسف ماتزعلش.. انا عارفه انك زهقت وانت بتقول اهوه.. ان ان كانت تنتحب وتشهق.. لتكمل انك مش طايقني خلاص.. ما.. ما تجبرش نفسك علي عيشتي المرار.. يلا روح للي كت معاها انا خلاص مش هضايقك.... كانت انفاسها قد بدات تتقطع واستدارت بقهر..

لتجد من ادارها وشدد عليها وادخلها احضانه وهيا ترتجف بين يديه وتتشنج.. ليشدد عليها ويملس علي جسدها بحنان ويهمس.. شششش بس اهدي اهدي.. الا انها كانت في حاله هيستيريه من البكاء ليحملها ويجلس بها ويحتضنها بشده ويمسد عليها ويقبلها ويتلمسها بحب ويسمعها همساته الحانيه.. اهدي يا عمري.. انت عامله كده ليه طيب بس خلاص انا اسف والله ماكنش قصدي. طب ليه عملتي كده.. استغفر الله.. حد يتصرف كده والله كنت هقتله..

لتشهق بشده وتقول بعفويه.. مانا كنت عايزاك تغير عليا وتحس اني هروح منك فتصالحني واتصالح بس انت خلاص مش عايز وعرفت ست تانيه وانا خلاص مش هضايقك تاني يلا قوم ارجعلها..

ظل صامتا لفتره لا يعرف ماذا يقول.. ولكنه لم يتركها وكان يتنهد. ليقول اخير... انا حاسس بغلب شديد اه والله حاسس اني ربنا رزقني بواحده ماعندهاش مخ.. ست مين يا قلبي الي هروحلها..

لتخبطه.. البت اللي كانت علي تليفونك يا بتاع الستات اوعي يلا روح. 

ليهتف بصي بقه انت تسكتي عشان انا مستحمل مرار ماحدش مستحمله.. لا فيه ستات ولا هباب علي دماغك.. اعمل ايه اكسر دماغك.. راحه تكلميلي واحد وتمثلي دانا كنت هقتلك انت هبله..

لتقول بتذمر لا سميه قالتلي انك هتغير لتهب ونظرت بغضب وانت ماغيرتش ولا صالحتني يبقي انت مابتحبنيش وبتحب البت بتاعتك صح ولو فاكر اني هسكتلك يبقي تنسي

كان مصعوقا..

ليهتف بغلب.. لا كده كتير بجد والله كتير عقلي مش هيستحمل وضغطي ومرار طافح.. واركب وادلدل.. لا انا ماقدرش والله وتركها وذهب الي الداخل ليغير هدومه ويهدي نفسه.. ليخلع ملابسه ويلبس بنطاله..

لتدخل عليه وملامح الغضب عليها..

ليهتف ايوه تعالي يا  قلبي كملي ما هي ليلتك مش هتعدي.. هاه ناقص هبد ايه ما هبدتيهوش. 

لتقترب وتضربه علي صدره العاري.. قعدت تقلي بحبك وبعشقك صح يا كذاب وانا صدقتك ولما كلمت الواد عشان تغير وتصالحني ولا عملت حاجه.. وجاي من عند السحليه بتاعتك وجاي تشدني من شعري.. وتقلي عيشتي مرار ومش طايقني.. امال كنت بتكدب ليه وتوجعني وتقلي بحبك يا بتاع الستات يا قليل الادب..

كان يقف محصورا يتنهد بلا حيله لياخذ بيجامته ويخرج يتركها لتقف مبهوته.. ايه ده دا معبرنيش لتخرج وتنظر اليه وهو جالس ينظر في الارض.. يا رب اعمل فيها ايه دي معاقه فكريا.. يا رب هو انا مرارتي ماتستحملش الفقع ده واحد مكر الدنيا يرشق فيه عبط السنين.. صحتي هتروح قبل ماطولها هموت محصور كده.

كان محني وصامتا لتحس بالقهر لتقترب منه وتجلس جنبه وتحني راسها وتقول بغلب طفولي.. بتحبها..

ليتصنم فتره.. البت اتجننت.. لينظر اليها غير مصدق ليجد دموعها تتساقط ليهز راسه بغلب.. ليقترب منها ويرفع وجهها ليجد دموعها  تنزل بشده ليشدها اليه ويهتف بحنان.. بتعيطي ليه يا قلبي ..

 لتهمس عشان بتحب واحده تانيه. 

ليقول ومين اللي قال يا قلب يوسف اني بحب واحده تانيه..

لتقطب.. انت مش انت خرجت لواحده  وزعلان ومش طايقني وماغيرتش وماصالحتنيش عشان اتصالح..

ليشدها علي قدمه.. بقه الهطل ده كله جوا دماغك عشان التليفون..ليمد يده بجانب الكنبه ويحضر مغلفا ويعطيها اليها.. لتفتحها لتجد  لوحه مكتب مكتوب عليها مهندسه ليان الرميسي شركه الريميسي للديكور.... لتقطب جبينها..

ليقول دي يا قلبي الست اللي كانت بتصمَم اليافطه دي عشان الشركه اللي فتحتها لقلبي اللي انت بتصممي ديكورها.. كانت تنظر اليه مذهوله.. اهو فعل ذلك لها.. ليهز راسه مبتسما..

لتهتف يعني انت مابتحبهاش..

ليضحك عاليا.. يا ربي بقه.. يا بنتي ارحمي امي بقلك جايبلك هديه وهيا المصممه تقوليلي بحبها.. لا يا ستي اقسم بالله مابحب الا االي مسود عيشتي وهيهبلني قريب ولا هخش دنيا انا كده..

لتهتف.. انت بجد دي عشاني يا يوسف..

ليبتسم علي جمالها ايوه يا قلبي..

لتمسح دموعها بضهر يدها كانت رائعه والسعاده تشع منها وتهتف دي حلوه اوي.. يعني الشركه الكبيره دي بتاعتي لوحدي.. ليهز راسه سعيد علي سعادتها لتحتضنه بقوه.. ربنا يخليك ليا انا مش مصدقه لتبتعد قليلا وتمسك اللوحه.. لتقطب قليلا وتضعها علي قدمها بحزن ليقول ايه يا قلبي مالك..

لتهتف ببراءه يوسف.. لا خلاص مفيش وتقوم وتبتعد. 

 ليشدها اليه مره اخري لتقع عليه ليقربها منه.. مفيش خروج من حضني تاني ويلا قولي خرجيلي كل العبط عشان انت عندك مخزون هبد لمده سنه.. لتقطب حبينها ليضحك ويقبلها بحب.. يلا قولي والله سامعك..

لتتشجع وتقول.. انت ماغرتش عليا ليا لما كنت بتكلم وغضبت وانا كنت مستنياك تصالحني والله..

ليضحك بشده.. مين قال اني ماغرتش دانا كنت والع وكنت هروح اقتله يبقي ماغرتش ازاي. 

لتهتف بطفوليه.. لا انت تغير وتزعل اه وبعدين تحس اني هروح منك تقوم تيجي تصالحني..

 ليقول. طب السينارويو  ده تاليف مين عشان يبقي عندي معلومه اكيد تاليف سميه واخراجك مانت بصراحه في الاخراج قمه في التخلف.. يا بنتي اللي بيغير بيغضب مش بيصالح ولا يهبب علي عينه دانا كنت هفلقك نصين يا ربي بقه بطلي تسمعي للهبله التانيه هيا حربايه بس هبله واللي بتسمعلها هبله والمنتج بيرشق في وشي... بس كده مفيش عقل وانا صحتي علي قدي.. ووارم ووالع ومقهور اقول ايه.. بس استني استني.. قلبي انت قلتي حته كده لسه راشقه في عقلي معلش اصلي خت اوفر دوز عبط رشق فيا.. حبيبي قال انه عايز يتصالح مش كده. 

لتخجل بشده وترتبك لتقوم بسرعه.. وتقول.. هاه  انا.. اه.. لا.. قصدي..

ليقوم ويشدها اليه ويقول اه لا ايه اسكتي ماتفتحيش بقك وانحني فوقها ونزل علي شفتيها الهبهم عشقا لتحس انها تشتعل بين يديه وهويتحكم بها ليهتف انا مش مصدق نفسي. دانا روحي كانت هتطلع انهارده بس خلاص طالما اخرتها حبيبي عايز يتصالح .. قلبي هيقف يا بنت الايه انا بعشقك ياقلبي وحشتيني وحشتيني..

لتخجل بشده وتقول. بجد يا يوسف وحشتك ولسه بتحبني ليقول.. انت لسه بتسالي.. دانت وحشتيني موت دانت سودتي عيشتي وقلبي اتشقق وكنت باكل روحي يا قلبي انا مش مصدق.. اخيرا قلبي حن وبقا ليا..

لتهمس.. انا طول عمري ليك بس انت اللي كنت وحش

ليهتف.. بس بعشقك يا قلبي ولا يوم نمت الا وانت معايا.. لتهمس.. وانت كمان يا يوسف احلامي كلها  صوتك فيها بيطمني.. كان فيه في احلامي وحش بيقهرني بس من يوم ما دخلت حياتي وهو بيروح واحده واحده لحد مالصوت بقي واضح ويخش قلبي يطمنه. 

ليهتف يوسف. الوحش دا كان جوايا وانت دخلتي دنيتي خرجتيه َنزعتيه من جوايا. وخرجتي الحلو كله َزرعتي كل الحب انا ماعدش جوايا حاجه الا انت ومش عايز الا انت.. لتدمع.. وانا والله وكنت خايفه تكون تعبت  وزهقت مني. 

ليقول.. لو قعدت عمري مستنيكي مش هزهق يا قلبي. سنين وانا بحلم باليوم ده..

 لتبتسم وتقول وانا كمان والله.

لتهتف بحب.. اوعي يا يوسف تزعل مني يوم عشان انا هبله وطيبه..

ليتنهد.. حبيبي انا طيبتك دي اللي نورتلي قلبي وفتحتلي دنيا ما كنتش احلم اني ادخلها انا بعشقك عشق وحبي جوايا بيطحن من بعدك. 

ليظل ينظر اليها ويجول بنظره علي قميصها الحريري وجسدها الظاهر منه ليقول بس ايه الجمال ده لتخجل.. ليقول هو ده عشاني..

لتخفض راسها وتهز راسها ليبتسم ويشدها اليه طب وقلبي من جوا  عايز يتصالح مش كده..

لتهز راسها بخجل ليرفع راسها ويهمس لا كده كتير جمالك ده والله وانا هتعب كده واتعبك براحه عليا والنبي.. ليقترب منها ويقبلها بشده لتحس ان قلبها سينفجر من حبها له ليرفع عيونها اليه ويهمس وحشتيني اوي قلبي هيخرج من مكانه ليشدها بهدوء ويضع يدها علي قلبه اسمعي هيخرج من مكانه والله وانا شايفك قمر ونظراتك هتموتني.. اخيرا يا عمري حبيبي اتراضي وقلبه لان دانا حاسس ان عقلي خلاص.. لتتنهد من فرط مشاعرها.. ليرفع اصابعه يداعب بشرتها الناعمه ليهمس بحب القمر وعيون القمر وكل القمر لينحني ويتلمسها بشفتيه ويهمس حبيبي بين ايديا يا ناس مش مصدق والله.قلبي هينفجر من اللي جواه .. كان ياكلها بشفتيه وبدات رغبته تتصاعد ليقبلها بقوه وهيا تستجيب لتغرز يديها في شعره وتشدد عليها لتثور دواخله ويحتضنها بين اضلعه ليميل بها ويتوها معا ويظلا معا كل من الاخر ينهل من جمال الحب بينهما ليقوم يوسف ويحملها بين يديه ولا يتركها ليريحها علي الفراش ويغيبا معا في َوصله من الحب الذي اضناهما وبعدهما الذي اوجعهما ليعودا اخيرا في احضان بعضهمالترتاح ليان اخيرا في حضن حبيبها ليعود اليها االامان مره اخري الامان الذي فقدته لسنين لتستكين في حضن من بحثت عنه سنين ليهمس لها بكل الحب الذي بداخله.. انا حاسس اني كنت بجري لما نفسي اتقطع ومرعوب مالقيش حبيبي بس احساسك في حضني مش مخليني مصدق نفسي كان يتلمسها بحنان وهيا نائمه علي صدره تهمس بحنان.. انت بقيت حنين اوي يا يوسف.. كنت بخاف وبترعب لقيتك عرفتك حنين وحبيتك حنين وقلت خلاص حبيبي نور حياتي ولما حصل اللي حصل نمت احلم بيك بحنيتك ماكنش ليا حيل الا اني تحلم بيك..

ليهمس انا كان جوايا هم مغروز فيا من تربيتي وعقدي جيتي انت بقلبك الابيض عرفتيني يعني ايه حب ودفا.. انت دفا يا ليان للقلب.. طيبه تخلي الواحد يخاف حتي في يوم يفكر يعملك حاجه.. دفا قلبك وحضنك خلاني اتحول من واخد قاسي وجامد ما عندوش قلب.. واحد كل همه نفسه وبس لواحد يتمني لحبيبه الرضا يرضي.. سنتين وبحلم بيكي في حضني.. مافهمتش انك بعدتي خوف ما فهمتش انك ماحستيش بحضني ولما فهمت كان التمن غالي اوي خلعه قلبي.... انت النفس اللي بتنفسه يا قلب يوسف انت قلبه وكله والله عارفه لما كنتي نايمه كنت بعيط زي العيل الصغير مستني امه تصحي رجعتيلي قعدتي عالسلم اعيط خايف تروحي مني.. كانت عيناه تدمع..

لترفع عينها وتتلمس وجهه بحنان وتقبل عيناه ليشدد عليها من فرط مشاعره ليهمس..انا مش قادر اتنفس من حبي ليكي حاسس ان ده كتير عليا انا عملت حاجات وحشه كتير بس تبت بس ربنا اداني فوق اللي استحقه.

ليريحها وينحني فوقها ويمسك وجهها وينظر الي عيونها ويهمس عايز افضل بس باصص في عيونك مش عايز حاجه تانيه.. كانت المشاعر تنساب بغزاره فهما متلامسان يشعر كل منهم بالاخر وعينهم متعلقه ببعضهما ويدها في يده علي قلبها ليهيم بها وعيونهم تصرخ من الحب ولم يفعلا شيئا كانت لحظات طالت او قصرت لم يحسا بها وجسدهم يرتعش من فرط تلك المشاعر لتنزل دَمعه من عين ليان لينزل علي وجهها يتلمسها بشفتيه لتهمس بحبك.. ليقول.. دموعك دي ؟؟

لتقول من حبي اللي فايض وزايد..

ليهمس انا بقه قلبي حاسس ان عايز يصرخ من قرب حبيبه حاسس بمراحل ونار جوايا جسمي شايط من اللي انا فيه.. حلاوه حبك مالهاش وصف.. ليان انا بحبك اوي اعمل ايه..

لتتلمسه بحب وتهمس انا بعشقك  و هقعد احبك لحد ما قلبي يطلعلي الحلو كله ولا يوم هزهق من قلبي بس عمري مايزعلش من هبلي. 

ليهمس بحب.. ازعل وازهق.. دانا حاسس اني بغلي من جوا وخايف اطلع غلياني ماتستحمليش.. واطلعلك الحلو.. دا قلبي ماهيشفش الا الحلو وهو حلو وقمر ومحمر وعسليه وسخنان كده وولع فيا يا لهوي كتير. يوسف صفوان اتبهدل منك عالاخر..

لتخبطه بخجل.. بطل بقه انا عملت حاجه..وايه يوسف صفوان يعني مايحبنيش..

ليهتف يا لهوي.. مايحبكيش دا يحب ويحب وداب وساح وناح وشويه وهيفرفر.

لتهتف بطل بكش انت عرفت ستات كتير..

ليهيم بها.. انا.. دانا غلبان معاكي ال عرفت ال دانت اللي يعرفك الشطه تهري جتته ويقلب نار من جوا..

لتهتف بدله... يعني انا بخلي حبيبي يحبني وعايزني..

ليهتف.. طب ايه دلعك ده ايه دا  انا فاقعك وصله مخلص عليكي هتتعب كده يا وحش يا مشعوط قلبي..

لتقول بطل انا جيت جنبك وعملت حاجه. 

ليضحك.. لا يا عمري هعمل انا الاول واشبع وبعدين اعلمك تعملي ماهو الهبل مش هكمل بيه كده حبببي لازم يدقدق شويه..

لتهمس وانا كلي بين ايديك تعمل مابدالك طالما بتحبني..

ليهتف ياختااي طب قابلي بقه اللي جاي مش كنت بتخافي من الوحش اهو فيه وحش فار وهيبهدل القمر.. يا لهوي قلبي هينكوي من حب القمر يا ناااس ❤️ .. ليهجم عليها يدغدغها وهيا تضحك وتضربه وهو السعاده تغزو قلبه الي ان استكان كل منهم في دنيا العشق يبحرا بهيام الي ان يشبع كل منهم من الاخر..

فيوسف صوته سيظل امانها ودنياها بحبه ومراعيته فهو ظهر في احلامها يصبرها ويدعوها ان تصبر ليموت الوحش ويمر السئ  لتمر سنوات بين لطف وحنين من ليان ومراعيه من يوسف لينجبا طفلين ولا اروع ومعهم  الطفله الملائكيه كليان وطفلان توأم مثل يوسف َعنفوانه كان الله انزل الصلابه في قلب ذلك الطفلين ليكملا مسيره ابيهما ولكن بلمسه ملائكيه من تلك الجميله..

ففي احد الايام كانت ابنتهم نور تشكو تحكم اخويها الي امها وكان الكل يجلس لتتنهد ليان فهما كابيهم ونور رقيقه خجوله لتهتف بحنق.. واد انت وهوا بطلو انا مش سايبلكو البت ملطش..

ليهتف فارس .. ماما بطلي انت.. انت طيبه ودي هبله مابتعرفش تتعامل مع الناس سيبيهالنا نعرف نعلمها. 

لتهتف وهتتعلم ازاي طالما كابتينها واعملي وماتعمليش..

ليضحك يوسف طب مافيه واحده طالقينها سنين وما بتتعلمش نفس ذات الاعاقه.

لتنظر اليه بغضب لا والله بدل ماتشكمهم وتلمهم برمحتهم دي..عملت ايه البت كل شويه طور من التيران يخانق فيها انا مش قابله ده وابقي اشوفك يا زفت منك له تكلمها..

ليهمس يوسف بنبره حازمه.. ليان صوتك..

لتنظر اليه غاضبه.. يعني انت موافق صوتي ايه وبتاع ايه.. بنتك هتطلع هبله من قله التعامل والتحكم ايه هما مطلوقين َماحدش بيقدر ليهم ويجو عالغلبانه ويكبتوها هتتعلم ازاي.. واحده طالعه طيبه اجرمت هيا..

ليهتف فارس  لا دي تسمع الكلام  عشان لا مش طيبه دي معاقه ما بتفهمش في قله الادب وسفاله الرجاله ..

ليهمس يوسف غامزا لابنه. طالعه لامها.

لينفجر فارس في الضحَك فهو كابيه تماما ليقول والله يا بابا انا مش عارف مستحمل انا لو منك انجلط.

ليضحك يوسف وينساق في مشاكسه ابنه.. ضريبه الجواز يابني.

لتنظر اليه ليان بغضب.. بقي كده بقي انا معاقه وطالعه لامها وهتنجلط ومستحمل ضريبه الجواز.. لا يا اخويا ماتجيش علي نفسك اوي.. وقامت.. قومي يا بت اما نسيبلهم الحته يحربو براحتهم كانهم خبراء الذره دا حاجه تعل وتركتهم وذهبت غاضبه..

ليضحك فارس البس يا كبير ليلتك مش معديه..

ليخبطه يوسف مبسوط اهي قلبت منك لله قلت بطل تجرجرني دانت عيل سو ومحراب شر..

ليضكك فارس طالعلك يا كبير.. بس ليلتك فكست إهبأ بقه علي فوق واقعد حب وسحسح امي لما بتقلب بترجع عيله..

ليقوم يوسف ويخبطه عبوشكلك انا راجل مهزء اني بمشي وراك عارف هتطين عيشتي بعبطها اما اقوم اخد اوفر دوز جرعه عبط.. ليتركه ويرحل. 

ليهتف فارس عيله بتنجان.. اب دحلاب وام علي الله وبركه.. السنين تمر ودي جايبه العبط من المصدر وبنتها طلعت هبله ومختومه بعبط اسري.. واحنا بقه مرشوق في وشنا.. كتير والله.

دخل يوسف حجرته فلم يجدها.. ليتأفف عارف هما كلمتين طرشقتهم هيسودو عيشتي.. ليستدير ويذهب الي حجره نور.. ليجدهم جالسين.. ليدخل ويقبل ابنته ويقول.. معلش يا نوري انا اقدر علي زعلك والله لاقطملك رقبيهَم.. لتبتسم نور ليشير الي امها ليغمز لها لتبتسم وتشير علي رقبتها انها ستقتله لتقوم وتقبل امها وتخرج ليقترب بهدوء ويجلس بجوارها ويظل ينظر اليها فتره ولا يتكلم.. لتشعر بالغضب اكثر وتهتف ايه هتصورني طالع تبص علي اللي رشق في وشك ومتحمله..

ليبتسم طب حببيبي زعلان ده كله كنا بنهزر ايه يا قلبي قفوشه ليه كده..

لتقوم وتهتف لا مش قفوشه انما مايتقلش انك متحمل الجواز انا ماسكه فيك اوي يعني خلاص مش مستحمل. بعملك ايه انا. 

ليقوم وبشدها.. يا لهوي دا قلبي زعلان بجد لا والله ماقدر دا حبيبي اتحمله لما اموت..

.لتنفعل.. تتحمل ايه انت محسسني اني مسوده عيشتك.

ليضحك دلوقتي اه.. 

لتنصعق.. انا يا يوسف مسوده عيشتك دي اخرتها لتنزل دموعها وتهتف  تصدق فعلا انت تستحق واحده غيري بجد ماتسودش عيشتك ودفعت يده واندفعت خارج الحجره ليهوي قلبه فهو كان يمزح معها ولكنه لم يدرك غضبها واشتعالها ليندفع ورائها.

دخلت هيا الي حجرتها منهاره واغلقت الباب لتسمعه يطرق الباب افتحي يا قلبي انا بهزر والله عمري انت والنبي افتحي دموعك دي ماتنزلش طول مانا عايش.. لم ترد عليه ليظل واقفا قلبه يأكله لا يعلم ماذا يفعل ليستدير مسرعا وينزل الي ابنه ويخبطه.. قوم يابن الكلب تعالي معايا امك زعلت يا طور..

ليهتف فارس ضاحكا وانا اعمل ايه اطلع اصالحها هتعضني انا مالي يا عم حد قلك تمشي ورايا بترجع تعيط وتقول الحقني يا فارس..

ليشتمه يوسف.. ماتتلم ياض.. عايز اخش القوضه يا زفت قوم هات مفك والا زفت علي دماغك افتح الباب..

ليضحك فارس لا ما هينفعش الباب مسوجر من جوا ماهتعرفش. 

ليصرخ يوسف طب قوم اتصرف لاقوم ارقدك في المستشفي يا بومه منك لله. 

ليضحك فارس طب براحه مالك خفيف كده ايه مابتعرفش  تنام من غير المزه يا خلبوص انت انا عارف.. عيني عالرجاله .. ويوسف صفوان ووحش السوق وتيجي قدامها بتقلب بطه بلدي..

ليهتف يوسف.. انا اللي هقلبك كلبه بلدي مش كلب كمان ماتفز ياض..

ليقوم فارس ويهتف طب ورايا من سكات ويخرجو الي الخارج ويحضر سلما ويهتف يلا اطلع يا روميو جوليت بتعيط انجدها..

ليقطب يوسف .. انا هتشعبط علي اخر الزمن..

ليهتف فارس.. اه هتتشعبط ولو طلت تتطير هتطير دانت مفقوس و َمفضوح يا كبير يلا يلا ماتتكسفش زي ابنك برضه..

ليرزعه يوسف بونبه ليصرخ فارس عيني يا ظالم الحق عليا..

ليهتف عشان تحرم تسخني  اديني بقيت مهزء اهوه وبتشعبط منك لله ليصعد السلم ويدخل الحجره كانت نائمه عالسرير تخفي وجهها في الوساده ليتنهد ليقترب منها لتشهق وتنظر اليه وتبتعد انت دخلت ازاي..

ليهتف بغلب من البلكونه اخرتها اتشعبط عشان القمر واجعلي قلبي.

لتهتف.. تتشعبط انت اتجننت ولما تقع ويجرالك حاجه انت ايه. ده كانت مرعوبه عليه

. لببتسم ان شالله افطس ولا قلبي يزعل..

. لتصرخ بطل بقه كلامك ده انت جاي تحرقلي دمي..

. ليقترب منها ويشدها.. ايه يا قمر هتزعل عليا..

. لتدمع عينها وتهتف بطل بقه والنبي مش هتحمل كده..

ليرفع وجهها حببيبي والله بعشقك قلبي يا ناس الحنين..

لتتذكر كلامه وتدفعه اوعي بلا حنين بلا مزفت ايه ده انته فاكرني هبله واياك تقول اه هبله..

ليضحك.. هبله ايه بس دا حبيبي حنين وقلبه طيب وهموت عليه يوسف صفوان اتشعبط عالسلالم يا غلبي يانا..

لتخبطه وانا ماطلبتش منك ويلا من هنا روح للي َاهتسودش عيشتك..

ليقترب منها وينظر اليها بخبث.. لترتبك ليقول لا سواد ايه دا حبيبي مخلي عيشتي نار وشعوطه وهموت عليه وهو محمر وغضبان كده..

لتبتعد وتخاف لتهتف بطل قله ادب انا زعلانه وماهتقلش ادبك فاهم

ليضحك ويلصقها في الحائط.. طب اهون عليك اودي قله ادبي فين دانا حتي انت بتخليني مع السنين بدل ماعقل قلبت اهبل. هموت وامز من القمر الزعلان..

لترتجف وتهتف لا مش هعبرك عشان انت رخم وتستاهل ماعبركش..

ليرفع وجهها ويهمس بالقرب من شفتيها.. بقي حبيبي مش هيعبرني.. دانا اموت هو انا ليا غير حبيبي وقلبه ليشر الي قلبها.. دهوه اللي مولع فيا.. ليتلمس شفتيها مش هتعبرني با قمري.. لتنظر اليه وتسهم في عيونه وهو يلهبها بنظراته لتهمس اه وابعد..

ليحتضنها ويرفعها.. ابعد دي اموت فيها والله اموت وحبيبي عيونه قمر وسايحه وبتقول يا لهوي دا قالت وانا حالا هقول حاضر يا قلب حبيبه..

لتهمس بتقول ايه..

ليقبلها ويغرقها بقبلاته.. بتقول اللي قلبي بيصرخ بيه ليقبلها مره بعد مره.. بتقول.. ليهمس بين شفتيها.. بتقول عايز القمر ياخده ويتوه فيه لترتعش بين يديه ليشدها ويلتهم شفتيها بحب ويحَملها ويدور بها وهيا محاوطه رقبته ليريحها عالفراش ويهمس دا حبيبي مهنيني ومهني ايامي واداني من السعاده الوان.. دا حبيبي الحب كله والهنا كله وفرح ايامي.. دا حبيبي  واخد قلبي مشعوطه وهيموت عليه والله هيموت عليه ولا عاش ولا كان ويزعل القمر دا القمر قلبي وروحي.. وآلله روحي لينهال عليها يفرغ عليها انهار حبه لتشرب وترتوي وتذوب وتعطي محبه طائعه هائمه في عشق ذلك العاشق 

 لتمر سنوات وسنوات وليان لا تكف عن العشق ولا تكف عن العطاء ويوسف ياخذ ويرتوي لتتقلم اظافره لتصبح كالهلام  لكنه في عشقه متملك لا يعرف البعاد والمسافات حتي في الزعل لا يتنفس الا بقربها.. يتحكم في غضبه ولا يؤذي واذا اغضب لا يجرح ولكنه لا ينفك يعود ويدادي ويطبب.. وهيا تتقبل منه عيوبه وتعالجها فمثل يوسف صعب المراس يعالج بالحب والعطاء والافراط في العطاء ليشبع ويمتلئ لينفض عنه وحشيته وينام ما بداخله ويتروض ليصبح كالهائم وراء رفيقته وتصبر ليان  و تصبر لتخرج من قلب الوحش حبيبها يوسف. ليظهر يوسف وحشا ضاريا لتقابله ليان بطيبتها وحنيتها ونقاء قلبها لينبض قلبه لتروضه وتقترب منه لتنزع ما به من سوء ليستكين الوحش ويتحول الي نور وامان يعشق ويحب ويعطي ويدادي ويطبب. اصبح يوسف  نبض قلبها الذي لا يمكن ان ان تعيش بدونه لتمر السنين ويوسف لا يتكبر ولا يتجبر ولا يتحكم بل يراعي ويراعي ويحب ويعشق وهيا في المقابل  تغدقه بحبها الذي لا يشبع منه ابدا لينام الوحش اخيرا وقد نزعت انيابه وتحولت ايديه السوداء لشعاع نور   تسير علي دربه حبيبته لتصل اليه لتنام امنه مستمينه وصوته يردد بداخلها لتدخل ليان كل يوم حلمها الواقعي بين احضان من ظنته وحشا لتنام في قلب من نزعت الشر من داخله لتدخل هيا الي ذلك القلب لتنام ليان الرقيقه في منتصف قلب يوسف ينبض بها قلبه ولا يستطيع ان يضخ القلب الا وهيا بداخله وذلك القلب يصرخ مناديا .. قلبي انت يا ليان قلبي  اللي صبر  وصبر وبصبره خشيت دنيا ماكنش ينفع اخشها الا بيكي.. دنيا العشق دنيا النور دنيا ليان ويوسف..

صرخ قلب يوسف مناجيا حبيبته التي دخلت دنياه لتراه وحشا ضاريا يتشح قلبه بالسواد لتقترب وتقترب وتلمس ذلك القلب لينتقل النور من يدها اليه لتزول ضلمته وتفتح هيا  قلبه لتدخل جواه َما ان خطت بداخله وقفت بداخل قلبه تبص للظلمه لتقف وحيده في الظلام وجسدها يشع نورا حتي تفجر النور وتحول قلبه الي قنديل يشع نورا يضي بحب تلك الجنيه التي خطفت قلب ذلك الوحش ليصرخ الوحش ويبتعد فلا يعيش في وسط النور الا كل ما هو ملائكي ويتساقط الظلام من داخل القلب تغسله بحبها ليشبع ويرتوي وتذهب الغيمات رويدا رويدا ويتسرب النور مشعا خاطفا للقلوب لتقف ليان في وسط قلب يوسف في شق قلبه تقف وتدَور تحاوطها اشعه النور ليلفها القلب ويحتضنها ويهمس.. نامي يا قلب يوسف نامي وارتاحي لا عاد فيه وحوش ولا عاد فيه سواد.. نامي بامان وخدي فوق الامان عشق السنين.. دا مكانك وهيفضل مكانك.راح فين الوحش ما حد عارف.. بس من حب الانسيه طلع نوره ونفض سواده.. من حب الانسيه نزع ايده رماها في الجرف ورجع يجمل  نفسه لترضي بيه الانسيه.. قابلته بقلبها وجمالها وادته من فرط مشاعرها.. شرب الوحش وشرب وهام.. شرب الوحش وارتوي غرام.. وقعت ضوافره وجه مكانها الهلام جه مكانها ريش النعام الي عليه نامت الانسيه كانت ليه جنيه خطفت قلبه من وسط السواد.. لا حد صدق ولا حد شاف.. ان الوحش يقلب قلبه محراب.. محراب حب وغرام.. محراب للهيام.. تدخل الانسيه جواه ويقفل عليها الف باب يحمي الجمال والحب يحمي اللي هتعيشه عمره في الغرام. لا مره هان ولا مره خان.. بعد ما نام الوحش وهام بحب جميله انسيه دخلت من وسط العتمه ملست عليه وقلبته من وحش السنين لعشق السنين.. نامي يا انسيه خطفت قلبي.. واي انسيه احلي انسيه.. انسيه من نور.. لقلب  مسحور.. غرق وهام في بحور الغرام  ..

دمتم سعداء ♥️♥️♥️♥️♥️♥️♥️♥️♥️♥️اسمع كلامكو الحلو يا عسلياتي 😍😍😍

قلم ميفو السلطان ❤️ ❤️ ❤️ ❤️ ❤️ ❤️

لقراءة ومتابعة روايات جديده وحصريه انضم الينا هنا:- اضغط هنا 

  •تابع الفصل التالي "رواية وحش روضته انثى" اضغط على اسم الرواية