رواية هي و القدر الفصل السابع و العشرون 27 - بقلم ولاء فتحي
الفصل السابع والعشرون
ريم : فارس بيهرب منك انتي
ليان : مني انا ليه
ريم : انا سمعت بيحكي مع حسين ان في مشاعر من ناحيتك فشكله بيهرب منها يا ليان وانتي عارفه فارس
ليان : ايه الكلام دا فارس عمره ما حسسني بحاجة ابدا
ريم: هو انتي يا بنتي مت خلفه انا بقول مشاعر عنده هو . وانا بقي اختك وشايفه انك مش معترضه علي المشاعر دي
ليان : انتي بتلخبطي يا ريم
ريم : طيب انا هثبت لك كلامي بس قوليلي انتي معترضه علي فارس
ليان : انا مش عارفه يا ريم . بس هو عمره ما لمح ليا ولا حسيت منه كدا وبعدين
ريم : انتي علشان مش عاوزة تحسي طيب هقولك كدا كدا هتعيشي حياتك وهتتخطبي وتتجوزي ليه ميكونش فارس لو عندك عليه اي تحفظات قوليلي
ليان: لاء بس فارس انا عمري ما شفته بالنظرة دي
ريم : انا اختك اهو وبقولك فكري وشوفيه وراجعي نفسك الواد ميتسابش وبرضه هثبت لك انه عاوزك
ايه رايك
ليان: مش عارفه بس حازم
ريم: حازم الله يرحمه يا ليان وحازم نفسه طلب منك كدا بشكل غير مباشر في جوابه واعتقد طلب كدا من فارس بس فارس كتوم اوي
بقولك ايه اجهزي هعدي عليكي نروح مشوار
ليان : بس معاد
ريم: يا بنتي متقلقيش قبلها هنكون مع راسيل كمان بنجهزها انتي عارفه الدكتورة سهام زميلته هتموت عليه ومنال الاخصائية يوووه اعدلك اد ايه وهو مش معبر الحقيه يا خايبة قبل ما يخلص
****************ز
ناجي : الو ايوة يا احمد الباشا هيقابلك
احمد : بجد فين وامتي
ناجي : لاء استني كدا
عارف المول الجديد الي علي الدائري المعادي تركن عربيتك هناك وفي عربية هتروح تاخدك الساعه 12 بليل
احمد: انهارده
ناجي: لاء بكرة لان انهارده انت عندك شغل اعتقد في حفلة وانت هتروح تامين لها
احمد: عرفت منين
ناجي: عيب عليك انا اعرف دبة النملة
احمد : تمام حلو اوي ربنا يجعلنا من بركاتك
ناجي : فتح انت بس دماغك
سلام يا ابوحميد
...............................
في العيادة بيدخل حسين علي فارس
حسين : انت يا دكتور بقيت تحضر عفاريت قاعد هنا ليه طول الوقت والاوضه ضلمه محمود بيقولي انك طول الوقت هنا وكلهم بيمشو وانت قاعد
فارس بيحط ايده علي وشه وبيحاول يفتح عنيه من الضوء : معلش يا حسين اقفل بس النور ولو الضلمه مضيقاك تقدر تروح انت
حسين اغلق النور ودخل
لاء اروح فين الموضوع شكله كبير احكي يا سيدي اهو جلسه ببلاش
فارس: مفيش بدور علي شقه بره
حسين: ليه ايه حصل
فارس : مفيش كدا اريح
حسين : هتفضل تهرب من مشاعرك لغاية امتي يا فارس دي حب عمرك وفكرك لما هتسيب البيت هتقدر تنساها
فارس: مينفعش يا حسين مينفعش دي كانت هتبقي مرات اخويا يعني مينفعش وكمان الموضوع بقي اكبر من كدا
حسين : بص يا فارس هي كدا كدا هتتجوز سواء انت او غيرك وانت الي هتتعذب ويمكن الي تتجوزه يكون شخص ميقدرهاش ويحافظ عليها
فارس: حسين الموضوع ان عمي كلمني علي خروجها معايا وانا والله بحافظ عليها زي ريم واكتر . حاسس ان صغير اوي قصاد نفسي عمي عنده حق
حسين : يبقي لازم تاخد خطوة وكمان حازم بنفسه بعتلك انك تحافظ عليها ومتسيبهاش غير ان حرا حبك دا كله يموت
فارس : اخرج يا حسين عاوز اقعد لوحدي
حسين : خد دا مفتاح شقتي القديمه اقعد فيها بدل قعدتك هنا وكلام الموظفين وبعدين مش هتجهز علشان تروح مع سيف
فارس: لاء انا اعتذرت لهم قولت لهم مشغول
حسين : الي بتعمله دا غلط يا دكتور طيب حتي سيف زي اخوك حتي رد جميل عمك تقف جنب ابنه قوم يلا روح غير هدومك واجهز البنات زمانهم مع راسيل من بدري مينفعش كدا يلا انا خارج وهسيبك شويه تقوم
فارس: طيب معلش وانت خارج خلي محمود يجبلي قهوة وانا هقوم
حسين تمام هطلبه لانه نزل بريك
خرج حسين واغلق الباب خلفه وابلغ محمود بالتليفون بالقهوة فالعياده خاليه الا من محمود الساعي وحسين وارسله حسين لتناول الغداء
حسين : هشششش يلا قدامي علي تحت
ريم وليان كانو مع حسين بالغرفه الملحقة ولكن ساعدهم ان النور مغلق ودخلو علي اول الغرفه ل تسمع ليان الحوار وتنزل وتبقي ريم مع حسين الذي اخرجها بهدوء حتي لا يشعر به فارس ويغضب منه فتلك خطة ريم
حسين: انا مش عارف لو عرف هيزعل
ريم: هيعرف منين انت نزلت محمود تحت ومشفناش والكاميرات وفصلناها
حسين : طيب هتعملي ايه دلوقتي
ريم: هنروح ل راسيل وانت تزن علي فارس وانا ازن علي ليان وانت عارف الزن علي الودان
حسين : انتي احلي زنانة في حياتي يا ريم
ريم: ميرسي يا حسين بس انت مشفتش زن دا انا هبهرك
حسين : مفيش داعي تكلمي ليان وانا معاكم منعا للاحراج
ريم: لاء متقلقش احنا هنقلش ونسف علي الواد سيف بس
حسين: انت متاكده انك هتبقي معيده في الجامعه يا ريم بالفاظك الحلوة دي
ريم: لاء طبعا مش متاكده اني هكون معيده بس متاكده اني هقعد مع الفاظي
حسين: طيب يلا يا اخرة صبري
*********************8.
راسيل : اتاخرتو ليه انا مستنياكم
ليان: ايه دا انتي لسه ملبستيش
راسيل : مستياكم تنقو معايا
ريم: وليه ما حلو بيجامة اسبونج بوب الي انتي لابساها دي مالها فله بس غيري القطتين الي انتي عاملاهم دول خليها راستا ويبقي اسبونج بوب يجنن
راسيل : بس يا ريم بدل ما ااا ولا بلاش احسن تفقيسيلنا وتبوظي كل حاجة
ريم : يا بت يا واقعه اتقلي شوية
راسيل : انا واقعه يرضيكي كدا يا ليان
ولكن ليان كانت في عالم اخر
ليان : معلش يا راسيل مخدتش بالي
ريم: لاء ركزي احسن الواد سيف زمانه جاي يلا يا بطة كدا انا هانتخ علي السرير وانتي تلبسي توريني وتقلعي عاوزة الدولاب كله نجربه
ليان: مفيش فايده فيكي يا ريم مش هتتكلمي جد ابدا
يلا يا راسيل تعالي نلحق تجهزي
مامة راسيل : اهلا يا بنات نورتونا
البنات اهلا يا طنط وحشانا كتير
راسيل كفاية سلامات ويلا سيف زمانه جاي
ريم: يلا يا واقعه بسرعه عن اذنك يا طن
مامة راسيل : اتفضلو يا حبايبي ربنا يخليكم لبعض
ليان : الله يا راسيل الفستان الاسود دا يجنن
وفجاه سرحت ودمعت
ريم : انسي يا ليان انسي وعيشي
راسيل بعدم فهم : ايه في ايه
ليان : لاء مفيش بصي حلو الفستان الزهري دا اوي حتي رقيق البسيه وتعالي
راسيل : لاء في ايه مالكم
ريم: اصل حازم الله يرحمه مكنش بيحب ريم تلبس بلوزات سودا
ليان: واهو لبست الاسود غصب عني وعنه الله يرحمه
ريم: لازم تعيشي وفكري في حياتك هو اخويا وانتي اختي يا لي لي وحضنتها متوجعوش قلبي والله احسن اولد لك هنا
راسيل لابسه الفستان وداخله : ريم انتي لسه شهر بلاش تلاكيك
ريم: الله حلو يا بت يا راسيل والله طلعتي مزه بس هاتي بقي الشبكة البسيها وتعالي نحطلك فرشه كدا وفرشة كدا
ليان : مرات اخويا حلوة من غير حاجة
ريم: يا سلام هو اخوكي لوحدك انا لازم اعملها فرشة كدا وفرشة كدا
ليان : اهدي يا ريم بدل ما تفقسي
ريم: ابدا خدي يا بت يا راسيل يا بنت ام راسيل
راسيل : هاجي بس بلاش فرشه كتير
ريم: دا انا هعملك خريطة مصر هههههههه
البنات قضو وقت لطيف وكانو قمرات وصل اهل ليان وفارس
خرجت راسيل وهي محرجة
ليان لاول مرة تلاحظ نظرات فارس لها وتشعر بها
ريم قاعده زي حكم كرة الطائره تبص هنا شوية وهنا شويه
تم تحديد موعد الزفاف بعد اسبوعين
******************.
اليوم التالي
احمد : يا فندم متقلقش انا بس عاوز اعرف مين جوا هنا لان واضح انهم شبكة
العميد ممدوح : انا واثق فيك يا احمد وخلي بالك من نفسك
احمد : في ياباشا سماعات بتتزرع جوا الاذن انا هروح اعملها علشان منتكشفش
العميد ممدوح : تروح ازاي ممكن يشكو طيب انا عندي فكره
احمد : تمام يا فندم
العميد ممدوح ارسل واحضر طبيب في مكتب اللواء ودخل احمد لهم وزرع له السماعات وخرج
قابله زميله : اللواء موجوود
احمد: انصحك تسيبه اصله علي اخره
ضابط زميله : في ايه ماله
احمد : لسه مهزقنا كلنا بسبب الي هرب ومش طالبه
الضابط زميله : وعلي ايه انا همشي
احمد خدني معاك
..........................
في المساء
: احمد اهلا بيك في مملكتنا مجرد ما دخلت حياتك بقت معانا هنحميك طول ما انت معانا وموتك في خيانتك
احمد: لو عاوز اخون مكنتش عملت الي عملته
المجهول : ما انت قابض مبلغ
احمد : الله لو مكنتش الفلوس كان ايه يجبرني اتعاون معاكم كله بتمنه
المجهول : تعجبني . الا ايه اخبار السنيوره الي انت بتروح تتفرج عليها في التمرين
احمد: ياريت الامور الشخصيه تبقي بعيد
المجهول : انت كلك في عرين الاسد
احمد : الي بيني وبينكم شغل وانا مش زي الي معاكم وجلس ونفخ دخان سيجارته وهو ينظر له بثقه وبرود انا بحب اشتغل بمزاج
المجهول : تعجبني بس برضه انت لسه بدري عليك
احمد : انا عارف بتعامل مع مين وعاوز ايه وانتو فتشتوني حتي ملقتوش معايا سلاحي انا جاي بقدم ايدي ليكم وكله بتمنه
المجهول : ودا الي طمني ليك منكرش اني كنت قلقان لانك صاحب حازم
احمد : صاحبي وصحبك دا بره الشغل في الشغل رصيد بنك عربية عيشه مريحة اامن مستقبلي
المجهول : طيب انا في عمليه عاوز اعديها
احمد : اعرف التفاصيل كاملة
المجهول : ليه انت ليك فلوسك وبس
احمد : لاء هو انا مقولتش ليك انا مبشتغلش عندكم ترمولي قرشين ولف وقال ببرود انا اعرف تفاصيل واقيم المبلغ الي عاوزة واطلبه
المجهول : مطلعتش سهل صفقة سلاح هتيجي عن طريق ليبيا
احمد : عاوز فيها 3 مليون
المجهول : ودول كاش ولا قسط
احمد: لاء دهب انت عارف مقدرش احط رصيد في بنك ف عاوزهم دهب التلتين قبل والتلت بعد
المجهول : انت بتستهبل
احمد : لف له وقاله والله دا الي عندي وشغل ميخرش المياه عموما دا تليفوني فكر ورد عليا
المجهول : ايه دا دا مش رقمك
احمد : دا رقم دولي اصل انا ضابط عمليات علشان رقمي يبقي مع المافيا كدا بضيع نفسي فجايب لكم رقم مخصوص انا مش بلعب فكر ورد عليا سلام والمره الجايه عاوز الكبير مش دوبلير سلامي للكبير
المجهول : علي فين
احمد : عندي معاد وشغل وانت عارف انا ضابط حسن السير والسلوك وقول للباشا يمسح الي تم بينا من كاميرات المراقبه عيب الكلام دا مش بينا
سلام يا مش مهم الاسم
وانصرف
المجهول بيتصل : ايوا يا باشا
حسان الجبالي: ايوة الواد عاجبني انا شفت كل حاجة حتي كشفك
المجهول : يا باشا
حسان الجبالي : نفذ كل طلباته ولو نفذ المطلوب هيكون معانا كنز
قفل معاه وهو بيقول وحياة عيلتي الي راحت ما هرحم الداخليه
.....................
في النادي
ليان في التمرين
احمد قاعد بيتفرج من بعيد عليها
خلصت تمرين
احمد : انسه ليان اذيك ربنا معاكي
ليان : اهلا استاذ احمد اشكرك
احمد : تسمحيلي اتكلم معاكي
ليان : اسفه اخويا منتظرني بره و معتقدش اعرف حضرتك علشان نتكلم
وتركته وانصرفت لاستبدال ملابسها
وخرجت
سيف : ها ايه الاخبار
ليان : اهو شغاله بس فاقده الشغف
سيف : لاء انتي محاربه امال عملالي فيها سبع رجاله وعاوزة تبقي ضابط ايه
ليان : ياااه انت لسه فاكر
سيف : طبعا يا لي لي انا انسي اي حاجة تخصك
ليان : انا عاوزة اتعلم السواقة انت هتتجوز وانا مش هفضل كدا يا سيف ممكن تقنع بابا وماما
سيف : هو انا وفارس قصرنا معاكي السواقة دي اقذر حاجة ممكن تتعلميها
ليان: فارس وشردت سيف وديني العيادة عند فارس
سيف : ليه عندك شغل ولا ايه
ليان : لاء عاوزة اتكلم معاه يا سيف انت عارف بابا ضايقه وبقاله كدا كتير واخد جنب ودا مينفعش
سيف : يا بنتي اتكلمت معاه ومفيش فايده . في حاجة هو مخبيها
ليان : انا عاوزة اروح اتكلم معاه مينفعش كدا هو متبهدل يا سيف وفارس كتوم
سيف : فارس دا ارجل راجل شوفته في حياتي . مش عارف بابا ازاي يكلمه كدا
ليان : انا الي روحت معاه يا سيف او روحتله هو اخدني مرة او اتنين اشوف مشروع خيري عاملينه ل روح حازم وبعدين انا الي روحت هناك لوحدي وهو رجعني يعني انا الي حطيته في الموقف دا ولازم اصلح الموقف
سيف : طيب انا هوديكي وعندي مشوار ساعتين مع راسيل تجيب حبة حاجات
ليان : حلو اوي
سيف : ليان في حاجة انتي مخبياها عليا مش كدا ووقف في جنب من الطريق ونظر لها
ها احكي
ليان : وقفت ليه واحكي ايه
سيف : احكي الي عندك
ليان : يلا يا سيف صدقني اول ما يكون في حاجة هحكي
سيف : متاكده ان مفيش
ليان : يا ابني عيب عليك
سيف : نظراتك في بيت راسيل ل فارس كانت غريبه ومش انا بس الي لاحظتها ريم كانت متنحه لكم
ليان : اطلع يا سيف اطلع وصدقني هحكيلك بنفسي
سيف وصلها
سيف : ساعتين وهاخدك
................................
ايوة يافندم انا لازم اخلي شحنة السلاح تدخل علشان يثقو فيا
العميد ممدوح : طبيعي دي طعم بس هتعملها ازاي
احمد : متقلقش يا فندم هتصرف بس اي مساعده منكم برضه هيشكو فيا انا عاوز بس زقة صغيره
اللواء وجيه :ك عندك حق انا هكلم اللواء الي هناك يبدا يقلل الدوريات علشان وقتها يكون في ثغره
بس متنساش عاوز اديهم الي هنا
احمد : رقابيهم هتكون تحت ايد سعادتك يا فندم بس ليا طلب
العميد ممدوح ايه يا احمد
احمد : عاز يا فندم اخلص علي الراس الكبيره بنفسي لو مش هنقدر نمسكه تلبس عاوز انا يا فندم احس اني اخدت تار حازم
اللواء وجيه : لاء انا عاوز الموضوع يتم بعيد عنك علشان سلامتك وعلشان نعرف لو ليهم ديول
الا انت ايه بيوديك النادي تدريب الكاراتيه
احمد : يا فندم انا مفهمهم اني بحب الانسة ليان فلازم اتابعها وكمان بحس اني بقدم حاجة ل حازم اني اخد بالي من خطيبته
اللواء وجيه : غلط الي بتعمله دا غلط انتي كدا بتعرض البنت ل خطر انت مش واخد بالك منه
العميد ممدوح : الا لو انت فعلا بتفكر فيها يا احمد ودا مكانه البيت مش النادي
احمد : تمام يا فندم انا هبعدها عن الموضوع
العميد ممدوح : العيلة دي اتاذت كتير وكفاية عليهم كدا
احمد : تمام يا فندم
خرج احمد وقابله حسام : خير يا احمد كان في ايه
احمد : مفيش يا باشا كنت بحاول اتنقل ورفضو
حسام : تتنقل فين يا بطل دا في مهمة لينا قريب استعد
احمد: انا مستعد
.............................................
ممكن ادخل ولا الوقت مش مناسب
يرفع عينه من علي مكتبه وينظر لحظة ويبتسم : ليان . انتي محتاجة اذن علشان تدخلي
ليان: انا سالت السكرتيره قالت مفيش حالات انهارده وانك بتخلص شغل فقولت اساعدك . بس يا رب معكش
فارس: بيرجع ورا علي مكتبه ويضحك ليان تعك دا انتي من افضل الاخصائيات الي هتكون هنا دا لو تحبي
انتي عارفه تشربي ايه الاول
ليان : لاء يا دكتور انا جعانه
فارس يبتسم : انا ملاحظ انك لما بتشوفيني بتجوعي تحبي نطلب ايه
ليان : احب ننزل نتغدا تحت لو معندكش مانع خصوصا اني سمعت انك عايش علي الساندوتشات فنغيير
فارس : بس
ليان : بس ايه ممكن تخلص شغل وننزل واساعدك ولا مش عاوز تنزل معايا انا جاية من تمرين وجعانه وقدامي ساعتين سيف هيجي ياخدني
فارس : مش عاوز ازاي انتي اختي يا ليان
ليان : نظرت له نظره مطوله . بس انا مش اختك يا فارس واعتقد انك عارف كدا
فارس : يمكن مش اختي بس
ليان : فارس انت زعلان من كلام بابا . انا عرفت بالصدفه بابا يقصد
فارس : عمي سمير عنده حق وانا مفروض مكنتش انتظر انه يلفت نظري لاي تصرف
ليان : بس انا الي جيت لك يا فارس وانا الي حبيت اكون معاك واطمن عليك ليه مقولتلوش
فارس: دا كدا الاسوء انتي عاوزاني ارمي المسؤليه ولوم عليكي انتي
بيضحك بسخرية انتي تعرفي عني كدا
ونظر اليها واضح انك متعرفيش فارس كويس
ليان : انا فعلا معرفش فارس كويس وعلشان كدا بقول ننزل نتغدا ونتعرف وتسيبك بقي من دور اني تعاملني علي اني طفلة لانك مش مقتنع بدا
فارس في ذهول من كلامها : واضح اننا احنا الاتنين منعرفش بعض
ليان : وواضح اننا معندناش مانع نعرف بعض ومدت اديها له وسلمت عليه انا ليان عمري 21 سنه ليسانس اداب علم نفس وبطله كاراتيه وانت وعدتني تكوني جنبي علشان افوز ببطولة العالم وانت اهو مجوعني ومش راضي تاكلني
ضحك فارس : وقالها انتي فعلا طفله يا ليان عموما يلا بينا ننزل احسن تاكليني كمان شوية
ليان : ايوة خاف مني انا بعد التمرين مبشفش قدامي
ضحك ونزلو وفي الاسانسير دخلت بنت لابسه لبس مكشوف وميك اب كامل وشعر اصفر اول ما شافته : دكتور فارس انت فين وحشتنا والله من زمان مش بنشوفك
فارس ابتسم ليها اهلا وسهلا انا اهو موجود بس مشغول
البنت : طيب انا طالعه خلينا نشوفك انت متعرفش ماما بتحبك اد ايه
فارس : ابتسم لها شعور متبادل يا فندم عن اذنك
ليان نظرت له : مين عروسةة المولد دي
فارس : دي جارتنا هنا
ليان : وانت متعود بقي تتعرف علي الجيران وامهات الجيران
فارس: عادي لما بيكون في مشكله بحضر اجتماع اتحاد الملاك وبشوفهم
ليان : اه نسيت انك دكتور مشاكل يلا يا فارس
فارس: في داخلة سعيد جدا باهتمام ليان لكنه لا يظهر لها
ليان : فارس انا عاوزة اجي اشتغل معاك
فارس: اوي اوي قولت لك عيادة اخوكي عيادتك
ليان ببرود وهي بتاكل بس اخويا مهندس يا دكتور
فارس: انا مسافر اليونان
ليان: وفرح سيف
فارس عامل حسابي ارجع قبله ان شاء الله لازم اعرف ايه هناك حازم سايبه ليا
*********************.
بعد عدة ايام فارس جهز اوراقه وسافر اليونان وهناك قابل
ريكا وذهب الي البنك
ووجد خزنه له تفويض بفتحها
فتحا واتصدم مما وجده بداخلها
- يتبع الفصل التالي اضغط على ( رواية هي و القدر) اسم الرواية