رواية هي و القدر كاملة بقلم ولاء فتحي عبر مدونة دليل الروايات
رواية هي و القدر الفصل الاول 1
الفصل الاول
ايوة يا ريم انا نازلة حالا
ريم : يلا يا ليان حازم هيوصلنا بسرعه قبل ما يرجع في كلامه
ليان : طيب اقفلي انا نازلة حالا
ماما يا ماما
نجلاء : ايوة يا ليان
ليان انا نازلة وريم قالت حازم هيوصلنا
نجلاء والله كتر خيره انه مستحملكم يلا بسرعه علشان ميتاخرش علي شغله دا ضابط مش فاضيلكم
ليام : خلاص يا نوجا انا خلصت اهو باي
وباستها في خدها وجريت
يلا يا ليان انا اهو وليان ركبت العربية بسرعه بنظرات رقيقه ميرسي يا حازم انك هتوصلنا اصل دكتور اول محاضرة رخم
حازم بيعدل المراية عليها
لا شكر علي واجب
وبيوجه كلامه ل ريم اخته وبيبص علي عيون ليان بس ياريم اعملي حسابك هترجعو لوحدكم وترجعو البيت بسرعه لان طالع مامورية وممكن اتاخر كام يوم او شوفو فارس لو مواعيد محاضراته قريبه منكم انا عارف انه مشغول بين المستشفي والكلية والعياده ربنا يعينه
ريم بتبص ل ليان الي قاعده ورا وبتفرك في اديها بتوتر
ريم : مامورية فين يا زومي
حازم : بيضحك لاء دي اسرار شغل خلو بالكم من نفسكم
ليان بلهفة خلي بالك انت من نفسك
وبتوتر قصدي انت الي طالع مامورية ووو ترتبك اصل
ريم بتلحقها : اه طبعا خلي بالك انت من نفسك يلا انزلي وصلنا
ليان : بتمشي وتبدا تبص وراها علي عربية حازم من تحت ل تحت وهو بيبص عليهم لغاية ما بيغيبو عن نظرة بيتنهد ويتحرك
ريم : هتفضلي لبخة كدا لحد امتي
ليان : اخوكي الي تقيل اوي يا ريم مش عاوز ينطق
ريم : وانتي لخمة اصلا وحالتك حاله وعاملة لي فيها جامده وراجل وقدامه بتقلبي بطه بلدي
يلا يا بنتي دكتور حسين زمانه داخل
دخلو وقعدو في اول بنش
ليان وريم صديقتان وساكنين في منزلين متجاورين واكتر من الاخوات
في السنه الثالثة من كلية اداب علم نفس من اسر متوسطة
والد ووالدة ريم اتوفو وهي صغيره واخواتها الكبير فارس طبيب واستاذ جامعي وهو شاب مجتهد جدا وناجح هو من تولي مسؤليتهم منذ وفاة والديه وهو طالب
اكبر من ريم ب10 سنوات
وحازم لسه ملازم اول الاخ الاوسط وسيم جدا وطويل وريم اخر العنقود
مامة ليان نجلاء مدرسة تفرغت لاولادها واولاد صديقتها وجارتها بتعتبرهم اولادها لانهم طلاب عندها سيف اد فارس اخو ليان الكبير مهندس ومسافر الخارج
وبابا ليان مدير بنك وبرضه بيعتبر نفسه مسؤل عنهم
دكتور حسين : محاضرة انهارده مهمة جدا وخلو بالكم اغلب الامتحانات من المحاضرات ولو عرفت ان في حد فيكم نقل المحاضرات للي مش بيحضر مش هيكون كويس بحب الالتزام وبيشرح
ليان في عالم تاني خالص بتفكر بقلق في حازم الي شكلة بالبدلة بيخطف قلبها
هي حاسه انه بيحبها وهي بتحبه بس عمرهم ما اتكلمو
ريم من تحت ل تحت بتغمز ليان تركز
ليان بتتخض بيلمحهم الدكتور
حسين :الانسات الي ورا ممكن تقومو تقولوا لي انتو في ايه
ريم : بتوتر مفيش يا دكتور القلم وقع مني بس انا اسفه
ليان : وهي بتقرا سريعا الي علي البروجكتور
انا اصل ليا سؤال يا دكتور وكنت عاوزة اساله
بص لهم حسين وقال
طيب الاسئله اخر المحاضره وياريت تمسكي القلم كويس مش عاوز همس في المدرج عاوز ارمي الابره ترن اتفضلوا
لولا عارف انكم متفوقات كان هيكون ليا تصرف تاني ماشي يا انسة ريم
ريم : بخضه تمام يا دكتور
حسين بصلها وبحزم اتفضلي اقعدي
اتنهدو وقعدو وعدت علي خير
بعد المحاضرة
ريم : ليان هتودينا في داهية وهو مش فاهمة ماله ومالي مركز ليه مع ريم وزفت كان يوم اسود يوم ما دخلت معاه في الاسرة دي والانشطة انا مالي ومال الكئييي
ليان بتغمزها ريم اسكتي
حسين معدي وغالبا سمعها وبصلها ومر سريعا من جنبهم وهو بيبتسم
ريم دا بيعرف يبتسم زينا تخيلي بس شكله قمر وهو بيبتسم مش فاهمة الوش الخشب الي مدهولنا دا ايه
ليان : يخرب بيتك هتودينا في داهية دا ممكن يشيلنا الماده انتي فاكره الالب الي اداله سالب 1 في البحث
ريم: انا برضه ولا انتي يا ست جوليت الي علطول سرحانه ومكملة نص محاضراتك مني
ليان : انا تعبت يا ريم مش عارفه هو فعلا بيحبني ولا انا بتخيل
احيانا بحس انه بيخاف عليا واحيانا بحس انه بيتعامل معايا زيك مش فارقه عنك
ريم : زيي طيب يا اختي مشوفتيش بيعمل فيا ايه في البيت دا ناقص يعملي حقل الغام في الصالة انجزي خلي يومنا يعدي
ودخلو المحاضرة الي بعدها وخلصو
ليان يلا نطلب اوبر علشان تعبت ولازم نروح بسرعه
ريم: لاء فارس خلص محاضراته وجاي ياخدنا قبل ما يطلع العيادة
ليان والله اخوكي فارس دا انسان ممتاز خد باله منكم ومهتم بيكم بجد بحسه بيعاملكم انه اب بالرغم ان فرق السن مش كبير
ريم : اه والله وناسي نفسه خالص
ليان : مش البيه اخويا الي اخره يجبلي دباديب معاه فاكرني لسه في ابتدائي
ريم :ك يا بنتي طيب ياريت حد فيهم يجبلي دباديب انا قربت انسي اني بنت بيعاملوني اني اخوهم الصغير بس الشهاده لله فارس حنين هو الي بيحسسني شويه اني بنته مش حازم الي فاكرني عسكري الخدمة ويتامر
ليان : يامر براحته ياااه طيب ياريتني انا عسكري الخدمة بتاعه
ريم : ياااه طيب يا اختي يا واقعه يلا فارس اهو وصل
____*
فارس: اهلا يا بنات اخبار الكلية ايه
ليان : الحمد لله يا دكتور كويسه
فارس : وانتي يا ريم
ريم: بص هما لو يلغو مادة دكتور حسين الي شايف نفسه دا هتكون كويسه تخيل انه وقفني علشان القلم وقققققق
حسين : دكتور فارس هنا يا اهلا وسهلا
فارس : نزل دكتور حسين حبيبي وحشني بجد
حسين بيضحك وانت كمان يا فارس ايه مش ناوي تفضي وتخرج مع الشلة
ريم من تحت ل تحت : دا بيعرف يخرج وله شله مين دا الي يطيقه
ليان : لسانك دا عاوز قطعه هيسمعك
من بعيد فارس قريب هفضي نفسي انتو بتروحو فين اليومين دول
حسين: بنروح مسرح مصر نضحك احسن وشنا يشقق
وبيبص علي ريم
الي وشها جاب الوان وعرفت انه سمعها
وليان الي بتضحك وحاطة اديها علي وشها شوفي بقي المحاضرة الجاية هتكوني تسليته قولت لك لسانك
حسين مش هعطلك يا غالي
سلام وسلام يا انسه ريم وانسة ليان واعملو حسابكم في امتحان المحاضرة الجاية اهوبلغتكم علشان خاطر دكتور فارس
فارس: اه دي بقي حدث تاريخي وغمزه خف علي الدفعه شوية
حسين ايه هي الدفعه بتشتكي
فارس: لاء ابدا بس انا عارف انك صعب
طيب نشوف الموضوع دا لما نخرج سلام
_________**
ريم: بتتنفس ووشها احمر
فارس هو الكائن دا صحبك ازاي دا فظيع
فارس بيضحك: الملتزم مش بيهمه
ليان بضحك ويا تري يا دكتور حضرتك بتعامل طلابك زي ما هو بيعاملنا
فارس بيعدل المراية ويبص لها والله انا مش عارف يا ليان هو بيعاملكم ازاي
بس لو تحبي يكون ليا الشرف تحضري معايا محاضرة
ليان بتضحك من اداب ل طب ياااه
فارس : احنا تقريبا نفس المجال مش بعيد عن بعض انا دكتور نفسي ومعايا اخصائيين نفسيين
ايه رايكم تبدا وتدربو معايا في العيادة علي الاختبارات النفسية وتطبيقها
ليان وريم : ياريت والله يا فارس
طيب هرتب لكم مع دكتور حسين
ليان : نعم هو معاك
فارس : ايوة هو الي مسؤل عنها في العيادة والمستشفي وللاسف بالرغم شغلنا مع بعض مش بنتقايل كتير
ريم: لاء كدا انا بعتذر يا فارس يا اخويا انا ورايا طبيخ
فارس: هو العك الي احنا بناكله دا اسمه طبيخ يا ريم
طيب يا حبيبتي ربنا يعينا عليه
ريم بتبص ل ليان مش قولتلك فارس الحنين الي بيرفع معنوياتي
اعترض يا فارس وانا هبطل اطبخ
فارس بيضحك : وعلي ايه اسف يا ريمو يا قلب فارس
هو انا اقدر دا انا رافض اتجوز مخصوص علشان متحرمش من اكلك
ليان بتضحك
بيبص عليها فارس وبيضحك علي طفولتهم
ريم : ايوة كدا مش حازم الي مبسمعش منه كلمه عدله
وبتبص ل ليان
مش عارفه دا مراته هتتحمله ازاي وطول اليوم مع المجرمين وقتالين القتله
ليان : والله الله يكون في عونه انتي متخيلة كدا دا طول اليوم شغله خطر لازم هيتاثر
فارس بيبص ويلاحظ دفاع ليان عن حازم
بيسكت وبعد شوية وصلنا
فارس :ك اقعدي عند طنط نجلاء يا ريم لان عندي شغل كتير وحازم مسافر
بس بطلي شقاوة
ريم: بتخلع اهو من طبيخي بس علي مين هتاكلة بليل
فارس : ربنا يستر ويمشي وهو بيفكر في ايه مش عارفين
_________________##
عند نجلاء
نجلاء طيبجاية جاية
ريم : انا جيت يا طنط نورت البيت
نجلاء نورتي حياتي يا ريمو
ليان ادخلي يا اختي غيري ويلا نتغدا ونذاكر
نجلاء : بالراحة عليها يا لي لي
ريم : طيب يا طنط انا جعانه اكل محترم مش العك الي بطبخه
انتي طابخة ايه يا طنط
نجلاء محشي وفراخ يا روح طنط
ريم: ممكن يا طنط الحلة اشوف استوت ولا لسه
نجلاء ههههههههههه عيوني يا قلبي غيري بس
ليان : يارب نخلص ايه دا مين دكتور حسين
ريم: يالهوي هو فين انا داخلة انا مش هنا
ليان بضحك: ههههههههه يا جبانه
ريم بتضربها وتجري وراها طب والله اوريكي
بتضحك نجلاء عليهم
ربنا يخليكم ل بعض
انا هدخل اخلص الغدا قبل عمك محمود ما يوصل
وانا داخلة ارقص قصي اغير يا طنط
هههههههههه بيضحكو وتدخل ريم
______________**
عند حازم
تمام يا فندم الهدف تحت المراقبة معاهم اسلحة كتير
وفي عربية وقفت محملة قصب
بس احنا هنهجم امتي
القائد : يا حازم بلاش استعجال انت تنتظر الاوامر فقط بلاش تهور
حازم : تمام يا فندم
ومنتظر يتابع العصابة
وفجاة
- يتبع الفصل التالي اضغط على ( رواية هي و القدر) اسم الرواية