رواية احبه و لكن كاملة بقلم مروان فرج عبر مدونة دليل الروايات
رواية احبه و لكن الفصل السابع 7
بعد ماوصلناا لقيت مرت عمي تراجي فيناا ومعبيا دوه طبعا هوا قالي متقوليش وين كنا قولي كنا ندهورو وخلاص قولته تمام
خشيت ركب هوا فوق لي داره قالي بندوش واني وقفت علي مرت عمي قتلي وينك من بكري نتصل بيك ماترديش قوتلها والله طلعت من الجامعه ونسيته صامت لي توا قتلي وين كنتو قتلها ندهورو قتلي ايواا احني واخيرا قتلها وأخيرا
قتلي شني حسيتي خالد استريحلك
قوتلها في خاطري استريحلي بس هوا
قوتلها اي وبدي كويس معاي و قالي هلبا كلام ريحني قتلي باهي شن هوا قوتلها كلام وخلاص قتلي تعرفي متقوليش نزعل راه نبي نعرف كلام زي شني تراا حب قوتلها ايواا حب قتلي باهي وقلتي عادي
قتلها نتحشم قتلي باهي اركبي فوق استريحي اكيده تاعبه قوتلها تمام
ركبت فوق لقيت مروى في الدروج قتلي مش راخياتك راه قوليلي كل شي قوتلها غير ندوش تاعبه في حوايجي من الصبح وبعدين ساهل خشيت نحيت حوايجي وريحتهم كلها خاااالد❤❤❤❤ كان لقيت معاش نحيتهم نشم بس مهانش عليا
غسلهم حطيتهم علي سريري وخشيت دوشت ولبست توته لونها رصاصي في الأبيض حلوه كانت تلاوته هادي تهبل و سرحت شعري وتعطرت حسيت اناا بيجيني لي داري
طلعت مشيت لي مروي هدرزنا شويه معطيتهاش تفاصيل من فوق بس فوق وخلاص المهم فهمت اناا خالد بدي يحبني وفرحت الحق و حضنتني وقتلي انتي احلاا وخيه
فجاء تليفوني شرين لقيته بوي قعد يهدرز عليا شويه وقالي استحشتك واني قالق نبي اروح امك متقعدش معانا بكل ديمه مشغوله من الجامعه للمصحات وقتها كله لي خدمتها المهم بوي تاعب وقالق واني زعلت عليه الحق قولت لي مروي بنمشي لي داري نقرا شويه غدوه عندي امتحان وان شاء الله نقدر نحفظ حتا كلمتين نحطهم في الورقه قتلي تمام طلعت لقيته كيف طالع من داره واني كان واضح علياا متأثره من كلام بوي وجعني الحق لاناا هوا الشخص الوحيد الي فكر فياا
قالي خيرك قتله شي قالي مش شي خيرك من زعل حبيبة قلبي قتله بوي كلمني وهكي قالي وهكي قالي قالي اهاا باهي بري خشي دارك ننزل يبيني بوي شويه وبعدين نتصل بيك قوتله تمام خشيت داري فتحت كتباتي علي اساس بنقرا واني من جيهة نفكر في كلام بوي ومن جيهة تانيه نفكر في شن صار معاي اني وخالد اليوم كان اول مره يبوسني ويقرب مني هكي قعدت حايسه في روحي لين طقطق الباب قولت خشي نحسابه مروي
فتح الباب خالد 😍😍😍
و يضحك قالي حبيبتي الصغيرونه تقراا قوتله اي عندي امتحان غدوه ومش عارفه انركز بكل قالي عادي من زيه بوك قاعد ايطاليا ياريتنا احني غير يقولك هكي مايبيش يحسسك وتقولي مستريحين واني بروحي اهني مش مدوريني تو معقوله عايش غادي معاها مرته ومش مستريحين و قعد يقولي في كلام يبي يريحني وفعلا استريحت قالي تعشيتي قوتله معنديش نيه قالي عينك نوضي ناكلو اني وايك شن رايك قوتله والله ماخاطري قالي باهي اني جعان وكان انتي ماتبيش تاكلي حتا اني مش واكل سايريني بس قوتله باهي نزلت معاه لقيت عمي ومرت عمي ومروي مقعمزين يهدرزو لوطه قالهم خالد تعشيتو قالوله تغدينا امخر قريب والله ما خطرنا كل واحد يقول معنديش نيه
قالي خلاص تعالي ناكلو اني واياك مشينا الكوجينه وتينا العشي حاجات خفيفه كلينا ياكل ويشبحلي قالي اتصدقي تفتحي النفس انتي قوتله وانتاا لما نقعد نشبحلك قداش مانستريح و ننساء وجعي
المهم كملنا ضميت الماعين و ركبت لي داري قالي تبي تقري قتله اي حتا شويه قالي تمام رغم اني مش هاين علياا نخليك لكن علي خاطر قرايتك الله غالب قتله تمام
قالي اوعديني لو كملتي قرايتك ومجاكش نوم تكلميني قوتله وعد قالي تمام خدي مني بوسه من خدي ومشي
خشيت اني درت روحي بنقرا والله ماقريت فيها حاجه صورته قدام وجهي ضحكته كلامه الحلو كله مسيطر علياا
قعدت لي الساعه واحد تقريباا وفي ايدي تليفوني نبي نتصل بيه وفي نفس الوقت مانبيش نبيه يرقد يستريح واني نفس الشي النوم في عيوني غير انكابر
قعدت شويه خداني النوم ممكن نص ساعه فقت لقيته فوق مقعمز علي حاشيت السرير قتله شن في قالي مافي شي ارقدي قتله ساعه قداش توا قالي منعرفش كيف جيتك اني امتا رقدتي انتي شبحت الساعه لقيتها الاتنين إلا
قوتله كيف رقدت مالياش هلبا قالي باهي نرقد جنبك قوتله خالد اطلع تربح معاش يصير منا النوم وبعدين يشوفنا حد قالي من بيشوفنا كلهم رقدو درت دوره اني الدنيا مهفته والصبح اول مانوض نطلع طول
يااخالد
اس اس زيدي غادي
خالد قتلك اس اعطيني شويه من البطانيه واخديتها كلها هكي
باهي يااهمي وخلاص قالي تعالى ارقدي هني انتي علي حضني مكانك حطيت راسي ومشيت في عالم تاني قالي نحكيلك قصة
قوتله قصة شني
قالي مره في بنت صغيرونه اسمها حياة حلوه زي القمر بريئا خوافه لكن اطيب وحده في الديناا كله حبت واحد وهوا مكانش يحبها لاناا غبي و معمي علي عيونه ومش عارفه قدرها وبعد مافاق من الكابوس الي هوا فيه وله يحبها ويموووت فيها ومش متخيل حياته من دونها
اني خلاص معاش نندري علي روحي لقيت روحي راقده ومعاش حسيت بشي لين المنبه يرن الساعه تماينه
حليت عيوني لقيته راقد جنبي زي الملاك في عز نومه واضح عليه مستريح خديت مناا بوسه من خده ولي اول مره نتجرئ ونبوسه بروحي فتح عيونه قالي عاودي شن درتي ترا قتله صباح الورد قالي ياصبااح العسسل والشهد ياااحلااا صباح في الدينا هادي كلها
لكن مش نايض لين نتعاودي شن درتي قتله ياسرك من غير طمع نوض قبل مايشوفك حد قالي مانبيش بوسه قبل ياحليلي وخلاص
باهي هي قربت عليه كيف نبي نبوسه تفتح مروي الباب ☺☺☺☺
حي عليااا اسفه اسفه سكرت الباب طول
😨😨قوتلك اني نوض هي باهي هكي شن موقفي توا اني حي علياا قالي باهي شن بندير هي هبلتيني في جرتك وبعدين هياا كيف تفتح الباب من غير ما تخبط تو نوريها
قوتله شن نوريها عادي بيني وبينها هيا نوض اطلع قالي باهي والبوسه
خالد بتهبلني انتاا نوض ومافيش بوسه باهي
باهي اني نايض تعالي خودي هاك شني بناخد جبدني باسني وقالي لما نقول مانبيش نطلع لين ناخدها معانها مانبيش نطلع لين ناخدها تمام
وطلع ياحليلي مناا وخلاص يهبل يعطيه دعوا ودارلي غمزه متفهم شي
طلع خشيت للحمام و لبست حوايجي وطلعت لقيتهم يفطرو لوطه ومروي تضحك هيا ومرت عمي شني زعما قتلها حي علي مروي نقتلها بعدين
صباح الورد
صباح الورد والياسمين حيوته
ومروي تشبحلي وتضحك علي نزلت خالد شبح لي مروي عادي ولا كاناا داير حاجه التقه الي عنده حسدته عليها شخصيه خليني ساكته وخلاص
قال هيا واتين قولته اي اني تمام قالي فطرتي قوتله معنديش نيه توا بعدين تو نفطر في الكفتيريا قالي تمام طلعت اني ومروي مروي قعمزت من تالي وقتلي قعمزي انتي من قدام ومن غير جو قتلها تمام قعمزت من قدام وقعدنا ساكتين طول الطريق لين وصلنا للجامعه نزلت قالي ردبالك علي روحك ولما قريب تطلعي كلميني قوتله تمام
ومروي ايواا احني من امتاا ان شاء الله تباتو مع بعض
مصح وجهك امس اول مره ومنندرش عليه لين لقيته جنبي قتلي اي واضح صدقتك
باهي علي راحتك متصدقيش
وكل وحده مشت لي محضارتها
….
….
….
وروحنا
…
….
وخالد حطنا وقال تو انجي قوتله وين قالي شويه ونجي نقولك قوتله باهي
خشينا لي الحوش قوتلهم اني بنرقد ناقصه نوم قتلي مرت عمي تمام لما يطيب الغدي نوضك قتلها لالا تغدو تو نتغدى حتا بعدين قتلي تمام ركبت غيرت حوايجي ورقدت معاش نندري علي روحي للمغرب نوضت تقول واكله طريحه متهتكه وصايره فيا حاله خديت التليفون اتصلت بي خالد رد عليا شويه ونكلمك وصكر استغربت نزلت لي مرت عمي قتلي مزال مروحش نحطلك تتغدي قوتلها لالا
ركبت وقعدت نفكر زعما خيره شن في غريبه من الضهر لي توا مروحش شن صاير معاه زعما
طلعت لي جنان شويه وخشيت بعد ساعه اتصل بيا
ايواا حبيبة قلبي انتي
قوتله وينك قالي اني قريب نوصل تو نحكيلك قوتله تمام
قعدت نراجي فيه لين وصل سمعت صوت سيارته في الجنان طلعت قوتله شن في قالي مافي شي خيرك خايفه قوتله معقوله نرقد و نوض وانتا مزال مروحتش قالي اتصلت بياا اكرام حبيبته الاوله طبعا
و قتلي ضروري نتلاقو نبي نتفاهم معاك وقتله امشيتلها قالي اي قلبي طلع من مكانه حي علياا كانا دارتله حاجه قوتله شن تبي قالي تعرف علاش اني تغيرت عليها فجاء وتبي نرجعو زي قبل قتله وانتا شن قوتلها قالي قوتلها اي تمام نرجعو
والله وراس امك ترجعو علي كيفك انتاا هواا امتاا ماتبي ترجع ترجع وامتاا مانبي تجيني تجيني قالي اي الله غالب القلب ومايرد
اهاااا باهي تمام😡😡
كيف بنمشي قالي تعالي اهني يا مهبوله اقسم بالله تهبلي لما تغاري عسسسل وووك
منهاا يااناس تهبل مرتي الصغيرونه قتله تتسهوك انتا تي قالي شن نرجعو هادي هزبتها وقوتلها كل حد يمشي في طريقه معاش نبيك قتله الله الوقت هادا كله علي الكلمتين هادو قالي تبي حتا التفصيل انتي قتله اي كل شي قالي مش مهم
لا مهم ادوي
بعدين في اليل
لا مش في اليل تواا
تي خيرلك راه شن قوتلك اني معاش تناقشيني
وخش للحوش ركب لي داره و ركبت اني لي داري وااعصابي محروقات و نبي نعرف شن صار معاه
وبعدين طبحت عليا مرت عمي حياة تعالي تعشي حتا الغدي متغدتيش كيف هكي سمعها هوا طلع لقاني كيف طالعه من داري قالي قصدك من الصبح مش واكله شني انزلي كولي نزلت كليت وركبت لي داري ومع الساعه 12اتصل بيا قالي تعالي نبيك
طبعا حياة ضروري تبي تمشي تبي تعرف شن صار معاه
مشيت خبطت فتحلي قالي مره تانيه معاش تخبطي في الجديد خشي طول
قوتله تمام شن فيه هيا احكي قالي وراس امك حياة فوتي الموضوع مانبيش نكرر الي قولتهولها خليني معاك انتي استحشتك تعالي في حضني سكتت وطاوعته حضنته ورقدت علي صدره قالي اسمعي اني معاش نقدر نصبر نبي ندير العرس ونبدو مع بعض كل يوم وتبدي معاي رسمي من غير خوف من حد لا يشوفني لا يشوفك اني نحبك حياة اني نستاحش فيك كل يوم اكتر من الي قبله ونبي نعيش معاك زي اي اتنين متزوجين كل شي مع بعض
قتله باهي اني مزال نقرا قالي وكانا اقري واني معاك لين تكملي قرايتك شن رايك قتله باهي كيف نحمل ونجيب ومع القرايه صعب والله قالي اني نعانيهم شن دخلك انتي
انتي كملي قرايتك ومعاش دخلك في شي غير كوني معاي بس
قوتله باهي امتاا قالي الشهر هادا
قصدك نبي ندير عرس من غير امي
قالي تو غدوه نكلموها ونشوفو لو تقدر تاخد ايجازه قوتله تمام
خلاص توا ارقدي والصبح ساهل قعدت في حضنه لي الصبح احلا نومه تقول في الجنه وريحته مسيطره علياا
فقت الصبح وهوا مزال راقد طلعت من الدار خليته راقد مشيت وتيت روحي ورجعتله نوضته علي السريع وطلعت قولت تو نقعد معاش يصير من المشي وقت علياا
.
نزلت لي مرت عمي لقيتها هيا وعمي يهدرزو قتلي صباح الورد حيوته قوتلها
صباح الورد والياسمين
نزل خالد فطر ع السريع وطلعناا
مروي ممشتش معندهاش محضرات وفي الطريق كلها وهوا ساكت يفكر واضح عليه
واني خايفه ليكون اكرام دارتله حاجه
وبعد ماحطتني في الجامعه لقيت الدكتور غايب عنده ضرف شدو فيا البنات نطلعو نفطرو البرا اتصلت بيه ماردش ركبت سيارته صحبتي ومشيت وخايفه حي عليا كانا ما يزعل قالت صحبتي نمشو لي كافي روزاء مشينا واحني خاطمين شفت سيارته خالد وهوا كيف نازل منها قولت لي صاحبتي اوقفي ترا وقفت قدام مقهمي تريكو مقهي معروف نزلت قعدت نشبح فيه لقيته مقعمز مع وحده حشا خلق ربي
حي حي حي حي علي حياة حي من هادي زعما اكرام شني اندير توا نوريه روحي
لالا وليت لي صحباتي ركبت معاهم ومشينا الكافي طلبو فطور واني نسحن ونفكر نتصل بيه ولا لا كيف هكي من هيا هادي
وبعد نص ساعه اتصل بيااا
- يتبع الفصل التالي اضغط على ( رواية احبه و لكن ) اسم الرواية