رواية هي و القدر الفصل الرابع 4 - بقلم ولاء فتحي
الفصل الرابع
فارس دخل علي حازم لاقاه بيزعق في التليفون
ازاي دا حصل
انا هلبس وانزل الاداره حالا
فارس : تنزل فين انت تعبان مفيش نزول
حازم : اغبيه تخيل صناديق الاحراز اتغيرت
في حاجة غلط
كل الحكاية هياخد حكم بسيط عن اطلاق ناري عليا بالغلط من مسدس مرخص وباقي الاسلحة اختفت واثبتو انها فشنك
فارس : بصدمة وخوف ايه مش معقول ازاي الكلام دا
حازم : بغضب شديد كانه عاصفه في خيانه ومش هسكت دا تاري معاهم
فارس : اهدي انت تعبان
حازم بيخبط ايده في الدولاب وبيصرخ اهدي ازاااي ازاااي يحصل كداااا
انا وراهم ومش هسكت
الي عمل كدا انا هدمره بنفسي
فارس : بيحاول يلعب لعبة نفسية مع حازم
طيب انا عندي راي اولا عصبيتك دي مش هتخليك تفكر بشكل صحيح
فلازم تهدي وتبان انك عادي وتتكلم مع العميد ممدوح ويكون في خطة اولا لكشف العدو الداخلي قبل الخارجي ولو دا هياثر علي ترقيتك متقلقش
انت ضابط كفء
حازم : بيحط راسه بين اديه وبياخد نفس عميق يخرج كانه نار
فارس انت مش فاهم صدقني انت مش فاهم الموضوع اكبر من كدا
الموضوع مش ترقيه ولا مجرم مسكته
بيبص له فارس انت حاولت تخبي علينا صور ومنظر ابوك وامك وهما بيتصفو غدر
بيقف ويلف حواليه حولت تكون اب لينا
انا عارف انك خايف عليا وكلامك دا من خوفك انت تعبت كتير يا فارس
بس الي متعرفوش وبدا يخبط بقبضة ايده علي قلبه ان صدري دا جواه حجر مش قلب
انا شفت شفت الي حصل انا شفت الم امك شفت ابوك بيقتل الي قتلها قبل ما يصفوه شفت هما كام واحد قصاد واحد قتل نصهم ومات واقف علي رجليه الالم في عيونه
علي حبيبته وهي بتتالم
بيخبط في كل حاجة بصوت خلي نجلاء تقرب من الباب تطمن عليهم
فارس: ايه الي بتقوله دا
شفت ايه وازاي
حازم : الخنازير دول كانو مصورينه فيديو و وبعتوه الاداره يخوفو بيه الي هناك بس دا مزدهمش الا قوة وتحدي والفديو دا وصلني
متسالنيش ازاي بس وصلني
انا هندمهم علي كل الي عملوه وديني لاندمهم
انت عارف يكون بينا خيانه كبيره زي دي يعني ايه
وطبعا الخاين مامنس نفسه لانه هيتحاكم محاكمة عسكرية مفيهاش رحمة
بيصرخ المشاعر لازم نحطها بره حياتنا
عرفت ليه مش عاوز اربط حياتي بانسانه تتظلم معايا
فارس : طيب اهدي جرحك رجع ينزف وعلشان ترجع شغلك لازم تتعافي علشان تواجه
حازم بقوة بيقاطعه الجرح في قلبي بينزف يا فارس من سنين 13 سنه جرحي بينزف
وانانفسي اترمي في حضن امي واعيط ومحدش غيرها يشوف دموعي
بتفتح الباب نجلاء وهي بتبكي وسمعت كل كلامهم
واد يا حازم : هو انا منفعش ابقي امك ولا ايه
منفعش صحيح انا مش قمر زي اسماء بس انت قعدت في حضني اكتر ما قعدت في حضنها
الله يرحمها محدش هيعوضها بس انا عمري ما حسيت انكم في معزه اقل من ليان وسيف
بيترمي حازم في حضنها : انت طول عمرك امنا كلنا وعمرك ما حرمتينا من حنيتك
بس
نجلاء بتضمه بقوه بس محدش بيعوضها بس حاول يا حبيبي حاول تريح قلبك شويه
ابكي يا حازم طلع كل البكا الي جواك برد قلبك
13 سنه نفسي تبكي علشان ترتاح
حازم : بيضمها مش هبكي الا ما اخد بتارها انتي مش خالتنا انتي امنا بس يوم ما اخد بتارهم هبكي هتلاقيني مرمي في حضنك وببكي
فارس : بيغمض عينه وياخد نفس عميق
بص يا حازم طول ما انت حاسس انك لازم تاخد بالتار مش هتنجح انا معاك ان حق امنا وابونا لازم يرجع
بس مش كدا اهدي دلوقتي وصدقني هحط ايدي في ايدك
المهم تعالي اشوفلك الجرح
نجلاء طيب شوفله الجرح يا فارس وعمك سمير وصل بره علشان ناكل كلنا زي زمان يلا يا ولاد
بتضم حازم : اوعدني متتهورش وتفكر بهدوء وتفكر بعقل
اوعدني متوجعش قلبي عليك يا ابني وحبيبي
حازم : متقلقيش انا هكون كويس
نجلاء : يا واد اوعدني ولا انت فاكر بقيت ضابط وكبرت اني احبسك وازعقلك
حازم بيضحك انا لو كبرت علي الدنيا كلها مش هكبر علي نوجا وعمو سمير
نجلاء : اخلص اوعدني وانا عارفه انك راجل واد كلامك
حازم : اوعدك مش هتهور بس موعدكيش اني انسي تاري
نجلاء : يا وجع قلبك يا نجلاء انا هلاقيها منين ولا منين
فارس : ليه بس يا ست الكل مالك
نجلاء : مفيش يا حبيبي يلا طالما غيرتله علي الجرح يلا بينا البنات جهزو الاكل
_____________****
في الاداره
العميد ممدوح : ايوة يا حسام ها ها طيب كدا تمام عاوز الخطة بسريه تامة ورد فعلنا يبان طبيعي كان صدقنا الي حصل
وعاوز حازم يتنازل عن حقه
عاوز ابن الجبالي يطلع عادي كانه انتصر
لاء متنقلش حد ولا تستبعد حد خلينا نجاريهم
وناس من بعيد ل بعيد تتابع اسره حازم بسريه تامه من غير حتي هو ما يعرف
عاوز الدنيا تمشي طبيعي
بيقفل التليفون ماشي اما نشوف الخيانه دي
بس الهدف الاكبر اهم
بيدخل عليه ضابط من الادارة
تمام يا فندم العميد ممدوح : ايه يا ناجي في ايه
ناجي بخبث : هنحط حراسه علي الملازم حازم
العميد ممدوح تقصد النقيب حازم كشف الترقيات في مكتبي يا ناجي من قبل العمليه الفاشلة دي
وهنحط حراسه عليه ليه
هو كل ضابط هيتصاب ولا يفشل له عمليه هنحرسه
هو يحرس نفسه والله عال يا ناجي
ناجي الي هو مفروض انه كان يبقي عميد ومتاخر ترقياته ولسه نقيب
تمام يا فندم انا اصل عارف معزته عندك فحبيت اسال يا فندم
العميد ممدوح بصوت عالي : المعزة دي بره الواجب يا ناجي وانت عارفني كويس ولا ايه
ناجي بتوتر : تمام يا فندم
_----8
سمير : ايه يا حازم تخضنا عليك
حازم : عمي انا بخير متقلقش انت عارف قلب نوجا رهيف
ليان متابعه وبتبص له من تحت ل تحت ومش بتاكل
فارس عينه علي ليان من غير ما تاخد بالها
ريم بتاكل في صمت وبتغمز ليان الي سرحانه
ليان بشويش : ايه يا زفته في ايه
ريم: يا بنتي ابوكي وامك قاعدين
ليان : شكله تعبان
ريم : كلي يا ليان هتودينا في داهيه
نجلاء : في ايه يا بنات مالكم
ريم وليان : مفيش حاجة اصل عندنا بكره امتحان
بينتهز حازم فرصه انشغالهم مع نجلاء في الحديث وبيبص ل ليان الي عنيها باين انها حمرا وكانت بتبكي
بيغمض عينه ويتنهد بصوت عالي
سمير : مالك يا حازم تعبان
حازم : لاء يا عمو انا اكلت
نجلاء : انت اكلت حاجة طبقك زي ماهو والله ما هتقوم الا ما تخلصه
سمير: انت بقي تخلص مع نجلاء
فارس : يبص له ومتابع كل في صمت
ريم : الا هننزل نتدرب امتي يا فارس
فارس : وقت ما تحبو ارتب لكم مع حسين
ريم : يرضيك نتدرب مع هولاكو يا فارس
ليان بتضحك والله دكتور حسين ممتاز انتي ظلماه
هنا بيبص لها حازم بغيظ :تدريب ايه دا
فارس : تدريب علي التحليل النفسي والسلوكي ومقايسس وحاجات كدا متشغلش بالك
وبيبص ل ريم والله انتو لو اتدربتو علي ايديه دا شرف ليكم يا بنتي دا مبيدربش حد بنفسه
ريم : اه مغرور
ليان : حرام عليكي دا لغي المحاضره لما عرف ان حازم تعبان ودا حدث تاريخي
حازم : بسماجة خلاص اضرب لكم بالنار كل يوم علشان الاحداث التاريخية تزيد
ليان بعفوية وسرعه : لاء بعد الشر عنك
فارس بغيظ من الي بيحصل :كل يا حازم وانت لسانك بينقط سكر كل يا حبيبي علشان الادويه
نجلاء : بتتنهد وتسكت
ليان في ايه مالك يا ماما
نجلاء : كان نفسي سيف يكون معانا في اللمة دي يكون كل ولادي في حضني
حازم : بيحاول يخفف عنها بيتكلم ويضحك سيف تلاقيه مقضيها هو دا يتخاف عليه
سمير : انا مش عارف ايه لازمته السفر كان يقعد في حضنك ونخلص من كل شويه الواد وحشني وقلبي وتعيطي
فارس: لاء دا انتي محتاجة جلسه معايا يا ست الكل
نجلاء : ايه هي حفله اتلم يا واد منك له وانت يا سمير هو انت مش قولت تعبان يلا علشان ترتاح
وانتو مش وراكم امتحانات كلوا خلونا نفضها
وانت خلص طبقك علشان تاخد الدوا وتنام
وانت يا فارس يلا معاد العياده
ليان: جبتوه لنفسكم اهي قلبت علينا كلنا
الكل بيضحك وهي بتبص ل حازم الي غصب عنه بيبص لها في صمت وفارس متابع بيقطع متابعته تليفون
_________***
حسين : ها اخبار حازم ايه
فارس : الاخبار مطمنش يا حسين
حسين : خير
فارس: مش هينفع دلوقتي بس زي ما قولت لك محتاجين نضبط معاه بهدوء
حسين طيب تمام بكرة بعد المحاضرات اعدي عليه لو وقت مناسب
فارس : اه مناسب اه صحيح البنات عاوزة تنزل تدريب انت عارف هما سنه تالته
حسين بيضحك : بس كدا عنيا واحلي تدريب
فارس : اه الضحكة دي يبقي هولاكو زي ما بيقولو
حسين : هولاكو مرة واحده ههههههه
لاء متخفش انا هدربهم مش هاكلهم
فارس : انا مش خايف عليهم انا خايف عليك من اتحادهم مع بعض
حسين : لاء متقلقش عليا ربنا يستر بيضحك بكره بعد ما اخلص مع حازم هقعد معاهم اضبط معاهم حاجات
فارس : انا مش عارف اقولهم الخبر دا ازاي
حسين : للدرجة دي انا في نظرهم صعب ههههههه خلاص يا سيدي خليها لهم مفاجاه ومتقلقش هغير الفكرة دي عندهم
يلا سلام
________________*****
مر اليوم وتاني يوم فارس وصلهم الامتحان البنات كالعاده شبه قفلو
حسين : في المدرج مسك المايك وبيوجه كلامه للطلاب بعد الامتحان
طبعا انا عارف ايه بيتقال عليا منكم
بس انا حابب اقولكم اني بشد عليكم ل مصلحتكم
مادتي دي مش نظري بس دي كمان عملي
دي الي هتعتمدو عليها في شغلكم في المستقبل
صدقوني انا مش هولاكو وبص ل ريم وابتسم سريعا
الي وشها احمر
بس انا عاوز منكم اخصائيين نفسيين مميزين
تعالو نفتح مع بعض صفحة جديده السنه قربت تخلص وباقي سنه وهنكون زمايل
اي حد فيكم عنده مشكله باب مكتبي مفتوح اي وقت
ووصلني الي اتقال علشان لاغيت محاضرة امبارح
انا لاغيتها لان انا نفسيا مكنتش هقدر اديكم حقكم مهو انا بشر لما الاقي اخو صديقي الصغير مصاب اكيد مش هتحكم في مشاعري
وزي ما قولنا المشاعر بيتحكم فيها مثيرات سواء المثير خارجي او داخلي
يعني مثلا ممكن فجاه الاقي حد بيبكي بكاء شديد
مش لازم ان يكون المحيطين بيه او الموقف الي حصل له هو سبب البكاء دا
بالعكس ممكن تذكر موقف قديم مخزن في عقله الباطن ظهر علي الذاكرة وخلاه يعيش نفس مشاعر الموقف دا اسمه مثير داخلي
اظهره الموقف الحالي بس الشخص حس بنفس مشاعر الموقف
وطبعا البكاء دا رد فعل اوفر بالنسبة للمحيطين بيه علي الموقف الحالي لانهم ميعرفوش انه اظهر موقف اخر بعمق
عموما انا هكتفي بالقدر دا انهارده علشان الامتحان وهنكمل معاكم بكره
اه بالمناسبة البحث النهائي بتاعكم هيتسلم زي انهارده كمان اسبوعين ودا مهم تشتغلو حالات بنفسكم وتعملو تقارير معاكم المعيدين هيقسموكم ويشتغلو معاكم علشان مش عاوز عك
يلا سلام تقدرو تنصرفو ماعدا ليان
راسيل
ريم
محمد اشرف
اسامة محمود
طبعا المفروض دول ال5 الاوائل معانا ياريت تخليكم في المدرج شغلكم معايا انا الباقي متقسم مع المعيدين
الباقي في همس الحمد لله نفدنا
ريم بضيق : فارس مفيش غيره هو الي فتن علينا
ليان : ربنا يستر شكله ميطمنش
راسيل بدلع : شرف لينا يا دكتور اننا نكون معاك
محمد واسامه : تحت امرك يا دكتور
انتو بقي هتشتغلو معايا علي الحالات الخاصة و عاوز اشوف انتو اوائل فعلا ولا الموضوع حفظ ونحطه في الورق
ليان : بس انا عاوزة اتخصص في الجريمه
بيضحك حسين الجريمة مرة واحده
ريم : ايوة يا دكتور
حسين هنشوف الاول الحالات الخاصة وبعدين نتكلم في الجريمة بعدين
حد منكم عاوز حاجة انتو كمان بيبص ل راسيل ومحمد واسامه
راسيل : الي حضرتك شايفه يا دكتور هنعمله
طيب نتقابل بقي بليل في العياده عندي لو مفيش مانع
ريم وراسيل وليان تمام يا دكتور
محمد واسامه لاء خالص احنا مع حضرتك بس احنا لينا مواعيد المدينه الجامعيه يا دكتور وبنحتاج تصريح
حسين : اممم دي مشكله طيب انا هحولكم مع حد من المعيدين لان للاسف شغلي كله بليل وهتابعم بنفسي برضه
يلا تقدرو تتفضلو
راسيل بس انا مش عارفه مكان العياده يا دكتور
حسين ليان وريم عارفينها تواصلي معاهم وتكونو مع بعض
راسيل بتبص لهم انتو بقي عارفين العياده
ريم : اه يا نحنوحه عارفينها تدري ليش لانها عيادة اخويا فارس متخليش دماغك المنيله دي تفكر اننا نحانيح زيك
ليان : بتضحك هههههههههه بالراحة عليها ياريم
راسيل بتنفخ مضطرة استحملكم
ليان لاء مش مضطرة ممكن تقولي ل دكتور حسين انا مش مستحملاهم عادي دا
حسين : في مشكلة يا بنات
ليان وريم في نفس واحد لاء احنا تمام اسال راسيل
بيبص لهم وبيفكر اه ريا وسكينه اجتمعو
راسيل : ابدا يا دكتور مفيش دا حتي لطاف اوي
بيضحكو ضحكة خبيثه طيب هنستاذن
حسين استنو انا ممكن اوصلكم انتو ال 3 لو تحبو
ريم : متاسفه يا دكتور فارس هيعدي ياخدنا
ليان: بتحاول تلطف الجو مش عاوزين نتعب حضرتك
راسيل لو مش هتعبك يا دكتور لو في طريقك ممكن اجي
حسين : انا رايح مصر الجديده انتي رايحة فين
راسيل : للاسف الزمالك
ريم وليان بيضحكو معلش بقي خدي اوبر
فارس بيتصل ب ليان : ايوه يا ليان ريم تليفونها مغلق
ليان : اه فصل شحن معلش حضرتك وصلت
فارس : ايوة يلا وقفل
ليان : يلا ياريم فارس بره
حسين ماشي معاهم ريم ماله دا رايح فين
عند فارس : حسين ازيك
حسين : ها علي معادنا انهارده
فارس: اه يلا تعالي ورانا
حسين لاء انا هروح اتغدا وبعدين اجي
فارس : لاء ابدا والله تعالي نتغدا سوا
ريم : بينها وبين نفسها نتغدا
ليان : اسكتي لسانك شوية
بعد شويه طيب انا جاي وراك بعربيتي
______________***
ريم : يتغدا كمان ليه يا فارس
ليان بتضحك عليها
فارس: اكبري بقي واعرفي ان هتشتغلي معاه كتير لان اكيد شغلك هيكون معايا في العيادة والمركز
وهو معايا وشريكي
انا مش فاهم انتي مالك كدا لسانك متبري منك ليه
ريم: هو رخم بيضايقنا
فارس: يا بنتي انتي شوفتيني في المدرج بعمل ايه ازاي هنسيطر علي كل العقليات دي
ليان : فارس عنده حق هو بره المدرج بيكون عادي يا ريم بيكون لطيف
فارس بغيظ : لطيف ازاي يا ليان ممكن افهم
ليان : بتوتر مقصدش قصدي يعني بيتعامل اننا زمايل ومش بيزعق
فارس بيضحك : هههههههههه طيب يلا وصلنا اطلعو
ريم لما الغدا يجهز كلميني انا هقعد مع حسين في الكافيه تحت عاوزة في شغل
ريم : حاضر
____________*
فوق نجلاء مع حازم اه نسيت اقولكم ان سمير جوز نجلاء يبقي ابن عم ابو فارس وريم وحازم وكان الوصي عليهم لغاية ما فارس اخد الوصاية
ليان وريم دخلو
ليان اذيك يا حازم دلوقتي عامل ايه
حازم بدون ما يبص لها الحمد لله احسن
ريم : طنط دكتور هولاكو قصدي دكتور حسين تحت هيتغدا معانا
حازم : معانا ازاي مش فاهم
ليان : فارس قاعد معاه تحت لغاية ما نجهز الغدا وعزمه يتغدا معانا
حازم : بعصبية يعني ايه يتغدا معاكم دي اشرحولي كدا احسن يومكم مش فايت
نجلاء : اهدي يا ابني انتو هتتغدو معاه هنا وانا هغدي البنات في شقتنا اهدي يا بابا
ليان بتغيظه : وليه يا ماما هو دكتور حسين غريب دا دكتور بتاعنا وهنتدرب معاه وانا اول حد اختاره يدربه بنفسه وبعدي راسيل وبعدي ريم
حازم : بيضغط علي اسنانه
وبيزعق ليان حاسبي علي كلامك
ريم بتضحك من تحت ل تحت : اه والله يا حازم دا الي حصل
حازم يومكم مش فايت انتو الاتنين مشفش واحده فيكم هنا طول ما في حد غريب هنا
ليان : ايوه دا لو غريب انما دكتور حسين مش غريب
هيتعصب
بصت لهم نجلاء : اخوكم خايف عليكم يلا قدامي علي المطبخ
وانت اهمد الجرح هيفتح
دا سمع اخوكم واتصدم وقعد
البنات جهزو الاكل مع نجلاء
ليان اتصلي بقي ب فارس علشان يطلعو
ريم : طيب تليفوني في الشاحن هدخل اجيبه
حازم يلا روحو عند طنط وانا هكلمه
اللعبة عجبت ليان : طيب هنستني ممكن تحتاجو حاجة وبعدين دكتور حسين مدينا معاد تدريب في العيادة انهارده عاوزة اساله في حاجات قبل ما نروح
حازم : بيبص لها بغيظ ليان لمي الدور واطلعي بره
ليان : بتطردني من بيتك يا حازم
حازم : احسبيها زي ما تحسبيها
ليان : مش هطلع يا حازم
حازم : ريم خديها واطلعو بره احسن لكم وبدا يتعصب والجرح يظهر منه دم
ليان : بخوف طيب خلاص والله متتعصبش
ريم اتصلي ب فارس بسرعه
حازم انا هتصل
ليان : يلا ياريم
ريم : قلبتي قطه ما كنتي اسد
ليان : انا خايفه علي الجرح الخياطه بتفك
ريم : بس كدا احسن خليه يتلم وينطق بقي
______________***
فارس طلع هو وحسين وبداو يتغدو وحسين بتلقائية بدا عنيه تبص في المكان مما اثار غيرة حازم
حازم : بتدور علي حاجة يا دكتور
حسين : لاء ابدا بس اصل المكان منظم اوي وديكورة لطيف جدا
حازم : اه زوق ماما الله يرحمها
فارس : كل حاجة في مكانها وريم واخده نفس طبعها بعرف ترجع وتضبط كل حاجة علشان كدا بنحس انه بحطة ايد ماما
حسين : بمناسبة ريم وليان انهارده هنبدا تدريب انا بفكر يبداو باختبارات مع اختبار الذكاء
حازم متابع بصمت بيشوف اخرتها
فارس: ما تبدا بحاجة اقل علشان دا بياخد وقت
حسين : لاء هما بصراحة كويسين واذكياء جدا ودا هيحدد ليا مستواهم الحقيقي انا فوجئت انهم عاوزين يشتغلو في علم نفس الجريمه
حازم : ههههههههههه دول البنات الصغيرين وجريمه
حسين : لاء هما مش صغيرين وعلم نفس الجريمة مجاله واسع هو صعب بس هما ادها
حازم : هو الجريمه كمان بتحللوها
فارس : اه طبعا كل حاجة لها شغلها
حسين باريحيه احنا ناكل واتكلم بقي معاك باستفاضه وللعلم انت ممكن تساعدنا
حازم : ازاي
حسين : ازاي دي عاوزة قاعده وقهوة
فارس : ابتسم ان حسين عرف يدخل ل حازم من مداخل تخلي في حوار بينهم هو عاوز يسيطر علي احساس حازم بالانتقام والتار ويخليه في ناحية ايجابية
______________******
ليان وريم
ريم :البت راسيل دي رخمه اوي
ليان : شكلها عينها من دكتور حسين
ريم : يا اختي تشبع بيه اياك يطلع عليها عقده
ليان : شوفتي العربية الي كانت ماشية ورانا
ريم : لاء تلاقي علم نفس الجريمة طلع عليكي
وفجاه تليفون البيت رن
ردت ليان وفضلت تعيط
- يتبع الفصل التالي اضغط على ( رواية هي و القدر) اسم الرواية