رواية هي و القدر الفصل الرابع و العشرون 24 - بقلم ولاء فتحي
الفصل الرابع والعشرون
اخرجت ريكا ظرف ل فارس وسلمته له وعلبه ل ليان ومعاها ظرف
ليان : ايه دا وبتفتح تتصدم مسدس
فارس : دا مسدس بابا الي كان بيشيله حازم علطول انا عارفه
وفتحت لقت رساله بدات تقرا الرساله وعيونها تدمع وفجاه اخدت العلبة والمسدس والرساله ودخلت غرفتها
فارس بص علي طيفها بضيق وحاول انه يتكلم بس فاجاته ريكا
ريكا : دكتور الرساله دي تفتحها لوحدك دا طلب حازم
فجاه الباب بيخبط وتدخل ريم وحسين
ريم : طنط وحشاني موت
نجلاء : حبيبة قلبي اذيك وازي احفادي
ريم : هو ولد واحد ومغلبني
من وراها بمرح حسين: لاء بنت وتكون شقيه زيك
نجلاء : اهلا يا حسين يا حبيبي اتفضلو ادخلو
ريم : امال فين البت لي لي وحشاني
نجلاء : عندنا ضيوف في الصالون وليان وفارس معاهم ادخلي عاوزينك
دخلت نجلاء وسلمت علي ريكا واترمت في حضن فارس كانها تحاول ان تزيل عنه ما يؤلم قلبه فهي تعلم ان اخوها صبور جدا ولا يتحدث بسهوله
حسين : انا كدا اغير يا ريمتي اوعي خليني اسلم علي صديقي
ريم بدلع تغيير من فارس دا روحي وحياتي
هنا ضحكت ريكا : انت بقي ريم اخت حازم
التفت لها حسين وهمس له فارس دي ريكا زميلة حازم
ريم : ايوة حضرتك تعرفيني
ريكا : ايوه حازم كلمني عنك انا كنت صديقة او زميلة
ريم: اهلا وسهلا هو الشرطة هنا بتشغل اجانب وحلوين كدا
ريكا بتضحك : لا انا من يونان وبعدين دي سكرت شغل
ريم: اسمها اسرار شغل اهلا بيكي نورتي مصر
وبصت دا حسين زوجي
ريكا اهلا دكتور والتفتت ل ريم واخرجت من جيبها ظرف دي علبه صغيرة
دي حازم كان موصيني اعملها مخصوص ليكي
فتحت ريم العلبة وجدتها سلسة تحمل صورتها وصورة حسين في زفافهم والجانب الاخر فاضي معها رساله كل عيد زواج وانتي مع حسين خلو بالكم من بعض
بكت ريم فاحتضنتها ريكا وهي تقول لها لا كدا مش حلو علشان بيبي
بدات ريم تهدا وسط زهول فارس مما يحدث ومراقبة حسين فهو لا يعلم ايه الموضوع
ريم : فين ليان
فارس ادخلي شوفيها في اوضتها وانا استاذنكم تعالي معايا يا حسين واخده وانصرف
**************************.
في الادارة
اللواء وجيه في الاجتماع ازاي ناجي قدر يهرب
حسام يا فندم هرب من المستشفي وان شاء الله هنجيبة
اللواء وجيه وعدد ضباط كتير موجودين بيبص ليهم وبيزعق واضح انكم مش شايفين شغلكم كويس انتو عارفين ان محاكمته قربت وان الرئاسة متابعه الموضوع ل خطورته انتو عارفين خيانته خلتنا نضحي بكان ضابط من افضل واكفا رجالنا انتو عارفن ان كل معلومات عننا كلنا معاه 24 ساعه لو متقبضش عليه انتظرو تغيير الادارة بالكامل
انصراف كلكم وكلهم خارجين
العميد ممدوح : استني يا حسام انت واحمد
وبصوت خافت اهدا يا فندم لان في موضوع لازم نناقشه
اللواء وجيه : اديني نص ساعه يا ممدوح وهكون معاكم
العميد ممدوح : تمام يا فندم احنا في انتظارك وانا هتكلم مع الشباب لو حضرتك مش محتاج غرفة الاجتماعات
اللواء وجيه : وهو بيتحرك وخارج وعلي وشه نظرة غير مفهومه لاء براحتكم انا نص ساعه وراجع
ممدوح : ريكا هنا في مصر وقاعده في بيت حازم
حسام : ايوة يا فندم هي قالت انها هتكون هنا الساعه 10 صباحا
ممدوح : انا مش عاوزها تيجي الادارة وانت يا احمد متتواصلش معاها حسام هيتواصل معاها
احمد : بقلق ليه يا فندم دا حت
يقاطعه ممدوح : تنفذ ودا افضل للجميع انا هخليها تروح مع ليان النادي وانت يا احمد بكرة راحتك اعتقد ولادك محتاجين يخرجو وهما والمدام وتتقابلو صدفه
لسه منعرفش مين عين في الجهاز ممكن يرصد الي بيحصل
احمد : بس يا فندم انا كنت محتاج اخد راحة 3 ايام اسافر فيهم لوالدتي تعبانه
ممدوح : في مجرم هارب والمجرم دا مجرم عسكري راحة ايه والادارة مقلوبه وريكا الي هنا ومعاها اكيد معلومات
وانت تاخد راحة انت عاوز تبوظ شغلنا
بالمناسبة يا احمد خف مراقبة ليان خلاص ول ما ريكا معاها
احمد : تمام يا فندم بس انا مش فاهم ليه كنا بنراقبها
ممدوح : ولو ان مش وقته بس هقولك
ليان كان محتمل انها تكون هدف خصوصا ان من ضمن الي ماتو بنت الجبالي وكانت حامل ودا الي قلقنا انهم ينتقمو من حازم في ليان او اخته ريم لكن زوج اخته بالتواصل معاه هو مش بيسيبها نهائي غير ان الكمبوند الي هو فيه متامن مننا كويس فكان الخوف علي البنت التانية خصوصا اننا وعدنا حازم بحمايتها طول الوقت وهو كان راجل ونفذ بكل حرفيه وكمل بحزن حتي اننا فقدنا
فقدت ابني الي مخلفتوش فلازم ننفذ وعدنا له علشان كدا كنا متابعينها طول الوقت
حسام : بس يا فندم يمكن يكونو عارفين بمتابعتنا ليها ولما نوقف يستغلو الفرصه
احمد : بالضبط يا فندم وخصوصا ان اماكن تواجدها كتير فكدا ممكن تكون في خطر
ممدوح : كل حاجة محسوبه وريكا هتضبط كل حاجة
جت رساله لاحمد علي التليفون بص له حسام وهو قاد جنبه ارتبك احمد وبص وقال دي اعلانات
ممدوح : بص له انتبه علي شغلك يا احمد وخليك حريص بقالك فترة كدا شكلك مش تمام وبص في ساعته واح ان سيادة اللواء هيتاخر انصراف ولو احتجت ليكم هبعت لكم
حسام واحمد تمام يا فندم
اللواء ممدوح : احمد خد راحة اخر الاسبوع تكون الامور بقت افضل ومنتظر تبلغوني بكل تفاصيل
بعد ما خرجو دخل اللواء وجيه
ايه اخبار الخطة
ممدوح تمام بس واضح ان هيكون في حبة شغب وانا مستعد له
8888888888
دخل حسين وفارس البيت
فارس : هغير واجي لان محتاج اتكلم معاك انت مش هتقعد هنا لاخر الامتحانات
حسين: والله انا بفكر اخد ليان هي الي تقعد معانا اامن بس الضيفة غيرت كل حاجة ادخل غير وانا هعمل كان تليفون تكون خلصت وتشرح لي كل حاجة
فارس : طيب تمام ودخل غرفته وهو يتحسس الظرف وفتحة ليسقط منه شئ فارس بذهول يلتقطه وينظر له ايه دا معقول
********************.
في غرفه ليان بتبكي دخلت عليها ريم
ريم بخضه : ليان في ايه مالك
وايه دا دا مسدس بابا بيعمل معاكي ايه
ليان وهي تبكي ادت خطاب حازم ل ريم التي تقراه وتعبيرات وجهها تتغيير
حبيبتي ليان
اكيد وانتي بتقراي الخطاب دا هكون انا مش الحياه وعارف انك بتبكي
بس انا هقولك حاجه اولا خلي بالك من نفسك
ثانيا يا ليان انا ارسلت لك مسدس بابا وهو اغلي ما لدي كان نفسي اموت بيه الي قتلوه بس قررت اموتهم بنفسي
انا خفت اسيبه ل فارس يفتكر انه دعوه انه ياخد بتاري وانا مش عاوز حد ياخد بتاري لاني اكيد لو مت هكون اخد بتار ابويا وامي وتاري بنفسي
ومش عاوز فارس يتاذي فارس دا احن واطيب شخص في الحياه هو فعلا فارس زي اسمه
ليان عاوزك تكملي حياتك ووصيتي ليكي تاخدي بالك من فارس
فارس يا ليان عاش حياته لينا
من حقه علينا نفكر فيه وناخد بالنا منه
ليان : انا عارف ان اغلب حبي انا وانتي حب تعود وخوف علي بعض واحساس بالامان وان محدش فينا كان هيلاقي افضل من التاني يشاركه حياته
بس انا عاوزك تحبي بجد الحب الي بيجي فجاه مش الحب الي بنتعود عليه
كملي يا ليان انتي قويه ومتنسيش حلمك البطوله اوعي تفرطي فيها وياريت تاخدي فارس او سيف معاكي
انتي اتعلمتي النشان اوراق المسدس هتلاقيها في خزنه فارس
خلي المسدس معاكي لو هتروحي تمارين بليل
علي فكرة فارس هو الي علمني النشان وانا صغير خليه يعلمك
مش هطمن ان حد غيره يعلمك
نسيت اقولك شكرا علي كل حاجة حلوة كانت في حياتي بسببكم من اول طنط نجلاء امي وعمو سمير ابويا وسيف اخويا انتو اهلي الي انا هضحي بعمري علشان احافظ عليكم
ليان اوعديني تنفذي كلامي
لو حسيتي باي خطر فارس هيتصرف هو عارف هيعمل ايه اوعي تعملي فيها 7 رجالة
حافظي علي نفسك ريم محتجالك انتي اختها انا بحبكم كلكم يا اجمل عيلة في الدنيا
مضطر اقول وداع ولما تيجي سيرتي ابتسمو وادعولي
ريم قفلت الجواب وفضلت تعيط
ليان : ريم مش حلو علشان البيبي
ريم : شوفتي كان باعت لي ايه
ليان : اخوكي بيشكك في حبي له يا ريم
ريم: بدات تركز مش يمكن بيفوقك يا ليان وفعلا هو حب العشرة والتعود
ليان : كل الحب الي كان جوايا دا والخوف عليه
ريم : ايوة يا ليان متنسيش اننا مفرقناش بعض ابدا وهو كان بيحس ان لازم يرد جميل عمو طنط انهم ساندوه ويحافظ عليكي
قومي عيني المسدس دا واغسلي وشك زمان طنط قلقانه وفعلا محتاجين ننفذ وصيته ونشوف مستقبلنا
ليان : انا بفكر ااجل السنه
ريم: قومي صلي يا ليان والتفكير ميكونش فجاه كدا
وجلست ريم تبكي في صمت فهي تحاول ان تدعم ليان لانها اختها ولكن رساله فارس وهدايا احرقت قلبها واشعرته انها فقدته للمرة الثانية
ولكنها تفكر كيف تقرب من ليان وفارس ربما تساعدها كلمات حازم وقررت ان تذهب لتستعين ب حسين فهو الوحيد الذي تثق فيه ومعه مفاتيح فارس
******************.
عند ناجي يتصل باحدهم
ناجي : عموما احنا محتاجين احمد وبعدين نتصرف معاه
المجهول : لو مش واثق فيه نصفيه
ناجي : لاء دا هو الي هربني وبيحكي الي بيحصل في الادارة وهو نفس الي حضرتك تعرفه من ناس هناك
المجهول : طيب نتابعه ولو كدا دا هيكون ضربه ليهم
ناجي : وانا يا كبير هتخرجوني بره امتي انا خدمتكم كتير
المجهول : متستعجلش كله بوقته
بس انت تابع لمصلحتك انت انت عارف ان دنيا مقلوبة عليك
واوعي تتصرف من نفسك العملية مش ناقصة
ناجي : احمد عاوز يتواصل معاكم
المجهول قوله انك مش عارف توصل لنا لغاية ما ارتب نفسي
يغلق المجهول ويتحدث نهايتك قربت يا ناجي بس ناخد الورق الي معاك
تفتكرو
ايه وقع من رسالة فارس
وهل البنات في خطر
طيب احمد هيتكشف ويلاقو ناجي ولا لا
- يتبع الفصل التالي اضغط على ( رواية هي و القدر) اسم الرواية