رواية معذبي كاملة بقلم مروان فرج عبر مدونة دليل الروايات
رواية معذبي الفصل التاسع 9
المهم … واخيرا خدينا فقطي زهري كان حلوو بس انا كنت مش عاجبني وخدينا كل السوق ماخلينا شي يعتب علينا وروحنا للحوش
وكل هدا عشان كنت نجهز ليوم قبري اوووف يوم بياني يلي رح يكون بكره…..🔥🔥
خشيت لداري ونا نفكر كيف بيكون بكره وكيف رح يمشي بكل تفاصيله لين رقدت❤️
في صباح يوم بياني 💍
سناء اووووف ياربي ….انتي مزلتي راقدة نوضي وقت راهو معاش نلحقو نديرو شي ي تقوي
انا …سيبيني وخليني بحالي مانبيش نوض نبي نرقد
سناء … حال قهرتك …ان شاء تبي الناس يشوفوك هكي بمنظرك هدا يلي يخلع😂💔
انا …خيرني شن فيا ماشاء علياا حلوه ومش ناقصني شي ع قولت امي 🔥
سناء ..شنو يلي مفيكش ..شعرك يبي ساعتين عشان يصير منا ووجهك يبي ميه ماسك عشان يسقم وترجعله حيويته ونضارته وعيونك يلي يشوفهن يهرب مادام الطريق قدامه ووووووو المهم تبي اعادة تحميل من الجديد هيا نوضي بلاش جو خليني نبدا فيك عشان نكملو بكري
انا…مانبيش ندير شي عاجبهم هكي باهي مش عاجبتهم احسن ونتريح من الموضوع هدا
سناء… توا بتنوضي والا انوضك بطريقتي
انا….يا سناء ترا قولي علاش انوض من توا والخطبة في العشيه فهميني مزال الوقت هلبا
سناء.. ياربي صبرك …اول مره انشوف بنت اليوم خطبتها وفاتحتها ومهيش مهتمة ولا علي بالها الموضوع ….بس اني تو نعرف كيف انوعيك ومشت من بحداي
انا…رجعت رقدت وماكنتش عندي نيه لافي خطبه ولا في شي بكل🥺🔥
*سناء مشت للمطبخ وجابت امي معاها وقاتهلي بنتك مابتش اتنوض راهو
أمي..جت تجري ونسمع ف عياطها وعراكها قبل لاتوصل وماحلقتش تفتح الباب لين كنت نايضه 😂💔
سناء …قعدت مستغربه 😂وقاتلي هيا افطري ونبدو عشان نلحقوو ونكملو بكري
انا وووك باهي …..نزلت فطرت بعدها ركبت لداري لقيتها كلها الوان ماشاء الله سناء ماعقبت ماسك وقناع الا ومجهزته ليا
انا…شنو هذا ياسناء
سناء…هذا كله بتحطيه في وجهك يا شاطرة
انا.. شنوووو😳
سناء …زي ماسمعتي اصلا يادوب يبان فيك شي
انا.. الحمدلله حبيبتي منحتاجش لهذا كله شوية امية وصابون انصير احلا اميره ومستحضراتك ميلزمونيش
سناء..: ان شاء الله ناوية تطلعي هكي بوجه الموزة هذا
انا.. اي اكيد تعرفيني منحبش المكياج
سناء..: اي في عينك بعد شويه الكوفيره بتجي وبطلعك في احلي صورة ….متحشمينيش يابنت
انا : خليها اديرلك انتي اما اني لا
سناء…بتسكري فمك والل انادي ع امك وتجي تتفاهم معاك
انا…اوووف باهي سكتت وكنت مش متريحه بكل 💔
وسلمت روحي ل سناء وبدت فيا من فوق لعند لوطا لدرجة اني كرهت نفسي منها وامشن الساعات وكل شوي يقترب موعد بناء قبري قصدي تلبيس الدبلة ……اجواء العيله كانت زي اي عائلة عندها مناسبة حوسه وضم وتنظيم
________________________
#عند محمد
محمد…كان ماشي عشان يحلق ويترتب روحه وكان فرحان عشان يلي يبيه داره وكل شي وكان فرحان اكثر عشان تقوي ماسكرت راسها ووافقت ع الزواج بدون اي اعتراض او شي كان جوه ولا احلي من هكي
جوه… أصحابه ورفعوه عشان يحلق ومشي يلبس البدله وكل شي واتصل بي بوه عشان يعرف انا قري الفاتحه متاعه ولا مزال
___________________
عماد وخوته الزوز كملو عزي اخته مهي غادي وجو هما الثلاثه عشان يدرو علي عامر وبنت اختهم تقوي ومن اول يوصل وصلو فيهم قسموو روحه وكل واحد مشي يدور ف مكان
وعامر…عبير طرداته من الشركه ومعاش عرف كيف يدير عشان يرجع وقعدو الفلوس كل يوم يكملو منه
ومعاش عنديطه ولا قرش عشان كان يدخن ف الحشيش قعد ف الشقه متاعه ويتصل بي عبير ويترجا فيها انها تجي للشقه عشان يتفاهم معاها🔥💋
#عند تقوي
جت الساعة 6العشية سمعت صوت سيارات وزعاريط وفراقيع وعرفت بانهم قرو الفاتحة واصبحت زوجة الهم محمد ….اول ما سمعناهم خلاتي وعماتي يلي هما من عيلته سعاد وبايا عبدالجليل معاش وقفن زغاريط وتباريك ليا قريب اغمي عليا من التسليم واني مصدومة انساير فيهم وخلاص🔥🥺
واستغربت من روحي اني معدلتش ومنزلتش مني ولا دمعة وقعدت نسال في روحي زعما خلاص مات قلبي خلاص معاش عندي احساس خلاص انحكمت حياتي
ومليون سؤال وسؤال لعند ما جي خوي اكرم عشان نمشو للصاله اني واختي سناء والعيله رح يمشو معنانا
ركبت اني واختي في السيارة طبعا كنا طول الطريق في حاله صمت معرفتش ليش خوي اكرم ميبيش يتكلم معاي زعما متحشم مني …….🔥
وصلنا ونزلت من السياره وخشينا داخل الصاله واول ما قعمرت لقيت كل الحضور حاطين عيونهم فيا اتقول اول مره يشوفو عروسه وبعد ساعة من وصولي جو لعندي خوات الهم محمد وعيلته
نعرفكم علي عيلته محمد اسراء اصغر من محمد ب 3سنين متزوجة وعندها ولدين نور عمرها 20سنه تقرا في كلية الصيدلة ومهيش متزوجه
اسراء… خشت وجت لعندي اهلين عروستنا ماشاء الله طالعة تهبلي🔥❤️
تحشمت وخشيت في بعضي..عيونك الحلوة
*نور…اهلين اني اسمي نور
انا: بالجوده يا اهلين بيك❤️
اسراء.. تعرفي محمد اليوم سعادته مستحيل نوصفه يعني اول مره انشوفه هكي
انا بصدمه كيف سعيد 😳 قولتها دوم ياربي إنشاء الله
اسراء..محمد مهبلنا بيك وبي جمالك قال مستحيل انشوف وحده احلي منها والصراحة صدقتها
انا….سلمك وقعدت مستغربه ومش فاهمه ولا شي🔥😳
وبعد هالهدرزة جي وقت تلبيس الدبلة وجت ام محمد يلي من توا تعطي في شرها من نظراتها سلمت عليا تسليمه متاع هوا ولدي يبيك بس
واتصلت بولدها محمد وقاتله هيا خش عشان تلبس خطيبتك الدبله كنت متوتره ومش عارفه كيف نتصرف
كنت مقعمزه وحاطه يدي في بعضي ومش عارفه كيف بيمشي الوقت هدا كلا وامتا رح نخلص من الموضوع هدا شوي وخش محمد وكان لابس رسمي وصل وسلم ع امه وحضنها وصبه قدامي 🔥
انا….قعدت نشوفه ومركزه ف عيونه وكان عندي نيه نضربه كف تاني زي الاول يلي ضربته ومن نظرتي لي محمد عرفني محمد اني كنت بنضربه كف تاني بس ماكنتش قادره
محمد…كان يشوفيلي وهكي فرحان وعيونا يقولو جبتك جبتك ي تقوي 🔥
وانا…نشوفله وعيوني يقوله رح تشوف شي مش رح يعجبك بكل
المهم لبسني محمد الدبله وكان جوه حلو وقطعنا التورته وتم اليوم هذاا واني بنموت من التعب ….نسيت محكيتلكمش عالهدايا وبوكيهات الورد يلي جايبهن ليا علي طواقم ذهب علي عطور علي ملابس وعرم حاجات🔥
بس كانو بالنسبة ليا مايهونيش بكل ولاعبرتهم من الاساس …ورحت للحوش خشيت وغيرت دبشي وغسلت وجهي وكانو الكل فرحانين روحو وقعدوو العيلته بس قعمزت حنب بابا شوي وقالي شن جوك يابنتي وكيف كان اليوم إنشاء الله عجبك
انا…اها كويس الحمد لله
عبدالجليل…. باهي كويس بكل اهم شي تكوني متريحه وتبي الحق بوه محمد راجل من خيره الناس ودارك زي بنته وكل يلي طلبته ليك قالي موافق وماباش يعرض ع شي
انا…باهي شكرا ليه وقعمزت نهدرز معا بابا شوي
لعند الساعة 12في الليل خشيت لفراشي عشان كنت تعبان من اليوم هدا وكنت نبي نرقد وبس
واول ماحطيت راسي بنرقد رن تلفوني ع طوول 😳🔥رقعت راسي وشديت التلفون السيد محمد يتصل بيا رديت عليه
محمد ..ياهلا ….اكيد توا نقدر انقول مبروووك يامرتي😘
انا..محمد بالله اعليك تعبانه وراسي يوجع فيا نبي نرقد لو تبي شي كلمني غدوة
محمد :مستحيل انسكر الا بعد ماتقولي مبروووك ليا وليك حبيبتي
انا…محمد مش وقت تقل دمك توا ….باي بنرقد
*محمد :صدقيني لو سكرتي انجي وانحط صورك قدام رجلين بوك توا
*
انا… انت شن تبي مني خليتني نوافق عليك بالرغم من اني لانحبك ولانحب حتي نشوفك كرهتني ف حياتي خليتني عايشة جسد بلا روح حطيت كرامتي بالارض واتحكمت بكل حياتي شن تبي اكثر من هكي قولي ترا والله لو مش ع خاطر بابا مانفكر فيك ولا دقيقه🔥
وتعرفي بكري لو مش بحدانا حد راهو حصلت كف تاني زي متاع يومها عرفته 🙂🔥
محمد…هههههههه باهي نبيك تقولي مبروووك حبيبي هيا ساهله هلبا راهي انتي يلي مكبره الموضوع بس
انا… مستحيل تسمعها مني ولو كان علي موتي
*
انا…بره ديره يلي تبيه تعرف ليش لاني خلاص معاش عندي قلب عشان انحس معاش عندي دموع نبكي بيهم معاش عندي احساس ولا مشاعر 💔
محمد…. من قالك اصلا اني نبيك تحبيني ولا انحبك اني غايتي بس اني انعذبك ونستمتع بعذابك وانتي مزال ماشفتي شي مني
اناا…اوكي …نقدر انسكر توا ….ومكملتش كلمة توا الا ولقيته مسكر عليا ….
#تسريع الأحداث
مشو ايام وقعدت شبه كل يوم نشوف في محمد يااما في الكليه يااما يجي للحوش بحكم اني مخطوبه ليه وكل مره يجيبلي معاه ف هديه شكله وناخد فيهم ونرمي بدون حتي مانشوفهم
كنت ماعنديش نيه ناخد منه شوي بديت في الامتحانات وركزت اكثر شي ع قرايتي ……والحمد لله كملته امتحاناتي وطلعت نتيجتي ونجحت وشريت حوايج عرسي زي اي عروس لان عرسي بعد اسبوعين
ومرن الاسبوع يلي قبل عرسي عادي يعني كملت حوسه دبشي وشريت كل شي يلزمني ك عروس وحتي اهلي جهزو كل شي وكانو يديهم ليا مفتوحات يعني منقصوش عليا شي وقامو بيا القدر🔥
و في لحظه تدكرت امي يلي قتلها بابا قدامي هكي لانا كان احلي لحضات حياتي بالرغم من لما كنت ضغيره لما ماتت بس هك جت بين عيوني ❤️
وجي اسبوع العرس وجي يوم الحنه وحنوني وكان الكل فرحانين بعرسي مفيش حد قصر امعايا حتي من صحباتي اماني ومرام باتو عندي ومسيبونيش وكانو ايام حلوة بغض النظر عن مشاعري وعن نصيبي يلي منبيشي
يوم دخولي للقبر قصدي يوم الزفة 👰
- يتبع الفصل التالي اضغط على ( رواية معذبي ) اسم الرواية