رواية هي و القدر الفصل العشرون 20 - بقلم ولاء فتحي
الفصل العشرون
فجاه فزعو علي صوت صرخة مدوية
فكانت ريم اخيرا استوعبت ما يحدث وصرخت صرخة عاليه فزع الجميع لها
فانتفضت نجلاء : استنو انا هدخل ليهم
ودخلت علي الفور لتجد ريم وليان متمسكتان ببعض بعيون حمراء وشعر اشعث مبعثر كما هي مشاعرهم مبعثرة وتحاول راسيل معهم الا انها هي الاخري منهارة من البكاء علي ما يحدث وعلي صديقتيها و حالتهم المذرية فهي لم يكن لها الا هما
نجلاء وهي تحاول الصبر : انتو كدا بتاذوه ترضو تعذبوه هو بين ادين ربنا وسعيد لانه في الجنه شهيد
وانتي يا ريم يرضيكي تضري ابنك تخيلي لو حازم هنا كان هيكون سعيد بيه ازاي
فما كان منهم الا ان وجدو طرق علي الباب
لتفتح راسيل لتجد فارس بالخارج
فارس: يضع عينية في الارض عاوز اطمن علي البنات
نجلاء تعالي يا فارس
ليدخل ويجدهم في حالة صدمة وذهول
فارس: طبعا انا حاسس بيكم ومش هقول متبكوش عليه لاني انا شخصيا ببكي عليه بس الافضل كل واحده فيكم تمسك مصحف وتتلمس الهدوء من كلام ربنا
ريم انتي مسؤليتك كبيره لان في بيبي انتي هتتحاسبي عليه مينفعش تهملي في نفسك علشانه وحسين بره قلقان عليكي وصعب يدخل قاعد اديه متكتفه انا عاوزك تبكي متكتميش حزنك بس لازم تعرفي ان لكل اجل كتاب
ليان انتي قوية طول عمرك قويه لازم ترضي بقضاء ربنا ومش بقولك تنسي هو مش هيتنسي بس اقراي له قران اد ما بتحبيه ادعيله
طنط نجلاء انتي امنا ومن غيرك معرفش كنا هنعمل ايه
انا مش عاوز نلجا لمهدئات يا بنات لان ايمانكم اقوي وانتو تقدرو توجهو حزنكم انكم تسعدوه
ليان: فارس قولي اني بحلم وانه هيجي
فارس: ليان هو حي لانه شهيد واعتقد لازم تمماسكي لو بتحبيه اكيد حالتك دي هتعذبه
ريم : اشوفه يا فارس
فارس: هشوف لما يرجع لو هينفع وانتو بقيتو احسن هخليكم تودعوه انما بحالتكم دي احنا بنعذبه
يلا انا طلبت اكل ليكم وعلي وصول غيرو علشان تاكلو
نظر لهم وبقوة ومش عاوز اعتراض ورانا حاجات كتير ولازم تقفو علي رجليكم
يلا انتو الي هتاخدو عزا السيدات ومتسمحوش باي تجاوز القران وبس
يلا يا راسيل يلا يا طنط ساعدوهم يغيرو ويطلعو منتظركم بره
خرج فارس وهويحاول استكمال لبس قناع القوة ولكنه بدا ينهار وتفر دموعه
حسين: ها ايه الاخبار
فارس: كويس انها بدات تنفس عن الي جواها سكوتها كان خطر هيخرجو حالا
ونظر ل حسين انا عارف انك جنبها وواثق انها هتكون كويسه طول ما انت معاها
ربط فارس عليه واحتضنه وانت محتاج تخرج الي جواك علشان تهدا
وصل الاكل وحاولو ياكلو لكنهم الا حد كبير لم يستطيعو وضغط حسين علي ريم
اليوم التالي
فارس : سيف هات عمو فقط وانا هروح انا وحسين مش عاوز طنط والبنات تحس بحاجة
سيف : تمام هنكون في المطار علطول
فارس انا هطلع من المطار علي البلد علي طول
سيف : كل حاجة جاهزة
*****************.
تمت كل المراسم وقبل عودتهم للمنزل سلم ممدوح ل فارس تسجيل الي سجله حازم قبل وفاته لهم موصيا ان يسمعوه اذا فارق الحياه
ريم: انا مودعتوش انت وعدتني ليه كدا
ليان : كان نفسي اشوفه
سيف : اكرام الميت دفنه مينفعش الي انتو فيه دا
حسين: ياريت نتماسك يا جماعه وتعالو صلو عليه صلاه غائب
وقف الجميع للصلاه مرة اخري عليه
سمير : انا داخل ارتاح وصحوني بعد العصر علشان نروح العزاء
فارس: لحظة يا عمي دا تسجيل حازم وصي نسمعه كلنا
حسين : طيب هستاذن انا واسيبكم
فارس: كلنا يا حسين وانت معانا
وشغل التسجيل
صوته مريض مثقل بالالم
انا حازم يا جماعه بتسمعو دا انا كدا هكون مع بابا وماما
انا عاوز اطمنكم اني اخدت حقهم ووقعت كل الي عملو كدا فيهم
فارس انت كنت السند عاوزك تاخد بالك من طنط نجلاء هي امنا الي ربتنا وريم ووصيتك ليان
اوعي يا ليان تحزني انا اخترت الجنه وانتي بتحبيني هتتمني لي الجنه اوعي توقفي حياتك دي وصيتي عاوزك تفوزي ببطولة وتنجحي هكون سعيد
ريم حسين هو السند ليكي خلي بالك منه اوعي تزعليه حسين خلي بالك من ريم وصيتي انك تقف جنبها وتسعدها
سيف انت كنت اخويا التوام
اخيرا عمو سمير كل افضالك عليا مقدرتش اردهالك بس انا باعت ل حضرتك هديه كنت حجزت ليك انت وطنط حج اقبلها
انا ارتحت اني قتلت ولاد الجبالي بنفسي واخدت تاري والي هرب وقعته ووقعت الكبار ادعولي وسعادتي انكم تكونو سعدا
اقرو لي قران وادعولي
ليان اوعي تعيطي انتي وريم هزعل اوي
اوعو تلبسو اسود وتعيطو انا بوصيكم لو لازم هما 3ايام
سلام انا اديت رسالتي ومرتاح
وفي الخلفية طبعا يتالم وصوت الممرضه تحاول منعه
الكل بكاء شديد
فارس: دي اوراق الحج يا عمي انت وطنط
ودا ياليان كارت الفيزا حساب حازم كان عمله مشترك ليكي انتي وهو وعمل تنازل عنه ليكي
ليان: انا مش عاوزة حاجة
فارس :دي وصيه يا ليان ويلا علشان العزاء نجهز واتمني تنفذو وصيته
اماء الجميع بالموافقه ومرت الايام والكل حزين عليه
*********************.
في يوم
وهما مجتمعين في البيت
فارس: ريم وليان اجهزو في تكريم لحازم واختنق صوته بالدموع الله يرحمه وانتو الي هتروحو
ريم: خد ليان وروح يا فارس انا للاسف دكتورة منعاني من الحركة لمدة شهر
فارس:ايه ليه اي حصل
ريم: ما انت يا حبيبي قاعد في اوضة المرحوم قافل علي نفسك ومش حاسس بالدنيا
من كام يوم وقعت علي السلم لولا حسين كان بيركن وطالع ورايا وروحنا المستشفي والدكتورة منعت الحركة عني الا في حدود
فارس راح حضنها وفضل يبوس في راسها معلش انا اسف ياريم
وحس ساعتها انه مقصر معاها
وهنا ليان بدات تخرج عن صمتها وتتكلم فهي مقلة جدا للكلام وشبه شارده اغلب الوقت من يوم وفاة حازم لا تعي ما يحدث حوالها
ليان : بصوت ضعيف انا مش هروح يا فارس انت روح انا مش قادرة اخرج
هنا بدا فارس يتفحصها ويتفحص وججها الشاحب وشعرها شبه المبعثر او مرتب بشكل عشوائي وعيونها الباهتخ وعلامات الدموع علي خديها وانتفاخ انفها الاحمر فكانت شبح وليست ريم
فارس: مينفعش يا ليان انتي مراته واحق حد تستلمي وسام وكمان الحالة الي انتي فيها دي مش كويسه وجلس بجوارها
وتحدث معهها برفق هي دي وصية حازم ليكي يا ليان تفتكري هو مش حاسس بينا وحاسس بيكي
وتنهد انا عارف ان صعب تنسيه بس انتي كدا بتدمري نفسك نسيتي طلبه منك ترجعي تمارينك
هنا نظرت له ليان وهي تائهه : ارجع ليه يا فارس علشان بطولة ولا علشان ايه انا خلاص مش عاوزة حاجة
ريم: يا ليان انتي مش بتاكلي انا اخته و انتي عارفه حازم كان ايه بالنسبة لي بس يكفينا شرف انه شهيد
هنا صرخت ليان : ليه عمل كدا فينا ليه راح ينتقم منهم ليه التار تار باباه ومامته ضيع حياتنا علشان التار
كان يسيبهم ويفضل جنبنا
هنا انهارت ريم بالبكاء خلاص يا ليان هو راح عند ربنا هو عمل الي شايفه من واجبه وانخفض صوتها واختنقت بالبكاء هو عمره كدا
نظر لهم فارس: انا مش هتناقش كتير في كلامكم بس انتو لسه صغيرين ومش مستوعبين ولسه تحت تاثير الفراق بس الي مش هسمح بيه ان حد منكم يتاذي مش هسمح
ريم لو سمحتي الانفعال خطر علشان البيبي ولا ايه
مسحت ريم دموعها بطفوله ايوة انا اتفقت مع حسين ان نسميه حازم انا لازم اخد بالي منه اسم حازم لازم يفضل
فارس نظر ل ليان التي تجلس تائهه : ليان قومي غيري والبسي هنتمشي شويه
نجلاء : اه يا فارس الله يخليك انا قلبي وجعني دي لا بتاكل ولا بتشرب ولا بتنام
فارس: متخافيش يا طنط ليان اختي انتي عارفه وغير ان حازم موصيني عليها
ليان بهدوء ولا وعي مش هقوم ولا اروح في اي حته انا داخله اوضتي عن اذنكم وسابتهم وهي خارجه
ريم: ليان. انا هقوم انزل معاكي يلا بينا
فزع الجميع من كلام ريم
ليان بصت ليها باستغراب وبدات تفيق من حالة اللا وعي ايه انتي مجنونه انتي خطر عليكي
ريم: انتي عارفاني مبهزرش لو مش هتنزلي مع فارس هقوم انا معاكي وبدات ريم تقوم من مكانها
نظرت ليها ليان بفزع لاء خليكي مش هنفقد حازم الصغير كمان خليكي انا هروح متتحركيش وذهبت الي ريم واحتضنتها اوعي تاذي نفسك علشان خاطري مش حمل اذي تاني حرام انا تعبت
هنا بدات ريم تربت علي ضهرها كلنا تعبنا بس لازم نكمل يلا اجهزي يا ليان وانزلي ورتبي التكريم انتي
دخلت ليان لتجهز وهنا الباب خبط
نجلاء: اهلا حسين اتفضل تعالي
حسين : معلش يا طنط انا هاخد ريم علشان ترتاح شوية وحضرتك ترتاحي
نجلاء : ارتاح من ايه يا حبيبي تعالي اقعد
دخل حسين وسلم علي فارس وانحني يقبل زوجته ويتحدث بحنان
اخبار طفلتي ايه
ريم: كويسه يا حسين الحمد لله
حسين طيب يلا تعالي معايا نروح نرتاح في اوضتنا وسندها واخذها فمنذ ان علم بخبر حملها وهو يقيم معها في منزل والدهل حتي ترعاها نجلاء في عدم وجوده
ريم : هدخل ل ليان شويه وبعدين نروح
نجلاء هروح اعملكم قهوة
ونظر حسين الي فارس الصامت الشارد الذي يشعر بانه ضعيف منذ وفاة اخيه الاصغر
حسين . انت خارج ولا ايه
فارس : اه ليان حالتها مش كويسه هاخدها تتمشي شويه ومش هنطول
حسين: ريم بتقولي انها مش بتتكلم وحالتها النفسيه مش كويسه
بس بصراحة انت كمان حالتك صعبه يا دكتور هتساعدها ازاي وانت محتاج مساعده
فارس : انا كويس يا حسين متقلقش وانا هتصرف
حسين : فارس اجازتك من الشغل خلصت وكمان لازم ترجع العيادة
وعلشان المرضي لازم تخرج من الي انت فيه
ونظر له وعلشان تساعد ليان لازم انت اولا تتعافي اما ريم فمسؤليتي يا فارس والحمد لله انت شايف انها راضية بقضاء الله
فارس : انا هاخد ليان نتمشي يمكن تفك وخصوصا ان سيف مسافر الفترة دي وريم تعبانه لازم اكون جنبها يا حسين دي وصية اخويا
ليان بجمود : انا جاهزة
نظر لها فارس يلا بينا ونظر للجميع عن اذنكم
سارت ليان بجوار فارس وهم في صمت
فارس: ايه رايك ناخد العربية ونروح علي النيل في مكان كويس اوي هناك
ليان : اي حاجة تمام
******************.
في السجن
الزفت ناجي في انه زنزانه
العسكري : بس يا باشا ممنوع
حسام : ايه الي ممنوع قدامي وريهالي انت متعرفش انا مين ولا ايه
العسكري بخوف : تمام يا حسام باشا
حسام افتح الزفته دي
ناجي : ببرود حسام
حسام دخل عليه وضربه في وشه ايوه حسام الي هيوريك
ناجي : انت كدا هتتحاسب يا باشا
حسام : هو انت متعرفش اني اضرب واكسر وميعلمش ولا ايه
انت نسيت انا مين وبدا يضربه
انا هموتك زي ما موتو حازم وفضل يضرب فيه
ناجي : انا مليش عوة انا محبوس من زمان
حسام: انت يا و ا طي فاكرني هسكتلك انت والي معاك كل الاوراق الي بعتها ليهم والمعلومات انا بقي هوريك
ناجي : منهك من الضرب انا معرفش عن موته حاجة انا الي كان بيتفق معايا منصور الجبالي ودا حازم موته
حسام : يعني الاخبار وصلاك وديني ل هربيك
وخرج الزفت دا ممنوع حد يشوفه ولا يكلمه ولا حتي يحقق معاه
ولا ضابط ولا عسكري
وانا هعرف مين تاني الي معاه
وخرج بكل غضب
*********************.
وصل فارس وليان المكان علي النيل وجلست شاردة
فارس : ليان تشربي ايه
ليان : ولا حاجة
فارس: ليان عاوزك تتكلمي تطلعي كل الي جواكي بدون ترتيب ولا تفكير
ليان: بصت له بشرود تصدق مش قادرة
معنديش طاقة
فارس: اتكلمي صدقيني افضل ليكي انا هسمعك
طلب ليها ليمون
وتحت اصرار فارس بدات ليان تحكي وتتحدث وتبكي وبدون اي ترتيب
الا ان شعرت ان قلبها لم يعد يحتمل
نظرت الي فارس : انا تعبت يا فارس روحني
فارس : تمام تعالي نروح
استمر الحال مع فارس ياخذ ليان لمكان علي النيل هادئ تحكي وتتحدث وهو صامت تمام
الا ان اتي يوم
*****************.
ليان: فارس انا قررت قرار وانت اول حد هقوله له
- يتبع الفصل التالي اضغط على ( رواية هي و القدر) اسم الرواية