Ads by Google X

رواية شقاء طفل الفصل الاول 1 - بقلم هدير احمد

الصفحة الرئيسية

  رواية شقاء طفل كاملة بقلم هدير احمد عبر مدونة دليل الروايات 


 رواية شقاء طفل الفصل الاول 1

 

انت ي زفت ماتقوم بقي

الطفل قام بسرعه ينط وبيقول بعياط خلاص قومت ي بابا قومت

ابوه: يلا قوم شوفلك شغلانه بدل مانتا قاعد كده

الولد بخوف: حاضر

استووووب تعريف الاشخاص

بطل روايتنا اسمه محمود هو طفل عنده 7 سنين عايش مع عيلته امه و ابوه واخته الصغيره بس دايما ابوهم قاسي معاهم وامهم ضعيفه متقدرش تعمل حاجه وتوقفه عن الل بيعمله

الاب اسمه ابراهيم اب قاسي ولا يعرف معني الرحمه

الام اسمها نوال هي ست ضعيفه وطيبه متقدرش ع جبروت جوزها

اخته اسمها اسراء عندها 5 سنين هاديه ودايما منطويه متعرفش حد لسبب هنعرفه بعدين

العيله التانيه

ياسر ولد عنده 8 سنين عايش مع امه وابوه واخواته البنات التوأم

الاب اسمه محمد رجل طيب يعرف ربنا ويراعي ربنا ف اهله

الام اسمها مني هي ست طيبه وهاديه وجميله

الاخوات البنات ساره و ياسمين تؤام عندهم 5 سنين

رجوع ل الإحداث 👈🏻👉🏻

محمود قام بتعب و حزن من قسوة ابوه اتوضا وصلي وقعد يدعي ربنا كتير انه يرحمه هو اخته و والدته من جبروت ابوه

وقام عدي علي اخته لقاها بتعيط جري عليها بسرعه

محمود بخوف: مالك ي ايسو بتعيطي ليه في حاجه بتوجعك حاجه حصلت

اسراء استخبت ف حضنه وفضلت تعيط وبتقول: بابا ضربني من غير ماعمل حاجه قالي قومي ي بت نضفي البيت وامك بتعمل الاكل ولسه بقوم راح ضربني جامد

محمود بيهديها: خلاص اهدي وقومي اتوضي وصلي وادعي ربنا كتير وانا هجبلك حاجه حلوه وانا جي

اسراء بتمسح دموعها بجد هتجبلي حاجه حلوه

محمود باس راسها وقالها ايوه ي جميله هجبلك حاجه حلوه

اسراء قامت بسرعه تتوضأ وتصلي ومحمود خرج يشوف شغل

عند ياسر🌸

والدة ياسر دخلت تصحي ياسر

مني: ياسر قوم ي حبيبي الساعه علشان تلحق صلاة الجمعه

ياسر: صباح الخير ي ست الكل

مني: صباح النور ي حبيبي يلا قوم

ياسر: حاضر امال بابا فين

مني: قام وفطر وراح يصلي يلا قوم عقبال ماروح اصحي اخواتك

ياسر: حاضر

خرجت مني من أوضة ياسر ودخلت اوضة ساره وياسمين

مني: سوسو ياسمينا يلا قومو

ساره قامت: صباح الخير ي ست الكل

مني: قومي ي بت

ياسمين: يوووه سيبني انام

ساره: مش هتقوم كده ي ماما

مني: انا بقول كده بردو ومسكت ابو ورده راحت ضربتها بيه

ياسمين: اي ي ماماهو انتي علي طول هتصحيني ب ابو ورده

مني: طول مانتي غيبوبه هصحيكي ب ابو ورده قومو يلا اتوضو وصلو وتعالو افطرو

الاتنين:حاضر

خرجت مني من عندهم وراحت تجهز ليهم الفطار

عند محمود☘️

ماشي ف الشارع تعبان وملقيش شغل وقعد يستريح وحط سند راسه علي ايده وهو مهموم

حس بحد قعد جمبيها وبيطبطب عليه

رفع رأسه يشوف مين

محمود………

 رواية شقاء طفل الفصل الاول 1 - بقلم هدير احمد
nada eid

تعليقات

ليست هناك تعليقات
إرسال تعليق
    google-playkhamsatmostaqltradent